影片
港鐵石硤尾站 C 出口, 步行約5分鐘
繼續閱讀
電話號碼
46146544
營業時間
今日營業
11:00 - 20:00
星期一至五
11:00 - 20:00
星期六至日
全日休息
公眾假期
全日休息
*如星期日為初一十五，則開門
以上資料只供參考, 請與餐廳確認詳情
由於機緣，有一個小時的空檔。於是將原本找素的行程提早。找在白田商場的晶晶素食店，進入商場地下入口步行3分鐘內便在右邊發現。在門口玻璃貼滿了餐牌，星期一至六都有不同的健康快餐，但都沒有價錢。進入店舖，老闆娘即刻介紹，門口玻璃貼著的是清淡健康版餐牌，店內的是惹味餐牌😆。花多眼亂，聽了老闆娘推介，選了很久，最後決定了金沙骨（$35/5件）； 薑黃炒飯（包兩件蓮藕餅）（$47）；素五寶卷（$58/10件）。由於即叫即整，在等候期間參觀了白田商場其他地方，懷舊一下唸書時的時光。應該等了不用20分鐘，就可取餐了。不敵在冰櫃裡的糯米雞（$55/2隻），是老闆娘親手製，雖然會在街留連多一個多小時，忍不住都買了兩隻。（在第二天立即試食，足料好味😋）除了薑黃炒飯薑味太濃，要混老闆娘送的自家製XO醬才能中和😆，其他都開胃惹味，是我一家人的口味😋😋😋下回要試試老闆娘的餃子😋
繼續閱讀
一路都係跟住大家嘅推介去試唔同嘅素食餐廳今次第一次寫食評🙋🏾♀️因為覺得晶晶素食店值得向大家推介！🔥佢係一間位於白田購物中心入面嘅小店行入去坐低咗就覺得好cozy雖然座位唔多，舖頭亦一眼睇晒，但好多人都係grab and go咁🏃🏽♀️💨望住menu📖有少少選擇困難嘅我見到好多選擇要啲時間好彩老闆娘好friendly好nice好細心咁問我嘅preference仲好詳細咁介紹唔同嘅食物原來絕大部份嘅餸同食材都係老闆娘親自預備連蜜汁素鰻魚都係自己用素漿整😍唔係魚漿 因此素鰻魚嘅鮮味都係來自紫菜傾多一陣，發現糯米雞同埋糭都係自己包好勁！老闆娘仲話因為啲糭要蒸半個鐘，如有需要可以提早一個鐘喺WhatsApp落定單咁就唔使等咁耐啦⏳好多嘢想試，不過一次過食唔到咁多，同埋我自己傾向食得清淡，所以就叫咗老闆娘推介嘅是日套餐。🍱小食可以揀咖喱魚蛋，蓮藕餅同埋梅菜素肉餅。所有嘅嘢都係即叫即整，熱辣辣好好食🥰我揀咗梅菜素肉餅，覺得有驚喜😇另外試咗其他小食：素香黑椒骨$35/8🍖黑椒好惹味，亦都用竹蔗整咗個排骨型爽脆蘋果春卷$25/6個新鮮炸起，酸酸甜甜脆卜卜咁，好清新個感覺似麥記健康版蘋果批壽司卷$25/一盒12卷🍱整得好精緻，都見到好多學生買老闆娘做咗十幾廿年，非常有心推廣素食💚小店每月初一早上10:00都會派五穀健康養生有需要嘅朋友可以試下或支持下😊新年如果想預訂素食糕點🧧佢都有出大同埋細嘅賀年糕點細$50大$98（相入面見到大細）訂哂三款大$260素食賀年糕點又有多一個選擇啦✌🏽
繼續閱讀
聽說石硤尾開了間手工素食小店，近近地諗住去幫襯下試下。行入晶晶素食店超迷你的鋪面，素小食種類繁多，大部分外面未見過，仲有素粽素糯米雞等等可以買回去自己蒸，樣樣都想食下就買了一堆。住白田或在附近工作的朋友都可以去支持下，唔想現場等仲可以whatsapp或網上外賣平台預先落單架。好耐無行入咁懷舊的商場，由石硤尾中心地鐵站C出口行過去白田購物中心好便利，坐巴士的話2E最近。目不暇給的菜單貼滿玻璃窗，非常不街坊親切感。想吃客飯的話每日有唔同菜式，幫你排好晒唔使諗到頭都大。素小食種類亦相當多，第一次來真係唔知食咩先好。所有飯餐小食都係即叫即製作，現場買的話可能要等一下，想快一點可以預先落單。店內就只有晶晶一個人，所有小食都唔係來貨，堅持手工製作，望到個餐牌都覺得犀利啦！因為晶晶本身吃齋，所以食品都無五辛，不過採用的素肉本身係蛋奶素，點餐時自己留意一下。晶晶素食店逢初一都會派素粽結緣，10：00開始派經過都可以去拎架，亦可以買粽券做善事。連飯餐個菜都係即叫即煮，並唔係煮好一大煲果種，有點意想不到。我買左兩隻糯米雞，返去擺冰格想幾時食都得。壽司卷 HK$25到店的時候老闆剛好在切壽司卷，細食的話一盒都夠飽啦。壽司入面有蘿蔔、青瓜和素肉，簡簡單單唔花巧，我覺得可以自己準備壽司鼓油。香煎素蓮藕餅/素香黑椒骨 HK$35/8件老闆見我樣樣都有興趣就幫我便雙拼，上面的蓮藕餅用細火慢煎，口感比較鬆軟，有蓮藕有素肉味道有層次；下面的黑椒骨用炸的，肉質比較有嚼勁，不過黑椒味其實唔太勁。香煎素五寶卷 HK$38(6件)五寶是猴頭菇、馬蹄、素肉、椰菜和紅蘿蔔，咬落真係幾有豐盛的感覺。同樣係用細火慢煎，唔會煎到焦脆果種，整體來說都係清淡口味，略帶油膩。這次吃了好幾款素食小吃，各有特色不過我又無話特別鍾意邊個。冰格仲有糯米雞和素粽，吃完再來報告一下。
繼續閱讀