曼谷泰菜 (新都會廣場) (已結業)

我地個陣8點幾差唔多9點個陣就行到去諗住食，企樓面個呀姐（呀嬸）就話9點last order，10點關門，咁我朋友就聽唔清楚，問咁宜家係咪冇得食？個呀嬸就態度勁串話''咪話9點last order10點山囉，10點就山架啦''我望下個錶就話入去啦，反正都黎到我地嗌左一個泰式炒飯(豬肉)，半隻海南雞，蝦醬炒通菜同一碟生蝦。由於食到好急所以冇影相首先生蝦係ok幾好食既，辣既程度係中等而海南雞都ok，不過不失，但份量少到可憐，唔值呢個價蝦醬通菜冇蝦醬味而泰式炒飯更搞笑，一黎到個賣相已經成個揚州炒飯咁，係99.9%似！！後悔冇影相😂食落仲要好淡口，唔好食，知道人地山10點都盡量食快d，食到一半佢就開始同全場既人賣左單先，ok 我理解，之後9點四十幾分個陣就開始拖地汁野，仲俾我聽到有個侍應話仲有兩枱客未走(音量係絕對能令客人聽到既）咁樣趕客法自問真係唔會再幫襯呢間野，兩個人賣單都$400，仲要收加一，真好意思😂完全唔值咁既態度我仲以為自己去左大排擋/酒樓，老闆邊到請啲咁好既員工黎幫自己趕客，真係西非利P.s.想要準時收工既心態我明白，但作為服務性行業就應該要有返一個應有既樣子，10點都未到就開始

同事食過介紹呢間泰國菜幾唔錯，見公司附近有， lunch Time就同同事過去試吓。我哋一人叫咗一杯飲品，椰青同埋香茅薑蜜都幾好，但我偏偏就叫咗一杯大伏！我叫嘅係菠蘿梳打，好明顯係菠蘿嘅糖漿同啲水完全分開咗，只係面有幾個菠蘿就當係菠蘿汁！一杯飲品價錢唔係特別平，仲要唔係新鮮炸都算，俾咁多糖漿落去會唔會太唔健康！叫咗個酸辣去骨鳳爪頭盤，鳳爪辣度唔錯，口感幾爽脆。仲配搭左好多唔同嘅配料，係一個幾fresh嘅頭盤~另外叫多咗一個泰式小食拼盤，其實咁多種類每一樣嘅味道都差唔多，同埋味道都冇特別好味。可能個人唔係太鍾意炸嘅食物，再加上每一種食物都放咗泰式香料，唔係每個人都食得慣。為咗夠飽當然要叫一個菠蘿炒飯，呢個飯嘅味道幾好，略嫌份量少左啲！仲叫咗一條泰式明爐烏頭魚，同平時食開嘅都差唔多冇咩特別，魚嘅肉質嫩得來比較實，加上微酸嘅湯汁，食落去好開胃。總括而言，呢間野嘅食物質素一般，價錢都偏中上。

葵芳除左葵涌廣場有好野食外，新都會應該算係冇啖好食本身等緊新都會某餐廳嘅，因為等太耐所以先試下呢間餐廳，而我都係食過屯門分店嘅。今次嗌左酸辣椰汁雞湯個湯得個辣字，個湯好似有啲粉係到。飲完喉嚨好痛，好那喉。完全飲唔到有椰汁味，而且唔夠熱！椰汁青咖喱蝦球似湯多過似汁？又係得個辣字同唔夠熱，一啲咖哩香味都冇。有8粒蝦球囉逼我浪費食物，食左兩啖冇食泰式豬頸肉撈面一個冷冰冰嘅撈麵，份量少豬頸肉普普通通泰式海南雞飯普普通通一個海南雞飯，個飯冇油香即係普通白飯喇啲雞又少又難咬一個咁樣嘅海南雞飯會係價值76蚊？青檸梳打普通喇，因為飲完個酸辣椰汁雞湯好喉嚨痛先嗌，明知唔值30蚊都焗住嗌總結嚟講，我食過咁多間泰菜，我從來未試過食一間咁垃圾嘅泰國菜！我食食吓個時，待應擺咗碗扎肉河落黎。我作為一個誠實嘅孩子，梗係即時同侍應講啦。佢完全唔理我囉跟住我同朋友揮晒手，班待應係見到都當睇唔到，淨係掛住傾計其實你地係唔係傾少一陣計會生意失敗？我覺得成餐飯根本唔值呢個價錢，點解仲好意思收服務費？我想搵個侍應幫我加水都難，幫一個加水又唔幫另一個加，淨係掛住傾計同朋友食完呢餐好唔舒服好想嘔，我諗係因為啲食物唔夠熱經過今次我會

中午食飯去左葵涌食飯，新都會有一間泰國菜店，不過中午其實價錢都唔平。因為我好想食冬陰公，叫咗一個肥牛冬陰公米線，米線有少少似發水米線質感太過稔。啲肥油質素亦都唔係太好，因為一舊舊而且太過老。有一啲墨魚丸同埋菇，味道比較鹹。另外都有少少魚餅味道好濃郁比較油膩。凍檸茶一杯普普通通冇乜特別

6點半去到俾咗個去公園嘅門口位我地，啲人經個門出出入入，出面啲熱氣同冷氣搞到我地成餐飯冰火兩重天。問可唔可以調位個經理話已經有人Book咗，但係我地黎之前打去Book有位小姐係話佢地依到係冇得Book枱。結果嗰啲枱係俾咗啲明顯係排隊入嘅人，重點係個經理態度令到我地好唔舒服，明明其他侍應態度都好好。然後我地嗌十樣嘢九樣都話冇曬，唔知係佢地啲太賣定係本來係冇整過所以六點半未到就已經乜都冇啦。啲嘢食質量同價錢都唔成正比。反正唔會再黎食。

今日隨便走左入黎食晚飯，叫了一個香芋焗飯，賣相同菜譜完全唔同，我仲以為叫左豆腐火腩飯。裡面得幾粒芋頭，完全無芋頭味，豆腐火腩飯好食好多。我已經係垃圾桶，都食剩一半。原本諗住叫個甜品，都係咪喇。

作為葵青人，間唔中都要支持下自己個區既食店既今次就揀左一間泰國菜食我餐生日飯我地一行五人(包括我兩歲半的外甥女)去到店舖的時候，店員便為我們帶位，當天是星期三，店內客人不算很多。坐下後，職員很快地為我們送上水和餐牌以下為食店的食品種類://小食////酸辣////湯類////海鮮////咖喱////小菜////蔬菜////飯類////炒河*金邊粉////甜品////飯品////其他餐牌//在餐牌上可以見到它這間的菜式是挺多的,不過我那時不能食蟹,因此只能點比較普通的泰國菜104 泰式生蝦刺身//$88//這是我姐姐選的,送到桌上的時候,我覺得88元也挺貴的,因為一共有8隻蝦在生蝦下面就是一塊很大的冰塊,這點做的不錯,讓這刺身即便放久一點也可以保持溫度在每一隻蝦上面都有一些辣醬(真的挺辣的,不過你可以弄走它)蝦的新鮮加上這辣醬真的不錯雖然份量較少,但這是一道有驚的菜式(這些是覺得好食,但是和外面一些泰式小餐館味道相差無幾,但是價錢卻偏貴了)008 炭燒豬頸肉//$76//我一直都是很喜歡食豬頸肉的配飯吃一流這間的豬頸肉是好吃,但是很普通,沒有驚喜豬頸肉好像沒有煮不好吃的理由011A 串燒

Lunch 試新野去新都會食泰國菜呢間環境幾高級，當然價錢都有番咁上下啦，而且位置好多好大！ 佢地有lunch set 或者單點，選擇好多balloon飲品都好有泰式神髓叫左個椰青，幾清甜，都幾大個，但係我地單點食物飲呢個就好貴！呢個係香茅薑蜜，好特出既薑味，但又唔會好辣！可能因為佢加左少少蜜糖～呢個係同事極力推介既炒飯，食落去咸香得黎辣辣地，好夠味，但又唔會好咸呢個我麻麻地，因為佢係偏甜，如果係咸既會好好多～而且除左甜味我都食唔出有其他味，不過我知正宗泰菜係偏甜既馬拉盞炒通常味道偏淡，平時食開既好惹味，不過通菜都幾嫩簡單黎講呢間唔係難食，不過唔岩我胃口，而且價錢都偏貴

如果好似食客pwp9511所講嘅話！我覺得成個廚房出品部班底要換哂！！我係一名中泰混血兒、亦係一名略有天份嘅天才廚師亦係食家。論心以言本人未曾光顧貴店、不知出品是否如此差劣、但作為廚師應有責任、保持出品新鮮、應有水準、出品大細均衡、及理應顧及進食者（每位客人）的感受、即係將心比己、每樣出品都要用心制作、對食品、出品有要求、及要有一個準則！過得自己過得客人！咁樣客人先會有信心光顧至於樓面方面、因為樓面係前線員工亦係最先接待客人、最先知道客人嘅要求！所以一間有規模、有水準嘅餐廳除咗出品令客人滿意外、樓面嘅服務態度亦係十分重要、因為無論廚師嘅出品如何有高水準、亦要樓面有水準嘅服務態度配合才可得到客人嘅認同、稱讚、何況每間食店都有一個名為“神秘顧客”的客人、去寫每間食店嘅食評！所以作為一間餐廳嘅經理、主廚要有高度嘅能力去培訓每位員工、所以用心去做每一件事係最重要、何況餐廳除咗係飲食業之外、亦係服務性行業！即係食品要令客人滿意外、服務態度亦要得到客人認同！

叫了個軟殼蟹，軟殻蟹十足蝦米咁細，且完全無蟹味，落咗成擔盐咁，鹹到條脷都苦。坐低埋位居然無餐牌，叫咗好耐先有餐牌，但隔籬左右明明有夏日推介餐牌，叫咗好耐先再有推介餐牌。另外叫咗豬脾又鹹到阿媽都認唔到，懷疑食物不新鮮所以勁落盐，埋單360幾，如此服務，如此質素，如此價錢，簡直揾笨！

那天下班，跟朋友在葵涌放工行走到葵芳新都會廣場，走着走着尋找到一間曼谷菜在門口看餐牌發現食物種類繁多，例如最熱門的曼谷菜冬陰公湯，椰汁糕，酸辣鳳爪，芒果飯等等。味道不錯，未到到味

except for the grilled pork neck and pineapple fried rice, all the other dishes were extremely disappointing. You can't go wrong with grilled pork neck in the first place! we ordered veg, Pad Thai and Glass Noodle salad as well. the Pad Thai was very bland. glass noodle salad was surprisingly bad and it didn't even look like the normal Thai glass noodle salads that I have been eating at other places. Overall, it was a bad meal and I'm not coming back again.

經過葵芳睇下有咩食下，見到呢間冇咩人又靚靚地就入下去菠蘿炒飯 $65個炒飯平平無其。。個菠蘿偏酸。啲飯又有少少乾。不過加咗啲肉鬆落去食都幾得意。馬拉棧通菜 $50-60 (個名同個價都唔太記得)個菜啲汁頗咸，要配飯先可以中和返少少，要飲返好多水。整體黎講間野麻麻地普通啦，啲staff態度都麻麻，又催你問你食咩。

【泰式海南雞飯配雞油香飯】HK$62 跟餐湯,餐茶一個lunch set既海南雞飯跟一個餐湯同一杯Ccoffee or tea, 如果要飲特飲就要另加$10~餐湯係莞茜+冬瓜湯, 好甜, 幾好飲...嗌左個特飲椰汁珍多冰,好甜, 但椰汁味唔太重, 而且攪伴後,成杯野變左淺粉紅色,應該係野飲入面有類似紅莓既脫色 (唔太肯定), 但我係出面飲珍多冰係未試過出現變色~海南雞相比算多, 雞皮唔太黃,亦都冇肥油, 雞已經被去骨, 都幾滑...但油飯就做唔到粒粒分明, 有d爛...而醬汁係酸酸甜甜, 幾開胃既~~埋單連加一,都要$80一個Lunch, 感覺佢咁既質素唔太值呢個價...

失業第九天決定要出來走走，並吃個下午茶來當午餐，搭車來到葵芳，四處逛逛看那間餐廳的下午茶吸引最後來到新都會五樓的泰式餐廳，印象中應該上年才開張下午茶餐42元起，有一主菜一小食和餐飲一杯主菜有海南雞飯/咖喱飯/湯麵/炒粉；小食則有魚餅/春卷/沙律等；餐飲有奶茶/檸茶/咖啡/泰式香茅茶等我點了溂沙肥牛米線(辣)，青瓜絲沙律和凍檸茶首先凍檸茶上桌……滿滿的冰，檸檬也戳不了……喝了一口……嗯，好甜……下次叫的時候請記得少冰少甜然後青瓜絲沙律跟住上，比想像中大碟，有青瓜絲、蕃茄、四季豆、花生，酸酸甜甜，蠻開胃最後是主菜的溂沙肥牛米線，湯底不錯，味道剛剛好，亦夠熱，但米線量異常地少，肥牛反而有兩大片，單吃主菜不夠飽，加上小食勉強令肚子沒那麼空虛……我想下次吃飯會比較實在總結：味道不錯、款式算多、環境服務一般，但勝在價錢便宜，不用47元便可安坐在餐廳，偶然可一試