景隆園小食車仔麵 (已結業)

今日我同男朋友買左兩份魚蛋燒賣，個男老細自動將兩份裝成一碗。食完第一碗未夠飽，再買左兩份，佢同樣用一個碗裝兩份（20粒），我地就用翻個第一個碗分開裝成兩份方便分開食，結果分果陣發現魚蛋同燒賣都分別少左一粒！ 我叫男朋友去問下，個男老細一開始點都唔理，然後係隔離個女的補翻兩粒俾我地，不過口中念念有詞：「應該拿到果陣就出聲，唔好行開又翻黎話少左，點知你地係米自己食左兩粒翻黎抵賴！」哩d話雖然令我聽到唔舒服，不過見去都俾翻就算啦。點知個男突然大聲爆粗，用左好不雅的用語！我突然火就上！我地都好聲好氣去問，我唔會貪兩粒魚蛋燒賣！都唔會有幾個人去貪哩d野！俾少左係事實！無啦啦仲要俾佢鬧，好難受！！佢仲要keep住一直鬧d好難聽既話！！！！唔好話唔懮做就咁既態度，就算間野做到全球連鎖我都唔會幫襯，而且，我覺得佢係突燈將d 情侶買「兩份」的合併埋一份，然後趁機俾少1-2粒，大家下次睇清楚！

今日行街經過一試，買咗10蚊燒賣魚蛋，發現入面少咗幾粒魚蛋。於是前去問店主，店主居然話係我偷食咗！仲要講埋粗口，我覺得真係太惡劣！10蚊嘅嘢我需要貪你果兩粒？明明就係比少咗我，搞到好似我係賊仔偷你嘢咁！講下講下居然仲爆埋粗口，居然依種無良店家可以理所當然做生意，完全無當客人係一回事！明明就是故意俾少咗人地，俾我發現咗佢做賊心虛，所以惡人先告狀，我真係大開眼界！本來是一件極其細嘅一件事，但店主今時今日咁嘅服務態度令我感到十分氣憤。劣評！永不幫襯！

職員態度惡劣，又冇標明咩野價錢幾多粒個阿姐問我要五蚊定十蚊魚蛋，我問有咩分別，佢走去答我「五蚊咪少D、十蚊咪多D」，我問返佢「即係幾多粒」，個阿姐叫我「去時代廣場買，話個度仲平」云云，之後隔離個阿哥走去話「你買左咪知有幾多粒」。個阿姐仲要冇問我要咩醬，直接落辣醬真係以為自己喊得大聲就大晒咩，以後永不光顧最基本既資料都唔提供，又要鬧客我唔期望你會比酒店級服務我，但你都唔係咁樣同客人講野呀，下話！不知所謂

平日都鍾意食黎間同佢旁邊果間,銅鑼灣好難食到咁平咖啦.但今日之後,以後唔會再食,只會食佢旁邊果間男友：五蚊魚蛋燒賣兩溝個姐姐收佐錢就同佢旁邊個燒賣姐姐講但個燒賣姐姐比完前面兩個客就停佐手係度吹水男友等佐陣就問：姐姐,我個魚蛋燒賣呢燒賣姐姐好串好惡咁講：你比佐錢啦咩男友：比佐啦,岩岩咪比佐個姐姐囉{指住收錢姐姐}燒賣姐姐可能覺得瘀啦就啤住男友好惡咁鬧：我唔知wo,咁你唔講我點知你買咩呀,你唔識講咖！我男友就燥燥地咀講：佢咪同你講佐囉,咁你比得我未呀話說我果陣行埋佐一邊,只係見到個姐姐好惡咁鬧我男友d咩,我行到埋去佢都鬧完,男友又話冇乜野,我事後知道佐我就話,如果我係度一定要鬧返佢我地唔會知佢地點分工,望住收錢姐姐同佢講佐,佢果陣又係冇做緊野ge,咁都聽唔到都算啦,但提返佢漏野食,點都唔應該係鬧人！鬧人！鬧人！正常問兩句洗佢死咩.佢旁邊果間都唔算好聲好氣,但人地都係大聲姐,幾有街頭特色呀,但唔係鬧人果隻囉我地以後都唔會食黎間,同埋都會提我地d同事同朋友唔洗食黎間啦,費事無端端比人鬧

魚旦燒賣五蚊串，買一串送一串，行埋黎！黎得呢間食，一定有聽過以上對白佢地仲要講明用陳記魚旦，食過質素認真唔差分量記唔好俾上圖騙左，我地食左一半先記得影相，所以分量夠兩個人食

昨天晚上用了40大元買了一碗中牛什，賣相不好，那料一吃便發現牛什已變味。即使濃烈的鹹味也掩蓋不了「益」味。做生意真唔老實！大家一定要小心！小店生意口碑很重要，食完一次客人無回頭。

一條短短的景隆街，近呢一兩年已經有3間港式街頭小食店開舖。而我心目中的首選，就係呢間景隆園小食車仔麵。魚蛋＆燒賣都係＄4一串。佢既咖喱辣汁好夠味，仲要係老闆自己調配，出面唔會食到。而煎釀三寶就大大件，好抵食。最近，佢地仲賣埋腸粉，＄10有4條，有多個選擇，真係唔錯，比預期中的好，唔會太乾都好滑。下次再去會試下佢的車仔麵。平時喺銅鑼灣行街，唔一定要入餐廳坐低食，到呢種小食店掃街，都可以好滿足，食完叉足電又可以再行過。

家住銅鑼灣，自從附近呢間景隆園開左之後，就成為本人既小食亭，亦好想推篤比住係其它區既朋友甚至係世界各地既遊客。原因只有一個：抵！ 大家都會直覺以為銅鑼灣邊有平野食架，但呢度十蚊六件四寶、四蚊串魚蛋/燒賣、十蚊底雞蛋仔/格仔餅，分分鐘係度廿拎三十蚊已經填包你個肚，好過洗五六十去茶記食個頽飯啦而且呢度味道認真唔錯、可能薄利多銷啦，d野同其他賣貴成倍既街頭小食店無分別，仲因為貨如輪轉既原因，買到既通常都係新鮮滾熱辣，值得一試！

由細吃到大，香港小店。老食品一定是燒買魚蛋，四寶，炸大腸。雞蛋仔。滷味。格仔餅。牛丸。一串串的街頭小吃！由平吃到貴。上年看到旺區買咗＄9一串。真的不敢吃。經過此小店看到＄4一串，當然要回味一下。的確。魚蛋彈牙。咖哩回味香辣。也看到這個女士叫口号，叫優惠，工作，像牛一樣。哈。應該是老闆娘吧？下次一定吃一個鮮榨大雞髀，看到加汽水才20多元。製作食品的點子在於哪？開店的點子在於哪！？對食物熱誠。堅持穩定品質。用料賣價成正比。合理的服務。開心的員工。舒適環境。也見到有很多熟客。相信必有原因！

行街路過見到呢一間港式小食。為食的我梗係要買啲回家試吓啦。先叫左大碗牛雜，非常足料多嘢食。入邊有牛肺、牛肚、仲有啲腸，同埋有白蘿蔔。我哋叫咗小辣，都辣到跳舞。上面呢就加左啲辣菜譜，令到成碗野口感提升好多。跟住叫咗煎釀三寶＄10，5件大大件好抵食。跟住就嗌咗$8一串嘅生腸同埋墨魚。感覺都幾新鮮，而且都彈牙。不過就冇查辣醬同介辣醬，所以呢就冇咁好味囉。另外一提一個小插曲，就係呢度三樣嘢total總數呢我哋計到（$35+$10+$8+$8）=61蚊，但係阿姐不知是否就搏大霧話＄65。所以提議各位叫多外賣的話呢，真係要計清楚啦。

以前比較多去匯豐銀行對面的"龍津"，可是由於不停加價，而且等待時間長，似乎比較喜歡做旅客生意，現在寧願多走些路，去"景隆園小食車仔麵"!第一次光顧，點了 $15 不辣魚旦+燒賣 (有碗)! 原本只是5粒魚旦+5粒燒賣，但店員說多送兩粒，因此共7粒燒賣!可能因為我是新客人吧!因為$7一串 是沒有碗的，拿回家不太方便。燒賣是小小粒的，入口彈牙，沒有沙茶醬，只是簡單的豉油淋上去!魚旦是四海的，入口彈牙，由於要走辣，店員把咖哩魚旦放在湯中洗去辛辣味，此舉令魚旦有一股咖哩口味，而不辣，很可口!比起只是以熱水煮熟好多了!知道這兒的雞旦仔可以即製的，下次一定會買來一吃!景隆園不會只容許客人買已製好的，服務良好!

這一家做的雞蛋仔真是"好好食" 好久都沒有吃過有蛋香味的雞蛋仔…… 這一家的雞蛋仔是外脆內軟, 外面真的超級脆 外加價錢在銅鑼灣區算便宜的下次經過一定要再買來吃喔…

車仔麵店周街都係，我多數選擇食車仔麵係因為可以又快又平咁醫飽個肚，比起食快餐店垃圾食品選擇多一D。這間舖內都算大，等一會就有位可以坐。諗緊食咩面底好時，店小二推介新產品''毋米雞粥車仔麵" Whats that？ 粥底火煱就有食過，粥底本身煲得好就好食，時間太短就。。 由於TVB岩岩播完"每當變幻時"楊千嬅夜媽媽煲新鮮魚粥係街與賣，果下已經好想食粥，最後基於這原因，我大膽地試試新野同場叫埋生菜魚肉，同煎釀三寶（因為好好味，食左一半先影相XD）一來到就嗅到粥的香味，粥好綿，冇味精，但牛腩汁太多有D搶過，下次走牛腩汁。三餸一麵一粥，好飽，窮人恩物即炸熱騰騰才是王道又平又舒服唔迫，好味又特別快靚正！完。