影片
以上資料只供參考, 請與餐廳確認詳情
一路都聽啲朋友講佢哋嘅餐飲超出色。沙律日日新鮮製造，係日式同埋西式完美融合嘅菜式！超多款式選擇！上次咁啱經過即刻想試吓佢嘅日式芝士蛋糕。超級軟熟好香甜！真係超乎我想像，完全唔會油膩！我細妹都勁鍾意！仲要我問咗老闆娘係低糖，佢自己親自焗嘅，食咗都唔會有罪疚感！如果有一整個嘅話我會買來做我嘅生日蛋糕😆✨之後我再試咗佢哋嘅豬腩泡菜意粉，個汁超香濃！足料到爆！真係好抵食！可以打電話俾佢哋落單叫外賣，好方便！
繼續閱讀
偶然發現餐廳，已經第三次幫襯了！ 第一次寫食評，因為每次拎外賣都發現團隊製作認真，又有禮貌。食物大大份之餘，仲色香味俱全！ 會繼續介紹俾朋友，真係好好味，值得推介👍🏻
繼續閱讀
Openrice竟然唔approve呢篇食評，我無享用餐廳提供的用餐優惠呀！全部有晒自費嘅cap圖證明架😅唔該睇睇我upload嘅外賣平台 cap圖先😅我已經喺外賣平台叫過幾次外賣，每次送到都仲熱辣辣，賣相非常好！有時老闆會送啲甜品，我最鍾意木糠布甸，口感非常軟滑香甜👍🏻👍🏻柴灣區真係唔多好嘢食，但呢間真係食過返唔到轉頭，而且好鍾意佢送餐真係好準時，又準時又保持到溫度嘅外賣，依家真係買少見少👍🏻👍🏻👍🏻👍🏻不過有美中不足，就係日式胡椒汁漢堡扒飯配厚燒玉子飯嘅漢堡扒，試咗兩次確定咗口感真係偏鞋同乾，希望老闆可以調校一下瘦肉同肥肉比例，咁就更好🙏🏻
繼續閱讀
今天在家試新野因為唔想出街，又唔想煮野食，就唯有搵外賣啦早前收過張傳單，有西餐外賣，速遞或自取均可，主打1人餐，有意粉，有飯，有Burger，有沙律第一次試，兩個人選了一個紅酒燴牛肉露筍闊面，醬汁超香濃，牛肉軟嫩入味絕對係經典菜式，另外有一個泰式青木瓜配豬頸肉蕃茄沙律，酸甜辣醒胃，青木瓜清新，豬頸肉外脆內嫩，且份量十足見餐牌其他食物亦各具特色，甚有誠意，取餐時見老闆同老闆娘笑容親切服務周到貼心，必定有下次問過老闆可以做到會，下次開P又多一個好選擇了
繼續閱讀