會所1號 愉花園 (已結業)

親友壽宴擺兩圍，要咗間房，最低消費兩萬元，埋單兩萬幾；但問佢地泊車優惠，佢地話只可以得一部車優惠，個商場星期六日消費滿四百就有兩小時優惠，現在兩萬元有幾多個四百呀？商場要電子簽賬才有泊車優惠，我們兩圍有四架車，可以用唔同卡簽四次，點知佢地話唔得，因為房間最低消費兩萬，所以不能分單，這是什麼死腦袋，泊車費是商場優惠，又不是酒樓落袋，咁不近人情，咁死腦筋⋯⋯問可唔可以叫經理嚟，佢話佢就係，乜都冇得講總之就是得一部車免費兩小時。以後有朋友請飲擺酒，一定唔黎𠲖度！

Club One 是愉景新城唯一的飲茶地方,所以就算12:00去到時, 侍應跟我們說12:45要離座, 我們都去一吃. 內裡環境很漂亮,很有田園感, 很多打卡位. 而食物質素一流,最喜歡是蟹肉炒粉絲,我們四人都讚不絕口,十分欣賞. 

訂枱一點， 但下午12時45分到嚟竟然冇位 ， 這時候場內大把空臺 ，但係服務態度超差 ， 有老人家及小朋友在外，也要企著等候 ，超級唔掂 !食物質素超級一般，8人午餐飲茶過千元埋單， 街坊質素中環價錢。唯一好的地方就是地方比較寬闊， 因為主要做擺酒。不知這間茶樓怎樣可以生存下去， 奉勸各位 千祈唔好再嚟。

黎開荃灣探親戚，本身係ClubONE會員，見ClubONE有新優惠，便去試一試佢新的晚市套餐，“果宴”~會員可享的優惠都唔錯，以$1488可以試到佢以生果為主題的6人龍蝦套餐。套餐有7樣菜式+1款雪糕甜品。首先，最值得介紹的是蒜粒蒸波士頓龍蝦，6個人去食，每人分到一邊，龍蝦肉充滿蒜香之餘，還保留到龍蝦鮮甜，龍蝦肉唔會蒸到好“鞋”。其次，是以柚子製作的鮑魚沙律，第一次食甘富豪級的沙律😂雖以柚子及果醋調味，但唔會過酸，酸酸甜甜，係唔錯的開胃菜。還有，🍓松子魚，炸到甘香鬆脆，有少少似 咕嚕肉的做法，所以配以酸甜醬食唔停口。套餐還包括了一個花膠燉蜜果雞湯，雖然同時以雞淆製而成，但湯都唔會好油膩，而且花膠好大塊。其他是火焰菠蘿炒飯，珍珠茄浸菜苗，脆皮燒雞就比較一般。最後，套餐還包括 movenpick雪糕，平時親戚好少食開呢個牌子雪糕，第一次食，覺得好滑，讚不絕口。係ClubONE食飯值得一讚，是呢度嘅服務真係好好，每一道菜佢都會先擺上枱，俾大家影相，然後就幫我地分六小碟，讓大家食得方便輕鬆，所以真係有高質服務的享受👍👍

一行人諗住呢到地方寬闊有大枱，提早四日預訂18人枱，黎到發現張枱俾其他人坐左...然後安排左我地分開兩張枱坐...經理解釋同事睇漏左 （得2張18人枱都睇錯...) 結果所有野食要叫2份...安排十分差

6月30日晚去飲場内不斷有很多射燈每10秒射你眼一次叫待應關又没反應一晚射足幾百次差D盲新人用咪説話很细聲但司儀用咪很大聲耳仔很痛十多道菜全部份量很少連飯面每人都只得一小份吃完還要去買包blacklisted 小心

第一次來到Club One飲茶，club one主要做婚禮為主，所以環境十分好，而剛巧這天準備有BB百日宴👶🏻所以店內有個百日宴的佈置！另外一入門口有個花花佈置影相也不錯👍🏻個人認為這幾款點心味道普通，不算特別好吃🤔但桂花糕很清香，而且不會太甜，這個我很喜歡但點心我覺得跟普通酒樓不差得遠！價錢方面如果有會員假日有八折，可惜我不是會員🤭總結來說如果想坐得舒服/傾計這裏較適合，不會太過嘈吵🤗

星期日想去荃灣IKEA買野，順便同朋友飲個茶先去今次去左一間未飲過既一入去個場分兩邊我諗另一邊係擺酒用一入門口就有好多好靚既擺設好多小妹妹衝埋去影相 環境夠闊夠大 坐落唔會好迫聽到隔離講野服務都好 人手充足但飲茶最緊要當然係野食！樣樣份量都好足 樣樣都好夠熱個八味豆腐真係必食 外脆內滑！叉燒腸啲料爆曬出黎，超級足料墨魚餅都好彈牙啊 唔係好似出面咁硬紅油抄手都唔太辣 幾好食其他食物都比其他酒樓高質！ 搵到個新地方飲茶～下次叫埋屋企人黎試下先🤤有機會試埋晚市都得！

「一盅兩件」可謂是香港人的飲食特色之一，孩童時，BeautySearch 最愛周末伴著媽媽上茶樓飲茶，一邊品茗、一邊享用點心，當然還可與相識的同伴一同又跑又跳，無憂的童年時，真的非常開心。出來社會工作後，長時間忙碌工作，很少再有閒情來歎下「一盅兩件」的滋味，早前，心血來潮，便與蝦子餅前來就近商場歎歎茶。其實，自從商場大翻新後，便引進了會所1号 ‧ 愉花園，只是一直在忙，未有閒情來歎茶...... 原來這兒注入了不少精緻元素，讓食客可在優雅的氛圍下享用傳統茶樓的「一盅兩件」。而且佈置上相當有心意，非常適合舉辦婚宴之用。 中午時段，選擇也不少，除有傳統點心提供外，還有一些創意選擇，好像這可愛的「Q版奶黃包」，造型十分可愛，打破傳統點心的工整，相信定必吸引小孩的眼球。餡料方面，是 BeautySearch 最愛的奶黃，雖然未有流心效果，卻有滿滿的感覺，而且甜度適中，不會有過漏的感覺。 來茶樓當然少不了一盅兩件，大大碟的「原隻鮮蝦腸粉」，當然不單是碟子大，連腸粉餡料中的大蝦也是大大隻的，真正原隻而上，而且爽口彈牙，以薄薄的腸粉包裹著，再配上甜豉油調味，既簡單又滋味！ 始終是中

食物質素很不錯，同事們團年，當然要吃好一點，大家夾錢每人280 ，有杏汁豬肺湯，砵洒焗蠔，生煎大虎蝦、番茄湯飯（賣相別緻吸引），最後來個杏仁茶養顏，整體非常滿意，當然不是日日大魚大肉，久不久一次OK啦。

同公司同事過黎飲茶，諗住club one 都有番咁上下啦，無死。所以帶左幾個客去個度試下，真係期望愈大失望更大。黎之前，睇食評有幾樣野一定要叫，我地都有叫。有個懶可愛既奶皇包，xo醬炒腸粉，皮蛋酥，仲有一般點心。好無奈既係 所有上既菜都係凍，所有都係凍，連係蒸籠入面既蝦餃燒賣都係凍，叫左燒腩仔都係凍。茶芥又貴。性價比極低

今日係二表妹結婚嘅大日子，表妹同表妹夫就選擇咗喺荃灣愉景新城嘅「會所1號 愉花園」擺結婚囍酒！而今晚嘅菜色有：鴻運脆皮乳豬燒得外皮好酥脆，肉質好鬆軟，而且係非常瘦嗰種，而且完全半點嘅脂肪，真係好正呀！百花炸釀蟹鉗炸得好金黃香脆，肉質好爽口彈牙，而且味道都幾鮮味！其實由第一道菜開始，負責我們呢檯嘅店員一直都係黑口黑面，每一道菜嚟嗰陣我們都好有禮貌咁話：「唔好意思呀！可唔可以畀我們影張相先？」最初佢喺好唔願意之下先畀我們影咗啲餸菜，但我們點樣都諗唔到嚟到呢個玉環瑤柱脯，佢竟然用極速時間將啲餸菜分咗，真係激死呀！紅燒花膠鷄絲翅嘅材料唔算好足料豐富，濃稠度唔算過稠或過稀！清蒸海星斑蒸嘅時間火候控制得啱啱好，所以肉質係超鮮甜嫩滑，而且豉油就係分開另上，所以唔會因啲豉油浸得耐而味道過鹹！蠔皇鮑魚扣花膠嘅花膠燜得好腍好入味，而且好大片厚身，至於鮑魚亦相當鮮味彈牙，而且都幾大隻！脆皮吊燒鷄嘅外皮係一啲都唔香脆，好似係擺放咗好耐而變到好腍身咁，而肉質亦比較「嚡」！砂鍋瑤柱蛋白炒飯同鮑魚汁燜伊麵係擺放埋一齊上碟，炒飯炒得都算幾乾身，但味道就淡而無味，而伊麵嘅麵質就極之腍身，可以話係完全唔需要點樣用力咬都可

由於之前在愉花園品嚐過晚飯，小菜都不錯，因此就訂枱中午飲茶食點心，曾聽家人說過這裡的點心精緻美味，前幾天，我可享受到獨特的美食了！餐廳裝修雅緻時尚，擺放了色彩鮮豔的花花，似小花園一樣，帶出優雅的感覺  ;  旁邊展示著白色大鋼琴，特顯氣派  ; 天花吊著雀籠燈飾，風格獨特，燈光色調柔和，感覺輕鬆及放鬆。這裡地方寬闊，枱與枱之間，讓人沒有壓迫感，環境清幽舒適，不會嘈雜，讓我可以舒舒服服地品嚐美點！餐牌上有午間商務海鮮餐、鮑魚餐、四人海鮮餐、精美小菜、多款特式點心及甜品  ;  亦設有兒童樂園系列，點心造型可愛，小朋友一定喜歡呢 ~魚翅鳳眼餃單是賣相已經很吸引，一條條晶瑩剔透的魚翅舖在蒸餃上，見到都想吃呢 ~蒸餃餡料幾乎全部是蝦肉，鮮甜美味，爽口彈牙，這籠蒸餃差不多給我一個人吃光了！彩蔬蒸牛肉球未曾食過那麼多菜的牛肉球，但這裡用上多蔬菜拌底，而牛肉球餡料亦很豐富，除了牛肉，還有馬蹄和蔬菜，越食越爽脆，減輕油膩感之餘，口感特別爽口，很好吃！原隻蝦餃皇蝦餃裡全部都是蝦肉，用原隻蝦肉製成，濃濃蝦味，鮮嫩多汁，口感彈牙，鮮甜美味，滿足愛吃蝦的我，太美味啦！懷舊珍珠雞香軟的糯米，口感綿密，散發著荷葉

趁著weekend來荃灣探望好久不見的auntie，順道請她飲茶，敘敘舊。她家住愉景新城，所以我便提議了Club One。Menu算多選擇，價錢同區來算不算便宜，但勝在環境舒適，也適合慢慢坐聊天。我們兩人點了頗多點心，幸好沒有叫炒飯麵，因點心的份量及size也頗大！先說我超喜歡的八味豆腐。超滑豆腐被香脆且富調味料的外皮裹著，口感豐富，很好吃。燒賣一籠四顆，新鮮出爐。吃下去時熱騰騰，且好足料，正！叉燒腸份量超大，且粉皮很滑，餡也多，不錯。這道得意點心憾我想像中好吃。甜甜的麻糬配上咸咸的皮蛋，配搭有趣，而且賣相可愛，我十分喜歡👍🏻最後，還有這道紅油抄手。說真的，我從未見過這樣大粒的抄手😂 雖然不太正宗，但始終皮薄餡多，味道也不錯的。

今日day off，媽咪又話想黎荃灣間IKEA行下，所以就帶左佢黎Discovery Park呢間「會所一號」飲茶。我地lunch hour黎到，估唔到咁旺場！我同帶位個職員講話想要張靜啲嘅枱，佢好識做咁帶左我地去比較入嘅位置，好醒目👍🏻點心選擇都好多，仲有幾款特色兒童點心，個賣相超得意。就好似呢客皮蛋雞酥，有3隻小雞喺碟，食落有甜嘅餡配上帶咸嘅皮蛋，口感幾得意。燒賣上枱熱辣辣，入面隻蝦夠大隻又有鮮味，好食！蝦餃皮算薄，個味都好正，係我最愛嘅點心！呢道紅油抄手好過癮，啲抄手係大粒到不得了，塞滿哂豬肉同芫茜。紅油調味唔錯，如果加辣味會更正。難得同媽咪飲茶，梗係要飲番杯先！