曼谷食堂 (已結業)

曼谷食堂食材大多進口自泰國，而且有泰國廚師坐鎮。環境舒適，主要吸引附近居民、上班族、年青人和遊客，午市時段座無虛席。香葉辣桁椒肉碎煎蛋飯，味道帶酸辣帶鹹香，加一隻煎蛋， 令人回味無窮。青咖喱炸豬扒飯，吃前淋上青咖喱汁，使豬扒保持外脆內軟。青咖喱愈吃愈辣，帶香濃椰奶甜味，拌飯一流。甜度部分比奶茶還要甜一點，但是我覺得，泰式奶茶就是要夠甜才道地。香港人囗味泰國人味道，價錢經濟，食物有水準，像在曼谷的飯堂吃飯般。

咁岩黎開炮台山，見到呢間小店，裝修都幾文青咁，唔似泰國野，門口個店員好友善，又見到餐牌都幾吸引，就入去試下😎叫左個三餸粉，$58，好好味！😋😋👏🏻泰式鴨湯好鮮甜，同平時一味咸好唔同💪🏻白魚蛋彈牙有魚味，魚餅有少少香茅味，牛筋都岩岩好，少少黏牙但唔韌👏🏻👏🏻👏🏻👏🏻金邊粉都好正，唔同平時軟淋淋果種👍🏻👍🏻服務態度都好好，不停幫我倒水又好禮貌，店面寬敞好坐，會再黎幫襯😄💕💕💕

第一次來這家位於炮台山站新開的泰菜～曼谷食堂供應的都是最常見的泰式小吃、粉麵飯之類，價格適中兩個人叫了二人小食拼盤+泰式小虎蝦炒金邊粉二人小食拼盤$60原本應該是包括炸蝦餅、雞翼、魚餅、春卷，但是當天缺魚餅要以炸蝦餅取代。因為我們不太喜歡魚餅所以反而不覺有問題。炸蝦餅外層偏硬不太脆、味道可以；雞翼普通；春卷最好味。泰式小虎蝦炒金邊粉$75有三只蝦，蝦肉質爽脆但欠鮮味；金邊粉只吃到茄汁味、太甜，要加點魚露添些咸香才好吃點，此款水準以下，有點失望。原本對這家店內環境和服務都頗滿意，但是食物水準不太好，同區選擇又多應該很難吸引我再光顧了，有點可惜。

朋友在附近有生意新張之喜，來參加開張儀式後，下後大雨就隨便找一個地方醫肚，就近地鐵站看到這間泰菜就進去試試。第一感覺是店員相當親切會有介紹招牌菜和全程有笑容，我們點了一個招牌雙拼海南雞配豬手飯（轉油飯要另外加錢的！記得留意啦！）和一個泰式炒金邊粉，再加配了薄荷青檸梳打。雙拼飯份量足，但油飯不夠油香味，只要一般，豬手軟熟入味略肥剛好，雞都嫩滑個就比較肥，有兩款醬配反，幫補油飯既唔夠味，梳打係會俾瓶裝梳打水你自己加，亦加了薄荷菜，挺用心的。金邊粉乾身夠味，還不錯。如果在附近工作又想吃個快的午餐，還是會再去的！

今次係我第一次係open rice 留評價因為服務同食物質素真係都好好我第一次去的時候只是拿外賣，但碗東陰海鮮河拿到回家都好好食因為外賣都咁好，所以我就打算下次親自去堂吃，仲同自己講以後想吃平靚正的午餐可以去這裡今次係我第三次去我打算試探他們的服務所以我不舉手但隨便叫一聲埋單，看有無人理我。果然有人過來。我付錢之後考慮是否給tips的時候我就開始咳。他們的 waiter 立刻幫我添一杯水，所以我十分 impressed 我本身打算係 Facebook 打卡，但他們無 check-in, 所以就唯有係到贊下

奶油包覺得...要係香港搵到一間價錢唔算貴份量又唔算少既餐廳唔係咩難事但份量唔算少之餘又要岩晒口味既真係唔可以隨街都係曼谷食堂 係奶油包一份朋友屋企附近朋友話佢平日都有食開可以去一試所以奶油包就決定係放假既日子嚟一試睇個MENU上真係有好多野食選擇價錢唔算貴奶油包就叫左個湯河揀左3樣餸...分別係蘿白，滷水鴨肉同牛丸湯底都唔錯可能奶油包個人鍾意呢種味所以覺得唔係其他寫食評既人講得咁差朋友就要左個咖哩豬頸肉飯睇落唔錯...份量都唔係少朋友話係好食既

炮台山新開泰菜餐廳，望入去似快餐店，我覺得價錢算貴，偏中上，因為佢地嘅份量都偏細份呀！但味道算不錯的～.滷水豬手飯 $58豬手好淋好入味，醬汁偏杰身，配埋個酸甜醬同酸菜做配菜好開胃，可以中和豬手嘅肥膩感，隻滷水蛋就不過不失啦，如果溏心少少就正😂.無骨海南雞飯 $68無骨海南雞都好嫩，皮肉分明，無肥膏，但唔會鞋，油飯較淡色，但都好香，個醬汁酸酸辣辣幾好味～.曼谷奶茶（凍） $22呢杯好飲！真係有喺泰國飲嘅奶茶嘅味道，偏甜，但好香好滑～

曼谷食堂，才開了幾個月，就在炮台山站A出口對面不遠。一直想來試試，都沒什麼空。我點的是午餐：青咖哩豆腐飯，58Hkd，外加3HKD的泰式紅茶。有加一服務費，共67HKD。青咖哩飯濃濃的椰奶味，特別香，油炸過的豆腐乾大概有6塊，裡面是一些綠色口感類似茄子的東西，豆腐乾小小的方塊，有口感外皮香脆，缺點是蔬菜份量太少了，飯卻很多，白米飯煮的不錯，有嚼勁。最需要點讚的是這杯紅茶！非常好喝，夏天來一杯這酸酸甜甜的解暑非常。

我係喺新張期間幫襯的，可能因為咁，無論食物或服務方面都覺得有待改善。海南雞飯，d 鷄同油飯都冇咩味。豬手飯，相比海南雞飯，味道尚可。總括，以食物水準來講，價錢略貴。

第一次寫食評今日下晝去左天后果到做野，行過見到曼谷食堂。之前係銅鑼灣已經食過，所以就入左去食。果陣時落緊大雨入去個經理一見到我就遞紙巾比我 相當貼心。之前係銅鑼灣都知道間野細碟，咁好彩落單果個係經理，當時即刻問經理份量可唔可以多D，個經理都冇say no亦唔駛另加錢。等左十五分鐘碟野終於來到，豬扒好明顯新鮮炸，好鬆好脆，咖哩味好香好濃，不過偏辣，唔係人人接受到，整睇來講個飯好好食，雖然個咖哩有小小菜，如果另上小小蔬菜會更加好。野飲叫左凍奶茶，冇特別。價錢方面就偏貴，如果唔叫加底實唔夠飽。希望餐廳方面會作出改進。

之前去過銅鑼灣曼谷食堂，上次經過見到新開炮台山曼谷食堂入左去試，價錢合理，口味適合，服務態度不錯，個個經理好好推介，整體水平良好，下次會再去。熱烈推介金不換茄子豬頸肉飯!!

第一次食呢間野係5月18號，成班同事食lunch,附近又無咩泰國野食，所以就黎試下。可惜無影相，真心後悔，首先我地成班都叫湯麵，佢有個自選湯麵揀，可以自己揀鴨湯定冬陰公湯底，然後自己揀餸。我地唔算大食，但呢碗粉連女仔都唔夠飽，更何況男仔。我揀左金邊粉，3樣餸，冬陰湯底，一黎到已經知道碗野一定唔夠飽，食左兩啖，其實我覺得佢味道方面係唔錯既，但樣樣野都好似好貴咁，因為份量少到你唔信。於是我同另一位男同事諗住加麵，就問店員可唔可以加底，當時佢話可以，加5蚊，無問題啦，加5蚊正常，所以我地兩個都打算加底。但因為店長話我地碗麵已經食緊又已經煮好，唔可以就咁加，我話咁你拎碗野入去，擺啲麵入去囉一係，都係話唔可以咁做，建議我不如你叫碗淨麵啦，我問佢，咁淨麵幾錢，心諗如果唔太貴十零廿蚊都叫啦，反正唔飽。點知一碗淨麵都話要收我58蚊，嘩，我明白依家乜都貴，食物來價唔平，但咁貴既一碗淨麵我都係第一次見，金邊粉借幾多錢?啲湯借幾多錢?我口中你拎入去廚房擺啲麵係我原本碗野度你又唔肯，咁算啦，咁貴既麵，我不如去食完去食個甜品都無咁嬲。6月8日第二次去，之所以肯去食第二次全日佢其實味道唔差，所以我今次係想加底，上

中午放食晏，落大雨吾想行咁遠，見新開試業就入去試下，一開始見到個餐牌d價錢都覺得略為偏高，都吾緊要，通脹，我明白既，最後就叫左個辣金不換茄子豬頸肉飯。但結果真係睇到呆左...首先飯同茄子豬頸肉分開放既..裝飯個碗就好大牙，但個飯份量就同小學生既拳頭無分別...而裝茄子豬頸肉個碗紬d既，豬頸肉數過係有8塊，有5塊既長度係一塊普通膠布既一半，而茄子這有5舊，但就似係張三分一條既茄子再分5舊，而整體味道認真一般，辣味少許，作為一個普通成年男人我係覺得完全吾夠飽既，就叫左加飯，侍應話加5蚊，算，因為真係好餓，隔左5分鐘黎左碗好似大家x既咖哩牛腩飯裝牛腩既正方形碗，入面白飯份量係原先小拳頭size既飯量既3倍，我心諗如果你一開始比咁既size既飯量我話者都算數，最後仲要加一，埋單$8x幾，咁既價錢去岀面茶記食到兩個干炒牛河加一個常餐啦⋯⋯真係....永無下次

之前經過見到新開左呢間泰國野 決定黎試下 星期一晚上無乜人 一坐低都無諗就好安全地叫左個海南雞飯同叫左個青檸梳打雞飯黎到已經感覺到好普通 雞薄薄份量比較少反而個汁味道唔錯但一個人食個雞飯加杯野飲差唔多$100落樓就貴左D叫左試左一次就算

今晩「真」陰公晚餐，未食過咁難食既河粉，唔好講D海鮮住，黎到碗野個樣幾靚，色水又幾好咁，飲左啖湯，完全冇辣味或者海鮮味，得少少酸味，海鮮冬陰公濃湯呢？？都唔知自己食緊乜？？河粉一夾就爛晒，似係放左一段時間，比D湯浸到爛唒咁，海鮮一樣冇味🤦🏻‍♀️碗野成$78，仲要收加一，加埋成$86，咁難食個咁既價，以後都唔會食！