時代冰室 (沙角商場)

營業中

休息中

梗有一間時代冰室喺你附近，無食過相信都會經過！平時入去多數都淨係會食常餐，今日有多啲時間就去試下晚餐，睇下好多人都講嘅豬扒究竟係點嘅🐷見到餐牌有招牌嘅菜式- 蔥油三眼仔飯，但係今日心思思想食焗飯，於是就叫咗呢個多重芝士焗豬扒飯喇。唔洗等好耐，豬扒飯就已經上碟喇。🧀芝士嘅香味十足，唔會得幾粒咁鋪面，醬汁又唔會太多，唔會完全淹沒飯底，飯底有焦香有飯焦，更加係額外加分添！豬扒不愧為招牌菜式之一，厚過手掌分量十足，細食啲嘅話可能要兩個人先食得晒添啊！下次大家嚟到時代冰室不妨試下焗飯喇🍚喜愛程度：🐷🐷🐷🐷🐷

本人於16/08/2021 19:06落單，選購了晚市$128二人餐(馬友魚香·茄子魚塊+慢煮梅菜扣肉煲+一個油菜(菜心)份量少得可憐，個魚香茄子內得三塊魚柳，仲要入面跟埋飯粒，好明顯係出錯咗一個魚香茄子飯，比噃上面嘅餸我就咁飛走下面啲飯啦，小菜入面點會跟飯粒㗎。

叫左即炸豬扒豬骨湯即食麵，塊豬扒食唔出係即炸，熱度唔係特別熱，不過份量搭夠，無估到塊豬扒咁大。湯麵正常，同出前一丁黑蒜豬骨湯既湯底差不多，唯一缺點係啲豬扒用左美極醃，上年食蔥油豬扒飯又係用美極醃，搶哂啲味，蔥油既咸香明明先係重點，隔太耐唔記得間野豬扒用美極，如果唔係應該會叫第2個餐。😓改善吓唔好用美極啦，淡淡肉都好似食緊美極落口咁。

Wheeee (｡･ω･｡)ﾉ٩(˃̶͈̀௰˂̶͈́)و【極邪惡冰室　唔試吓唔得】第一次食時代冰室試咗個西多士超級正🤤 今次又去咗食，因為個menu實在係太多選擇，試極都試唔哂😂～我是Menu～蒲燒鰻魚伴3.6牛乳滑蛋蓋飯 $63以呢個價錢來講，鰻魚都算幾大塊，食落唔腥，肉質嫩滑。滑蛋幾香幾滑🐣 鰻魚加滑蛋呢個組合本身已經冇得輸，佢上面除咗有木魚、紫菜、鰻魚汁，仲要再加咗啲Mayonnaise！真係邪惡到一個點😈 王牌生炸雞髀 $28雞髀應該炸得耐咗啲🤧所以有啲位稍為燶咗少少，不過都仲算滑同有肉汁，塊皮就夠哂脆🤪蔥燒肥牛鐵板飯 $58呢個味道較為普通，汁都夠多可以撈匀哂啲飯，但個人認為唔夠蔥香，如果可以再多啲蔥花就好了🥲肥牛份量都ok嘅，但有一兩塊韌咗少少，可能撞正筋位🤔～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻總分：💛💛💛💛地址：時代冰室 (沙角商場) (沙田)沙田沙角街5號沙角邨沙角商場2樓222號舖

今日同friends去咗時代冰室食早餐🤤，不過今次唔係馬鞍山分店，係沙田分店。相對兩間分店，沙田分店比較細間🤭，位置都冇咁多。由於我只係食咗一個餐，而無試到朋友嗰啲所以寫唔到食評🤭。-🍴厚切豬扒米粉+香滑炒蛋🥚+牛油多士🧈($38) - 一上枱，見到店家好貼心💛，怕客人食得唔方便，所以會分開上豬扒同米粉。豬扒係名乎其實嘅厚切🤩，厚度超過1cm，而且好大塊，超級抵食👍🏻！米粉會有啲炒香咗嘅乾葱係面，令到米粉口味更豐富😍！炒蛋好靚，食落同睇相一樣都係咁滑。牛油多士啲牛油一啲都唔輕手，比足料！-🍴沙嗲牛肉米粉+火腿奄列+牛角包($34) - 朋友的早餐🤣-🍴瑞士雞全翼撈麵+火腿奄列+牛角包($38) - 朋友的早餐🤣-🍴熱奶茶(跟餐) - 偏向重茶味☕️多過奶味🥛，帶有少少澀味。-🍴熱檸檬水(跟餐) - 朋友的飲品🤣-🍴凍奶茶(+$3) - 朋友的飲品🤣

嘢食嘅份量夠多 豬扒好厚，好有咬口。經外賣平台送上門仍然係熱辣辣，呢點非常值得讚許雞髀好入味瑞士汁公仔麵鹹味適中職員服務態度非常好推薦住附近嘅人過嚟試吓

沙田其中一間要大家支持嘅餐廳就好似見證住時代嘅變遷咁香港人一定要 #撐黃店 今日一去到大約等咗30分鐘就有位了- 瑞士雞全翼撈麵 -雞翼好入味又5會話太咸配上公仔麵係絕配我覺得有樣嘢做得好好就係就算食到個麵凍咗佢個麵都5會話痴埋一餅嘢- 3眼仔葱油厚豬扒飯 -點解係3眼仔？因為係有三隻太陽蛋煮埋一齊仲要係半熟咖篤穿佢可以撈飯食至於豬扒咧就真係好厚同鬆化不過有少少乾所以要加埋葱油嚟食就會中和翻單食葱油會有少少咸

一黎到薯條變薯角，仲要凍既，比返佢，d態度麻麻，之後個豬排包個包好韌，豬排炸得好黑，炸雞髀冇味。對比起其他分店差好多，最主要係態度差。之後仲聽到隔離講話個鐵板都係凍。

-{黃店💛經典連鎖港式茶記🍛}返工咁耐終於出去食下野 黎緊會出多啲碟頭飯嘅餐廳可以留意吓啦😜🤤蔥油厚切豬扒伴三眼煎蛋飯🤤 ($56)三眼蛋煎得啱啱好再可以再脆邊啲同埋蛋有啲腥😂豬扒蔥油份量ok亦好大塊😍有少少肉汁 豉油係甜甜地嗰種配飯幾好😋👖褲評: 7.8/10連鎖冰室黎講水準唔錯嘅😙想平平地食餐飯可以揀依度~同光榮水準差不多🥳性價比: 8.6/10服務: 8.6/10環境: 7/10🚩時代冰室🚩地址:北角英皇道165-175號公主大廈地舖九龍灣常悅道20號環球工商大廈地下1B號舖沙田沙角街5號沙角邨沙角商場2樓222號舖仲有幾間🙌 #fuudjai #fuudjai黃店 #fuudjai港式 #fuudjai九龍灣 #fuudjai沙田 #fuudjai北角

一試再試，有良心既茶記冰室有唔少，但時代算係食過咁多間對食物最花心思既一間，食物款式又多又新穎之餘，每樣野食都整得靚靚囝囝，一啲都唔隨便好精緻味道又高質，絕對係睇得又食得👍🏻👍🏻👍🏻又黎再食時代招牌蔥油既菜式，配飯真心一流。💕💕💕今日食豬扒，要知道出街食豬扒最怕就係食到好Un或者好鞋口既豬扒，因為要煮得嫩滑既豬真係要啲功夫。呢度既豬扒真係性價比有番咁上下，咬落仲係少嫩而且有肉汁，煎得好香，仲好厚好大塊🔥司華力腸煎到弓起讚讚讚🐽🐽🐽

十二點去到唔算長龍，大部份人叫外賣，所以撳咗飛一陣就到啦。餐牌好精緻，花多眼亂樣樣都想食，揀咗好耐先揀到一人一個餐。🤣🤣一份蔥油叉燒煎蛋飯仲有一份常餐。凍熱奶茶都係港式茶記水準好飲。常餐，米粉係銀絲米粉，好少茶記會用㗎，嗰個彈性比起一般米粉真係好好多，平時喺屋企自己煮都一定係買呢隻，可以喺出邊食咁實在太幸福太有心思，值得一讚。👍🏻👍🏻👍🏻冰室來講餐嘅質素係中上，所有嘢靚靚囝囝食得好開心。蔥油飯真係大讚，個蔥油可以話係呢度嘅招牌食物，食得出係自家製。唔會過鹹味道適中之餘，啲蔥仍然係新鮮嘅綠色，亦有些少香味。攞嚟撈飯加蛋係一流🔥🔥叉燒就普通啲，見到隔離枱個雞扒同豬扒都勁靚，下次可以嗌蔥油豬扒煎蛋或者蔥油雞扒煎蛋飯。Seeyou next time🥰

玉子燒唔係玉子燒，變左長條炒蛋，啲芝士又唔融，又唧埋啲沙律醬同大板燒醬，完全唔夾。食入口成口醬，完全冇蛋味，仲要成$42，勁難食。成間最好味既係杯凍奶茶，其他都唔算好食。

沙角商場唔多餐廳 自從開咗時代冰室就多咗勁多人嚟食 長期都要排隊 lunch hour 唯有叫外賣 叫外賣可以早啲打電話order 咁就唔使等咁耐當日想食焗飯 就試咗佢哋嘅皇牌鮮茄焗豬扒飯 焗飯需時比較長 記得早d order！果然即係佢哋嘅王牌 份量好大好抵食 一個女仔真係未必食得晒 可以2個人share一齊食🤣 豬扒係厚切 唔會太瘦/太un 脂肪比例剛剛好 又唔會乾身👍🏼 飯底係炒飯，茄膏如果再多啲就正啦🤤 芝士啱啱溶 份量唔多 加多d就好😋整體來講$58 包野飲同老火湯 呢個質素算唔錯👍🏼👍🏼

每次經過時代冰室，無論等外賣定係等堂食嘅人都好多，今日經過終於見少啲人，就即去啦。menu好多野食，本身我哋想是薯仔角黑椒牛仔粒，但係七點幾已經賣晒 所以就叫咗一個鴨腿鮮菇湯泡飯同埋一份手工拌麵，諗住佢sell 台灣野，有水果茶梗係要試試佢。先講佢個手工拌麵，佢啲麵質地好煙韌個汁都好好食，超級香！去到湯泡飯就有少少失望，隻鴨無咩鴨味，變咗好似冬瓜湯泡飯。而個水果茶就餐飲加$13話係二人份，份量就夠2人嘅，但係好似只係有果味嘅水..唔建議叫。不過都會為咗個拌麵再返嚟食嘅。

今日返工有啲辛苦，放lunch嘅時候就諗住食好啲，所以揀咗時代冰室。入去叫咗一個瑞士雞翼拼午餐肉撈麵，再加多杯凍奶茶，真係令人身心都放鬆咗一下。瑞士汁雞翼非常入味，同埋唔會好似冇啲餐廳煮到啲肉散哂，我鍾意咬落口都仲似返隻雞翼嘅感覺；午餐肉搭撈麵就唔使講啦，入味、彈牙，基本上係香港人去茶餐廳最能夠食到嘅味道，係稍嫌咸咗啲啲 （不過人人口味唔同啦）。奶茶都算ok！我個人覺得成個套餐配搭都算係幾出色！