木屋大排檔

營業中

休息中

This is a very delicious Thai food in Tai Po~ surprising 🙈 We chose to eat for lunch.This is the menu with special price during covid-19~ it is worth to give it a try 👍🏻Seafood 🦞 ~ 椒鹽炒蜆， super mouthwatering with little spicy~ recommended!Small size of snack~ enough for two persons， 春卷，魚餅，蝦餅⋯ yummy 😋 I can try each one once~Shrimp 🍤 pet Time, 炒金邊粉～ the one who loves Thai food will like it very much~ a traditional Thai foodFresh 原隻椰青🥥suitable for hot summer 👍🏻👍🏻 it costs $35

最近天氣熱，反而特別想食d辣辣地，重口味既野，食泰國菜就完全岩晒我，今日行到太和，見到呢間木屋大排檔，裝修幾吾錯，餐牌又吸引，就入去試試啦店內防疫措施做得好好，有圍板隔開，規定食客吾係用餐時候一定要戴上口罩食物選擇種類十分多，仲有d好特別既款式，見到樣樣都好想食，不過眼闊肚窄，最後叫左兩個午餐，一個煲仔菜先上飲品，呢個靑檸梳打係冰底同梳打水分開上，有別於其他食市，杯野飲好似飲極都飲吾完咁泰式黑豚肉炒河，一上枱已經好香，好有鑊氣，河粉炒得好入味，又吾會太油，黑豚肉份量夠晒多，色香味俱全呀最近愛上食海南雞飯，好似食極都吾厭咁。呢到既海南雞十分嫩滑，而且好有雞味。黃油飯軟硬適中，每粒飯都佈滿油香，食吾停口叫左一個幾特別既小菜，叫馬拉盞粉絲炒什菜煲。一打開個煲我即刻嘩左一聲，用料十足，而且好香馬拉盞味，粉絲同什菜都索晒d汁，用黎送飯一流。今日呢餐飯食得好滿足，完全係冇停過口，而且坐得好舒服，下次會再黎幫襯

太和有好多唔同類型嘅餐廳!今日就揀咗呢間新開嘅泰國餐廳！七點都未夠間餐廳已經勁多人！好彩我哋早少少去咋！如果唔係都要等位🤪間餐廳充滿泰國氣氛！疫情下都冇得去旅行，就唯有嚟呢度思下鄉😢打開個餐牌真係花多眼亂😵😵勁多選擇！我叫咗生蝦，好新鮮呀勁爽甜😋好快就比我清左😂跟住叫咗串燒！超抵食！有兩串牛、兩串雞、兩串豬再加埋豬頸肉！豬肉都好Juicy，陪酒一流😋我哋再叫咗青咖喱軟殼蟹！足足有兩隻軟殼蟹，先12x!真係超抵食囉由於眼闊肚窄嘅關係，我哋仲叫咗個雜菜粉絲煲、泰式炒飯!真係食到救哂命！樣樣都好想試🤣🤣🤣叫到都唔知有咁多仲有不得不提杯嘢飲！蘋果沙冰！好靚又好好飲，唔會好似出邊咁淨係飲到啲冰，啲蘋果蓉都足料！呢間餐廳十分推介👍🏼👍🏼

知道大埔最近開咗間高質新店，為食妹嘅我當然要去朝聖啦！！一如其他餐廳，都有一啲特別優惠嘅疫情餐， 選擇都算多！！內裏嘅裝修其實都幾特別 ，真係希望可以疫情快啲過，坐低慢慢享受。由於想食佢main menu嘅菜式多啲, 所以就選擇咗main menu嘅item~煙三文魚牛油果沙律~$88煙三文魚份量算多，砌成玫瑰型非常吸睛， 牛油果，亦都有一定嘅份量， 已經配上調好既沙律醬， 沙律菜亦都非常新鮮， 爽脆嘅質感，配埋黑醋，一流！！鮮蝦炒泰式金邊粉~$88金邊粉該有嘅配料都齊備 ，難得外賣拎到返屋企， 芽菜依然爽脆， 酸甜味做得啱啱好，yummy!! 馬拉盞雞粒炒飯~$72炒飯粒粒分明， 用馬拉盞嘅香料去炒非常惹味，而且夠哂鑊氣！！其實menu仲有好多嘢想食， 只好下次再食埋其他嘢啦！！

食得多屋企飯真係都想食下外賣，重口味d,又唔駛煮得咁辛苦，泰國野成為左我疫情下最常叫外賣既菜式，因為真係掛住嗰陣濃味同重口味嘅感覺！呢日嚟到木屋大排檔，睇完餐牌之後我叫咗炸豆卜、墨魚餅、滷豬手、黃咖喱雞同埋薄餅！先講吓個炸豆卜，真係世界級！炸豆粕入邊養咗墨魚膠，食落去唔會成口都係油，點埋泰式辣將真係一絕！然後佢個墨魚餅，個墨魚餅真係夠晒大，粟米粒仲好有口感添啲墨魚膠食落去感覺到係好新鮮！滷豬手就直頭可以送飯添啦，屋企煲少少飯就可以當佢係一個餸又夠多汁豬手炆得夠林！至於黃咖喱雞直頭想飲埋啲咖喱汁，點薄餅實在係太好食，薄餅應該要叫多一份先至夠可以點晒佢啲汁！下次真係仲想食多啲其他嘢！ ！

呢間食店開咗咁耐一直都冇機會試 , 今日終於的起心肝嚟試下 🧐 平日晚上都幾多人 , 食店裝修喺模擬木屋 , 坐低望埋餐牌 , 🤓🤓 覺得呢間食店同附近嘅 _ 船好似 冬蔭功湯配野菌蝦  ($88)上菜時跟埋小火爐可以 keep 住湯嘅溫度 , 慢慢飲都唔怕 👍👍 ~ 抵讚都幾足料 , 香料粒比較粗身大粒 , 味道唔錯 , 質地偏厚少少 , 辣度適中 😋 鮮蝦炒金邊粉 ($88) 外表唔錯 , 可惜太濕潤 , 味道同金邊粉質感亦一般般 燒豬頸肉 ($88)生菜係送嘅 , 可以用嚟包住豬頸肉食 , 可惜豬頸肉有啲奇怪 🤨 ...... 佢係一舊中式蜜汁豬頸肉再點泰式酸辣汁 , 食落好甜 , 個人覺得唔合格 , 唔推介 😫整體嚟講 , 雖然衛生狀況 , 座位舒適度都唔錯 , 價錢亦合理 , 但食物質素屬中下 ,  😣 唔會回頭 lu

疫情關係冇左晚市堂食，因為星期五屋企人都想鬆一鬆，所以我地就揾左呢間泰國菜做外賣返屋企食。呢間野要轉返入內街先見到！野食選擇好多，前菜沙律到main dish要飯要粉要包要肉乜都有。咁我地叫左幾樣野食，再加埋2個野飲去。佢d盒都幾大個，所以每一個餸份量都好大呀！青咖喱軟殼蟹焗包~~幾樣野加埋咁邪惡，梗係正。香茫蟹肉炒飯個茫好fresh, 個飯幾開胃。切得好令~鮮蝦炒金邊粉有些辣~馬拉盞粉絲炒雜菜煲都值得推介，啱曬d唔想諗食咩菜既懶人。仲有軟殼蟹米紙卷，唔錯唔錯，點醬好食。😄青檸汁炸雞，西檸雞d fd(我好鍾意食) 香茅特飲同青檸soda都好好飲，唔會太甜，其實d soda我地有落去香茅特飲度，都ok😂食食下解下渴好爽其實呢間野d野食都幾有新鮮感😄所以大家係疫情其間都支持小店啦。

喺全城無堂食嘅一天，人人好徬徨去搶糧嘅時候，我選擇放工買外賣。外賣嘅感染風險低好多，而且今日嘅食肆係最需要支持呢！新開嘅店，外賣餐牌有2、3、5人餐，單叫都得，我就買左個3人餐，相當抵食。小食拼盤（小）有魚餅、肉丸、春卷等等，當中混合左泰式香料嘅魚餅同肉丸點泰式醬最好食。咸肉炒椰菜苗，呢個椰菜苗炒得相當有鑊氣，咸肉數量多，咸味恰到好處，同爽脆菜味重嘅椰菜苗炒埋好惹味。椰香味重嘅黃咖哩牛腩唔辣嘅，有薯角、牛腩、洋蔥，牛腩份量大概有7-8舊，size適中，建議加少少錢配白飯，唔係個咁靚嘅咖哩會有d浪費。成個餐焦點之一係馬拉盞肉碎炒飯，當然唔食炒飯要豬頸肉炒河都得，個飯炒得乾身，香辣惹味，配料包括肉塊，洋蔥、雞、豆角粒，口感層次好豐富。飲品包括左特飲，餐飲包埋泰式奶茶同咸檸七都唔錯。包裝方面，外賣盒係可以重用嘅微波爐膠盒，食物份量多，擺放穩陣，滿意！

以前不會自家煮便偷懶到附近的泰式《木屋》吃飯，最近新開了《木屋大排檔》就自然被吸引了！ 位於太和站 A 出口步行9 分鐘 （即舊木屋對面）環境比木屋差不多大少，燈光柔和、部份梳化位，整體很舒適。主餐牌更有85折！ 門外貼了抗疫特價餐牌提供多達16 種～ 不會重複👍🏻無骨海南雞飯 HKD 72 飯粒分明，黃金色的油飯香氣撲鼻。無骨的雞肉食用很方便，肉質也嫩滑，沾上泰式醬料後更為美味 🤤家鄉豬髀飯 HKD 62 豬髀味道調較剛剛好，肉質有彈性又可補補膠質😍泰式豬頸肉炒河 HKD 62豬頸肉沾了滿滿醬汁，咬下去肉質嫩滑，一點也不乾🥳泰式煎肉餅飯 HKD 54 肉餅沒有感到太肥膩，也不用跟醬汁。 送飯一流 😎青檸梳打 HKD 5疆蜜 HKD 2 椰青 HKD 25泰式奶茶 HKD 10味道濃郁，奶跟茶比例剛好

呢排禁堂食令，但禮拜五都唔煮飯既我地，都要搵食。機緣巧合之下搵左間新開既泰國餐廳，就入左去叫外賣。我地叫左個麵包軟殼蟹，佢個麵包好有牛油香味，個蟹炸粉唔算太多，點個青咖喱汁好好食！呢個軟殼蟹米紙卷，除左蟹之外入面有d芒果同生菜，皮薄餡令，不過生菜可以少d，因為我唔係特別鍾意食生既菜，成日覺得有d草青味。呢個香芒蟹肉炒飯份量好多，我地三個人食，仲留返一半第二日食。佢d蟹肉都好多，而且有好甜既新鮮芒果，飯炒得好香，超級讚！呢個鮮蝦炒金邊粉偏辣，蝦都幾多，粉係炒得幾好食，同埋佢有青檸，好刺激味覺神經，食辣既會好鍾意。呢個西檸雞個汁教得幾好味，佢炸得好香好脆，雞肉都唔多肥肉，都唔錯。佢呢個馬拉盞炒雜菜粉絲煲d粉絲好彈牙，而且因為用馬拉盞炒好香，食返d菜健康下！個青檸梳打好正，又酸又甜，解渴一流。呢個香茅特飲好得意，平時香茅都係食雞翼個陣先聞到陣味，原來香茅配飲品都好ok！

太和直街附近由於容易泊車又鄰近私人屋苑，向來都是食肆旺地。不過店舖的更替也很頻繁，一年到來，可能已有幾間改頭換面。今次去到開店不久的木屋大排檔，7時多去到已見到門口有人龍等候，在今日時勢算是難得也間接代表這間店舖口碑不錯吧。很欣賞店舖內的菜式雖然是泰菜但又跟一般不同。例如海鮮類比一般泰國餐廳多而且烹調方法會混合其他料理特色。我點了菠蘿虎蝦炒飯、酸菜明爐花甲鍋及泰式臘腸炒椰菜苗。菠蘿虎蝦炒飯是以鮮菠蘿盛載，但不是一向的平放，而是好像冬瓜盅的放在菠蘿中心，視覺效果很吸引。而虎蝦是用油炸再另外上，減少油膩，看得出廚師的心思，是我推介之選。

好耐無去太和食好西，今晚約埋個friend黎搵下泰國野食，兜左個圈，見哩間新開既泰國餐廳人多多好熱鬧，一於同朋友走入去睇下有無位先，服務員為我們安排到位置坐下，我地打開meau 一睇，食物款式選擇都好多，朋友睇完再睇，想食既野都好多，我地商議後決定叫香芒蟹肉炒飯、泰式海鮮炒粉絲、小食拼盤，飲品方面，我叫左我至愛的龍眼冰，朋友就飲荔枝沙冰。食物係朋友去完洗手間出黎就一一送到上枱，賣相非常吸引，我地首先食香噴噴既海鮮炒粉絲，粉絲爽口彈身，當中有好多八爪魚仔，仲有青口、蝦仁、蛋、配菜，份量好大碟，我地兩個食完巳有七成飽了，飲口龍眼冰，好甜，好多龍眼係杯裡面，而朋友果杯沙冰就係將荔枝打成蓉製作，朋友話好有荔枝味。跟住朋友就將香芒蟹肉炒飯的半邊芒果起肉，撈埋碟內閃爍的糖漿，意想不到味道非常特別，唔係好甜又唔會食到好膩，配合得宜，小食拼盤中以肉丸同魚餅最好味，無雪既味道，擺凍左都仲香脆可口。整體黎講食物都好有自己既特色，食到泰國獨有的味道係當中，得閒會再同朋友黎食下其它野食。

泰式餐廳 🇹🇭 同事介紹話好好食叫我要食哩樣個樣🤣 緊係聽地膽講啦Set Lunch包一碗仔冬陰功湯 & 青木瓜沙律🥢街頭豬頸肉拼串燒雞柳飯68HKD 豬頸肉&雞柳火喉燒得好好 🤩🤩飯炒得乾身 仲有臘腸既鹹香👍🏻追加小食〰️〰️🥢生蝦刺身48HKD 🦐比其他餐廳大隻同厚身 蝦肉彈呀既 🔸主餐牌再加嘢🥢泰式墨魚脆豆卜58HKD🦑炸得脆口 墨魚膠黏係豆卜到 口感又脆又彈呀 夾呀😎😎😎🥢冬陰功湯配野菌蝦88HKD🦐🍲食泰國野差唔多每次都會叫既冬陰功湯味濃 辣&酸比例岩岩好🌶🥢脆爆芒果園58HKD🥭🥭好有份量 解渴一流 🍧入面有芒果肉🥭&芒果糯米糍🥭🍨岩晒依家咁熱既天氣飲 透心涼✔️✔️

今日試咗佢哋嘅泰式海南雞飯，原本以為會唔錯，點知係麻麻地。雞嘅份量算多，基本上係冇骨，但雞翼除外。可能中午太忙，啲雞斬到最細件都有一吋闊，味道一般。油飯冇乜香料味，而點雞啲醬汁嘅味道有啲奇怪，而且姜蓉竟然係甜嘅。可能我冇留意到，個餐係唔跟湯，不過係有熱飲。午餐來講，佢嘅價錢唔算得係平，當然期望質素可以再好一啲。而且轉個街口就已經有其它雞飯同泰菜餐廳，希望遲啲佢哋會好啲，不過暫時應該冇咁快會再去試😅。

上次經過呢間新開張的餐廳，見到裏面都好多人食嘢，就諗住下星期要過嚟食吓😋咁岩今日經過，見到裏面有張吉枱，就衝入去拎位啦！一坐低，望到份餐牌，已經花多眼亂啦！因為真係有好多嘢食，例如沙律啦，都已經有10款，真係揀咗好耐先落單不過最後我哋都冇叫到沙律，因為見到有另一個菜仲吸引，就係呢個啫啫通菜煲！一打開個煲蓋，裏面啲菜汁仲係起晒泡，非常滾，熱辣辣咁食好惹味！友人就想飲椰青，我就反而怕飲凍野，所以叫咗一杯薑蜜，成杯薑蜜都好大杯喎！仲好夠薑味！通菜食到咁上下，主菜就到啦！係期待已久的咖喱炒大蜆，本身其實想叫咖喱牛腩，不過去其他泰菜館好少有得叫炒蜆，所以就想喺呢度叫嚟食下！粒蜆肉真係大到你唔信呀！而且咖喱甜甜地，配埋個薄餅食就一流啦！薄餅好香脆㗎，又夠厚，放到入口仲係熱辣辣㗎！呢個串燒拼盤又係值得一讚，因為佢配上兩個醬汁，一個係酸酸地嘅泰式辣醬，一個係沙嗲醬，有兩款醬汁可以交替去點，一個開胃，一個濃郁，真係好正啊！最後食埋呢個香芒蟹肉炒飯就夠晒飽啦！飯裏面原來都好多芒果肉㗎！風味十足，簡直好似去咗泰國一樣🤣星期五晚成間餐廳都坐滿人，不過我見到裏面仲有好多枱，就算要等位都唔會要等好耐，呢間木屋大排