木言斤 (已結業)

Ice Dog多左個選擇啦！不過最吸引反而係小店既用心，樓下係精品雜貨；樓上有長sofa cushion可以hea住食冰狗一入店見到好多貓貓狗狗既圓形cushion，中意動物既一入去已經會愛上除左cushion，仲有衫、飾物、家品，連tsumtsum 同hello kitty麻雀都有。基本上店內所有擺設都有標價錢，係可以買既即刻俾個雪糕櫃吸引左，雪糕款式唔算多，但就非常吸引，留俾大家自行發掘！率先試左1凍1熱2隻狗狗：Matcha Dog（$69）呢隻係set好左，入面有抹茶吉士、紅豆、抹茶蛋糕，重點係有抹茶mochi，非常驚喜又增加口感層次。本身以為雪糕都係抹茶味，原來係自選既，揀左外表極為討好既Rainbow，店員話係瑞士糖味，但2號就覺得似棉花糖味，唔好問有咩分別，總之就係咁。驚喜的是佢用既係L'eclair泡芙做隻狗，唔係普通熱狗包，同雪糕、配料等等都好match。想咩都自己揀，另有自選Ice Dog（$59）Jamon Dog（$69）呢隻非Ice Dog其實唔係熱狗黎，因為餡料係蜜瓜、黑毛豬同蜜糖芥末醬，Parma Ham x Melon係人都知道夾，就不必多講，火腿本身亦

第一次見到"木言斤"，還以為打錯字。經過花園街，突然發現真有此地。不單名字特別，連門面、裝潢、餐牌，都很特別。粉藍色的門牌，只有"木"、"言"、"斤"三個字，後面亮著燈，簡單卻搶眼。在這泊滿小巴的繁忙路段，優閒的小店顯得格格不入。店內放滿小精品。放得密密麻麻，一眼看去，很齊全，甚麼都有，像個寶庫。可是，要從寶庫裡挑到自己喜歡的，便得花上時間、心機，還有眼力，去耐心逐一看看。我這粗魯、欠耐性、講求實際的人，又怎會慢慢在這裡看小精品，當然是三兩步走到雪糕櫃前，看雪糕、看餐牌。店員見我只為吃而來，問了句要帶走還是堂食。可是，我卻看不見有座位。原來有秘道。沿著樓梯上，上層是用餐的位置，環境超正，佈置舒適得有家的感覺，從此要在旺角hea上幾個鐘，有個好去處。店方充分利用了牆𤩹，把MV投射到牆上，曾去過中上環的法式小店，也是同一做法，慳位又有氣氛。餐牌有一頁飲品和一頁食物。飲品除了檸茶奶茶咖啡果汁，較特別的是奶昔，有雲尼拿曲奇、朱古力和雜莓，但＄68一杯，索價不菲。食物則有沙律和Ice Dog。Ice Dog有甜有咸。咸的如三文治，甜的像窩夫。這裡也有窩夫供應，＄188的特別版，鮮雜果麻糬窩夫。最

Hot dog食得多，將入面變做甜食嘅ice dog好少見！咁得意即刻同朋友係旺角行完街去試試！木言斤係一間兩層嘅小店，樓下賣小雜貨，而樓上就係坐位。買完ice dog上樓上，裏面環境好舒服，店主仲貼心地係牆上裝左投影機，可以聽歌仲可以睇戲喎！簡左個Ice dog，佢可以自選雪糕，就簡左蜂蜜味雪糕，加左吉士醬、棉花糖同脆脆片。 雪糕有淡淡蜂蜜味道唔會話味道好假或者太甜，配上puff同吉士食，好正！係呢度享受左一個舒服嘅下午！

聽朋友講旺角附近開左間懷舊精品店兼雪糕店，仲話味道唔錯！今日同朋友行開旺角，就入泥睇下。一入店，見到店內售賣各式各樣懷舊精品，中間位置有個雪糕櫃，可以order完甜品雪糕上2樓坐低慢慢食。Icedog是這裡的招牌，其實是自家製泡芙加上雪糕和其他toppings的一個甜品，有咸有甜，店主推介Mixed Berry Ice Dog（$69），配料有紅莓，黑莓，藍莓，草莓和雜莓乳酪雪糕。鮮製泡芙蛋香味濃，鬆脆可口，入面加左吉士醬，味道超好，同puff味道好match ,而且與雪糕一同進食都好match，水果也很新鮮清甜，是一個完美的甜品。另外點了Matcha Dog($69),有雪糕，抺茶吉士，紅豆和抹茶蛋糕。這個以抺茶口味為主的icedog可以自選一款雪糕口味，我選了蜜糖脆脆，味道較甜，不過蜜糖口味頗為突出，很特別的！抺茶吉士，抹茶brownie ，抹茶麻薯都很特別，味道都很好，尤其是抹茶brownie，出面很少吃到，而且這裡也做得不錯，配埋puff 一齊食好正呀！最後再叫左杯奇異果汁（$28），用新鮮奇異果加水打成，原汁原味，沒有添加。買完後可以上二樓慢慢享用甜品，二樓位置舒適，裝修細緻

我係一個唔多睇電視嘅人，不過上幾個星期有睇Didi 姐嗰個旅遊節目，香港人去旅行都係飲飲食食，無咩深度可言，但一年先得嗰十日八日假，食完好返嚟開工啦，頂！上星期，行過旺角發現左一間精品店，我最喜歡行家品店，在店子的當眼位，仲有個大雪櫃，放住好多雪糕，店員又好好介紹下之餘都俾我試下味，就係咁我就幫襯下啦！我試左幾個味的雪糕嘅！Rainbow 味嘅雪糕，味道好似瑞士糖，一個雪糕混左幾種色，真心靚！喜歡朱古力可以試下 Double Chocolate ，入面有半流心的朱古力漿，又唔會好甜，我覺得唔錯的！最後都係對粉紅色的雜莓乳酪味情有獨鐘，咁我就揀左 Mixed Berries Icedog ($69)用左雜莓做主要材料，砌得幾靚仔㗎～吉士有三種味道，我揀左比較少見的抹茶味！先講下個IceDog皮，佢其實係法式的Éclair,同其他舖頭用的菠蘿包，熱狗包，曲奇都大有分別！Éclair 焗得微暖脆身，牛油味香而濃，上面夾左紐西蘭的雜莓乳酪雪糕，味道酸酸甜甜，質感滑溜富奶香，一食就知成份係奶多水少，比一般的雪糕不易溶化！另外，自家製的抹茶吉士有明顯的回甘，加埋口感都幾複雜，長度差不多一個女生手板