影片
喺門口見到原來榮式雞扒集團。餐廳好進取，啲檯密密麻麻，大部份枱都係全部拼埋一堆。基本上兩個人係一次過搭八人枱，全部好緊密。餐廳用餐環境擠迫。食物上菜方面，都聽到好多台另一個食完另一個都未到。比較混亂。叫咗香茅豬扒蔥油飯，叫咗多汁都係好少汁，非常之乾。豬扒好薄味道又酸，無蔥油味，都幾差！春卷湯粉夠大碗，味道ok, 春卷都即炸夠熱，少少硬身，味道不過不失。 坐得差，無服務，食物麻麻，雖然價錢唔貴，但基本上唔會有下次！！有更多更多選擇。
繼續閱讀
茶餐廳格調 男士食完應該要再食下午茶先得 分量對女士或小孩應該還可 60多元春卷喇沙 飲品另外收費 春卷大細就如芝士腸 有四粒 喇沙味道還可以； 蔥油雞翼蛋飯 個飯又係唔知點解比咁少 可能佢地用日本米？近期日yen升咗； 生牛肉河走辣椒同洋蔥 比小孩子食 但阿姐可能聽錯就幫你全走 但其實張單又寫清楚。我自己叫嗰個燒牛肉撈檬 牛肉並不是牛肉 而是牛肉碎 但味道出奇ok 所以就算數啦 環境尚算可以 冷氣適宜 服務都ok 不過性價比太低 應該無下次 哈哈
繼續閱讀
今日第一次幫襯，可能我哋12點零就去到，所以唔太多人唔使等位，但到我哋點零鐘走嘅時候，就開始要排隊了，所以如果大家唔想等太耐位，建議早啲去到我哋嗌咗以下幾樣：1. 春嬌火車頭喇沙- 其實碗喇沙啲配料都幾吸引，有花膠、牛丸、牛肉、生牛肉等等，生牛肉仲可以選擇另上𠻹；喇沙味道都算香濃，枱面有辣椒乾加魚露可以點，不過碗喇沙其實夠晒味，可以落少量辣椒乾就OK, 最重要係個生牛肉夠晒嫩滑，就算浸一浸湯先食，都唔會話變得好嚡口或者好乾爭爭；我另外加配了魚片頭，不過我覺得魚片頭麻麻哋，唔夠爽口，不太建議大家試2. 馬拉盞通菜扎肉飯- 馬拉盞好夠味，配搭落通菜度非常適合，扎肉帶少少辣，送起飯嚟特別香口，我個人覺得好味道，推介👍3. 凍奶茶- 夠奶味，唔錯4. 荔枝茉莉茶- 有好香嘅荔枝蜜桃味，都推介大家嗌嚟試吓飲的呢間餐廳係自己手提掃code落order的。
繼續閱讀
垃圾餐廳，去取外賣等了15分鐘，問他有餐未，他說在做，但一直都未出，最後發覺原來漏了單，長髮中女態度還非常惡劣，還怪責我不停催促，自己完全沒有跟進，這樣的態度真的非常冇品，建議不要幫襯這間餐廳！
繼續閱讀
夜晚經過見有新商廈 入黎睇下 餐廳裝潢新淨 座位寬敞 職員都好親切 出面落雨 會問客人有無☂️ 觀察到都有好多熟客幫襯 Order 左香茅雞翼撈檬 所以材料都好新鮮 雞翼又炸得岩岩好 唔會太多粉 價錢又合理會再encore!
繼續閱讀