木子園 (已結業)

星期日放假，一家人下午去咗灣仔朋友屋企玩，玩完之後阿仔又話要去Donki, 於是晚餐就喺Donki 附近搵食喇。之前上網都見到呢間餐廳新開，裝修好靚，兩個仔已經比門口嘅搖搖凳吸引咗，於是決定入去一試。我哋本身都鍾意食中菜，所以入到去都好容易揀到想食嘅嘢我哋點咗紅海蜇頭，花雕蛋白蒸蝦球，酸菜斑片，上海粗炒，同埋蔥爆牛肩肉。阿仔要咗果汁，我見有好多Cocktail，好特別！不過揸咗車，下次無揸車先再嚟試酒精飲品🍹（掛住食，竟然唔記得影重頭戲 - 酸菜斑片！酸菜斑片魚肉好滑，我本身都鍾意食酸菜，所以呢碟我食得最多，呢個我比五星）

同屋企人提早團年飯，之前經過見門面幾靚，book左中環新開嘅木子園。入到去環境唔係太似食京川菜，坐落都幾舒服，裝修ok。店員都好nice，我哋揀菜都揀得好耐，屋企老人家又唔太食得辣，佢都無催我哋，仲好細心講解。上菜時店員都會續樣介紹一下，唔係放底左就趕時間走人。印象最深刻係個牛肋骨，賣相靚仔，味道香，口感又正！另外我見都有好多人飲Cocktail，又有酒吧，下次收工同朋友再嚟試吓先得。整體黎講，食物好味有驚喜，份量適中，岩一家大細！

第一次黎新舖食，啲川菜同其他款式都好有驚喜， 片皮鴨必食推介，啲皮真好鬆脆，好好食新舖環境好好坐得特別舒服，圓型枱好方便，方便我地5，6個人一齊食，又唔駛坐長枱傾唔到計，所以今晚個個都傾得好開心，另外員工服務好好，好nice，因為第一次黎所以佢哋都有好多建議佢哋係出名啲咩食， 啲嘢食好快就到，估唔到場內有cocktail飲，啲酒好多款式，我地仲要可以食完飯之後可以同朋友一齊係度飲嘢唔駛轉場，一直同朋友傾到11點幾左右先走。

見新開環境又幾靚就入去試吓，點知有驚喜！黑松露煙燻流心蛋黑松露配上好重煙熏味嘅流心蛋，好正！流心啱啱見到！灌湯小籠包皮搓得剛好，柔軟！入面的湯汁都好鮮味。砂鍋雲吞雞火腿上湯好濃，好鮮甜！雲呑好鮮味！雞亦都ok爆汁牛肉餅都好好味🤤，好有水準！乾煸四季豆肉碎炒得好香口，送飯應該幾正！甜品點了兩款，雪糕楊枝甘露同埋花雕焦糖燉蛋個花雕焦糖燉蛋好出色！淡淡的花雕味又不會太搶，好想再試！整體嚟講，呢間間餐廳幾有質素，下次叫多啲人試多啲嘢先得！中環區呢個價錢算幾合理

昨天中午到L place打算食日本嘢，但去到大堂見到一間新開嘅中餐廳，裝修幾靚，反正新開未試過，又唔使等位，就決定直接試下。中午有三款一人餐，分別$98 ， $138和$158。我和朋友二人點了一款$98和一款$138的一人餐share. 午餐包括小食，一份主菜和一份主食。主菜方面我們分別選了滑蛋炒蝦仁和咕嚕肉，主食方面選了櫻花蝦炒飯和炒拉麵。是日小食為烤麩和醉雞，烤麩唔錯，質地和調味都剛好，至於我份醉雞就不行，主要是皮和骨，沒有什麼肉，而且只得兩小嚿。主菜方面滑蛋蝦仁炒得夠滑，蝦亦新鮮。咕嚕肉的話也是一小碟，沒什麼特別，但應該是用了新鮮菠蘿的感覺。主食方面，櫻花蝦炒飯夠足料，飯亦抄得乾身，唔錯。但份量也是很少。炒拉麵的話，份量簡直少得可憐，感覺是俾小朋友食的。茶錢$18一位，如果唔飲茶可以揀咖啡或者汽水，都係$18。所以我哋叫咗兩杯咖啡，但當我哋問夥計攞兩杯水嘅時候，佢哋話要水的話都要再加每人$18 ，食水都幾深喎，咁我哋唯有就決定唔要水啦。其實以$138嘅咕嚕肉一人餐為例，加埋茶錢，再加一碟一開始就有嘅收費餐前小食，然後再加一，而且份量偏細，男士的話百分百唔夠飽，女士的話可能還可以