曼谷車站

營業中

休息中

通常一講起食泰國菜，大家第一時間都會諗起九龍城吧！但住九龍灣的我，突然想食泰國菜，但又唔想專登走去九龍城，所以得寶商場1樓這家"曼谷車站"都係一個好選擇向來都慣好早食晚餐，昨晚6點就入座，座位多到可以任選，而且大部分都係卡位坐低後，侍應攞餐牌過來，我們二人，選了五道菜有鳳爪沙律（不過我覺得辣得好緊要，每食一口就要飲一啖飲品），炸蝦餅，燒烏頭魚，半打串燒，最後是香芒蟹肉炒飯另外又叫了杯椰汁冰同芒草沙冰！椰汁冰唔錯，但芒果沙冰就味道好淡！總括來講，都係不錯的選擇

2018年5月19日。晴。牛頭角。餐廳個名叫車站，個裝修都配合返主題，啲位幾得意，真係好似車廂咁有扶手時間尚早，未到晚飯時間，所以唔洗等就有位啦每張枱都有點餐紙，要自己睇menu填number落單唔係太餓，三個人嗌咗個炒牛河、炒通菜、半隻海南雞同一個雞油飯等咗一陣三樣野就到齊，本來都驚唔夠飽，食晒其實啱啱好同行友人唔食得辣，見個餐牌mark個炒通菜同炒牛河有一隻辣椒本來都有啲擔心但完全食到，只有輕微香口嘅辣味馬拉盞炒通菜係個份量少啲，味道唔錯炒牛河（同通菜一樣）食得出鑊氣，預計喺非大排檔嘅餐廳都會食到咁有鑊氣嘅菜式但就有點兒太油海南雞嫩滑鮮味，三個醬都非常惹味，尤其鍾意橙色嗰個酸辣醬！配埋雞油飯，簡直一流～海南雞飯絶對會再來食～～

呢間店舖嘅裝飾好搞笑有架火車喺度😂就係因為佢呢一個裝飾吸引到我入去😋價錢公道 有時如果無啦啦掛住海南雞飯行過都可以去食醬汁好好味，加上雞食落去就好好送飯，佢啲油飯都好香

去完泰國旅行無耐，就好掛住泰國既美食。經過得寶商場行上二樓，發現左依間低調得黎好起眼既泰國餐廳，門面設計有如其名-曼谷車站，仿似係車站內。餐牌種類都算多，價錢同出面差不多。一入到去，侍應就好主動俾杯溫水。落單方式係自行根據菜單上編號寫紙仔，再交俾侍應。今次叫左幾樣菜，有我每次食泰菜必食既生蝦刺身，有6條，新鮮爽口，配合醬汁同辣椒蒜頭味道剛好。飛天炒通菜，炒得好香，辣椒味突出，但唔會太辣。黃咖哩雞，叫左個白飯跟，咖哩味過淡，雞肉亦無味，薯仔反而不錯，甜甜地。

之前去得寶拎淘寶嘅嘅時候都見到呢間泰國餐廳好似好地道咁，所以就決定晚上黎試下，餐廳都幾大，好多位置，就算2個人食都會俾張闊卡位，而出菜時間可以話超快，叫左唔夠5分鐘就上菜！今次叫左一個菜一個粉面同串燒，馬拉盞炒耶菜苗，分量剛夠2個人食，耶菜苗炒得唔太生同硬，馬拉盞嘅香味撲鼻。泰式炒河，酸酸甜甜，入面有好多配料，有加蝦、蛋、芽菜一齊炒，好開胃。沙嗲串燒(雞牛豬各二)，肉燒得唔老，好嫩滑，咬落去都幾Juicy。青檸梳打，有驚喜，因為佢會俾一樽新加坡玻璃樽裝梳打水等自已加係青檸汁上，可以飲到2大杯，不過到等二杯嘅時候就會沖淡左青檸糖水嘅味道。成餐一個人都只係大概五十幾蚊，街坊價錢，好超值同好食，值得再幫襯。

今日同朋友行得寶商場，見到間餐廳設計成火車車廂的模樣，叫曼谷車站，不用等位，環境不錯，決定晚餐就在此享用。首先，蝦炒金邊粉份量很足，除左金邊粉，仲有加蝦、蛋、芽菜一齊炒，擠上幾滴西寧汁，酸酸的，很開胃。再來是香芒蟹肉炒飯，腰果鋪在炒飯上，芒果肉同炒飯混在一起，口感很清新。另外，點左一份細既椰汁雞湯，都幾辣，雞肉鮮嫩。不得不提的是串燒，我地分別點左兩串雞肉，牛肉和豬肉。配上沙爹醬，肉唔會燒得太老，不錯的選擇。

行街行到好攰呀， 就去左 曼谷車站食嘢 ，四周圍都好多人， 呢度嘅好處就係唔需要等位，環境衛生亦都唔錯 ，望落餐牌 亦唔算太貴， 而家仲搞緊優惠， 免收加一 ，所以 我哋好快就決定咗入去食啦 由於我哋一行六人 ，所以試咗好多嘢食 ，呢度嘅泰國嘢， 同平時食開 差唔多， 雖然同九龍城仲有少少距離， 但亦都唔錯 ，價錢算ok。 我哋嗌咗生菜包、 串燒 、通菜、蒜蓉包 、金邊粉 等等 ，食到好飽 係個菜鹹咗少少， 如果你等位等到攰 或者行街行到攰 ，都不妨試試😂

星期五晚嚟到九龍灣同三個朋友食飯 朋友帶咗我去德寶商場 我孤陋寡聞 真係未去過😂 由淘大廣場過去嘅途中 都好多食肆 今日先知道九龍灣除咗幾個商場 仲有咁多嘢食天氣凍食火鍋嘅餐廳好多人啊😵 唔使諗即刻轉食呢間叫曼谷車站嘅泰國菜 即刻有得坐店如其名 又真係設計得有啲似東南亞嘅火車車廂🤘🏻雖然朋友已經食咗下午茶 但係泰國菜嘅精髓就係要叫好多款小食呀嘛🤓 我哋四個人仍然係叫咗七款嘢 放到一枱都係🙊🙊🙊呢個時候又要偷懶 將所有菜式用兩張相show哂俾大家睇🤣🤣 排名不分先後 我哋叫咗生菜包 金柚沙律 蝦餅 蒜蓉包 馬拉盞炒通菜 雞肉串燒 同乾炒牛河所有野都係正常水準 香港人口味嘅泰國菜咁啦🤣 唔食得辣嘅朋友就記得要叫返少辣 每樣野都有得揀辣度㗎🤘🏻 比較鍾意係蝦餅因為佢加左啲好似墨魚粒嘅嘢係入邊 口感比較豐富 （但係我記得有一次喺上環信德中心食到 個蝦餅除咗有墨魚粒仲有洋蔥粒係入面 仲好味啲啊😛）另外蒜蓉包都好香牛油味 唔錯唔錯🤪最後埋單$391 每人90零 又可以有個靜靜地嘅地方慢慢坐同朋友傾吓計 其實幾chill😂 星期五嚟講都算係咁嚕

自己一個喺屋企 屋企又冇野可以煮黎食 就去咗附近既得寶覓食 之前有同屋企人食過呢間 覺得味道不過不失 同埋見佢又有lunch menu就揀咗呢間啦食親泰國野都好中意嗌冬蔭功既我 今次都不例外 叫咗呢個冬蔭功海鮮湯河個湯底算唔錯 同埋都幾大碗 我都爭啲食唔晒不過啲海鮮就真係好少 同埋一啲鮮味都冇.... 不過咁既價錢都唔可以期待啲海鮮可以有幾好食整體黎講 不過不失啦

一行六人齊娃娃去曼谷車站食晚飯，因為我們比較人多，所以試了很多新菜色。正宗泰式豬手飯（無骨）$68豬手一D都唔韌，炆得都算腍身，不過可以再濃味D就更好味！酸辣鳳爪 $55很辣，連配菜也很好味，很有泰國風味。喜歡吃辣的一定會愛上。燒雞半隻 $85我們係落單時專登叫烤燶D，出到來時顏色很靚，亦很香口惹味，肉質唔會因而韌左，值得推介。串燒（豬/牛/羊）半打 $68味道比較一般，唔夠熱。泰式炒金邊粉 $62味道偏淡，甜酸不夠，而且比較油。

本想去六樓後座，但行過這間曼谷車站，老公話有興趣食這間多啲喎，見餐廳環境不錯，所以就決定入去喇。叫咗一個青咖哩牛腩飯，一個泰式炒金邊粉同兩凍飲。青咖哩只有辣而不香，牛腩好硬，而且餸比較少，只有4至5件小牛腩。金邊粉就比咖哩好啲，味道正常，但是餸都是很少，只有兩隻蝦。飲品叫了兩杯普通嘢，凍檸茶同凍鴛鴦。凍檸茶不錯，茶味夠濃，甜度適中，唔太甜。但凍鴛鴦就比較奶味濃，飲唔到茶同咖啡味。但以價錢來計算就不要有太高要求了。下次都係不要更改原本的想法了

知道呢間舖開咗一段時間, 今日終於都有機會去試, 大概7點左右, 唔駛點等位一行6人, 食店環境每個卡位都裝修成一個車廂或一個車站, 可能係商場位置開既餐廳比較開揚而且唔困聲, 出菜時間都算快柚子大蝦沙律 - 賣相一般, 蝦都新鮮, 柚子鮮甜, 味道都不錯蒜蓉包 - 好好味, 蒜蓉夠多, 麵包夠脆口濕炒海鮮河粉 - 有魷魚, 菇, 雜菜, 蝦做材料, 河粉浸了汁味道不錯炒雜菜 - 普普通通一碟炒雜菜小食拼盤 - 春卷脆口, 蝦餅蝦肉都爽口, 魚餅味道都不錯龍眼冰 - 好重龍眼味, 但偏甜, 龍眼肉好多汁同清甜菠蘿冰 - 賣相不錯, 沙冰一樣, 食到頭都痛好夠凍椰汁千層糕 - 見到呢款玫瑰花型糕, 就諗起觀廣既泰點, 可惜關門大吉咗, 冇得再食, 但呢到既千層糕就差好遠, 椰汁味唔濃, 雖然口感唔差, 但都係差啲啲

在九龍灣看完電影後，剛巧是tea time，就到附近覓食。經過見到這間曼谷車站不用等位，而且座位闊落，所以就點了兩個茶餐來試試。青咖喱豬扒飯不覺得有咖喱香，完全被椰奶蓋過了，豬扒肉質有點霉，不過飯量很足，男士一定夠飽。泰式金邊粉旁邊的蝦是凍的，金邊粉甜酸味不夠，幸好算是炒得乾身不過油。下午茶時段每個餐都只是40-50元不等，不收加一，價錢都算抵食，不過質素實在一般，我寧可去商場內同一層的薩莉亞好了。

得寶給我的印象只是個舊到不行的商場而已, 但是今天跟著家姐帶著B再來竟有驚喜. 原本為了MaBaLand而來, 中場離開吃個tea. 隨便到樓上看看, 見到一間外型是一架火車的餐廳, 泰國菜正合我們回味, 而且有High chair, 試試先.正宗泰式海南雞飯 淡黃色油飯夠香, 佐以肥美海南雞更美味; 雞不是弄到太過熟因而保留了滑溜的口感, 當然生熟程度是適中的. 喜歡雞肉的嫩和厚, 雖然是下午茶價錢, 份量都足夠.椰青 (+$20)加$20其實有點貴, 但在香港通常只有泰式餐廳才有椰青供應, 椰青水超清甜, 附上長身匙羹刮起內裡椰青肉, 很易起的!

機緣巧合來了九龍灣得寶, 原來裝修後多了個懷舊主題, 還增加了好幾間餐廳. 在二樓看到一間外型是火車的泰式餐廳, 我和朋友都喜歡吃泰國菜, 試試先.冬蔭公海鮮湯河 好香冬蔭公味, 用了大碗也看到河粉和配料, 可見份量足. 連殻青口頗大粒, 放入原隻蝦連殼滾起的冬蔭公湯鮮味更突出, 尤其是很"吸收"的切片菇, 魷魚每件都非常爽口彈牙, 一點也不像普普通通的雪藏海鮮, 不得不提我最愛的河粉, 份量真心多, 味道不用說, 無得彈, 冬蔭公的香和剌激的味道盡送進肚內. 椰青 其實個湯河只是$51(下午茶價), 轉飲椰青卻要加$20. 但是值得加$20, 因為真心清甜, 多水, 椰肉夠林, 店家入貨的椰青是剛剛合飲的.