杏甜品 (新都會廣場)

營業中

休息中

第一次幫襯葵芳杏新店，枱面上有Q R code 下單，scan 完後，我和朋友便選擇食物，在發出時，頁面要求即時付款，並且要求輸入個人電話號碼… 因此，我和朋友便問職員，是否一定要這樣下單？但那個女職員態度惡劣-敷衍地只答了一句說話！而我們也不知道她說什麼！最後是另一位男職員從廚房出來指引，叫我們到收銀下單，我們才驚訝發現可以不用QR code！而收銀便是那位女職員！其實之前也幫襯過杏的其他分店，對杏的甜品味道沒有質疑，但這次的光顧經歷，實在讓我卻步，希望杏的高層可以重新教育一下員工，提升服務質素

幫襯過幾次，個椰子雙皮奶好好味。不過今次叫唔知點解好似有少少酸。 不過只係食過雙皮奶都ok。落order 果個女仔好冇禮貌， 好似唔想做你生意咁， 成程黑口黑面。到攞外賣，啲野食放左係收銀隔離，佢又唔叫號碼，佢自己人又走左去隔離間店。咁我咪問佢係唔係攞得，佢好串咁叫我自己攞。唔洗對號碼？其他人攞錯咁點？果陣又唔係得我一個等外賣。過一排先會再幫襯，我去食過甜品， 唔洗黑我面，又唔係就收工先去，間店又唔係超級忙。

Vicky’s eating diary 📔 2 December 2023 ( Saturday)當日去新都會廣場食晚飯，見到Almond ，裝修企理，食完晚飯之後去食招牌杏仁茶。招牌杏仁茶燉蛋白$55下圖右邊，大約碗的1/3係燉蛋白，上面係杏仁茶，杏仁茶杏仁味香濃，但比較傳統中式的杏仁糊稀，面頭有層薄薄的杏仁油，好香。蛋白方面係先燉好後，才加杏仁茶，不像平時一齊撞形成蛋白粒。生磨杏仁茶 $49下圖左，非常多有叫外賣，店舖，－個店員一腳踢，非常忙，開放式廚房見到店員接到order後開爐煮，新鮮！價錢頗貴，不過都值得一試😬

一個字、差！！！去到買外賣、態度服務！橫掂都係買外賣、諗住買來試吓！買咗三個芒果布甸返屋企，點不知全部都係壞！離晒大譜！打電話，仲要冇人聽！P.S: 本來諗住俾現金，點不知佢話唔收現金！（店舖可以拒絕收訂金？）

杏甜品地址：葵芳興芳路223號新都會廣場4樓477-478號舖甜品永遠都係第二個胃，食極都唔會夠😏～椰皇桃膠燉雙皮奶(凍)🥥$67甜品有濃郁嘅椰奶味道，唔會太甜☺️。燉蛋白非常嫰滑，入口即化😍，奶味香醇，再配上桃膠令口感更上一層樓，真係非常滋補養顏😈。椰汁桃膠芋圓木蓮凍🥣$49養生養顏甜品一定係女仔最佳選擇😈，呢間糖水桃膠同木蓮凍嘅份量非常足料🤩，應該都有1：1，木蓮凍口感好彈牙似足條啫喱，再加上椰汁味好香濃但又唔會太甜🤣，真係非常豐富超級滋潤。#nicefoodie葵芳----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #hk  #香港 #香港美食 #美食 #葵芳美食 #打卡  #葵芳 #香港口味  #隱世美食 #隱世小店 #半價優惠 #人氣餐廳 #人氣美食  #香港好去處 #甜品 #中餐

芒果無芒果香味，杯野仲有啲腥味，整嗰個究竟有冇自己試到味道架，可以整得咁難飲，你都頂瓜瓜囉，同我前一日去杏仁芒果差好遠，今日見第二杯半價先試吓，點知就中伏，芒果整到咁難食，你都係第一個

見有酮友話食得,就去試下,問個staff, 係咪生酮都食得,佢話唔知咩生酮,咁我問你用咩糖,佢又話唔知,結果識得去問廚房,話係桂花糖水,咁我問係咪唔係白糖,又唔知,仲要話寫得低糖就唔係白糖,邊個話低糖即係唔等如用白糖?d職員又係度講頭先見到人去廁所冇關門,睇住人地去...想點呀,我食緊野㗎我有食晒個蛋白杏仁茶,但個蛋白底好似加咗大菜糕咁,個杏仁茶係食落好甜,完,冇下次

💛IG : no_ble.foodie葵芳出名去掃葵廣小食，但可以坐低慢慢食既甜品舖就冇乜新都會廣場有一間主打低糖健康、無添加甜品環境坐得都幾舒服，空間位間寬敞有養生套餐，採用日本甜菊糖，岩哂鐘意食甜品但又要減肥既女士們入去坐低後用QR code落單，即刻用app比埋錢過一陣甜品就送上🔅 椰皇湯圓燉雙皮奶 $69雙皮奶可以選擇椰汁或杏汁底，我選左椰汁湯圓都有多款口味選擇，我揀左花生芝麻餡每碗有3粒湯圓，裡面有好多花生芝麻餡燉奶唔會好甜整個味道幾好，不過定價$69就覺得有點偏貴

當日本身想去某店食榴蓮乜乜風，但係食白果，失望之際見到杏甜品有榴蓮冰！二話不說點咗啲榴蓮甜品試試，一試，發現我搵到寶藏小店！總評一下：😋食物質素： 9/10 （足料，好食，用心做甜品，良心甜品店）🤠環境衛生： 8/10（正常小店環境，枱有點小）😀服務態度： 8/10（好似開業無耐，有少少亂）😋性價比：8/10 （足料同味道值呢個價錢，消費滿額仲有券送，記得睇資料問店員）🥰餐後滿足感：8.5/10 會再次光顧，試試主打的杏、椰甜品。

職員打錯單收多錢唔出聲，而且態度惡劣，唔會再幫襯！事源我地搵位坐低之後，完全冇職員收盤，都算啦。咁我地咪行去門口收銀落俾錢，叫左兩碗糖水，當時係男職員做收銀。然後我拎住張單坐低，男職員就主動行埋黎問我係咪堂食？我話係（原來佢打錯單打左外賣）咁好啦我食飽走左架啦，行行下街突然醒起，係wo點解好似唔岩數？糖水係49x2，但收左$102，貴左4蚊。咁我地咪行返轉頭睇返個menu, 原來外賣盒係每個+$2，咁即係男職員打錯單冇退返錢俾我啦。（我初時都以為可能係男職員當時唔記得要退錢）咁我咪搵返男職員講返，然後佢一句唔好意思都冇講，好似聽唔到我講野咁，直接望住另一位黑口黑面既女同事講：「你退返$4俾佢啦。」女職員又係出色，粒聲唔出，黑哂面咗退錢俾我。我差d以為自己係咪做錯咩事定係佢地仇人…?公道講句，$4好少事，我知void單好麻煩，如果男職員行埋黎知道我堂食果陣，問我介唔介意張單出左唔可以退錢，我真係唔介意俾多幾蚊。但完全冇人提我，咁同呃錢有咩分別？呢間鋪食物係好食既，但呢種服務態度同埋呃錢行為，真係好趕客，真係唔會再幫襯。另外如果大家幫襯都要留意下，會唔會又有職員唔小心打錯單或者收錯錢

甜品好多人鍾意食，要食得健康又好味，首選「杏甜品」，標榜不加添加劑、低糖甜品👍龍眼爽冰～冰冰涼涼有椰果肉係面，有粒粒爆漿龍眼味圓子，杯內有龍眼冰，冰內有完粒清甜龍眼肉，多層層次清甜濃郁龍眼清甜味～夏日消暑甜點🍮貓山榴槤爽冰～濃郁榴槤果蓉，啖啖榴槤肉，配上粒粒甜甜爆珠，榴槤冰冰加上合時貓山榴槤肉，滿足榴槤哄 👍店舖小小坐位不多，越夜越多人幫襯，但店員似乎人手不足，未有任何招待，點餐用QR code、拎水亦是自助，付款亦要待店員在廚房出來才有人收錢🤔

夜晚7：45用餐，唔多人唔洗等位。餐廳係用QR code落order ，但個QR code係用唔到嘅。叫咗落order等成10分鐘都冇人過黎落order。 野食唔算等好耐。但埋單收錢就要等成五5分鐘，先收錢。服務勁差！！！黑口黑面，十問九唔應都算。嘢食又唔係話特別好食。唔會再食。

呢間純素甜品店主打無添加、低糖份、低卡路里嘅甜品，啱晒鍾意食甜品又怕肥嘅我😂▪️椰皇雪燕燉雙皮奶可以揀椰汁或者杏汁，我揀咗椰汁。用原隻椰皇燉，椰汁味香濃，雙皮奶滑溜，仲有唔少雪燕。食到咁上下可以刮埋啲椰皇肉嚟食，輕輕力已經刮到，椰皇肉夠厚有咬口。整體真係唔會好甜杏甜品📍葵芳興芳路223號新都會廣場4樓477-478號舖📍尖沙咀加拿分道40-46號香檳大廈地下6號舖📍旺角豉油街25-31號地下3號舖

分別光顧過尖沙咀及葵芳分店數次，葵芳店的質素明顯差得遠，外賣明顯份量較少只有一半(尖沙咀店的外賣至少放滿三分之二，最重要是亦可喝到杏汁），葵芳店的外賣每次招牌杏汁波波爽冰木蓮凍一整兜很難喝到精華杏汁.....另外叫了原桶家庭裝木蓮凍($74)，叫得家庭裝見到個份量心諗係有幾唔捨得俾多少少

之前系尖沙咀果邊見過尼間糖水舖好多次，每次都好多人！唔太鍾意排隊的我緊係冇排啦！今次見到葵芳新都會開左間分店，環境乾淨舒服，燈光又好充足！位置唔算好多，但勝在夠闊落。尼間都一樣逃不過排隊的命運。聰明的我緊系上Openrice落單，行陣商場就已經有得拎，正！🔹呂宋芒椰木蓮凍（凍）＄68尼款甜品，口感軟綿再帶點爽口，加上芒果雪芭係另放，外賣果陣都唔怕俾木蓮凍沖淡。🔹椰皇桃膠燉雙皮奶 $67凍同熱 - 我揀凍！另外椰汁/杏汁 - 我揀椰汁。再用$12加配埋小丸子。口感更加豐富！