木船泰國粉麵專門店 (已結業)

鰻魚滑蛋定食$88鰻魚係妹妹地街市一pack pack調好味嗰啲😂滑蛋都幾滑嘅整體有啲鹹前菜幾好食嘅 不過唔係好match😂雞湯有啲味精味不過個豚肉有炭燒味幾好食 好食過鰻魚！整體普普通通啦🤣

一條友係大埔，諗唔到食乜記得之前同另一半食過木船，念念不忘，就一條友去再食。閒日無乜人，唔使等位。上次叫咗好多嘢，但最難忘係“招牌烤豬肉飯“唔使諗，就呢個。成個定食，有湯，有三個前菜，有嘢飲前菜久唔久會轉，今次係 ~ 春卷~木瓜沙律~生菜包味道唔錯，話明前菜，當然唔會好大份，一口size飯，好食豬肉嘅醬汁好好味，上面有堆酸酸甜甜嘅青木瓜絲(我估係)豬肉下面仲收埋咗隻溫泉蛋。將所有嘢撈埋嚟食，味道有層次，口感好豐富。唯獨，個湯咸咗少少，但味道係ok嘅。整體，價錢算中上，但食得飽同好味。應該會再 encore。下次試下其他嘢

太和有唔少特色餐廳，呢間泰國餐廳就係位於翠怡花園地舖，以木船為主題。餐廳用木牆、麻繩、圓鏡作裝飾，佈置成木船樣子，配合埋柔和嘅燈光效果，令人置身於一艘船內，非常有特色並符合餐廳名字嘅主題👏🏻⛵️⛵️餐廳有唔少選擇，例如泰式湯粉、焗飯、泰式咖喱等等。我地叫左兩個套餐，一份係船麵，另一份係豚肉飯。每個套餐都有三款小食，包括木瓜沙律、生菜包、春卷，餐湯可簡冬蔭公/肉丸鮮雞湯，冬蔭公有大量菇，酸酸辣辣，飲完成個人暖晒😙，仲包埋熱飲。木瓜沙律用左青木瓜同紅蘿蔔，食落青新爽口，酸酸甜甜，非常開胃😝；生菜包食落有少少辣，作為前菜都唔錯，啱晒我口味。🌟Jumbo 雜錦木船湯河 🍜. $88超級大份，果然係Jumbo😆，材料有牛肉、豬肉、雞肉、貢丸、魚旦、札肉，非常足料👍🏻👍🏻湯底清甜，係平時食開嘅船面湯底，落埋炸蒜同金不換食落好香，好好味😋真心推薦👍🏻👍🏻🌟招牌燒豚肉飯 $88豚肉飯一上碟又係比份量嚇親，相當大份，面頭有大量木瓜絲，食落爽口，好fresh，豚肉夠嫩，一d都唔韌，流心蛋用黎撈飯真係一流，好香燒汁味，好正😍我地加左$10升級左飲品，轉左泰式奶茶同龍眼冰，飲品夠大杯，甜味適中，龍眼冰仲有大量龍

成日經過見到呢間餐廳但都冇時間入去食，難得今日放假，約埋朋友一齊去食好西😌😌呢度環境都唔錯，唔會坐得好迫，咁就可以邊食邊傾吓計，都係一個唔錯嘅聚腳地😊😊我哋2個人一人叫一個定食再加個小食，竟然食唔晒😅估唔到分量係咁大😳😳有湯有嘢飲仲有小食😮😮你哋睇吓張相就會知道🙈🙈招牌燒豚肉飯定食🐽招牌果然係招牌，一嚟已經好有睇頭，成座山咁😮😮上邊堆滿木瓜絲，酸酸甜甜，下面就係燒豚肉飯，燒豚肉佈滿醬汁好入味，而個飯就粒粒分明，配埋個醬汁簡直冇得頂😋海南雞湯河定食🐥超級大碗河粉，我哋兩個人都食唔晒🙈個雞醬好好味😋雖然係雞胸肉但係佢唔鞋，雞翼直情係滑，整體來講都唔差忌廉磨菇雞翼🐣開頭仲以為係有個汁浸住嘅雞翼，點知原來係炸嘅釀雞翼，咁雞翼入邊就係忌廉同蘑菇，係好味既😊整體來講呢間餐廳都唔錯，價錢合理👍🏽，環境又舒適，嘢食又好味😋所以都會有下一次再嚟嘅機會👍🏽👍🏽

木船泰國粉麵專門店 (大埔).木船係我倆大埔以前常吃的泰國野，裝修又夠特色真係仿係一架船入面。.青咖哩雞飯.青咖喱真係伴飯一流，咖哩好吃，但唯獨係雞件唔夠嫩，定食下仲配前菜，炸物小食同甜品。今日係中華沙律，鮮蝦春卷，朱古力蛋糕.香葉肉碎煎蛋飯配街頭豬柳串.其實佢可以揀配雞搥/沙嗲雞串，見豬柳串好奥少食啲就試下，豬柳串本身就好有味，配上肉碎又係好餸飯.鳳爪沙律，馬拉盞炒通菜 .做定食模式下，主食叫後可以任叫小食。叫個前菜同要食番個菜，鳳爪沙律同埋馬拉盞通菜不二之選，份量多，不過後者馬拉盞嘅味道唔算濃郁反而有少少鹹.炸蝦餅，單骨雞翼.為食嘅我哋都搵多咗兩個炸物，炸蝦餅係食泰國野常叫，雞翼好出色！.木船泰國粉麵專門店 (大埔)大埔翠怡街3號翠怡花園A座地下34號舖

木船泰國粉麵專門店 (大埔).好耐無黎大埔食，木船真係我倆大學嘅回憶地方之一，兩間u中間搵食地點，係好好食性價比好高嘅泰菜地方(⁎⁍̴̛ᴗ⁍̴̛⁎)今次黎到，發現佢改咗玩法，變左係定食咁，揀主食加配小食，呢個模式下啲野食仲平左.▪️ 青咖哩雞飯配肉丸鮮雞湯▪️.定食模式下我地叫兩個主食再加小食。青咖喱雞，湯可以揀冬蔭公/肉丸鮮雞，我地各一個湯，另外定食仲有個三色小食跟，今日個三色係鮮蝦炸春卷半條，中華沙律🥗以及朱古力蛋糕，有齊前菜小食同甜品(˶‾᷄ ⁻̫ ‾᷅˵)飲品上我揀椰青都只係加$25，勁抵！.▪️ 香葉肉碎煎蛋飯配街頭豬柳串▪️.泰國野其中我都好喜歡食呢個，有埋煎蛋就真係色香味俱全，豬柳串好有味，係醃製過.▪️ 馬拉盞炒通菜 ▪️.佢係當小食咁加，$48就有一大碟炒通菜，不過偏鹹.▪️ 鳳爪沙律 ▪️.$45大大碟，夠冰凍爽口，又酸又開胃.▪️炸蝦餅及單骨雞翼▪️.$38四件蝦餅以及$28有六隻單骨雞翼，個單骨雞翼好似脆香雞翼好好食😛炸蝦餅又係無得輸香口又彈牙.📌 木船泰國粉麵專門店 (大埔)大埔翠怡街3號翠怡花園A座地下34號舖環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

首先，成碗飯都係雞胸⋯好似食緊啲飯堂大碗飯咁樣⋯完全唔值個價錢⋯三色小食得個春卷食得，雞蛋沙津甜到嘔！個飯又係得白飯⋯沒油飯揀⋯呢個價錢應該俾好啲客人啦！去燒味舖叫個白斬雞飯咁樣！

今日中午同朋友選咗在太和木船泰國餐廳午餐，餐廳佈置好似一架船，頗有特色，午餐有多款套餐選擇：套餐包餐可損冬陰公湯或雞湯，套餐包括飲品和三色小食（一件炸春卷、雞蛋沙律、一件小布朗尼蛋糕仔味道好好我們點了招牌燒豚肉定食，燒豚肉燒得香口肉嫩、豚肉生又酸酸甜甜的生木瓜絲十分開胃，份量超大碗，配上雞湯一碗十分之夾。另外點了一個冬陰功湯海鮮湯河，份量亦都超大碗☺️朋友太鍾意冬陰公湯他選擇配冬陰公湯，冬陰功湯同樣出色，喜歡飲冬陰功的人必定要是試，做得好飲，兩個定食同朋友分享😊泰式炸蝦餅，蝦餅香脆彈牙，非常好味👍😋飲品點了泰式奶茶,味道不錯👍凍檸茶😋整體食物質素都很好、價錢亦都很公道，下次會再次光臨😋👍

今日忙捉一日 諗起木船 好耐無過去 一於去執返餐先 座低睇完餐牌 一於食雞啦 叫咗個雞扒豬脆脆豬 個餐牌係咁寫 覺得怪怪咁 之後叫多個生炸雞脾薯條 叫完就等食啦 先上脆脆豬 有點水準 之後嘆主杯鹹檸七 飲飲下 雞髀餐到啦 我見到停了一停 望真啲 成隻手掌咁大嘅 個姐姐見我話 嘩 有啲誠意 姐姐就講 係唔係有人叫你嚟試 我都無咩反應 之後 緊係要比啲誠意 食啦喂 先起骨 再慢慢分享 都路食 只能讚 皮脆 肉嫩 多汁 有圖有真相 好小寫食評 有機會點都去試吓 太和站附近 步行過去10分鐘內 希望木船可以做得更好 客似雲來比個Like

上次去得大埔當然要食多餐啦😙 呢次黎到主打泰國菜嘅❗️木船❗️ 其實佢係大埔都開左一段時間 不過一直都冇機會試😅 今次終於有機會挑戰下😋入到去鋪頭面積唔算好大 不過座位都幾闊落👍🏻 所以都坐得幾舒服😙難得黎到當然要試下佢嘅招牌燒豚肉飯啦🐽 雖然呢個組合睇落有啲似日式丼飯嘅感覺😂 不過上到枱一睇就知係泰國菜🤣 因為上面鋪左大量嘅木瓜絲🥒 豚肉片烤到燶燶地😋 啲油燒到出晒黎 食落又惹味又脆口🤤 味道有少少似泰國街邊檔嘅豬肉串👍🏻 加埋爽脆嘅木瓜絲中和返啦油膩感😙 邪惡得黎又有fresh 啲感覺我地另外仲叫左jumbo 木船面🍜 雖然相比招牌菜冇咁印象深刻 但係勝在份量夠多😎 而且樣樣餸都有啲😚 岩晒乜都想試少少嘅朋友成餐飯cp 值都幾高🤑 住大埔嘅朋友諗唔到食咩嘅話都不防去試試呀🤗👉🏻 招牌燒豚肉飯💰HKD 8️⃣8️⃣👉🏻 珍寶木船河💰HKD 9️⃣1️⃣加一服務費❌

久違係太和搵食，行過木船，覺得啲裝飾好吸引，又好耐冇食泰國野，所以就入去食😚成間餐廳嘅裝飾都係用木組成🪵，充滿泰國風情，亦有麻繩等裝飾好似喺船入面咁🛶，環境唔算細，都坐得舒服 😋嗌左燒豚肉飯定食同青咖喱吉列豬扒飯定食，用兩杯龍眼冰 龍眼冰🍹首先黎嘅係龍眼冰，比預期中有啲甜，但龍眼數目好多，適合用黎解辣！燒豚肉飯🐖🐖聽講燒豚肉飯係招牌黎，果然豚肉好好味，一片片唔會太肥膩，入口食到醬味好出，加上個飯有蛋係中間，昇華左成個飯～飯係上面都鋪滿木瓜絲，特別得黎都幾好味😋青咖哩吉列豬扒飯🥢🥢至於青咖喱吉列豬扒飯，因為本身唔係好中意食咖喱，所以覺得不過不失啦，吉列豬扒炸得剛剛好配菜方面，係有啲失望嘅，冬陰功湯太肥膩，而肉丸湯就普通，三款配菜都唔係好夾，有蛋沙律、brownie同肉丸，三款嘅味道都好唔同，同主菜唔太夾。 總括黎講，推介燒豚肉飯，下次再黎會想試jumbo湯河，見隔離台食緊，賣相好似幾好😋👍🏻另外都想讚佢哋店員服務好好，咁啱聽到隔離枱有個客人跌咗口罩，店員即刻話佢哋鋪頭有可以比個佢，好有人情味。😊 仲有係午飯時間咁忙店員都仲好有禮貌，抵讚！

上星期同朋友嚟咗大埔呢間木船食泰國嘢，其實餐廳更加近太和站，喺太和站對出行7分鐘左右就到。餐廳裝修如舖名，真係好似置身於一架用木造嘅船入面咁，幾有心思。我同朋友就叫咗個招牌燒豚肉飯同芝士肉醬焗意粉，再加上兩個必叫嘅椰青。估唔到泰國餐廳會有芝士肉醬焗意粉，一於試試你。先講佢個招牌燒豚肉飯，燒汁甜甜地，撈飯幾正，上面嘅木瓜沙律醬汁都偏甜，如果好甜應該會幾鍾意呢個飯。木瓜沙律下面有粒溫泉蛋，整體都幾好食。跟定食我哋揀咗個冬陰功湯，都幾正宗，有椰香。仲配有三款小食甜品，三樣味道都唔錯。個肉醬意粉芝士唔算多，但佢嘅肉做得比其他出面連鎖餐廳好，佢唔係淨係用大量嘅肥肉去提升佢個香味，瘦肉比例高，所以唔止食意粉，仲清晒啲肉碎，唔錯。最後飲埋兩個新鮮椰青，滿足！

夜晚約男朋友係大埔開餐，呢個天氣幾岩食下酸酸甜甜既野。因為糧尾見一個人均都係100左右，就行咗入去野飲幾大路。另外加了一個泰式鳳爪，調味唔錯，但西芹份量會比較多，如果鳳爪份量可以多d就好滑蛋燒鰻魚大碗飯：個飯真心份量十足，饅魚燒得香甜，鋪係蛋面一齊食真係好幸福🤤隨餐附送既冬蔭公酸酸辣辣，相對開胃。一set三份小食有：小魚餅、中華沙律、碎蛋沙律。另外見幾多人叫呢個燒豚肉丼，個飯質偏林同如果多d汁會更juicy，最驚喜個短中間有個溫泉蛋，撈一撈個味道更加香。肉質係濃郁偏向乾身焦香。總括而言呢一餐$200左右兩個人，有野飲+份量十足既主食+小食，幾高性價比

今日去到大埔食泰國菜芝士焗肉醬意粉, 呢個意粉係即叫即刻焗出嚟, 等大約十五分鐘到就會有得食, 呢個意粉的芝士同埋蕃茄醬好足夠, 由於係焗出嚟所以比較香口和美味價錢係54元招牌燒豚肉飯, 呢個豚肉係燒出嚟, 豚肉上面有啲燒汁甜甜地, 豚肉燒得幾香口, 另外會包個冬陰功湯辣辣地的, 另外包咗少少沙律同埋一件細細哋嘅朱古力蛋糕, 泰式奶茶跟餐加10元就可以有得飲凍咖啡跟餐加5蚊就可以啦, 凍咖啡幾香濃兩杯野飲嘅份量都算係幾大杯

今日又喺大埔搵食，但撞正朋友胃口不佳既時候，就揀番間可以令佢開胃既餐廳～一於就食番間泰國菜🤤招牌照燒豚肉飯 (定食) $88雖然聽個名無話好吸引但見倒話係招牌喎，咁一定要試下係咪名符其實🤭一黎到係有嚇親，首先係因為比想像中靚，其次係份量好多！上面鋪滿左酸酸甜甜既木瓜沙律，超級開胃。下一層好多塊照燒豚肉，每件都大大塊，充滿照燒汁，而且肉質較嫩，最驚喜係肉下面竟然收埋左隻溫泉蛋🤤甜甜地既照燒汁加埋半生熟既溫泉蛋，真係食到一大碗飯！青咖哩牛腩飯 $78青咖哩會比起黃咖哩更加辣，但係椰香十足，甜得黎有啲辣中和，雖然愈食愈辣但停唔倒口🤭牛腩口感較煙韌，有少少筋位，每件唔算大舊，不過份量都唔少～青咖哩入面仲有啲小蕃茄、青豆做配菜。脆脆單骨雞翼 $28炸野就實無死，一定好味😋單骨雞翼就比普通雞翼更容易食得乾乾淨淨！講番兩個跟餐既湯先，雖然冬陰公湯係跟餐，但都好足料咩事！酸酸甜甜但唔會太辣，入面有好多菇～而肉丸雞湯就相對淡口，飲落味道會較溫和。一份定食有送湯同埋三色小食，有朱古力糯米滋、蛋沙律同魚餅，睇落十分豐富，亦好抵食～餐廳入面有啲畫同牆上面都有好多關於船同海既裝飾，都幾有feel架～平時諗唔倒食