本場

營業中

休息中

試過一次 唔會有下次 個爐完全唔掂 又唔肯換位 2個鐘頭都唔知燒到啲咩 得個等字 永遠出就叫我地睇個爐真係有火出 但係根本就唔夠力 食物質素不過不失 服務質素一般 地方環境就總算可以

最後一期消費券到手 ，一收到即刻同朋友食餐好餐廳環境寬敞，坐得舒適，食物種類都幾多 用手機QR落單，方便又快捷先送上牛肉拼盤，有牛小排，牛舌，牛頸脊等等，油花分佈平均，個人最多牛小排鐘意邊款更可再落單蔬菜類都有唔少，有蜜糖牛油番薯，蒜蓉蘆筍，牛油本菇，明太子蕃茄等等多春魚同青口又係必食燒菠蘿清甜爽口主食叫左溫泉玉子牛肉飯，配牛肉食一流胡麻醬烏冬透心涼飲品有汽水，果汁同烏龍茶揀最後食多幾件椰汁西米糕，大滿足。

早兩日經過見到瓊華中心有間本場嘅日式放題好似唔錯，忍唔住相約朋友去盡興下。我地揀左$378數嘅極上牛小排海鮮放題用Qr code 落單，有大量肉類、海鮮、冷盤、小食、蔬菜類、飲品俾你揀。餐廳會先上牛小排同牛舌，牛小排，件件新鮮，肉味濃郁。點左一份香蔥玉子飯，看似平平無奇，但你將烤熟左嘅牛肉加埋落去一陣食，簡直不得了。依度d青口和多春魚都幾新鮮，青口鮮甜，多春魚濃味酥脆。牛油本菇、蒜香牛油蘆筍，密糖牛油番薯，烤熟後入口相當香口，牛油香味十足。西米椰汁糕賣相不錯，西米份量十足，口感豐富，啖啖都帶椰汁的味道。

又係食日式燒肉肉既時光😋我地揀左🔸極上牛小排海鮮放題🔸好方便全部以QR code落單想加野都唔使係咁叫店員咁麻煩一開始店員上左一碟全部都係牛既🔥燒肉有牛小排、牛舌、封門柳、牛頸脊、牛板腱、牛柳粒….件件都好有肉味🤤d肉好高質海鮮都有好多選擇🦐點左牛油帶子+香草牛油蝦仁🍤成個錫紙盒放落去燒..Every easy個錫紙盒入邊已經放埋牛油點左金菇…亦都係大大份亦都有啲熟食同主食不過飯嗰啲真係點唔到留返個肚黎食肉😛😛😛😛仲有我愛的燒菠蘿🍍✌🏻入邊亦都有醬料可以點不停地點蒜片同醬🤤🤤🤤🤤仲有甜品都選擇好多中午食完…再行街消化返😏🐷🐷🐷

拖係要拍嘅！難得同老公一齊放假，梗係出街食餐好㗎啦！日式燒肉就最啱我哋，牛魔王呀嘛！去咗《本場》食燒肉放題，揀咗極上牛小排海鮮放題，可以 100 分鐘任食澳洲M8和牛、伊比利亞黑毛豬，啱晒我哋啦！一來環境寬敞坐得舒服，而且採用QR code落單，方便快捷隨時隨地可以添加自選心愛食物！呢度食物款式都OK多，可以無限添加M8和牛牛板腱、M8和牛封門柳、 伊比利亞黑毛豬肋條、車海老等多款美食！自己就最鍾意食牛板腱嗰種爽實得來帶嫩滑而且牛味特濃嘅口感😍 而且仲有原味同調味可以選擇，一次過嘆晒兩種味道就最爽B喇！除咗燒肉之外記得都唔好錯過時令半殼生蠔🦪 生蠔肉用錫紙載住，然後再放落去火上面燒，所以啲蠔肉會比較keep到Juice口感👍仲可以瘋狂追加， so crazy!另外我哋都叫咗啲餐前小食，海蜇同埋大蝦沙律🦐口感清新，瘋狂食肉but我哋都記得要食返少少菜😂！除咗牛肉，串燒雞腎、雞軟骨、同埋雞肝有驚喜！穿好一串串就咁放落網燒就可以，簡單調味已經好友居酒屋feel👍尤其是雞軟骨夠新鮮燒完脆到入骨，口感冇得彈！本身已經食到好飽，埋單嗰陣店員仲好溫馨咁提示我哋原來每人可免費獲贈 MÖVENPICK®

早排出去旺角睇電腦，見就快到食飯時間，去咗瓊華中心睇下有咩好食，原來16樓本場有燒肉放題，於是上去一試。同朋友兩個人叫咗頂級澳洲和牛海鮮放題，總共有154款食物及飲品任叫，食物全部用手機下單，手機下單方式完全沒有甩漏，仲好快將食物上枱，唔錯唔錯。入座後侍應先送上一份牛肉拼盤，可惜沒有標示牛肉部位，或者侍應介紹一下比較好。燒爐比較深，要用長夾夾取食物，比較難以控制，不過抽風做得好好，油煙直接在燒爐旁邊抽走，食完都唔會一身燒烤味。由於我地叫咗頂級澳洲和牛海鮮放題，所以主力都叫M8和牛牛板腱、M8和牛封門柳和極品牛小排，豬肉方面有伊比利亞黑毛豬肋條，封門柳很有牛肉的肉香味，黑毛豬肋條亦不錯。放題比較少有的月見汁和溫泉玉子，兩款雞蛋都係用上日本蛋，用嚟沾牛肉食更添滋味，蛋味夠香夠濃郁。海鮮方面點選牡蠣、牛油廣島蠔肉、鰻魚和車海老，我比較喜歡鰻魚，可以燒出自己喜歡的焦香度，如果配埋鰻魚汁更加正。甜品方面特別推介蜜糖牛油蕃薯，將蕃薯切細，將焦香的蜜糖融入香軟的蕃薯，真係一舊接一舊不能停口；另外仲有燒菠蘿、泰式椰汁糕、芝士蛋糕、泡芙等等，最後每人一杯Movenpick雪糕作結。

之前食放題燒肉都係去果一兩間，今天試下旺角本場🌝🌝之前係有食評話啲抽氣好差，本來都有少少擔心，上到去空間闊落，空氣流通喎，真係冇啲人講到咁差😂佢有分幾grade，我地食極上牛小排海鮮放題~ 先上左個 platter，原本都驚會有豬肉或者其他嘢食完好快飽，所以都多口問句會唔會有牛肉以外嘅嘢，又唔係喎！全牛！牛肉脂肪比例都唔錯，無 P圖下影都OK除咗極上牛小排之外，有牛肋肉同其他部位，除咗狂食牛肉之外，呢度嘅雞肉都好嫩，encore左幾次😂😂生菜洗得都幾乾淨，出面好多時又生銹又或者有泥沙，呢度可以放心包燒肉一齊大啖食🙃🙃除咗牛肉，幾鍾意佢有多款嘅小食同埋沙律，除咗蟹子沙律之外梗係要食海蜇！仲有大葱！最鍾意！個爐係日式，火力嘅分佈同平時嘅係一樣，所以燒都要比較小心🌝 多春魚菠蘿都燒得幾靚仔㗎！最後食個靚牌子雪糕，完美！

又有燒肉新店開張啦! 呢到有四個唔同價位既套餐，同朋友揀左極上牛小排海鮮放題，398一位，睇menu見到都好多野食一開始會上一大盤牛肉，基本上包括套餐入邊所有種類，有牛小排、牛舌、封門柳、牛頸脊等等。牛小排，油脂分佈好平均，食落較嫩較多汁但我最鍾意既都係封門柳，肉味夠濃又有咬口，醬料方面除左台上既燒肉醬汁同鹽，仲有得點其他醬料! 我最鍾意月見汁沾蛋，配牛肉食真係超爽!海鮮點左幾款，餐廳放哂入錫紙盤，方便我地燒，有香草牛油帶子、牛油廣島蠔、香草牛油蝦仁。都係蠔最正，夠哂鮮甜! 前菜種類都好多，點左明太子蕃茄、鮮蝦柚子沙律、泡菜、胡麻醬豆腐、蟹籽沙律，食燒肉一定要配下冷盤前菜，可以解膩。明太子蕃茄同胡麻醬豆腐超正!! 夏天食更一流! 飲品都係大同小異，最緊要都係最後個盒movenpick! 有飯後甜品真係特別開心

極上牛小排海鮮放題 $378可以任食牛小排、帶子、海蝦、廣島蠔、魷魚嘅放題😆一開始會有牛肉拼盤 試完鍾意邊款就可以任點🤘🏻佢哋係網燒 可以逼走油脂 又食到嫩牛🤤仲可以任點雞蛋😂之前食過某間放題係要逐粒雞蛋計錢🫠我呢啲鍾意生雞蛋點牛肉嘅人點左兩粒就收手🥹呢度仲有溫泉蛋、月見汁沾蛋任點🤩今餐應該食咗10粒蛋😂不過點燒牛肉真係好正！🤤豬肉同雞肉都有唔同口味！試咗豚肉同芝士雞腿肉，肉質都唔錯~但我都係比較鍾意食牛肉牛胸腹、網燒一口牛、牛頸脊同肩脊肉都好食😋小食同飲品都唔少選擇，唐揚炸雞新鮮炸起，有啲似香香雞🤓最後仲會有一人一杯Movenpick雪糕happy ending❤️

朋友話旺角瓊華中心16樓新開左間烤肉吃到飽，性價比不錯…於是就約今日中午去試試🤭「本埸」套餐有四個級別由$278～$428 ；環境也很舒適🤗入座後，店員會先給一盤不同種類的牛…有牛小排，牛舌，牛頸脊，牛板腱，封門柳，還有壼漬牛肋條…每款肉類有原味，辛辣醬汁和燒汁選擇🤭整體肉質不錯，色澤均勻，而且有厚度，增加口感😌豚肉也有不少選擇，豬肩肉，豬頸肉等而豬頸肉有驚喜，油花分布均勻，烤後肉質韌性👍🏻雞肉也不錯，烤熟後肉質也鮮嫩多汁🙃豚肉腸也不錯⋯⋯海鮮有帶子，廣島蠔同蝦等…還有其他熟食也不錯..炸雞軟骨熱辣辣脆卜卜，中華沙律海蜇都唔錯…不過溫馨提示，餐廳給的份量不少，就算叫一份…所以下單時要注意啊😝

喜歡食燒肉就唔可以錯過位於旺角本場💁‍♀️極上牛小排海鮮放題 ＄398美120分鐘放題，無限追加澳洲M8 和牛、M8和牛牛板腱M8和牛封門柳、鯖魚、伊比利亞黑毛豬、時令半殼生蠔及車海老等多款海鮮⋯仲有不同牛部位及多達 154 款料理任供選擇💁‍♀️🥩牛頂級肩脊肉、生胸腹、網燒一口牛、金錢展、牛頸脊、牛小排、牛板腱、牛舌、封門柳、壼漬牛肋條🐷䐁豚五花、日本白豚梅肉、汁燒豚大腸豬頸肉、蜜糖豚肉腸、豚肩肉泡菜豚角燒、芝土䐁肉腸🐔雞雞翼、雞腿肉、博多雞肝、博多雞腎海鮮香草牛油帶子已經放係錫盤之上做好調味，牛油廣島蠔肉，每隻飽满多肉，蝦仁🍤鮮甜彈牙炸雞🍗炸到外脆內軟咬落去有肉汁滴出黎添架冷盤類食物 和風醋蕃茄 香甜多汁配上溫和嘅醋雪到凍冰冰夏天一流，海蜇和風沙律🥗值得一試🤭🍚主食溫泉玉子牛肉飯、香蔥玉子飯、本場紫菜飯香蔥胡麻冷烏冬、壽喜燒烏冬、牛肉湯烏冬泡菜牛肉湯烏冬、中華冷烏冬甜品🍮榴槤麻糬，榴槤味濃另外每人一個Movenpick雪糕🍦飲品方面有汽水、茶類等，冰冰凍凍，清涼解渴🧃🥂🥤

本場 @honba.nikuyaki最近心思思想食燒肉，今次選擇到旺角新開業嘅本場食燒肉放題。呢度環境夠大，而且裝修走日本風，坐得好舒服🤓🤓我同朋友揀咗人氣No.1嘅 "極上牛小排海鮮放題" $378 (星期一至四)，肉類+海鮮有139品，無限追加 : 冷盤、小食、野菜、主菜、醬料、甜品、湯、飲品，好多選擇。入座時餐廳會先奉上各款牛肉, 每樣有啲，試曬邊款好味先再用QR code order, 強烈推介牛小排同牛舌，牛小排肉味濃郁，牛舌薄切，燒一陣就食得，口感鮮嫩。另一方面，上菜嘅速度亦夠快，落order轉頭就到。🌟牛肉牛小排、牛舌、封門柳、牛頸脊、牛板腱、壼漬牛肋條等等，全部質素都唔錯👍 我哋最鐘意牛小排😋油脂分佈好平均，肉質鮮嫩，燒完都好多汁，不乾身，肉味香濃，雪花紋好靚，油脂分布平均，口感入口即融，油膩感唔會好重。建議大家可以嗌埋生菜包住啲牛肉一齊食 口感更佳！整體來講 每款牛嘅質素都對得住依個價錢。🌟海鮮香草牛油帶子、牛油廣島蠔、香草牛油蝦仁、半殼青口、鹽燒鯖魚、多春魚等等，我哋最鍾意燒鯖魚😋😋估唔到自己隨意燒鯖魚都可以有出面餐廳的質素, 條魚質素應記一功👍熟食有章魚小丸子同

餐廳位於旺角，鄰近地鐵站，路程只需要五分鐘左右，十分方便快捷，這是一家日式餐廳，而這裏最著名的當然就是燒肉，我和朋友一同挑選了我們最喜愛的肉類，種類眾多當然不在話下，而我極度喜愛的就是牛小排。坐下，每款肉也挑選一份，好好品嚐一番，但如果主吃肉還是有點飽濟和油膩，所以我們也點選了新鮮菠蘿和金菇這些蔬菜類，調配一番。新鮮菠蘿挑選適宜，經過高溫烹調，更能帶出他的鮮甜味。金菇方面，喜歡餐廳自家調製的分量，配搭專用的錫紙兜，顯得美味。

🔥🍖【 本場 】🥩🔥⋄ —————⧫♟⧫————— ⋄旺角瓊華中心新開燒肉放題😍🔥早鳥（7pm前埋單及離座）或 夜貓（9pm後入座）時段，可享7️⃣8️⃣折優惠‼️⋄┄ ┄ ┄ ┄ ❖ ┄ ┄ ┄ ┄ ⋄🥩🍗放題套餐【極上牛小排海鮮放題】🍖🥓成人：$378（星期一至四）$398（星期五至日、公眾假期及前夕）▪️牛🐂牛頸脊（原味、燒肉汁、辛味醬汁）牛小排（原味、燒肉汁、辛味醬汁）牛板腱（原味、燒肉汁、辛味醬汁）牛舌（原味、燒肉汁）封門柳壺漬牛肋條▪️豚🐖豚肩肉泡菜豚角燒芝士豚肉腸▪️海鮮🦐香草牛油帶子牛油廣島蠔肉香草牛油蝦仁墨魚片多春魚半殼青口鹽燒鯖魚▪️雞🐓芝士雞腿肉▪️冷盤🥗蟹籽沙律胡麻醬豆腐海蜇和風沙律鮮蝦柚子沙律明太子蕃茄和風醋蕃茄▪️小食🍢唐揚炸雞章魚小丸子吉列蝦男爵薯餅唐揚雞軟骨炸芝士年糕泡菜麻香野菜牛油粟米中華沙律麻油燒蒜粒味付八爪魚明太子櫻花蝦枝豆▪️主食🍜溫泉玉子牛肉飯香蔥玉子飯本場紫菜飯香蔥胡麻冷烏冬壽喜燒烏冬牛肉湯烏冬泡菜牛肉湯烏冬中華冷烏冬白飯▪️甜品🍧芝士蛋糕榴槤麻糬西米椰汁糕日式麻糬泡芙⋄┄ ┄ ┄ ┄ ❖ ┄ ┄ ┄ ┄ ⋄📍地址：旺角彌敦道628號瓊華中心16樓⋄⋄#hkig #h

食肉獸又出現揀左個極上牛小排海鮮放題 $378任食一開始咩都唔駛嗌 就會有一盤肉上枱入面有幾款唔同嘅肉 試左邊樣好食再嗌牛肉有牛頸脊,網燒一口牛,金錢展,牛胸腹,牛板腱,牛舌,牛小排等等等…….仲有幾款醬汁揀牛小排,牛舌,牛胸腹我都好中意 油脂分佈好好 牛舌好爽口仲有好多款唔同嘅野食 有燒嘅有熟食有炸物野飲都任飲而家全部都係scan QR code落單 基本上唔會漏單 超欣賞佢啲甜品 椰汁糕 嶡餅 瘋狂係甘食個日甘岩商場冇冷氣 但餐廳都好好 開住冷風機唔係想像中甘熱