木屋大排檔

營業中

休息中

今日去咗大埔食晚餐☺️首先，呢度環境好好，地方都寬敞。服務好好，一入到去，服務員好有禮貌，幫我哋安排座位。晚餐方面，我哋叫咗❤️牛油果蟹子蟹肉沙律。呢個，如果牛油果控既你真係必嗌，佢牛油果會blend好，所以口感好smooth，配埋蟹籽同蟹肉好新鮮。❤️小食拼盤（小），好扺食，春卷裏面好豐富，蔗蝦係喺拼盤之中最好食。如果兩個人叫嘅話就啱啱好。❤️生菜包，呢個跟一個優惠set，會跟一杯大啤酒，杯啤酒都幾大下。肉碎方面，好香，唔會太濕，而且辣度都適中，蔬菜方面都俾得好多🤤所以夾埋一齊食好好食😋❤️青咖喱雞。如果食到辣嘅話，可以嗌呢個，佢辣到同埋咖喱味好balance，雞嫩口。可以追加薄餅/蒜蓉包。蒜蓉包好好食！佢係焗番熱俾你，好脆口，有蒜蓉係中間，好有誠意！總括嚟講，呢間泰國菜有水準，黎到大埔必食～

星期五晚唔想煮飯但又想食好啲，咁就梗係去買外賣啦！一路都想食嘅木屋大排檔，有一個自選外賣套餐，好多唔同選擇，仲有小食加配，大大份好抵食！我們揀咗2A1B，加咗一份墨魚豆卜同蒜蓉包，大胃王兩人份量非常足夠👍🏻串燒併盤：必食‼️牛肉+雞肉+牛舌+豬頸肉❗️燒肉夠juicy唔會乾爭爭，沙嗲醬花生味重，仲有豬頸肉醬辣辣地好惹味！黃咖哩牛腩：最鍾意食泰式黃咖喱，甜甜地好開胃，牛腩炆到好淋。勁蒜勁牛油包點黃咖喱汁食最佳配搭無得輸！生菜包：酸辣度十足，重香茅蒜味，又係食完一份又一份！食淨咗第二日用嚟炒飯超正🤤🤤墨魚豆卜：有驚喜！外賣番到屋企食依然脆口！配搭的酸梅醬更係意外好味👍🏻👍🏻食落無油膩感！

首先真係覺得個環境好chill🤍所以就揀左佢黎嘆下泰國菜～出發之前睇左下menu，覺得好有特色，更加要黎試試佢！.環境有啲似泰國啲高級餐廳😛仲整左個啤酒燈牌～好正haha.大家諗唔到食咩都可以考慮下木屋推介個menu😉order上面既小食仲會送大大杯啤酒👍🏻好抵食.我地叫左鹽燒蝦10隻☺️不過略嫌鹹左少少～相信調返好個味會超惹味！！送酒一流啊～.送既啤酒一啲都唔馬虎！！係好香麥味既啤酒🍻平時少飲啤酒都覺得好飲👍🏻另外仲叫左青檸梳打 好爽～鐘意佢唔係一杯過～飲完再加飲完再加～確保夠味又夠氣😎好貼心.超級推介👀依個泰式墨魚脆豆卜好鮮味🤍點埋個泰式酸梅醬仲好食份量仲好足😂😂成十幾粒，好食到秒清.明爐酸辣花甲鍋👍🏻推介- 勁多勁多蜆，起碼15隻，粒粒大隻又鮮甜- 鐘意佢超多配菜！有雞髀菇，西洋芹，好多肉碎，搞到我地係咁飲佢個湯🤪🤪.仲有泰式炒粉絲～好香口👍🏻好夠鑊氣又係超級多配料～有青口、蝦、魷魚等等，睇相都覺豐富😂😂如果個粉絲乾身返少少仲perfect🤍.同男朋友食到飽一飽都係$400有找😍性價比真係好高😚下次要再黎試埋其他～～

叫完啲食物除咗條魚，其他都5分鐘左右就上齊晒。唔講食物味道住，除咗個湯係啱啱倒上去暖暖哋咁，其他都係一早整定放咗好耐咁樣，用餐限時1.15小時絕對做到😂啲食物唔熱之餘味道單一，啲蜆唔臭但都唔鮮甜，條魚好老唔入味，個生菜包辣味重但係唔香。個椰汁焗飯唔洗5分鐘就上到枱，好明顯就唔係即整，個飯有啲椰菜絲炒係幾好食，但唔會係你想像中嘅「椰汁焗飯」☺️完全顛覆咗我覺得泰國菜實無死嘅想法。泰國菜由細食到大，呢間真係最差一間，而我食完第二日就腸胃炎😌可能係我唔好彩🙂但係我都期望出去餐廳食飯啲餸係即叫即整，又唔係食緊自助餐🌚

出嘢飲出錯，廁所又焗又唔乾淨炒飯都幾好，稍鹹，整體ok個海南雞飯。。。咩料，千奇唔好叫啲醬料都幾好嘅，價錢都算正常，不過就唔會再叫海南雞飯。。。餐廳燈光偏暗，建議光番小小餐廳外面容易泊車十分滿分，我比六分

屯馬～開通～真的很興奮～🤣等左十二年，屯馬線終於開通左，於是就試吓搭屯馬線由土瓜灣山長水遠入去大埔搵個friend食晚飯～佢帶咗我去呢一間叫「木屋」嘅泰國餐廳～餐廳嘅內部裝修都幾有特色，而且環境都整潔乾淨，係略嫌冷氣唔夠大有啲熱，不過就當自己飛咗去泰國食泰國大餐囉🤣我哋兩條友十級肚餓，叫下叫下居然叫咗10樣野，個侍應應該都俾我哋嚇親😂 但係埋單連+1都只不過係$800， 平均都係$80個，一個字抵！《公車諗霸》$68 其實就係泰式生蝦，蝦肉爽口彈牙，連埋辣椒蒜片，加點埋泰式辣汁，開下飯路唔錯！《酸辣明爐花甲鍋》$98有種酒精膏加熱，花甲大隻又冇沙！《燒巨型大虎蝦》$68真係好大隻虎蝦，蝦肉紮實！《Singha泰國散啤》$68杯，第二杯半價天氣熱有杯冰凍生啤飲吓係爽啲嘅～而間餐廳嘅服務都做到好周到，都主動同我調換咗兩三次碟，呢個位值得一讚！

-我同👩🏻老婆近近地去屋企附近嘅 "木屋大排檔 "食泰國菜🐓青咖喱雞 $68再加埋蝦球油蒜蓉法包 🥖份量都好大份，好惹味啲咖喱點法包真係perfect match 唔會浪費哂d 咖喱食完都唔會好口渴食用完個食個法包唔夠喉🦐泰皇xo 醬粉絲蝦煲 $118D 蝦🦐好大隻同新鮮有dd辣 但唔會好油粉絲吸收晒啲精華好入味😍食泰菜梗係唔少得食烏頭🐟酸辣明爐頭烏頭 $138烏頭勁嫩滑、唔會好老而且d 配菜好多我食到好多🍄嘢飲一定要試下多D乳酪/多D/多D莓佢係藍莓乳酪🫐幾好味酸酸甜甜幾開胃

因為好耐無入大埔搵男朋友食好西。天氣熱就想食泰國野～上個月同朋友gathering都有叫過外賣，味道幾好所以今日決定再黎大蝦炒金邊粉：男朋友大讚呢個好有wok氣，香味十足，金邊粉條條分明同夠乾身，而大蝦都彈牙有質感燒豬頸肉泰式沙律🥗豬頸肉好大塊，焦香感好夠，外層香脆而肉質細緻，調味係偏向行BBQ Style~沙律茶就有唐芹菜、紫洋蔥、紅蘿蔔絲、車厘茄組成，相當重口味！因為本人偏重口同中意食香菜都接受到，但唔食唐芹既朋友可以留意下。青檸梳打真心飲極都有，因為可以自由倒，keep到氣真心想推個燒雞：$18蚊一串，雞肉香嫩唔鞋，重點係沙嗲汁花生味十足，好惹味啊！朱古力特飲：好大杯又好邪惡。係朱古力冰沙底再加忌廉，配上KitKat+百力支，成件事又甜又好朱古力，但又好合理🍫

今日約咗個好朋友食個lunch 友人好鍾意食軟殼蟹 所以佢就建議嚟呢間餐廳🤪呢間餐廳叫木屋大排檔 本身以為係食大排檔小菜 原來嚟到先知係泰國餐廳🥰泰皇青咖喱Crab焗麵包配軟殼蟹 呢碟賣相非常吸引 除咗有大大個麵包之外 兩大隻軟殼蟹令人流晒口水 軟殼蟹炸得好脆 蟹身同蟹鉗食到啖啖肉 麵包都覺得好鬆軟 青咖喱滲晒入麵包 再夾埋軟殼蟹食 簡直係絕配👍🏻辣椒膏肉豬頸肉炒飯 炒飯份量都唔少 本身驚佢太多辣椒會好辣 不過餐廳都有調校返一個適合一般人嘅口味 所以都係少少辣 唔會食到好辛苦 豬頸肉份量好多🐷呢個加配嘅小食拼盤 只係$38 但係有四款小食 都真係幾抵㗎 泰式春卷好鬆化 甘蔗炸蝦丸幾特別 食完出面彈牙嘅蝦滑🦐 再咬埋中間甜甜哋嘅甘蔗 都幾特別 其餘兩款小食就普普通通飲品方面 我地嗌左凍檸茶同埋荔枝沙冰 呢杯沙冰我都幾滿意 唔會太甜 而且唔會啲冰未融飲唔到😬呢間餐廳嘅主食都幾大份 所以比較適合大家share嚟食 真係好似大排檔咁 大件夾抵食呀🙈

話說今日去太和搵朋友 點知落到好大雨 諗住是但喺佢屋企樓下搵間餐廳嚟食吓 就見到呢間 木屋大排檔～ 見到係泰國菜大家都有啲想食🤤 就唔再搵喇即刻落去食喇😬 佢嘅餐牌都幾好 除咗文字之外有好多圖片 真係令到食慾大增 好多嘢都好想食呀🤤最搞笑係佢有教埋泰文點樣讀🤣 點完菜等緊嘅時候都可以玩吓👍🏻 小食係叫左兩款 $22春卷同埋炸魚餅 正常泰國餐廳嘅味道 不得不讚係影完相再食都仲係熱辣辣👍🏻 青咖喱雞 $68追加蝦頭油蒜蓉法包 +$28 去泰國餐廳必食嘅青咖喱同埋蒜蓉法包😎青咖喱唔算好辣 但真係好香😍 法包可能佢加咗蝦頭油 比起外面食嘅蒜蓉法包更加香口 推👍🏻 泰式墨魚脆豆卜 $58佢就係用豆卜釀左啲墨魚再拎去炸 好香口 炸到有少少乾身 不過點埋佢嘅醬汁一齊食又唔錯喎😛 同埋第一次食都幾新奇🤣 辣椒膏肉碎炒金邊粉 $72睇得出佢真係即刻炒出嚟 上枱嘅時候仲出緊煙😇肉碎有好多好大碟 見到啲辣椒但又唔會話好辣 不錯😌 泰式咖啡配鮮忌廉 $32呢個真係好好飲 咖啡好香又好滑 如果你鍾意食忌廉嘅就更加鍾意同覺得好味😋 大推！整體來講 呢間都係唔錯嘅泰國菜呀😋

阿來 mark =好好味😎呢間餐廳的 menu 有兩頁介紹泰文，等緊食野時候可以玩下先😂.🟥公車諗霸🦐 🟧泰文名黎， 其實係生蝦😆擺盤 cocktail 款咁可以打卡。生蝦都彈牙爽口唔會霉，而醬汁非平時綠色辣海鮮醬，係橙紅色酸辣汁，相對唔食辣的人都較易入口☺.🟨🍲黃咖喱雞配薄餅🟩咖喱椰汁味香濃，唔算好辣，而雞件都滑身鮮味&好大件😂配埋佢情人 - 薄餅，熱辣辣外酥内軟😎Best couple!.🟦椒鹽粟米🟪看似簡單的菜式，但食落超級香口，而且粟米好甜呀😍.✨✨!! 必食推介!! ✨✨⬛冬蔭功明爐海鮮鍋🥘⬜一上枱就 BuluBulu非常滾~超級香的酸辣味，仲有好多好大隻的海鮮😍青口，蝦，蜆，魷魚~~非常新鮮！而且有粉絲係底，索湯一流，又飲得又食得♥而因為明爐 keep 住燒，易煲到湯乾哂，但侍應會定期加湯☺仲記得我哋第一次食係見到隔離枱叫，好吸引走去問人呢個咩餸😂.仲有杯"多 D乳酪/多 D/多 D莓", 自然的士多啤梨&藍莓汁加乳酸味，唔會太甜/太多渣，開胃fresh之選☺

泰國菜是其中一樣我永遠都食唔厭的菜式，今晚就來到位於大埔的木屋大排檔，要食返夠本先。一坐低即刻睇睇Menu 上有什麼好野食，入面竟然會有泰文教學，可以邊食泰國菜邊學泰文，很有趣呢。食泰國野點少得我最愛的冬蔭公，點著火熱辣辣送上的湯十分足料，有很多野菌和大蝦，而且椰奶味香濃，辣度可接受，非常開胃。鮮蝦炒金邊粉很有鑊氣，而且不會黐埋一嚿嚿，炒到條條分明。旁邊還有芽菜，花生碎，撈埋一齊食更加有口感。記得食唔到辣的千祈唔好點旁邊的辣粉，因為真係好辣!!!黃咖喱牛腩點少得配薄餅，咖喱帶點微辣，而且牛腩炆得很淋，再加上脆卜卜的薄餅，好味到一塊接着一塊，食唔停呀！最後點少得很有夏日氣息的脆爆芒果園。是芒果沙冰來的，入面有粒雪米糍，還有爆谷，呢杯飲品既解渴又可以當甜品，正！

諗住見佢外賣APP 有折叫個外賣點知由6點落單落到8點都仲未煮好 其實做唔切不如就唔好接單 好地地父親節諗住屋企唔洗煮叫下野食搞到個個係度冇飯食搞唔掂就唔好開餐廳啦

泰吸引🤤🤤~泰吸引🤤🤤~泰吸引🤤🤤~個日去完大美督 出返返市區食飯🤡 早就聽聞大埔太和好多美食~😳今日咁岩錶位附近有間泰國菜 唔想行 唔想諗 就試試佢啦起門口睇左下MENU 就覺得好吸引~ 好多選擇 而且價錢唔貴一入店舖 似去左泰國wo haha🤣🤣店舖裝修：黑黑暗暗 & 木屋feel~ 播埋音樂 都幾正架我地3個人玩左一日 又累又餓又熱叫左好野食 唔中伏 價錢都可接受 不過只收cash 大家要小心呀我地一比錢 唔收卡就真係o左下咀 不竟依加都有好多支付方法既😳人生路不熟 仲要去搵atm 就有d煩~😟但整體都係90分以上 只係可以更好😉1.荔枝沙冰 $35真係涼透心~好消暑 正👍🏻👍🏻👍🏻飲品造型都好岩打卡~幾靚2. 香芒蟹肉炒飯 $98芒果都好甜 炒飯都粒粒分明口感幾好🤪3. 焦糖菠蘿串 $22酸酸甜甜好開胃 加埋燒左既焦糖 甜甜地 好味道~4. 黑毛豬肉串 + 牛柳條串 $20*4=$80串燒就麻麻地 醃製得太勁 食唔到肉既味道但沙嗲汁好好味 我要左泥撈飯食🤣🤣5. 馬拉盞炒通菜 $72馬拉盞好香 好好味 用沙鍋上菜 Keep住熱度好正~ 一上菜仲*沙沙聱*  蝦味好濃郁 最仲意呢

即興約朋友去食泰國菜，佢帶我去大埔一間人氣餐廳，去到都幾多人，等咗一陣，終於有得食！入到去坐低，燈光暗暗地，都幾有氣氛。先黎個小食，泰式墨魚脆豆卜，好特別，第一次見嘅菜式。我同朋友都覺得有少少似臭豆腐嘅味道加上個甜甜酸酸嘅汁，幾得意幾好食嘅。接住係酸辣明爐花甲鍋，個湯好好味，係我最鍾意嘅泰式風味！花甲大大隻，鮮甜美味呢個咸香馬拉盞炸肉排都好惹味，不過就稍為咸咗啲。見啲特飲好吸引，忍唔住點返杯。見到有一款叫「多D乳酪/多D/多D莓」，覺得幾得意就試試。大大杯顏色好靚，好fresh好冰涼，味道自然唔會過甜。