曼谷泰菜 (已結業)

同三位舊同事食遲來的開年飯。由於前幾次出黎都係食西餐，呢次就決定轉下口味，食東南亞野。之前參加OR在曼谷泰菜香港仔店o既聚會，覺得佢D野食都唔錯，就即管去天后分店一試，睇下老細唔o係度時o既質素又如何普通周日o既晚上，細細o既店面係坐滿晒，生意似乎幾好。我地三女一男，叫左細泰式拼盤、金柚子蝦球沙律、海苔蝦薄餅、香茅燒魚、南瓜飯同大泰式甜品拼盤。個泰式拼盤包小食如香葉包燒雞、炸蝦餅、春卷等，味道都OK，不過又談不上特別精彩。金柚子蝦球沙律味道幾特別，撈左椰絲同炸鹹魚仔，配普通水準o既蝦球，都算交倒功課，不過我覺得自己整o既柚子沙律好食過佢好多 海苔蝦薄餅係相當好味o既小食，質地爽脆又唔覺太油膩，同佢o既魷魚薄餅有得揮，兩者都係送啤酒佳品。香茅燒魚係另一個唔錯o既選擇，大大條開邊燒好o既魚上面灑滿香茅同醬料，食落好惹味，個人認為比明爐燒魚更好─其實o係香港，暫時都未食過真係好正o既泰式明爐燒魚。南瓜飯係當晚笑點之一，事緣其中一位女士坐低就叫住要食南瓜飯，咁我咪因應佢o既要求叫囉。點知個飯黎到，佢竟然問係咪俾錯左，點解冇芋頭─原來佢個心一直諗住要食芋頭飯，但個口就講左南瓜飯，真係俾佢笑死！個

21-8-2005 1810行完半day銅鑼灣後，已經半餓，咁我就提議食泰菜，諗起上次係香港仔既gathering，不如試下另一分店，最近都要係天后，佢話冇問題，咁就黎個早早既dinner。入到去後，經過一輪提議及朋友唔係咁食得辣後，最後點了以下菜式：香葉包雞、酸辣椰汁雞湯、薑葱炒蟹、蝦醬炒飯、泰式炒通菜及泰式甜品拼盤。未上菜前，先黎一客蝦片、唔脆，雖則未致於索曬水蒸氣，已留下不太好的印象；酸辣椰汁雞湯，有好香的椰汁味，雞係用雞柳，還有好香既香料味，辣度已經吩咐他們調到最少，個人而言，是冬蔭公湯以外的另一個值得推介；薑葱炒蟹當然冇可能與大排檔那麼有鑊氣，最大問題係略鹹；炒通菜及蝦醬其實質素真係幾好，至少菜炒完及油份不多下可以保持青緣色，飯出來後都係一粒粒，不過都係犯上炒蟹的同一個毛病：略鹹，自己本身的味覺肯定沒有問題，希望此文出街時已經作出改善；香葉包雞係另一個值得推薦的食物，雞選用了雞胸，味道恰到好處，炸完後油份不會太多；最後當然係甜品，裡面包括有椰汁西米糕、椰汁大菜糕、椰汁拉糕，都幾好食，而令我最深刻係粉葛，佢係用糖水浸，唔太甜，中間部份都有味道。如不是剛剛有三味菜式比較突出，這餐

今晚約了朋友食飯，我們提議去香港仔的曼谷泰菜，但因真係遠了點，因此便改去天后這間分店；但心想，不知食物會否一樣這樣好食？但地點比較方便，就決定了來試試。我們叫了魷魚薄餅、泰式拼盤(小)、香酥軟殼蟹、冬蔭功湯(小)、蝦醬沙煲通菜和香焗芋頭飯。魷魚薄餅- 和上次食沒有多大分別，一樣這樣香脆，也很魷魚香味，真係值得一試。泰式拼盤(小) - 初初還想會否太少，想不到原來都唔細，蝦餅和春卷是我的最愛，炸札肉都唔錯，但就沒有了炸魚餅，改為香葉包雞，可惜雞肉比較上韌口。香酥軟殼蟹- 炸得好脆，味道也很香濃，送酒一流，可惜今晚的朋友也不大喜歡飲酒。冬蔭功湯(小) - 四個人要個細的，又真係幾少，當試試味還可以；今次比上次辣了少少，酸味比較重，都幾開胃，唔錯唔錯。蝦醬沙煲通菜- 通菜很新鮮，味道也唔錯，可以一試。香焗芋頭飯- 很香芋頭味，我就好喜歡，但朋友就覺得漏了點。食物上得好快，令一些脆炸的食物比較容易變，看來下次真係要分開兩次叫，不用一次過來得太多。地方比較細，人多就比較麻煩少少，看來樓上會比較舒服點。差不多食完時，看到<聰老闆>來了，<聰老闆>很熱情的招呼我們，又

上網見到D網友講開呢間餐廳D食物好食，於是八月二十二日同班同事一齊去食。當晚我o地一行九人總共點左15樣野食。整體來講，食物D味道過於偏甜。我地當晚叫左好多野食。成班同事一致覺得整晚最好味系甜品。紅加哩鴨-- D鴨肉好嫩，好入味炒金邊粉-- D粉好煙韌同埋唔系好多油泰式豬頸肉--外脆內軟冬陰功湯-- 超好味，一定要試咖哩炒蟹-- 侍應話系間鋪頭o既招牌菜，食完大家一致覺得不外如是，麻麻地）鹹魚炒介蘭，泰式炒通菜（勁鹹）釀鵝肝鮮蝦丸-- 一D都唔好食兼唔抵食，D鵝肝要搵放大鏡先搵到）香酥軟殼蟹–幾脆幾鬆,唔點汁好過點魷魚薄餅–無裏味道，無D魷魚味。唔值得食釀糯米雞翼–好食鳳梨炒飯–好味椰汁木薯–好好味，一定要食。因出面D泰國餐廳好少有呢個甜品椰汁千層糕–熱辣辣，好煙韌，好食南瓜布丁–好特別o既一道甜品

是日同事抱恙在家，食飯時候去左探佢，本來諗住一齊去食飯，點知佢要戒口，就只在泉和買碗白粥俾佢，我再自己去找吃的。記得在版面有這個贊助商，成日經過都未試過，是日行過見幾多人幫襯但還有二人檯，就來吃一下。仲記得呢度裝修過，家陣地方企理左好多。由樓面及廚房都全是南亞裔人士，好似幾正宗。有多款午市套餐，價錢由三十幾到四十幾蚊，已包飲品及甜品，幾經濟。叫了個辣肉碎炒飯，同杯青檸疏打。呢度起菜速度非常之快，由落單到碟飯擺在面前，真係一分鐘都唔使﹝真係無誇張，快到我問番佢有無送錯，回應是沒有的﹞！加埋杯青檸疏打，前後四分鐘左右，如果有起菜比賽的話，敢說呢度都名列前茅。起菜咁快，第一時間諗到會唔會係炒定？吃一口，又幾熱，唔似番叮﹝叮都叮唔切咁快﹞。原不寄厚望，但吃落發覺炒得乾身不油膩之餘，又幾香口。還有是越吃越辣，應該是青辣椒的乾辣，幾掂。下次唔知可唔可以叫佢炒辣一點，不過呢個炒飯是不錯的。青檸疏打是「檸七」，熱天飲落都涼浸浸。飯後甜品是椰汁芋頭粟米，是意料之外的唔差。埋單35蚊，經濟抵食，經過附近的話，可以一試。

我同屋企人食飯,食左一個4人套餐,覺得d 食物好正,好好味,所以下次都一定會再去....(仲有d 甜品好delicious 又好特別)呀!

泰菜味道已經偏濃，再落咁多味精，令我朋友吃了幾啖便開始頭痛，正是受味精的影響。*東陰公: 唔多夠味，唔辣亦唔酸*猪頸肉: 唔錯*炒通菜: 勁多味精*黃咖喱炒猪肉: 豬肉味好濃烈*柚了沙律: 份量較少*椰汁燕窩: 好多料，但唔係好似燕窩

依到都有幾多款唔同既lunch可以揀。我同媽咪揀左一個泰式炒金邊粉同雞肉炒飯，前者少少少少少少酸酸好開胃好好味，後者雞肉暖都唔暖下，感覺就係佢炒左d飯放d雞肉響上面一樣。兩者比較，緊係泰式炒金邊粉好味啦。set lunch有一樣野飲同甜品，野飲揀左青檸梳打，好冰涼唔太甜幾好飲。甜品係好杰既野，我食唔出係咩黎，覺得有少少既杏仁味，媽咪話係綠豆蓉，雖然佢話太過甜，不過就好食。加埋一都係66，唔錯。