時代冰室 (公主大廈) (已結業)

「時代亅兩個字在這大半年觸動人心，而時代冰室係由蕭若元先生頂手舊址藍店開的。餐廳有點懷舊裝修，環境光猛。可能新開業關係，人流較多，人手唔太足夠，等餐時間比較耐。先來煎雙蛋和鮮油餐包，煎蛋未熟透，d蛋白仲未凝固得哂。蔥油滑雞我望左個menu幾秒已經鎖定食蔥油滑雞，平時茶記好少見到！先讚個雞湯底，真係用鮮雞煮出泥既湯咁，d米粉完全索哂個湯。雞肉肉質都好滑嫩，仲有條菜心，感覺好健康咁。厚切豬扒因為見到對面枱食緊既豬扒厚身得泥又大大塊，所以男朋友都唔執輸點左。雖然豬扒係厚切，但入口鬆化，一d都唔韌，而且食得出係用美極醃既。食物質素性價比高，黃色經濟圈又多個好選擇啦。

食早餐叫左一份雞扒全餐咁嘅（有雞扒，腸仔，炒蛋，牛角包，薯餅，沙律）咁我要求走沙律，佢話唔轉得其他，咁我okay,大肚婆唔想食生嘅菜呀嘛咁我另外加6蚊要一碗迷利火腿粟米通粉，同再加6蚊茄汁豆講下份另加嘅兩樣先！通粉，湯底唔熱，只係暖，（溫度係凍嘅湯，暖返少少）火腿有少少酸，我*筆*走哂，仲有一塊貼紙碎。。茄汁豆就罐頭野啦主餐板煎蜜糖烤雞扒，冇蜜糖味又冇蜜糖嘅汁，干到爆。。。。。dry腸仔，炸左好耐？真係凍嘅。。暖嘅都冇炒蛋都okay，正常薯餅，冇停油咁，油浸薯餅，仲凍嘅。。 沙律，明明走沙律，都仲有嘅。。第一次我以為唔係我嘅，問下員工，佢話幫我換走佢，第二次，都係有堆生嘅菜，走左胡麻醬～，～牛角包，正常。。枱面冇胡椒粉同鹽，都廢事叫人拎。。。其他食茶記都唔要求好食到dum一聲，但基本上客人基本要求啲野食係熱同食得落口，衛生掛。。。咁嘅質素唔係好得喎。。。。。。一個早晨嘅第一餐就咁😩

知係燒山開 專登去試下岩岩試業唔算好多人d staff 態度都好好西檸雞勁有驚喜 本身有淋汁 但仲好脆 另外仲有一碗仔汁係旁邊 勁貼心真心好味 大推晚餐平平地都抵食又大份 坐得都舒服燒山好野

遊行前要去醫肚，一定揀黃店，見蕭生每月私人支持台灣手足，我係和理非，就背後默默支持返佢，第一次幫襯，非常有驚喜，有水準午餐，價錢適中。老公叫了香葱叉燒三眼仔飯，個蛋黃非常吸引，做主婦嘅我，一眼見隻蛋黃漲卜卜，又大又圓就知靚蛋，蛋黃襯白飯，無得頂👍🏻唯一不足是叉燒凍凍地…若果廚師焗一焗叉燒會比較完美☺️我本人叫了番茄焗厚豬扒意粉，與本人相象的一樣，不過不失。要讚的是員工門非常恩勤，有效律，有禮貌。👍🏻👍🏻👍🏻