映月樓

營業中

休息中

同家人一起食晚飯，餐飲都叫okay, 服務似街坊。對於佢收既價錢，係會expect 高級小小，野食又水平高小小，幸好 環境還是幾寬敞，感覺有privacy 。為維港境而來，但佢地用左金色反光鏡面咁既貼紙，看得一般般。希望下次各方面都會好D。

閑來無事在尖沙咀梳士巴利道香港文化中心逛逛，看見對面的映月樓重開，還記得多年前已改名為翠韻軒而在2021年曾經停業一段時間，直至現在卻重開了映月樓，必來趁趁熱鬧。訂了今日午膳，出𨋢轉左已看見開揚落地玻璃窗，盡覽迷人維多利亞港海景。記得多年前也曾在這裡晚膳後，約七時許步行在附近欣賞幻彩詠香江（8時開始），實在令人難忘！

今日探店這家在疫情中停業近日重開營業的可靠飲食集團品牌, 已番新的內部保留了向維港海景落地窗, 十分開陽🤔點了：煎芋頭糕蔥油手撕雞柚皮蒸豉汁鳳爪山竹牛肉叉燒腸粉總體點心水平仍可, 保持一定質素😋主食：古法炒牛河（兜亂）, 熱度夠, 若然芡汁油量微減更理想🙏尖東多了另一探店出路

今晚試吓呢間“新酒家”，點左貴妃脆蝦球、脆皮豉油雞、海味雜菜煲、斑蘭蒸蛋糕等試吓，味道不俗，但收費係尖沙咀價位，一點也不便宜。或許零宣傳關係，酒樓只開左1層，仲有吉枱，無限時任坐。註：呢間酒家由香港文化中心1989年落成已在此營業，2017年曾結業，其後改名“翠韻軒”，之後因社會運動和防疫規定而停業，上星期靜悄悄重開。

好耐無去映月樓，今天特意帶媽媽去飲茶，本身對美心集團有一定嘅信心，但今天極之失望。打開點心紙，見到有多款特色點心，當然即刻order，我點了一口鮑魚撻，白菌燒鵝酥，鳳尾蝦蜂巢芋角，义燒腸粉，帶子菜苗餃，义燒飽。鮑魚撻同白菌酥一嚟到，外形吸引㗎，但一食落口凍冰冰冇諗過焗嘅點心係會凍囉，稻香都會有熱爐存放焗製點心，出到嚟唔好食起碼都熱呀。個鮑魚酥嘅醬汁本來好好味，但因為凍就破壞咗個味道，而燒鵝酥一樣只係微暖，好似放咗好耐咁。個芋角亦都係微暖，我即刻食仲有小小暖嘅感覺，我家人比我遲3分鐘食已經變凍，一口油。碟腸粉仲衰， 腸粉皮做到太痴牙， 豉油淡茂茂， 仲差過啲街市大排檔。好彩6碟點心中仲有2碟蒸點係夠熱，老人家唔中意食凍冰冰嘅食物。食完下次都唔想再嚟囉。又唔係平比咗錢唔緊要，有水準嘅比幾多都值，但咁嘅質素就唉唉唉

星期日，家庭日，帶媽咪去飲茶。原佢上次幫襯映月樓已經係廿幾年前😳嘩！都好耐喇喎！我地好好彩，被安排窗邊枱，靚view😍望海，正呀！映月樓係屬於美心集團，品質無須質疑😏點心方面，最得意箭豬奶皇包，奶皇唔甜，包鬆軟，有埋流心就好喇😌帶子菜苗餃、鮮蝦腸粉都好足料，餡靚👍另外仲炒左兩碟野，牛河同鴛鴦炒飯，鑊氣十足既！唯一挑剔係serve 我地既姐姐唔知係咪新泥，經常搞錯order到隔離枱…整體媽媽都表示滿意！

尖沙咀文化中心位於遊客區，附近食店雲集，高級餐廳，酒店多的是，竟然這間餐廳可以這麼不堪，前菜花生又硬又不脆，美心集團的海南菜一向保持水準，但是這間餐廳真的將菜式變成好難食的菜，味道不好當你主廚放假...星期五晚上連服務也强差人意，部長定經理似惡人谷大聲無禮，「你對完菜式先啦，到時咪知有沒有85折囉」，好彩我的母親大人在，否則我真的叫佢話事那位出來道歉！

同bb兩個人撐檯腳，兩個人點超多，仲要都係主食🤣最後都基本上食噻，真誇張⋯我地十一點幾到噶，樓下婚姻登記處有人影婚紗相，好冧啊～ 十一點幾依個時間是branch最岩啦，又唔洗一早同d老人家爭位，又可以早中飯一齊解決。等左兩分鐘，上去岩好有個靚位靠窗邊，見到海邊噶人流，加上心情靚，d茶點特別好味😋 其實本來就好好味～ 又比較精緻，唔失美心翠園噶水準，仲會來幫襯～見其他評價多係講服務同衛生，今次我地運氣好掛，完全無遇到，希望有問題噶地方改下咯，越做越好～

要參加婚禮,最早又近文化中心可跟屋企人飲茶的地方就只有呢間。略有聽聞價錢偏貴,但都試一次吧。8:30am望下未開門唯有去海傍行下,8:50am再返到酒樓見門外忽然排哂隊。而且見大多是旅客,一於就八下有什麼吸引旅客來港一試酒樓雖寫9am開門,但實際9:08am才開門然後續一安排客人取枱入座，都頗快的。幸運地可坐近窗邊,天朗氣清望著維多利亞港飲茶都幾心曠神怡。大部份食客差不多時間入座,差不多時間入單,所以食物都差不多時間上枱,上菜都算快。好彩是平日,點心價錢真的不平,種類也有限,而且餐具乾淨程度真是頗劣,巴不得用熱水仔細地洗過先用得。食物質素方面,最貴的金魚餃不值得推介;竟然1粒蝦肉都沒有,內餡只是蝦膠跟馬蹄製成。煎蝦餅也是沒有蝦味的，似魚餅多啲。牛肉球和帶子菜苗餃永遠是最穩陣的炸物方面,相信是酒樓必食推介之一:奶皇炸刺蝟,賣相令分數提高,味道還好,似是炸饅頭包著奶皇。另一炸物是鳳尾蝦芋角,終於有蝦了(完整的一隻),可惜咬一口便是成口油了,可惜可惜。最後唯一有曙光的還是1人前煲仔飯,揀選2款最常食的，味道也可保持水準,北菇雞飯更可值得讚,啲雞相當嫰滑。

一家人吃晚飯，共點了7味餸，魚肚扒鴨，鴨肉柴皮，淡而無味魚肉煎藕餅，全無魚味，上枱的一剎那，只是微暖雜菜煲個湯底過鹹龍蝦可以吃到的肉很小其餘都沒有好感⋯⋯不會再光顧了～失望

如果9點左右到，可以坐到望海的位置，都好享受。茶樓也多外國遊客。食物方面，餐單好復古，幾特別。選擇都算多。但味道普通。可能地段關係，食物偏貴。總體而言，如果要找一家9點就開嘅茶樓，呢間係不錯的選擇。人手太不足，你預左會等好耐，加水都係自己做。

父親節前一日去飲茶 諗住會好多人點知又無喎 只係前面有兩個人等緊一張枱等位期間無野做望下知客有乜搞作本身佢皮膚偏黑加上全程黑面 可謂相得益彰酒樓位於旅遊區 自然有外國人黎有兩個唔知韓國定日本女仔入黎 唔識英文知客同佢雞同鴨講 神情語氣擺明勁唔想應酬佢到排我前面兩個人有位 因為佢地自己傾計傾得太投入聽唔到叫飛 個知客係佢自己個位勁大聲不斷重複喪叫頂 全場得我唔係就佢等梗位你行過去叫一聲唔會即刻斷腳嘛如果返工容許講粗口 佢應該好樂意係佢自己個位直接大聲問候人地娘親了到我有位 佢係張紙仔寫低枱號同幾多位我拎住張紙仔行上樓睇 上到去無人帶位都算問阿姐指我行去右邊 問題係我行去右邊都唔知邊張枱係98號架佢又唔係好似一般酒樓咁有個三角牌清楚寫住枱號後來先發現佢將個枱號刻係一個入住點心紙o既皮套上但個套係平放枱面 啲客行過點自己搵枱號呢唔想請咁多人服侍客就自己係配套上做好啲先啦之後行到右邊見到有張四人枱有個阿姐執梗雖然睇唔到枱號 但我諗我地三個人應該係安排坐呢張於是企定係到等佢執 忽然另一個阿姐叫我地去窗邊已經執好o既大枱坐咁我地照行過去 諗住畀得大枱轉頭可能都要同人搭枱不過窗邊景又好啲 所以無所謂

地址位於香港文化中心，如果一早知咁貴可能唔會入來食喇，不過好好彩坐到窗邊嘅位，隔離就係維多利亞港來，無敵嘅海景美不勝收吖，真係賺咗喇！燒臘三拼，望落去好長一碟吖，不過細數分量都只係麻麻喇，燒肉皮好脆，蜜汁叉燒同燒鴨都唔錯，不過可惜都唔係几幾熱，有d凍喇！叉燒包就唔同喇，熱辣辣嘅，叉燒偏甜，汁好多，趁熱食好好味！蘿蔔糕煎得香香嘅，蘿蔔好多，有些小臘肉丁，好味。荔枝肉，睇個名就知喇，肯定有荔枝，同菠蘿咕咾肉差不多味道，酸酸甜甜嘅，d肉包住荔枝同馬蹄，唔會覺得油膩哦。腸粉好大份！！好抵食，不過皮好厚吖！唔係我鐘意嘅嗰种。牛肉菜心一般，無功無過。

今晚一家人去映月樓果度飲茶，去果度食系聽講話環境好，如果訂臺訂得早可以坐窗邊臺，可以睇到維港夜景，一邊食一邊欣賞夜景，好賞心悅目。可能因為環境問題，所以呢度嘅同類食品價格都比其他要貴少少，但做得比較精致，一份收撻有三個，睇落個樣幾OK，食落覺得都幾可以，蛋撻皮好酥，好有層次，蛋液整得好滑好有蛋味同奶味，不過我覺得有少少甜，食一個就OK。春卷好似有少少隆，但炸得好脆，入邊D餡都調得味道好好，咸咸脆脆，幾好食，食落好香脆。瑤柱韮菜水晶餃覺得整得好靚，以前無食過瑤柱整嘅餃子，覺得幾特別，而且系水晶皮，睇到入邊有咩餡，估唔到瑤柱搭配韮菜又幾好食，覺得幾有新鮮感，味道幾好，不過分量就比較細，我一個人都差唔多可以食完一籠，幾得下。

我所屬的業餘樂團和老師一起春茗，師姐們選了映月樓，因為老師很喜歡這家酒樓的「撈起」!!!我們一圍14人 (13位為女士)，點了一個信用卡優惠的「撈起」套餐!!!談天說地一番，過了一會兒便見到今天的主角「撈起」登場!!!一上檯便是一大碟菜和兩小碟，分別是三文魚和原隻鮑魚!!!另外還有幾款不同的醬汁和三封利是~ 我們一邊聽著侍應的指示，一邊跟著她說出吉祥的祝福語，真是非常有氣氛!!!由第一樣檸檬汁，一直到最後的橄欖油，總共九樣配料或調味料，長長久久，意頭十足!!!最後侍應叫我們每人都拿起筷子，一起將配料及醬汁拌勻，並同聲說著「撈起撈起，風山水起」!!!老人家當然非常高興，不斷地拍照及短片。最後侍應還主動地替我們拍大合照，非常專業!!! 完成所有拍照的動作，當然要開動及填飽肚子!!! 出乎意料地，這個撈起是非常多蔬菜，作為前菜真的非常不錯!!!這道菜以椰菜，蘿蔔，柚子，海蜇，酸瓜，洋蔥等等蔬菜製作而成，配以新鮮的三文魚及口感煙韌的鮑魚及薄脆片，口感真的非常豐富!!!至於味道方面，由於有青檸汁及魚生醬，味道酸酸甜甜，非常惹味醒胃，因此很快便被掃清!!!至於這個套餐的其他餸菜都非常好，共有八道菜