杏甜品 (豉油街) (已結業)

得知杏甜品在旺角開咗新鋪，趕緊過嚟撐個場，試吓新推咗的木蓮冰，感覺好似燒仙草，小芋圓幾隻顏色，賣相好靚。👉🏽招牌杏汁波波爽冰木蓮凍💰65HKD（自選爽冰1款，4色小芋圓，青鑽，杏汁）5款爽冰可供選擇，分別是榴連、蜜瓜、士多啤梨、芒果、龍眼。雖然都好吸引，不過我哋最後都係揀咗榴槤味.四球榴槤🤭正吖爽冰慢慢溶在木蓮凍裡，味道融合而又特別，尤其對青鑽有興趣，口感外爽內糯，非常特別！👉🏽赤豆小丸子杏仁茶吸吸💰45HKD做為杏仁控，最愛就係杏仁類飲品，而揀赤豆小丸子杏仁茶吸吸，就係因為佢杏仁味濃厚，口感細膩順滑，加上紅豆的份量也很足夠，間中咬到小丸子，煙煙韌韌，口感豐富，甜度適中。

小弟甚少出嚟旺角，怕人多，出親嚟就喺行「女人街」、「波鞋街」，主要都喺添少少裝備。而出開嚟都會周圍打個轉，每次出嚟都發覺開咗好多新餐廳，行到嚟豉油街，睇見呢一家以杏仁為主題、門面好清新嘅港式糖水鋪，晌門口望兩望，覺得啲款式又幾特別，所以，膽粗粗一試。裡面地方細細，一室以白色為主調，加上木系枱櫈，裝潢清新，明顯對象都喺一眾年青人。此外，開放式廚房，睇到師傅仔整甜品，睇到裡面衛生企理。晌門口睇以為唔多嘢，入到去坐低，再慢慢睇個餐牌，原來有幾多選擇，話港式糖水鋪，但賣嘅款式都有亮點，類別包括足兩燕窩系列、椰皇燉雙皮奶系列、鮮果爽冰系列、杏仁茶吸吸杯系列、水果吸吸杯系列、木蓮凍系列、傳統港式糖水……等等。此外，更有一組「杏」福加配，可以選擇額外加配心水食材。芒椰木蓮凍 $62一心一意入嚟試木蓮系列嘅糖水，小弟都算食唔少甜品啦，木蓮都喺第一次聽，所以甚好奇喺乜嘢，而揀呢款喺因為有芒果囉。以木蓮凍做底，並配搭上芒果爽冰、芒果粒、4色小芋圓、椰果，大大份一大木碗，又灑上少少杏仁碎做裝飾賣相非常討好。咪諗住賣到六十幾蚊好似好貴，其實，份量都夠兩個人「些牙」架。先試啲木蓮冰，與其話似仙草，個人覺得似龜苓

《杏福滿滿🥰》———————————————-#杏甜品 🍮-之前都有食過尖沙咀本店，呢間人氣杏仁主題甜品鋪啱啱進駐咗旺角，裝修新淨～小店一直都嚴選健康純天然食材每日本地鮮製，用天然果糖去製作出低糖健康嘅甜品🌰-❄️ 芒椰木蓮凍呢款係新產品木蓮凍系列，好大碗，芒果爽冰口感綿密，清熱一流，感覺十分清新，上面除咗果肉仲有芒果肉、椰果、仙草，幾有咬口😘 芒果用上菲律賓呂宋芒，味道香濃，果肉厚滑，清甜無渣，非常新鮮😍-🤍 椰汁椰果西米露白雪雪嘅一碗糖水甜入心，椰汁味好香濃，配埋有嚼勁既椰果同西米露，口感層次好豐富～-🥭 楊枝甘露杏仁奶凍吸吸呢個係標榜飲得到嘅甜品，一杯飲品入邊就有齊晒楊枝甘露同杏仁奶凍，層次豐富，而整體嘅甜度亦適中👍🏻-⭐價錢參考：芒椰木蓮凍：$62楊枝甘露杏仁奶凍吸吸：$49椰汁椰果西米露：$39🍌抵deal 指數：7/10💰人均消費：$75

夜媽媽想食糖水發現旺角都唔係好多選擇，附近好多都好多人，見呢間分店新開就黎試吓啦 之前喺尖沙咀都見到呢間店，但好多人就冇等到。店面堂食座位唔算好多，座位間都比較擠擁。去到咁岩滿哂，要等一張枱先入得。喺門口睇緊menu時，店員都好用心推介有咩好食。不過可能新開張同我地太夜去到，好多野都賣哂啦 好好彩叫到最後一個椰皇揀左湯圓椰皇，湯圓都有幾種味揀，+$10可以雙拼。我本身揀左花生湯圓，不過可能店員聽錯，比咗芝麻湯圓。不過芝麻湯圓都好味，係食到粒粒芝麻texture同芝麻香，味道唔會太甜，湯圓皮煙韌唔會太淋易散雙皮奶都好滑溜，好香奶味，連埋椰皇一齊食清清地好好食龍眼冰好似以前聰少/聰嫂甜品果個，係有椰果、西米同龍眼冰。西米係爽口彈牙咁，好正 龍眼冰好濃郁龍眼味，一試就知足料

之前已經好想到訪佢哋尖沙嘴店，依家旺角開咗新分店就急不及待去試吓🤭·<招牌杏汁波波爽冰木蓮凍> ʜᴋᴅ 65新品木蓮凍系列✨木蓮凍係用木蓮籽製作，店員話會健康啲，食落似仙草🖤可以自選一款爽冰，我哋揀咗龍眼味，係店家自己用新鮮生果製成㗎🍒仲食到啲龍眼肉😍另外好有驚喜嘅係青鑽，外層似爆珠，但入面反而似糯米咁軟糯，真係好得意🤩本身唔太鍾意食杏汁，店家好好哋幫我轉咗椰汁，夾埋龍眼冰仲好食🥥·<椰皇貓山皇燉雙皮奶> ʜᴋᴅ 75原個椰皇呈上🥥表面淋咗好厚嘅椰漿，下層係嫰滑嘅雙皮奶🥛椰香同奶香都好夾😉貓山皇另外以一球榴槤冰咁上，好多果蓉好濃榴槤味🤩我哋仲加咗ʜᴋᴅ 10加配抹茶湯圓，雖然同椰皇貓山皇唔係好夾，但佢係另外用桂花蜜煮過，唔會撈埋一齊所以可以分開品嚐😝中間嘅抹茶流心頗有抹茶味🍵對我嚟講稍甜咗少少🤏🏻餐廳仲有其他特別口味嘅湯圓，下次都要試吓🤪

呢個新開港式甜品真系要推介俾大家🤤🤤好正，用料正，又勁足料🥰🥰佢哋而家仲有三個新張期間優惠：真係要襯抵去試吓1:消費即送迷你木連冰一份2: Follow 社交平台再送三文治配料卷一張3:會員充值$300送$300（如此類推）即係半價😝😝我都唔小心join左由於我同朋友都係榴槤控☺️☺️所以我哋嗰日第一時間揀咗一個椰皇貓山王燉雙皮奶及點左佢地既招牌木連冰試吓🤭🤭兩個都好正，絕對可以再次光顧🤤🤤🤤椰皇貓山王燉雙皮奶好癲，佢哋嘅貓山王真係勁香，離遠都聞到🤭🤭雙皮奶好香椰子🥥味，椰皇經過加熱，椰肉超容易起出嚟食，好滿足😋招牌杏汁波波爽冰木蓮凍初時唔知咩係木蓮凍，原來同仙草係勁相似☺️都好好食😋配料仲有好多迷你嘅芋圓、青鑽同埋濃郁嘅杏汁👍本身係配一款爽冰，但係我加咗$10決定試四款🥰推介📌 杏甜品 (旺角)旺角豉油街25-31號地下3號舖

《Almond dessert》之前喺尖沙咀分店同朋友食過一次，依家喺旺角都開咗間分店，佢哋採用果糖代替普通糖，食落冇咁甜，甜品都可以食得健康D↬↬貓山王榴槤爽冰 $59整緊嘅時候已經聞到榴槤香，真材實料，面頭係榴槤肉，味道濃郁，底下係榴槤冰，好有口感↬↬芒椰木蓮凍$ 62大大碗，材料勁豐富，有芒果爽冰、芒果粒、4色小芋圓同埋椰果，木蓮凍軟滑，清熱又解暑，新鮮香甜嘅芒果粒配上煙煙韌韌嘅小芋圓，口感味道一流↬↬黑芝麻湯圓 $36外皮係比較綿密嘅糯米口感，黑芝麻香味濃郁，甜而不腻