木子甜品

營業中

休息中

同朋友打完籃球 ，見到對面有一間叫木子甜品， 立即入去涼冷氣兼吹多陣波經。 佢裏面有嘅選擇大致呢幾類好似中式糖水/芋圓系列/沙冰……我點咗呢個宇治仙草芋圓。上到枱我話嘩左幾聲， 使唔使咁大碗呀。 講番碗糖水， 佢嗰嚿係好似綠茶冰 ，淡淡嘅綠茶味而唔係雪糕。仙草就成個麵咁大碗， 裏面有一啲大大粒紅豆， 淋淋哋又唔會煲到爆曬 ， 味道同賣相都不錯 ， 另外仲有芋圓， 煙煙靭靭 ， 兩隻唔同顏色( 我估係南瓜同芋頭嘅色 )但我又食唔出有咩唔同味 ，廿零蚊真係算平，成碗隊哂，大胃王嘅我食完都話好飽好飽。

食物可以，但服務態度不良。有朋友身體不適，所以想攞杯熱水飲下。叫第一個職員，講咗句「廚房唔得閒呀」就冇咗下文。然後再叫第二個職員，一知道唔係追加食物即刻黑面，當然最後都有斟杯水過嚟。

相信提起芋圓, 一定諗到呢間餐廳, 但一直沒有機會試難得經過又立即有位, 怎可以走呢.點咗豆腐雪泥芋圓, 而同行友人就點咗熱嘅紅豆湯蓮子芋圓原來2款都差唔多, 湯底一樣係紅豆湯, 不太貼可以接受豆腐雪泥 太淡冇咩甜味 而重點可以芋圓分為2種 有餡同冇餡, 冇餡口感更佳總體嚟講尚算OK

夜晚行過悅來坊見到呢間有芋圓食，就入左去試。我同朋友食左紫米露芋圓同綠茶芋圓豆花。佢既紫米露同豆花好普通，但配料既三色芋圓入面有蕃薯或生者芋泥餡，非常好食。同埋雪泥都好食，好冰涼。

之前一直都有去開呢間食糖水，價錢實惠，野食都唔錯，今日兩公婆帶埋4歲小朋友去食，一位職員望左一陣俾左張4人枱我地，咁我地都不以為意，兩大一細諗住叫兩個糖水，因為小朋友食唔哂一個，另一位職員落單，我地叫左兩個糖水，佢就話人頭計要一人一個，我地問小朋友咁細個都要，佢話你地坐左4人枱就要！之前都無人講過4人枱就要人頭計！如果係入坐前講明我覺得無問題，我地無講過一定要坐4人枱，如果小朋友都計人頭可以入坐前講明！最後無食走左！呢間鋪嘅處事方式有問題！決定black list😡😡😡😡😡

今日食完飯，專門行去食甜品，木子甜品，仙草冰，豆腐冰，系我最愛，order 左兩樣share，兩種口味都有得食豆花2號：芋泥，腰豆，蘆薈，底系豆腐花，一球豆腐冰，芋泥好綿密，甜而不膩，豆花冰好特別，豆腐味好濃仙草2號：芋泥，腰豆蘆薈，底系仙草蜜，一球仙草冰，呢個仙草冰真系好得意，濃濃仙草味另加一份芋圓同地瓜圓，好滿意🌷本來木子有好多分店，現在有幾間消失了，每次掛住芋圓同仙草豆腐𣲙，就專門行過來食，冇以前方便了，但好味既野都酒香不怕巷子深既

同朋友在悅來坊食完飯，朋友話要食飯後甜品，於是有人提議過對面荃薈商場《木子甜品》。餐牌上甜品種類很多有芋圓、仙草、手工豆花、水果撈、布甸、慕思、白玉丸子、奶凍、沙冰、燉品等等⋯我叫咗寄生蓮子蛋茶桑寄生不帶澀味，蓮子煲得鬆化，還有細細粒黏黏靭靭的小丸子，甜度剛剛好，啱曬我口味。第二碗係川貝麥冬燉雪梨有大量的雪耳非常爽口，有半個雪梨，相當清潤。第三碗係木瓜蘋果燉海底椰蘋果、海底椰有滋潤養顔。海底椰有止咳作用蠻不錯。飯後甜品總算不錯👍🏻

每月一聚之Best芋圓Ever今日同中同係熊貓食晚飯，食完飯口淡淡，想食個甜品，中同話去熊貓食飯一定要順便食木子。本身真係對於香港所謂嘅台灣甜品無咩興趣，但係今次真係非常surprise。木子係熊貓酒店後面，過條馬路就到，五分鐘就到，都算方便。星期六晚都幾多人，但唔洗五分鐘就有位。甜品方面選擇都幾多芋圓，仙草，豆花，選擇都幾多。第一個到係豆腐雪泥芋圓，芋圓有兩種，大粒有包餡嘅芋圓好特別，咬落去啲芋泥好綿密。細粒個啲無包餡但係夠彈牙，本身碗嘢已經有唔少芋圓，但因為真係太好食，所以之後我地再額外加左份小芋圓。豆腐雪糕加埋紅豆湯，都非常之夾，好特別嘅配搭。第二碗係蘋果燉木瓜，我自己唔係好食木瓜，淨係試左幾啖，好清甜，暖暖地，好適合冬天食，佢地兩位女士自己食曬（心諗：連夠木瓜都唔放過。）甜品哩家嘢，一係唔食，要食就要食盡佢，所以我地叫做左個班尼蛋糕（真係好邪惡）。兩塊朱古力蛋糕係熱嘅，咬落唔係特別鬆軟，但入到口又好似朱古力咁溶開，味道非常香濃，都幾特別。最後仲有杯係椰子仙草冰，椰子冰非常正常，椰汁味幾香，但上面粒芒果雪糕就畫龍點睛，同出面普通芒果雪糕唔同可以食得出唔係香精味道，而真係鮮芒果味，

木嘴都好少會話D野難食，但呢間野真係堅難食！木嘴誠意送上劣評一個！完全唔明點解咁多正評！呢晚木嘴又突然芋圓毒癮起，見最近自己既呢間都要行15分鐘先有得食，唔理照狗衝過去，跑到連對鞋都堅甩埋，一仆一碌，幾經辛苦終於去到。叫左呢個豆腐雪泥芋圓，紅豆湯做底嘅。首先，個紅豆湯希到乜咁，得個甜字，只能話佢係一碗有少少紅豆味嘅水。仲要唔凍喎，常溫咁食糖水木嘴真係第一次。再講佢既芋圓，真係令木嘴太太太失望，我行到甩鞋過黎食，但D芋圓係一D都唔好食！睇返其他食評話咩好食過台灣真係得啖笑，有幾粒圓個中間仲係硬架囉，完全冇軟糯嘅感覺！芋圓無芋頭味、蕃薯圓無蕃薯味。而木嘴朋友就叫左呢杯乜春野椰汁芒果冰，好唔好食木嘴我就真係唔想再打，好大陣椰汁味同好冰咁囉。呢餐食到我個木嘴真係好唔舒服！！而家喉嚨比佢既甜味搞到起哂痰！！咩事呀呢間野！！

之前有朋友推介過好多次，但對我來講真係有啲遠，今日朋友專程車我去食，終於食到了，真係有驚喜值得推介，平靚正我哋每人揀一個甜品，包括有椰子雪泥配芋圓，2個宇治仙草芋圓，心太軟配香草雪泥，再叫多個迷你糖不甩share，承惠＄130首先介紹下個糖不甩，粒粒好似珍珠奶茶啲珍珠咁細粒，花生糖粒好香，撈晒落去食，粒粒都煙煙銀銀，香得黎唔太膩，有驚喜而心太軟，應該都比其他鋪頭平，即叫即焗，等15分鐘，都好合理，不過要趁熱食啦，一攤凍左，就會覺得好甜，未必食得晒。值得一提嘅係呢度嘅雪泥，感覺係雪糕同沙冰嘅混合體，但有冇雪巴咁易溶，好味之後輪到介紹主角：宇治仙草芋圓，雪泥出色唔使講，芋圓真係冇得彈，分量多，口感好有咬口，仲要好香芋頭，番薯味，個人認為，比起台灣嗰啲，呢度做得更出色更足料，再配埋紅豆，仙草同埋其他配料，$26，飽過食碗飯，絕對超值。食完之後，睇得出佢係用心製作，值得推薦，有時間嘅話一定會去多啲

每隔一段時間就好想食芋圓朋友帶路去到荃灣食＂木子甜品＂出地鐵後行一段路後便到了見到整潔舒服既環境便更加期待了一坐低就見到分曬類既甜品 主要的還是主打芋圓當然要簡翻芋圓啦分頁令成個餐牌更加有系統了而且更方便穩到我中意食既甜品宇治芋圓豆花紅豆芋圓豆花同綠茶雪糕令成個感覺更加豐富了圓滾滾又有光澤既芋圓睇落好好味食落煙un一啲都唔粉做到軟Q糯既感覺太好味了 我仲嫌佢俾得太少我我見個豆花底色澤甘淡又無芒汁or椰汁估五到會令我驚喜 雖然稱五上係滑 但香甜解渴連埋一粒粒既紅豆食 口感味道更加正了朋友食既 香草雪泥芋圓滿滿的紅豆沙做底也頗為不錯52蚊兩份糖水頗為經濟實惠

平日出街，口痕想食碗糖水，中式一般要$20，而西式，一般都要$30,有特色的，最少要幾十蚊。早排行去參觀完三棟屋，經過木子甜品，見個餐牌入面D甜品款式幾特別，所以就入去試試。一共試左三款，蜜爪西米露，好清甜，椰汁底個濃度啱啱好，唔會"杰"撻撻，同埋入面除左有西米，仲有一種白色同爽口的珠仔，提升了成碗甜品個口感。仙草一號，係涼粉底配很多有咬口的材料。當中，我個人覺得配紅豆一齊食，係最好味，因為紅豆甜得來，又唔覺有漏，而涼粉本身冇味的，加埋一齊食，剛剛好。最後係豆花類，豆花夠滑，而且所配材料大都是有咬口的類別，食完個肚唔會好空虛。三碗各有特色的甜品，都不用$100，大家不妨去試試，支持一下呢種用心經營的小型連鎖店。

黎到荃灣，都算係一個糖水/甜品鋪集中地。今次就黎試下呢間台式糖水鋪入到去店員就安排我地坐底，佢有好多唔同既糖水/甜品款式，有選擇困難症既我揀左好耐先決定到。間野都幾多人，我地嗌左甜品之後，等左10分鐘左右d 甜品就到齊啦最後，我係嗌左呢個鮮芒仙草。個芒果好軟身好甜，好好味，d 仙草滑嘟嘟，口感似啫喱，芋丸就有d 甜甜地，煙煙韌韌甘，好好食。仲有原本以為係朱古力既雪糕球，原來佢係仙草雪芭，好特別。仲好大兜，岩晒我呢個吃貨另外個fd 嗌左心太軟配指定既雲呢拿雪糕，朋友話個雪糕幾滑，但個心太軟有少少苦，係用dark chocolate 整既。鐘意dark chocolate 既朋友，可以試下。呢兩款甜品，大概每款20幾至30幾蚊左右，價錢都合理呀

好想食芋圓阿～我由6月講到7月，再講到8月，今晚終於可以同到李公子去食台灣芋圓了話說木子甜品都曾經係幾年前開過一間分店係葵涌石陰，當時都有好多學生光顧，可惜唔知點解一年幾左右就結業，失望！最近屋企果間去到大窩口，位置唔太方便，係係一個舊式商場入面地舖，即使係大窩口或荃灣地鐵站行過來都要10-15分鐘。晚上8點到，舖頭仲有好多位，而店舖只是一個開放式的長方形，有點冷氣唔太夠。一打開menu就見到有好多種芋圓選擇，價錢都會比出面既糖水店便宜，不過如果要加配料既價錢就貴左啲。最後揀左呢個，一來到見到芋圓大約有10粒左右，不過兩個人share食都剛剛好，仙草配以少量糖水做底，紅豆及綠茶雪糕作伴，紅豆好甜，雪糕等一邊溶左撈埋啲仙草食，否則會有點仙草苦味重點芋圓實得來好煙un，唔似係機器製造，味道食得出好似係南瓜同芋頭兩隻味道，好食！不太貴的價錢可以食到高質素的芋圓，推薦為飯局後的完美結尾喔！

#fridayla_tsuenwan⠀⠀⠀⠀⠀⠀⠀⠀🍮木子甜品(大窩口店)🔸🔸🔸🔸🔸🔸🔸🔸🔸🔸🔸Muzi Dessert at Tai Wo Kou🔸🔸🔸🔸🔸🔸🔸🔸🔸🔸🔸 ⠀⠀⠀⠀⠀⠀⠀⠀⠀⠀⠀⠀⠀⠀⠀木子甜品一向以加盟形式經營，而大窩口呢間分店除左有旗艦店既水準外，亦有自家特色！⠀⠀⠀⠀ ⠀佢地主打台灣芋圓同滋潤中式甜品！⠀⠀⠀⠀ ⠀想食得甜絲絲得黎又健康💪大快朵頤得黎又高性價比？⠀⠀⠀⠀一於約埋Fd子去食木子！⠀⠀⠀⠀ ⠀💘💘💘逐一點評💘💘💘⠀⠀⠀⠀ ⠀⠀⠀⠀1️⃣Q彈招牌芋圓 (不同配搭不同價錢)💭比較中意無餡個只，因為好煙韌，再沾上芝麻花生🥜，口感無得彈⠀⠀⠀⠀ ⠀⠀2️⃣木瓜🍎燉海底椰 (必試！) 💲27💭適逢L小姐唔舒服💃，食呢個就岩岩好，入口好滋潤，又唔會太甜⠀⠀⠀⠀ ⠀⠀3️⃣芒果奶凍 (必試！)💲19💭果然系新鮮芒果製造，果香味重，一啖接一啖，食到停唔到口😍⠀⠀⠀ ⠀4️⃣心太軟配抹茶雪泥🍀 💲48💭外脆內嫩，朱古力味好濃，但抹茶味比較淡，建議配雲呢拿雪糕，重可以平$10⠀⠀ ⠀⠀⠀⠀⠀⠀⠀⠀⠀⠀⠀ ⠀⠀⠀⠀⠀⠀◤ 木子甜品@大窩口店◥ ⠀ ⠀🔹🔹🔹🔹🔹🔹🔹🔹🔹🔹🔹🔹🔹🔹🔹🗺️∶荃薈商