李錦基越南飲食 (已結業)

啟豐商場之中，李錦基這間小店，十分有人氣，午飯時間，坐到出門口。我選了咖哩牛腩檬$39，好快送上黎，有咖哩的香又有少少辣，牛腩切成條狀，煮到好軟腍，仲有一條充滿膠原既淋滑牛筋添，附有幾塊有薯香又入味的薯仔，餸料份量十足，好抵食，唯一有少少意見係檬粉索水都幾快，個粉又熱，自己食唔到咁快，追唔上進度，食食下有d 變成撈檬咁。朋友的香茅豬扒飯$37，睇落豬扒又薄又瘦又乾，但食落原來都幾腍，但是調味太咸了，而且豬扒飯就只得豬扒同飯，有點寡，連汁都無，只比左d 酸甜汁撈飯。越式炸春卷$45，有六件春卷，生菜同甜酸汁，春卷令人喜出望外，外皮唔係死硬死脆，而是鬆化的，內裡餡料像扎肉碎，但是混雜了一些似雲耳的材料，自家製，很特別。生菜十分爽脆，用來包住春卷食，美味得不得了。跟餐+$7/杯 有椰汁紅豆冰同涼粉冰，紅豆煮唔溶，仲一粒粒，但椰汁好香，這價錢我收貨了，涼粉冰則較甜，像吃糖水般。

因工作關係，午飯時間在屯門碼頭附近，那邊商場食肆很多，天時熱吃碗湯麵也可消暑，剛好行經一間越南餐廳，馬上找個位坐下。可能是午飯時間，店內外也坐滿了附近上班及學生們，先點一個必食之選"香矛豬扒湯河"食物很快上枱，先品嚐一口湯，味道很鮮明顯係雞湯，再試河粉也很滑，豬扒比較薄，香茅味不足，但味道剛好。另外，香料不似以往的越南湯麵，沒有香葉、香檸... 也沒有芽菜。稍為省略了重要越南湯麵配菜，不過也會再來品嚐其他美食

本人一向熱愛越南食物,在Openrice上看到李錦基口碑好像不錯,便順道試試。叫了雞翼飯和豬扒飯各一碟,雞翼味道還可以,平平無奇。失望的是豬扒肉質相當差,感覺非常唔新鮮好難食,只吃了少少。不午茶時段也沒有優惠,每碟飯36元,沒有飲品奉送,比對食物質素下價錢相當昂貴,只能說不要盡信食評,不會再光顧。

我自己少食越南野不過跟朋友冧住試下一間佢相熟唔貴又好食炸野多，可能有啲熱氣不過香口野啱哂我牛油雞翼，鬆化，熱食好香口蝦春卷，新鮮爽口原隻蝦香茅豬扒，唔乾，香茅味正焗大頭蝦非常正

最愛佢的咖哩牛腩／雞河！本來都只會食佢的咖哩雞飯／咖哩牛腩飯一次無意中聽到里面伙件讚一個熟客識食又叫咖哩牛腩／雞河！聽完咖哩牛腩／雞河 感覺好奇怪！ 但都話到識食就決食試一試！一試愛上了！！！！10次有8次都會叫依個。另外燒牛肉／豬扒飯都好食！但你堂食好拉，有2次外賣拎走，一打開成盒都係（火羅）豬扒真係欲哭無淚，之此就5敢外賣

今日去屯門碼頭沙灘泳水。當然要义电。行到屯門碼頭穿過商場。內有很多食店行左一陣……都係越南菜。有兩間边間好呢？ 我選左李錦基。我都係第一次食。因店内很多人已座。好多野食我選了香茅雞翼湯檬！！！好懷舊……落單紙登登終於黎……😊當然一口咬隻翼雞翼外觀很脆，好重香茅味,係全熟及咬落骨頭位沒有深啡色的東西👍👍👍👍👍！(因為平時食雞翼裏面近骨位仍是紅色)湯好味，味道剛好👍👍👍👍檬粉份量剛好，而有口感👍👍👍真是值得一試這。是。我的假期午餐

喺屯門碼頭附近，朋友介紹去食呢間食店，12點幾已經有好多人，喺呢個舊舊地嘅商場入面，感覺好地度我叫咗個蕃茄牛腩湯濛，都好新鮮，重蕃茄味，個牛腩係一片片，唔怕＂un"加$6就有杯越南滴漏咖啡，我當然要試下啦，就咁飲其實都幾苦，個練奶底都幾多，攪一攪加埋就剛剛好，下次可以試下個鷄翼，都幾多人食㗎！

叫左呢個香茅燒豬扒飯，以前有食過一次，已經覺得好好食！豬扒好"諗"，好入味，飯都煮得好好，唔會太硬，加埋個薑蔥油，送飯超正！個環境就唔係太乾淨，但係以咁ge價錢，算係咁架啦，都算成正比，會再試！

啟豐商場內有很多小餐店,除了麵包店之外一所連鎖店也沒有.而且因為價錢便宜,吸引附近的中小學生幫襯,午飯時間人來人往.其中這家李錦基以越南菜為主,可能位置較正當眼,所以亦是較多學生光顧的一間!趁著工作量不多的一天與同事一同前往一試!就只講講我所點的香茅豬扒河粉吧,($33)豬扒大塊而且薄薄的,雖說香茅味入味,但肉質煎得又硬又乾,一絲絲的質感不太討好.明顯預先煎好等客人ORDER返熱的.於邊位的肉完全未熟...不小心一點可會吃壞肚子.河粉方面卻比較討好,因為總不會不熟吧.跟得較足的是所有魚露汁醬都一定齊全送上!貪心地點了一杯滴漏咖啡,(照片欠奉)但送上之時己滴去大半,失卻了要等待那慢慢滲出的咖啡香濃的原意了.為了這點兒玩意兒而要多付六塊,真的倒不如要杯正常的咖啡好了其他同事的食品也都是平平無奇,亦不在此詳述,但作為學生快餐價錢,此等質素還可以接受吧.

我地由大澳坐船回到屯門碼頭，就去了啟豐尋找晚餐，內裡好多食店，邊到人多就入內幫襯，揀了燒牛肉飯…牛肉又幾野味，送飯一流，如果有埋配汁就仲好。炸雞翼河粉…湯底味道淡，河粉就軟滑，雞翼就麻麻，仲有係無得加幾元送飲品，可以改善我就會回來吃。

春卷凍檬 $27 + 凍飲加 $2香茅豬扒凍檬$27 + 凍飲加 $2魚露冇放枱面任用，係跟檬另上，只有2小碟 不過整體OK，份量唔細又抵食，算係午餐/下午餐嘅好選擇~

雖然價錢係貴左不過呢度係既食依然食得過!凍檬，佢肯比魚露，加埋一齊真係好好食個人最愛香茅雞翼+凍檬，魚露可以令d雞翼無咁熱氣仲有炭燒牛肉飯，炭燒牛肉點魚露又係超好味係一個食越南野唔錯既選擇=p

２００８／８／２４下午茶要吃一個速食下午茶，這裡就合心意了。天氣熱熱而且肚子又不太餓，就要了雞絲凍檬配熱華田。幾分鐘就到，檬粉和配菜也是大灌的多，很喜歡香花草帶出那陣突出香味，雞絲肉質不是滑又不是鞋，味道是淡淡地的，配上醒胃魚露就剛剛好。廿三元可以吃到超飽的，記得只在下午茶時段才有啊﹗

２００８／５／２５下午茶下午在市中心看完戲，就回流到碼頭這邊，解決下午茶這個問題。也說過，今時今日啟鋒商場的下層，已「倫為」飲食天堂了，日式﹑台式﹑港式﹑中式等等，一應驅全。當經過李錦基門口，才醒起近年來她們開始提供下午茶時段，趁今天機會難逢(?)就閃入去了。不過，下午茶意思只是將某堆平時散叫食物的價錢平點點，再跟多杯飲品，比起正價來幫襯，其實算經濟得多了。分別要了兩個凍檬，一個是香茅豬扒，另一個是香茅雞翼。先說說份量，估不到會這麼大碗，無論肉類或檬粉，也是成堆上，如果食量少或者不太餓來吃，幾乎兩人分享一個也可以。越式粉麵方面，本身較喜歡吃凍檬，是因為有很多瓜瓜菜菜吃，清新爽口，這個當然也一樣，不過，吃到一半發現加入了「香花草」，很少有。檬粉雪得夠凍，略嫌發得未夠散，很多一舊一舊的，而加入了蒜蓉大辣椒粒粒的魚露也很香，一貫的味道。肉類就一般，豬扒薄，肉鞋，雞翼炸到外面很乾不過內裡的肉保持到幾滑，香茅味就不太突出，真的勝在夠多。下午茶，食得過。