有得餃 (已搬遷) 新店位置

我地一行4人一入到舖頭冇4人位, 老闆娘響我地都未出聲, 就請其中一位食位讓出4人枱給我們, 很細心~ 跟住我地叫左最招牌的蟹粉餃子, 此店首創的咖哩雞肉餃子及芝士PIZZA餃子, 秘製醬汁撈麵以及芝士煙肉薄餐。 但係芝士PIZZA餃子冇晒, 所以改左金菇肥牛餃子。 第一樣係秘製醬汁撈麵, 唔食莞西的人唔好叫, 因為勁多, 我個人十分LIKE, 酸酸地, 有D生蒜, 食落好醒胃。 第二樣係蟹粉餃子, 汁多蟹味濃, $68有8粒, 仲有大大粒, 唔好諗住鯨吞, 因為超熱, 加埋個蟹醋, 味道一流, 唯欠少少薑味。 第三樣係咖哩雞肉餃子, 皮好鬆, 一樣係好熱, 因為即叫即炸, 係日式咖哩, 內有薯仔, 紅蘿蔔, 不過唔係好食到雞肉, 不過我地都覺得好好食。 第四樣係金菇肥牛餃子, 內有粗粒黑椒, 好香, 預左金菇多過牛, 不過我覺得好好食, 再加埋個秘製醬汁, 更加香口, 又香, 又酸又辣辣地, 諗起都想再食。 最後係薄餐, 雖然話係芝士同煙肉, 不過唔係好食得出, 但一試無妨。 另加三杯豆漿, 一罐可樂, 最後埋單約$200, 都算相當抵食, 最緊要你感受到每隻餃子都製作用心, 絕

呢間小店都好似開咗好耐，但一直無機會去食。今日行完山，見早早哋就去試下。星期六四點半，響元朗口既食店居然無人，本來有d驚驚哋: 嘩，唔通好難食? 但見個好斯文口既老闆娘一個坐響度包緊餃子，就心諗: 咦，都起碼係人手新鮮包口既餃子，唔係出面攞番嚟加埋d乜嘢防腐劑口既行貨吖! 於是都決定試下啦。坐低叫咗一碗豬骨湯麵加韮菜豬肉餃($32)，一碗蘿蔔雲耳豬肉餃秘製汁撈麵($32)，凍豆漿(@$6)同一碟煎餃($35)。除咗豆漿外，全部都係睇住老闆娘即叫即煮，唔係浸住加熱就算。麵上枱時熱氣騰騰，麵身有正宗北方麵口既質感，唔會糊開，非常好食，再睇餐牌介紹原來係自製麵，唔怪得之咁好食啦。撈麵個秘製汁有蒜頭同少少似咇汁口既酸味，又有dd辣辣哋吊味，撈落d麵度同點餃子都好好食(不過食到尾好似見到個汁都幾多油，下次要問下老闆娘個汁有無撈油口既先得)。至於其「鎮店名菜」(叫得「有得餃」就梗係佢d餃子啦)，韮菜豬肉餃食落香氣四溢，豬肉絶對唔嚡，相較起來，蘿蔔雲耳豬肉餃就叫人失望dd，因為我最初以為有一塊塊雲耳響餃裏面㗎嘛，點知蘿蔔同雲耳都切哂絲，有d似廣東水餃，但無蝦同個皮又無咁薄囉，但食落都幾好食口既…至於

得二次幫襯！元朗區出色的餃子店實在唔多，呢間我唔敢講話佢好出色（畢竟全香港都仲有好幾間做得好好的餃子店)，但佢都可以滿足到我的口腹啦！值得讚的係佢除左餃子之外，醬汁及其他食物都唔錯。一坐底就聞到好香的杞子味！所以先叫碗藥膳雞腳湯（$30)。好大碗，好足料。有四隻雞腳，另外仲有杞子、圓肉同一啲藥材。湯好香、雞腳好淋但唔爛，好味。餃子。佢一般的餃子$28-30 / 八隻，唔算平，但好彩皮滑餡料足，仲標榜自己用穀飼豬肉。呢次我地試左茴香豬肉餃（$30)、芹菜豬肉餃 ($28)。每份餃子都跟一碟自製醬汁，有辣/唔辣。個汁好香。但餃子就咁食唔加調味都好味。另外仲試左碟口水雞 (例牌$40) 。佢個汁加好多芹菜及蒜頭，雞面仲有超多芝麻！嗜辣的我覺得佢夠咸夠甜唔夠麻唔夠辣，唔食得太辣的另一半則覺得幾好味。豆漿 ($6)。豆味夠，唔太甜，用碎冰，非常好，好似呢啲天氣飲碎冰豆漿先夠透心涼。呢餐雖然以小店計唔算平，但食左咁多野好滿足，兩次食，食物質素都好平均。推薦！

今晚在元朗做完了一些事之後就和相公到又新街覓食. 發現原來很多舖頭都給我們試過, 再仔細看看發現有間有得餃, 門面不特出可能是因為舖頭細細吧. 只見門外有一大煲類似飯煲的東西. 約七時多, 地方細少但只得三枱客人. 但外賣的人有不少呢~有得餃果然是很多餃子款式, 還有不少小食.看見待應拿著湯碗出門外, 原來門外的大煲內就是雞腳湯, 真是很大煲呢~~~~看見湯內用料十足有龍眼肉, 杞子和其他藥材等等當然不少得有雞腳, 湯面有少許油但少不免因這碗是雞腳湯, 只覺得是真材實料不加味精~~. 雖然有油但待應都周不時會去隔走油份~除了豬腳仔還有幾片淨肉, 酒味一流不會太濃或太淡, 剛剛好~~~~~~個秘製辣汁真是頗辣, 但我和相公都覺得不配辣汁比較好味, 因為酒味太香原汁原味好吃好多~~因為第一次吃而款式又那麼多, 只好叫待應推介一下, 他說了幾款比較受歡迎的餃子, 我們就選了這款. 餃子頗大粒, 但皮有點厚中間摺位有點不太熟, 至於用料方面發現沒有冬菇可能太碎看不見吧, 亦吃不出有冬菇味道, 看似只有白菜和豬肉. 而家味道很淡, 反而這個餃子配辣汁頗為有味, 因為餃子味道實在太淡, 就像沒有加

今日於青衣"真君誕"戲棚發現佢走出元朗，有得餃！大排長龍，我就去排下排下一排十幾分鐘！當排到我時剛好賣完要再等十分鐘，最後媽媽餃子終於有得食喇！買左一個辣，一個唔辣！一試好得個皮好軟滑~~辣即就我只食得好蒜香好好味！個內涵呢足料，一試難忘！