李師傅 韓國料理

營業中

休息中

【九龍城韓食】李師傅韓國料理 🍜 平時去九龍城食泰菜就多～完全冇留意到附近原來有韓國菜！整體感覺幾地道～餐廳環境乾淨企理，服務態度好好，兩位姨姨有有禮貌～仲會keep住留意你啲水飲曬未🤓🍜 炸醬麵炸醬醬料份量啱啱好，撈勻麵條食落香濃，帶有微甜～麵質彈牙唔會過淋，仲配左幾片黃蘿蔔🥕食完唔會覺得膩～🍚 肉骨湯飯見到差唔多每台都有一煲～就心郁郁想試😝用石鍋上可以keep到湯底夠熱！！肉骨煮得軟腍入味✨配埋白飯同湯汁一齊食好暖胃☃️🥟 泡菜豬肉餃子$28竟然有六粒餃子😱係而家嘅香港真係買少見少😂餃子皮薄唔會成口粉，泡菜微微辣好開胃～作為小食一流～～～

今日放工去九龍城搵食，行咗幾個圈，見到呢間小店，外表裝修簡單，但見到餐牌同食物相片都幾OK，所以入去試試。😊入到去職員服務好有禮貌招呼，坐落嚟睇到餐牌見到價錢都很平民，亦眼見隔籬枱的份量亦正常。我地分別叫咗辣嘅冷麵、紫蘇油蕎麥麵，再加碟拼盤餃子。價錢完全唔貴，食物賣相及質素可媲美連鎖韓式餐廳🙂。首先嚟到嘅係紫蘇油蕎麥麵， $58嚟講呢碗麵都算幾夠份量，食落去蕎麥味很重👍🏼。之後嚟嘅拼盤餃子有4款，分別不同餡料（但我不太確定入面餡料是什麼😅），憑味覺覺得大概係泡菜餃子、豬肉餃子同另一隻肉味好濃既，應該係牛肉餃子😅。呢度既餃子沒有好重味精，好有小店煮食味道🥹，我喜歡😊！另外，我碗辣冷麵附有一片肉同半邊蛋，麵很幼細，味道亦不錯，主要一提係，如果唔係好食到辣都唔好食辣冷麵，因為我覺得真心辣😛！ 或者加上我食埋佢啲泡菜伴碟🫨，辣在口🤭！由於今日食唔到咁多，下次我哋會打算食佢炸雞，因為價錢真係好抵$99有半半炸雞。同事，仲有其他人蔘雞等招牌韓式料理🤭！

𓆻 𓆻 𓆻最近和友人到九龍城找吃的，一向素知九龍城是小泰國，但偏偏我們想吃韓國菜。接着有一家新開的韓國菜吸引我們眼球，鮮黃色的招牌寫著「李師傅韓國料理」，店子裝修樸素，很有家常小菜的風格。𓈅 釜山豬肉湯飯 $68豬肉湯飯湯頭清淡，豚骨香氣中帶點胡椒香。店員還附上一小碟鹹鮮蝦乾讓我們自行調味。豬肉薄嫩，肉質不柴，好吃。𓈅 蔘雞湯（半隻）$88蔘雞湯同樣帶點胡椒香氣，雞味濃郁，雞肉入口即化。加上大蔥、糯米等配料，惹味之餘，亦非常滋補。𓈅 泡菜豬肉餃子 $28個人私心推薦！這裏的泡菜豬肉餃子是蒸餃，餃子皮薄帶點煙靭，內餡足料，香辣惹味，忍不住一個接一個的吃。這裏裝修簡樸，價錢親民，店員阿姨們態度勤懇，就是很有韓國住家小店的風味。𓆻 𓆻 𓆻

九龍城咁多嘢食，行過呢間韓國嘢，見佢都幾旺場，就入去試吓。😌宮廷炒年糕🥩個宮廷炒年糕唔辣，佢哋用韓式牛肉個汁嚟炒，所以味道比較甜，同埋多汁。年糕就幾煙韌，啱晒唔食得辣又想食年糕嘅朋友豬肉湯麵🍜個豬肉湯麵啲麵身好幼，幾滑。湯底就比較清淡，唔會太濃味。無骨炸雞🐔無骨炸雞份量幾多，炸到夠脆，送酒一流！👍 可以同朋友一齊 Share 食。🤝總之，呢間韓國嘢都係一間普通嘅街坊餐廳，味道唔算話好出色，但都算係咁。如果你想喺九龍城搵啲方便快捷嘅韓國嘢食，可以考慮吓呢間。🙂李師傅 韓國料理地址：九龍城福佬村道20-22號學林軒地下A號舖 📍@chillchill_aloye#九龍城美食 #韓國料理 #炒年糕 #豬肉湯麵 #炸雞 #街坊美食 #香港美食 #食評 #相機食先  #香港特色 #美食推薦 #食好西 #hkfood #香港美食 #foodiehk #foodpics #hkfood #foodstagram #foodie #hkig #igers #foodblogger #foodislife #hkfoodie #hkigdaily #hkeat #foodie 📸

店舖位置距離宋皇台站近，位處大街唔難搵。店舖為小店風格，店員有禮溫馨。閒日夜晚唔少街坊幫襯，唯一小瑕疵係因此等得比較耐，但店員再忙都會幫手refill茶水。 ✦ 石鍋烤牛肉拌飯 好睇又好食，佯菜砌到靚靚，有冬菇、菠菜、紅蘿蔔、芽菜等，撈埋一齊食韓式辣醬食，少少辣好惹味。石鍋令飯嘅溫度一直keep住，食到尾都熱辣辣，仲要有香脆飯焦。 ✦ 豬骨湯飯大大舊豬骨，有成三舊，煮到淋淋哋幾易咬，但仲keep到豬肉味唔會柴。胡椒係肉眼可見地多、加埋本身辣，令湯水好暖胃，啱晒冬天飲。 ✦ 泡菜豬肉餃好食，泡菜個人覺得幾辣，喺舌尖嗰種辣，好惹味。豬肉量多，令餃子變得比平常大隻。皮有彈性，整體口感很好。 親民嘅韓式小店，價錢唔貴，埋單兩個人兩舊水有找。

店員🇰🇷親切有禮又細心, 主動幫你添加小食，服務加分✨ 環境寬敞, 坐得舒服這家的確不錯， 真係好有韓國傳統家庭料理的感覺，吃得出味道天然冇加味精一坐低店員 就提供三款小食泡菜:好香爽脆,少少辣🌶醃洋蔥:酸酸甜甜芽菜 :好開胃😋參雞湯 (半隻)🐔湯底濃而不膩，雞內滿滿的糯米，糯米吸盡雞湯精粹，軟嫩雞肉，雞肉同骨都熬到入口即溶🙀 大癲 大愛♥️宮廷年糕第一次食，不辣又有營養，適合不愛吃辣的人裡面有冬菇絲， 牛肉，洋蔥等等，年糕煙靭有咬口，又掛到牛肉湯汁， 食出另一番風味。紫蘇油蕎麥麵清爽開胃， 用醇香的紫蘇油拌成，好香、好爽口！

這間韓國料理有點家庭經營感覺，簡約溫馨，價錢非常親民。拼盤餃子（$58）泡菜豬肉餃子、肉餃子、大餃子、排骨餃子各有三隻，非常抵食。韓國餃子皮薄而滑，味道比較清淡，蘸辣椒醬就非常惹味。石鍋烤牛肉拌飯（$88）韓式牛肉沒有太多脂肪，但入口嫩滑有牛肉味。加上豐富拌菜：蘿蔔絲、翠玉瓜絲、蛋絲、芽菜和煎蛋，熱辣辣，吃完全身溫暖。喜麵（$48）韓國喜麵是一道熱湯麵，以細滑的小麥麵搭配魚乾和海帶熬製的上湯，口感柔順，湯底清香。配料有肉碎、蛋絲、豆芽、菠菜等。原本味道清爽淡雅，拌勻辣醬後則變得香辣可口，層次豐富。我第一次吃便愛上了。甜米釀（+$8）熱柚子茶（$0）

今晚去九龍城同屋企人食飯，平時食泰國菜食得多，今次想食下韓國料理，咁岩見到呢間李師傅韓國料理，都幾爆場，去等下位入去食先。我地叫左份半半炸雞🩷🩷🩷🩷🩷佢係原味炸雞拼甜辣炸雞，我覺得兩樣都好食。各有特色。原味炸雞就咁食都好咸香夠味，食得出有醃過。甜辣味佢係甜甜地再加左啲韓式辣醬，唔會太辣，同埋佢份炸雞炸到好juicy唔會乾柴又多汁，而且份量夠大同我地即叫即炸。好正！雖然好爆場又多單我見佢哋，但質素都好好👍🏻店員服務都好好，雖然等左一陣間，但見佢地忙都保持笑容對侍啲客人值得讚賞。石鍋烤牛肉拌飯 🩷🩷🩷🩷🩷呢個拌飯蔬菜好足料，同埋啲牛肉煎到好夠，又唔會硬，同埋個蛋煎得岩岩好有流心架！而且個飯既底邊有啲飯焦好香口，加埋啲韓式拌飯辣醬好正！甜甜辣辣。呢個好岩我呢啲平時好少食菜既懶人😂我地都叫左2支汽水飲，食炸雞梗係要配汽水先過癮啦！呢個係定律😂無諗過呢間新開既韓國店真心好食，同埋價錢又實惠，兩個人share我食都飽到食唔曬，同埋啲配菜都好好食。

相約友人到九龍城吃飯，路過見新開韓國菜進去試試，座位寛闊舒適三小碟：麻油菠菜，泡菜和白羅白絲可以任添的小菜，麻油菠菜很香，泡菜酸中帶辣，味道適中豬骨湯飯 $78天氣冷想吃點湯飯，豬肉帶脆軟骨，肉味濃郁，有三四件而且大大件，裡面有些娃娃菜吸湯，相當滿足烤牛肉蓋飯 $78烤牛肉奄得軟冧入味，甜甜的帶芝麻香氣，貼心地在白飯裡加了肉汁，非常下飯甜辣炸雞 $58/6件超值炸雞，外脆內嫩熱辣辣，甜辣汁惹味，如果點原味炸雞是$48/6件，更加超值總括來說，性價比非常高的平民韓國菜，會再來

九龍城區一向都係泰菜的集中地，想不到有這麼傳統的韓國菜。韓國菜不少得的小菜，這裡的小菜味道比較清淡，泡菜都不會太辣。炸醬麵 HK$78麵質Q彈，炸醬咸度剛好，是韓國的味道。而炸醬麵配的小菜是黃羅白。釜山豬肉湯飯 HK$68湯飯比較清淡，加了咸蝦仔就味道剛剛好。一口湯一啖飯，非常暖胃。豬肉湯飯的小菜是泡菜羅白。甜辣炸雞 HK$58非常鬆脆，外脆內juicy，而且是無骨炸雞，吃得非常滿足。而炸雞的小菜是配白羅白。每點一個菜都有一樣不同的小菜，這就是韓國菜的人思吧。

今日去左九龍城個邊買野，順便食埋個飯先走原來九龍城除左泰國野外，都開左好多唔同類型的餐廳今次試左間韓式小店，價錢好經濟實惠，值得推介一如其他韓式小店，坐底會提供幾款韓底伴碟，可以食住等菠菜有驚喜，口感幾乾爽，麻油味好香釜山豬肉湯飯$68豬肉湯底幾清甜，配左小碟櫻花蝦，可以撈落個湯調下味豬肉彈牙爽口，份量都唔少辣炒年糕$58辣炒年糕唔會太辣，相反有少少甜味，食食下會唔覺意食曬成碟年榚除左年榚之外，仲有魚榚、雞蛋、香菇等配料，好豐富拼盤餃子$58有齊四款餃子岩曬咩都想試下的食客個人覺得肉餃子最好食，豬肉半肥瘦，有少少碎粉絲，口感幾特別

今次我去咗一間新開嘅餐廳，佢哋嘅牛肉蓋飯同炸雞真係好吸引！一入到去，就見到環境都幾靚，氣氛輕鬆又舒服。侍應嘅態度非常好，佢哋好有禮貌，仲主動幫我介紹菜式牛肉蓋飯上嚟嘅時候，色香味俱全。牛肉煮得啱啱好，肉質嫩滑，醬汁味道濃郁，配上熱騰騰嘅白飯，真係好滿足。飯底吸咗醬汁，食落去特別入味，完全唔會膩。而炸雞方面，外脆內嫩，咬落去嘅時候，肉汁四溢，真係好正！佢哋嘅炸雞有一種特別嘅香料味，令我一口接一口，停唔到手。今次嘅用餐體驗非常愉快，無論係食物定係服務，都令我非常滿意。下次一定會再返來試其他菜式！

九龍城一街都係泰國菜，當中就有個勁搶眼大大個嘅黃色招牌 ，咁搶眼，你都係想我食你啫🤣一坐低店員就送上三碟小菜同埋熱茶，聽講小菜每日都唔同款，泡菜就固定嘅，我哋當日就有菠菜同薯仔😗石鍋烤牛肉拌飯 $88成個拌飯切到靚一靚，色彩繽紛，配菜就多囉，有冬菇、菠菜、紅蘿蔔、芽菜等等，再配埋韓式辣醬撈埋一齊食，好惹味，口感都好豐富，牛肉質素都唔低，牛味都幾濃嘅，而個辣都好Fʀɪᴇɴᴅʟʏ，因為石鍋一直保持住個溫度，食到最尾仲可以刮埋啲飯焦出嚟食😋炒粉絲 $58食韓國嘢必點嘅其中一道菜，呢度炒粉絲非常惹味，唔會炒得太乾身，保持住少少濕潤，粉絲食落都彈呀，麻油味都頗重，配料都唔少，所以食落整體都非常滿足🫶🏻無骨炸雞 $48呢度嘅炸雞用咗無骨雞柳，外層炸到脆卜卜，食落啖啖肉，而且一啲都唔嚡，調味都適中，但如果覺得唔夠鹹，你仲可以點埋佢哋主動提供嘅椒鹽同淮鹽加味，亦配埋炸雞必備嘅酸蘿蔔，夠哂正宗😆如果喺九龍城食泰國嘢食到悶，其實呢一間韓國小店都值得一試，價錢平而且質素都幾高，份量又唔少，就連唔太食韓國嘢嘅🐻都覺得唔錯

九龍城平時都係食泰國菜，竟然比我搵到間勁貼地勁地道既韓國料理😍所以菜式都由韓國師父親手主理，連D小食都好好食🫰🏻🫰🏻價錢超平民🉑️小食好開胃😋蕃薯好甜好淋自家泡菜好香 微辣🌶醃蘿蔔片 酸酸甜甜參雞湯 (半隻)🐔🥣 $88好足料 滿滿材料 仲有人參係入面隻雞係食過炆得最嫩滑 輕力一篤就骨肉分離第一次係想吐骨都吐唔到，竟然D骨係入口即溶🙀 大癲炸醬麵🍜 $78好感動 係韓國既味道唔會好油 味道岩岩好🫶🏻餡料多到最後成碗都係餡料🥹🥹 極良心菜包白切肉🥬🐽 $198韓國師父親自燒既白切五花腩 肥瘦均勻 肉質好鬆軟菜係已經烚過 淋D更易包菜既爽口 豬肉鬆軟 醃辣粗蘿蔔脆口 泡菜辣味 配埋醬汁味道岩岩好 勁好食！ 一啖幾重口感🤌🏻🤌🏻大推‼️必點‼️炸雞都好吸引 $5X 一份正常份量餃子 $2X 一份見到好多人嗌宜家物價咁高 竟然有$5X即叫即炸既炸雞🥹🥹可惜太飽已經食唔落 下次黎再試🩷

豬骨湯飯好適合係天氣凍之下食，暖身之選！湯入面豬骨量多，炖到肉質軟淋，容易入口。湯落左重胡椒味，可以驅趕寒氣。除左豬骨外，仲有唔少蔬菜👍🏻韓式粉絲麻油味好香，足料，味道足，好食！甜辣炸雞炸雞無骨，對懶人黎講好開心😂😂即點即炸，送上枱時仲熱辣辣，脆口。。 每件雞都充滿甜辣醬，再配上酸蘿蔔，可以解膩！(P.S. 整體不會太辣，食唔到辣既朋友都可以放心試）店鋪無華麗既裝修，但勝在價錢親民。加上服務態度好好，可以一試👍🏻👍🏻👍🏻