春田日本料理 (已結業)

今日一行四人黎呢度食.....8點幾黎到..好多人還好朋友一早黎到搵定位....仲拎左間房仔坐tim~(不過有最低限低消費$500)我地叫左好多野食呀....食物都好快就有得上枱....先講前菜....十八蚊有大大碟中華沙律:......平時出面食都係得果一碟仔...而家有好多真係好滿足..三文魚刺身:刺身我地淨係叫左一款..要留返個肚食其他野...呢個幾好....上次食過某一間日本料理..好梅好難頂!!海鰻壽司:都係大大件...但可惜食食下我發現有骨..各式烤物,雞軟骨,天婦羅:雞軟骨口感幾好....天婦羅方面炸蝦好脆好多肉....啖啖肉...岩晒我仲有好多一次不能詳錄........總括而言....呢個價錢..好味而且食到抱住個肚走的..我覺得好難得...仲抵食過放題呀...價錢大家差唔多...但放題都好難可以食到咁大件既壽司刺身啦.....

今晚出去沙田揾男朋友苦惱食咩之際諗起一樓有間"春田"星期六,日 都好多人等位見今日冇咩人,不如一試 ... 個魚湯鳥冬就真係幾好味，湯底好好味 ...好鮮甜^^仲叫左個 " 芝士年糕 " ... ( 因為男朋友鐘意食芝士 )又真係幾 ok，但要快快手放入口，如果唔係 d 芝士會硬左冇咁好味刺身都可以的 ... 三文魚都係$58有半磅...成12片架p.s. 本來仲想試埋個軟殼蟹天婦羅架,不過太飽....食唔落~.~下次再試

今日去第一城搵朋友, 之後去左呢間野食晚飯兩個人叫左 -牛柳讚歧手打烏冬配蕃茄湯底 $48 d "牛柳"簡直係牛肉乾一樣.....size 係日本叉燒咁, 但係又乾又鞋又硬又凍又無味道既絕對無誇大!!!所謂手打烏冬咪即係普通烏冬叫入得口咁啦個蕃茄湯九成無落新鮮蕃茄, 純粹茄膏開出黎咁....仲有唔小味精最後我只係食左一塊"牛柳"淨食晒個烏冬...地獄什錦拉麵 $48佢究竟知唔知咩叫地獄呢?!人家好多地獄湯都紅當當咁既色佢就白雪雪既個湯一 d 都唔辣, 直頭普通湯底一樣, 失敗!!d 雞翼響中間切左一大刀先炸....成隻雞翼又乾又鞋, 又失敗其他配料就普普通通...叫過得去架喇最後我朋友落左大約 5 湯匙七味粉黎食呢碗地獄拉麵優惠價換左一碟花之卷什錦壽司 $38d 壽司細舊度呢...不過算啦...$38 好似有 6 件定8件.....半磅特價三文魚 $58呢個最得....起碼大大件足半磅但切到件件大小不一都真係幾好笑有件仲係立體三角形!勁!!仲有就係 d

來過這家日本料理好幾次了, 因為男朋友住在第一城, 有時懶得煮飯, 就下來吃吃日本野入座後見到d侍應走來走去, 看似很忙碌, 但人客並不是那麼多呢佢地既行動有點兒慢, 有點不想理會的感覺, 係唔係入夜了, 累了, 就懶洋洋呢?今次點了幾野菜:1. 壽司拚盆---好普通下喎~2. 鰻魚飯---ok啦~都有d魚味!3. 中華沙律---好大碟喎~4. 三文魚刺身---都唔凍既?5. 鯛魚鍋---不是熱辣辣, 個火又成日熄, 點攪咖?味道全部都是一般般, 不可以用好美味黎形容! 只可以說是大件夾抵食!!!埋單, 侍應都是慢慢來, 說句多謝都可以省回的!

星期一是我最後一天在沙田上班了。再次光臨春田，今次點了鹽燒靖魚定食（＄３８）。包了一杯飲品、麵鼓湯。定食還有三片魚生同牛脷。本人不喜愛喝麵鼓湯，它的很重味，所以只喝了半碗。魚生好似唔多新鮮，較硬的。靖魚普通啦。

十二點九午飯時間不用等位便入座。面積都幾大，仲有房。點了免加一的午市套餐：豬軟骨拉麵加三色壽司，包冷熱飲品（＄３９）。三色壽司分別是三文魚、墨魚和熟蝦。壽司很細件，一口吃掉。豬軟骨拉麵普通，豬軟骨煮得過火，有點鞋。拉麵配菜有一件煎蛋，好甜，不過幾好味。三十九元算係咁啦，收貨。

去完威院覆診, 等了成朝餓到扁, 見上次和友人來吃的還可以, 想也不想便鑽了進來。由於 12:45 前結帳有 8 折, 所以人也不少, 尤以學生哥佔多數。點了個不知什麼三文魚卷弁當 ($40), 飲品要凍檸茶 (原來已要加 $2, menu 上只貼了張細細的紙仔, 差點看不到)。弁當有蘆薈沙律 (味道是可以的不過有點油, 有些甜甜的蘆薈粒好得意)、冷麵 (點解無論賣相到味道都咁似公仔麵的呢? 真費解!)、三文魚卷 (這個該是最好吃的了, 是火炙三文魚包著些類似太卷的卷物)。其實還有一小格雜錦魚生飯的, 但那些魚生一望已知是放了十年, 聞落還有怪味, 還是不碰為妙。 算啦我都懶得投訴了, 總之大家小心小心, 自求多福!

上星期五與同事到春田日本料理食午餐，三個人點了兩個setlunch，再另加幾碟壽司及小食，照計應該會夠食啦，點知埋單都要二百幾蚊都唔知食左ｄ咩，一ｄ都唔值！不但食物唔夠熱，而且壽司比較細件，個杯凍檸檬茶就最難飲，勁似藥水味，唔怪之得其他客人都飲唔哂杯茶啦！從未試過咁難食既日本野，都唔知點解仲有咁多人黎食午餐既，價錢又唔係平，食物又唔夠熱，份量又少，坐位又擠迫！

今日過左個fd間屋,係愉翠苑所以夜晚就係第一城食飯試過一返選擇,揀左春田咁就錯晒la我地叫野食,叫左好耐先有人理我地初頭叫左個男仔,佢話304叫野食後來無人理,我地再叫其他人,唔知係聽唔到我地叫定係點我最後話咁耐都無人黎,唔知係咪俾個大粒d既聽到先有人理下我地叫左:1. 壽司拼盤$69 (信用咭半咭): 超細件,唔新鮮,共12件,我地話食左落去都唔知每一件有咩分別,因為都無左朕鮮味2. 燒牛柳粒$3X: 呢個熱既,幾好食3. 燒餅$28 : 一般,唔太多粉,好多菜,無咩等別4. 燒三文魚軟殼蟹反卷$58, 又係細到唔恨,有6件,每件得2.5-3cm闊,開頭有一朕炭燒味,跟住無咩味同個軟殼蟹有d油,都係唔抵食5. 海鮮炒飯$48, 呢個相對果d野咪叫好食d lor,但都係無咩等別,唔油,都足料,有墨魚,像蠔既青口仔,蟹柳,普通炒飯,但份量好少,每人分得半碗左右自動加水,加左1次後來叫人加水,個女仔倒俾我時,唔小心倒瀉左少少仲攪到勁滿,都唔知點飲好,滿到咁環境:走時見到地下濕的以後唔會再去食~屋企樓下間富田平過佢,好食過佢就算男朋友果面間白屋,同佢又唔多價錢,都好食過佢,大件過佢今次總共和

服務態度勁差!有個所謂嘅侍應生撞到人,唔識講對唔住囉.仲反問你"我撞到你呀?"我話"係呀"仲是是但但咁咁講"對唔住喎"食物質素勁差!仲有個學生餐呀!一啲都唔抵食囉廿幾蚊.如果啲野好食再貴啲都冇所謂,但係一啲都唔好食囉唔該!麵又'淋',拉麵唔似拉麵咁.難食到死!啲位又逼,如果唔係都唔會撞到人啦!

3/2 大約7點到同家人(共3人)黎呢度食，之前有人話好多人等位，不過7點去到先得8成滿，8點幾走既時候先有幾個人響出面等。先叫左5客三文魚壽司($12客)，鰻魚壽司，再叫八爪魚壽司同熟蝦壽司($10-12不等)。d壽司普遍較細件，一口就食到。味道ok ，三文魚色澤夠光鮮，鰻魚較多骨，熟蝦就好鮮; 但媽咪話豉油就好好。熱食選擇真係唔夠多，最後叫左雜錦薄餅($42)，海鮮鍋烏冬($48)，雞軟骨餃子($22)。雜錦薄餅係最好食既，其實係日式燒餅，又熱又脆，d醬汁同沙律醬都好味，一人兩件都幾頂肚。兩個烏冬都唔錯，海鮮鍋烏冬d湯甜，料都夠，味道幾好;吉烈雞肉拎走第二日翻煮都仲幾好味，可想而知即食時會點。最後個餃子，d骨幾有咬口，不過我唔鐘意食韌野，所以對我黎講就一般。3個人食，加埋一大概$255，覺得都合理，d野食唔晒仲打包走。服務大致都幾好，因為都幾多服務員走黎走去，唔難搵到人。加水都加得幾密，食完野好快黎收碟，有一兩次真係快左少少，拎最後一件時就有人埋黎收，好似好趕咁。又有兩三次上錯野(冇點到但有野食準備上檯)或者問我地有冇叫過d其實冇叫過既野食，不過態度都好好。

服務態度又差野食又慢野食又唔好食d拉麵幾'林'+冇味以為都唔會再去

某日遠赴大東北辦事, 完事後約了地膽朋友食餐晚飯。本來這兒有些套餐, 但友人說這兒的刺身是不試為妙, 所以便散叫:綠茶海鮮炒飯–都冇綠茶味的,當普通炒飯來說都算淡,好在油不多牛油果軟殼蟹卷–呢個OK 喎, 以賣相和味道而言都是今晚最好的鹽燒紐西蘭羊扒–有3件, 我怕肥只敢吃一件, 肉有點韌啦炸雞軟骨–冇咩味喎, 炸粉也有點厚身裝修是一般港式和食格局,也有電視睇,可能人多些坐榻榻米位會舒服點罷。我想這區應有較好的選擇吧,俾個OK 面啦。

我食了軟殼蟹拉麵-雖然拉麵普通,不過軟殼蟹好脆,好多蟹子一粒粒好脆,配合豬骨湯飲好味,如果湯冇咁快凍晒就更好三文魚壽司-ok凍檸檬茶-ok如果唔使加一,就更好

我食了軟殼蟹拉麵-雖然拉麵普通,不過軟殼蟹好脆,好多蟹子一粒粒好脆,配合豬骨湯飲好味,如果湯冇咁快凍晒就更好三文魚壽司-ok凍檸檬茶-ok如果唔使加一,就更好