月見日本料理

營業中

休息中

今天晚餐原想點鰻魚飯套餐，誰知老板娘推介日本海鰻飯套餐。也好，說是季節限定，未必常有，即管一試。由於海鰻是即燒，等了約25分鐘。上桌時海鰻厚切，既彈牙又鮮味。燒汁味道偏淡，以避蓋個海鰻鮮味。日本米粒粒飽滿，吸收了海鰻的精華。正！正！正！

話說有日係北角好肚餓，亂入左一間日本餐廳醫肚，突然有人同我say hello, 你認唔認得我呀? 原來係我幫襯左10幾年味自慢既女店長，今次佢自立門戶，做老闆娘，真係好突然，好似見返老朋友咁😂老闆娘服務好殷勤，仲記得我平時叫開咩，真係好窩心☺️醬油三文魚海膽飯醬油三文魚6片，帶子，海膽我食海膽既，但習慣左係香港盡量少食，老闆娘記性好好，海膽轉帶子呀嘛，呢度個丼飯好食在佢個醬油同飯，刺身當然都好肥味新鮮，旁邊d紫菜可以包住d飯當壽司咁食，真係好好食天婦羅定食什錦天婦羅，漿粉唔厚，炸得鬆脆，依舊好食甜品每次都會有兩款雪糕可以揀，食埋甜品真係好滿足自從老闆娘佢地走左之後真係少左去味自慢，味道唔同左，亦都無左個份人情味，好開心見返老闆娘，個種熟悉既感覺返晒黎☺️

食物有超多選擇，每樣都物超所值。好多都好好食，尤其是銀雪魚、刺身、炸天婦羅、牛舌、雪葩等等，超級入味！環境很好同服務好周到。食過返尋味，地標又好，好易塭。一定再回頭食呀！

環境舒適地方沒有壓迫感，交通好方便好，店員好友善，餐牌食物品種非常多，店員會因應時令新鮮嘅材料介紹給客人，味道一流賣相非常好，燒物不油，熟食味餸好好味，魚生好新鮮魚生盤排到好似藝術品咁靚，不單止咀巴享受連眼睛都可以大飽眼福，今晚食咗個柚子及白桃雪芭連甜品都好特別值得一試，所有食物都造得好精緻美味，今晚老闆介紹開左一支柚子酒味道好清夾埋啲嘢食簡直一流，如果有飯局我一定會建議呢間鋪頭，我亦都會介紹朋友去食

有質數的日本餐廳，魚湯烏冬非常出色是真正魚湯淆制，家人不停再叫，刺身新鮮，壽司飯味道有別於跟其他餐廳👍員工態度很好，特別是老板娘講解非常清昕，會下次繼續再來幫襯

試一次就夠的中價日本野 — 月見呢間日本餐廳感覺好簡潔乾淨，一入到餐廳坐低，服務員就問我地要茶定水！我地要左茶，但其實無咩茶味！餐廳有用無印香薰機加lemon grass精油雖然聞落舒服，但好似去左食泰國野咁🤭有一點點怪！我地叫左一個滑蛋黑豚飯 一個碎吞拿魚腩定食(3)個滑蛋黑豚飯定食，呢個餐有配沙律，豬扒都算幾大舊的，但食落一般，蛋有小小老！碎吞拿魚腩定食(3) 跟餐有個螢光魷魚送，食落有啲鹹，但係幾得意幾好食🤭🤭🤭魚生飯有碎吞拿魚腩，甜蝦，海膽，帶子，大葱，芝麻，壽司飯！可惜既係魚生無咩味，但擺盤幾靚！呑拿魚蓉都算多！兩個餐都有蜆麵豉湯同雪糕跟餐 個人認為個湯有點淡！有雲尼拿同抺茶，我地就簡左抹茶！正正常常的！價格偏貴，但性價比唔高，份量唔多 男人食一個定食未必飽！伹服務員好有禮貌，環境唔錯！總括而言，如果同朋友想食下飯，傾吓計呢度都係一個唔錯嘅選擇！但係如果睇食物質素嘅話，呢度就未必係第一選擇！P.S可以一試的 不會中伏 只是有一點點貴！

刺新拼盤好新鮮啊！😍拖羅好鮮甜入即溶！食完介想再食！推介碎吞魚味道好特別同平時食開既碎吞拿魚好唔同又講唔出加左啲咩！總知就好食！服務幾好服務員好有禮貌！環境都可以！下次會再幫襯

諗住新開轉手，試試佢晚餐。點知.......首先入到餐廳好熱，完全感受唔到冷氣，只有微風。茶如開水一般，無味，不如佢提供冰水好過餐牌詳盡！多選擇，價格偏高！以為食物質素會一樣高，點知......失望！唯一可讚係前菜沙拉夠凍，主菜點了定食，但質素真很一般！飯無香味，仲話自己用日本米？飯感覺像如微波爐加熱一樣，熱得太誇張。豬扒很乾很硬，較正常是麵豉湯。感覺好像是家庭式經營，希望可以多加改善，始終條街很缺乏高質日本餐廳。

今天一行9人，扶老攜幼，7月1號到月見晚飯。餐廳由好朋友介紹。地方装修雅緻，簡潔乾淨。我們被安排坐在一間半開方式房間。當然餐廳巳大半滿坐。服務員親切的招呼，端上茶並遞上菜牌。由於長者及小朋友多，他們偏愛熱食，所以今天便全點熱食。今天點了：主食：1）豬軟骨飯定食2）銀雪魚定食3）親子定食4）豬肉生薑燒定食5）海鮮稻庭烏冬6）牛肉蕎麥面7）魚湯雜菜稻庭烏冬8）燒豬腩稻庭烏冬9）海膽炒飯小食：芝士年糕、加州手卷和加州卷所有食物非常新鮮，調味適中，加上食物夠熱。尤其湯烏冬的湯，魚湯非常鮮甜，豬骨湯也非常好喝，真材實料。銀雪魚和海膽炒飯是我吃過做得最好的日本料理。價錢合理，服務又好。我想月見是北角區最好的日本料理之一。

轉咗手無耐，裝修無乜變過，見佢有位就想試下。碎吞拿魚腩定食（$158）吞拿魚份量好多😮，好淺粉紅色比較多肥膏，唔算特別靚。（走咗蔥😬）燒魚定食（$138）燒魚都幾大條，都有好多油脂，燒得唔會太乾，肉係嫩嘅。刺身拼盤 2人 （$188）刺身唔算係二人嘅份量，冇飯同埋湯配。但係刺身都新鮮，質素靚。牛肉飯（$98）牛肉嘅份量都好多，洋蔥都唔少。個汁唔會太鹹，撈飯一流👍🏻滑蛋黑豚飯（$128）都幾大舊吉列，吉列黑豚腍，但係唔係特別脆，因為有滑蛋。鹽燒三文魚頭連餃（$138）係一邊嘅三文魚餃，燒得幾脆，好多油脂好味😋。都有好多肉。炸雞（$58）炸雞都有好多舊同埋脆。有幾舊可能會多左啲粉。炸雞軟骨（$48）炸得黑左少少，同埋係一粒粒，但係好好味，好脆。叫定食仲有得送日本嘅雪糕😍 但係今日嘅味唔啱細路食😅有咖啡同埋豆腐味。老闆娘話會定期轉味道，間唔中有荔枝同埋椰子味🤔。咖啡雪糕嘅咖啡味唔係好濃（因人而異）。豆腐味唔係太濃，又唔係太甜👌🏻。如果係呢個地區嘅話價錢都算貴，但係如果係銅鑼灣嘅話價錢好合理。刺身嘅價錢就合理嘅，因為質素都唔錯。可以下次嚟試吓午餐🤔。

我哋叫咗兩個定食 定食分別有前菜煮食同埋一個甜品 前菜係麵豉湯 鹹鹹地都好夠湯味第一個定食係黑豚肉滑蛋定食 ($88) 呢個定食仲配一個沙律 🥗 但因為我唔食生野我就無試 豬扒炸得幾香脆 滑蛋半生不熟都好夠汁 總括而言都幾高分 ：7.5/10第二個定食係銀鱈魚($138)定食，前菜係豬軟骨蓮藕，醬汁好似有牛蒡做底，味道特別，最值得讚嘅係銀鱈魚燒得好好味，食落去肉質又口感，味道甜甜，下次再嚟會再encore！如果你都鍾意食魚，你一定會鍾意呢個定食，平時喺街嘅鱈魚剩係得燒汁味，冇魚味而且肉質太稔，佢就唔同，而且仲特別上網搜尋鱈魚同銀雪魚嘅分別，銀雪魚除咗口感好味之外，價錢亦比一般鱈魚貴，我哋反覆研究：呢條應該係真嘅銀雪魚，所以咁好味都係有原因嘅。：9/10好少會比到咁高分，但條魚真係都幾高質甜品方面有朱古力味雪糕或者綠茶味雪糕大家都食得幾滋味。最後最要讚賞嘅係員工嘅態度，全部員工都冇因為忙而態度差，仲好積極加熱水，叫你慢慢食小心辣親。味道不錯加上員工態度一定會再返去幫襯。

This restaurant opened two weeks ago at a street full of restaurants, but already got queues outside most of the time. So, we decided to see what the buzz is all about. Luckily when we arrived we didn't have to wait long before the hospitable manager showed us to our table. The restaurant was quite homely and felt authentically Japanese.We first had some cooked appetizers and sashimi. From the grilled black cod to the sashimi platter, I must say they were incredible. The stand out for me was the

自從上次和家人來過之後，我就把個日影過的相片放上網，就有些好友不停問我，見到這些很靚、很多好美食的相片，去那兒食日本菜？好友聽我介紹完這間後，他們都說：大家看看那天有空一齊來吃，不過我沒有想過那麼快便相約好再來吃飯，他們比我還要心急.......今晚叫左過二人餐，和一些壽司🍣、天婦羅......

我甚少來這區，聽講這區有很多不同的美食，一於和家人來看看，看到剛剛開業無耐有間日本餐廳，不如去試試，原來午餐都有很多款式選擇，價錢合理，所有午餐都是定食，真系花多眼亂，大家都不知道揀什麼好太多好野食午餐牌：有熱食、刺身、壽司、炸天婦羅、飯同烏冬......還有兒童餐，很適合帶小朋友來☺️每一款午餐定食都會有沙律、甜品同麵豉湯。原來佢地有原隻龍蝦🦞拉麵，湯底是用新鮮龍蝦製造，有種淡淡濃郁的龍蝦味，Yummy yummy !!☺️😋所有食物都很新鮮，有機會會再來食野...

近日見北角有間日本餐新開張，決定约埋朋友入去試一試，我地叫左一些刺身寿司，串燒，烏冬大家一齊share, 刺身很新鲜，海胆鲜甜，店員介紹的燒左口鱼寿司，左口魚燒得夠油夠香，串燒有很多選擇，我地叫左其中幾款，雞軟骨很香口，牛舌好吃，至於燒魚沒有燒得太乾，非常好，烏冬就誠意推介魚湯烏冬，魚湯很濃郁店員說魚湯係熬制很久先有咁既味道，烏冬煙靱，甜品就叫左柚子雪芭，柚子味很香，總括黎講，完美的一餐。