星·韓式小館

營業中

休息中

其實有少少抗拒韓國食物因為覺得啲食物都好辣, 同埋好多肉...成日都會嚟呢區, 但呢間韓國餐廳都係第一次幫襯咋😅, 入去之前都有少少懷疑, 可能麻麻地🤔有驚喜喎🤩, 食物種類有辣有唔辣, 味道又ok啊, 店員仲好親切㖭👍下次再會去😊

響鰂魚涌返工已經兩年，可以寫下唔同餐廳既食評。  呢間係被朋友稱為飯堂既鯛魚魚湯專門店 😂 因為係一個可以成日去既健康之選。  仲記得第一次去，見到佢張墊檯紙上面寫到鯛魚湯好多益處，記得係又補腦、又護膚，正。  坐位舒服，中午去通常都較為多人，要早過12點拎位。  佢有各式各樣唔同組合，例如花膠拼鮑魚，象拔蚌拼蝦，比你配搭；可以揀魚湯烏冬或者魚湯飯。如果係魚湯飯，會有個熱騰騰既煲，煲住d飯 😚 幾乎每次去都會揀花膠，女仔皮膚想令令，養生選擇。  魚湯鮮甜，當食到飽肚，都繼續想飲個湯。烏冬有咬口，爽，挺身，比較多時揀烏冬。  不斷再去既飯堂 🙌 

比較精美嘅韓國菜，不過80幾蚊lunch 就偏貴啦。我點嘅係石頭煱飯，食落去唔錯。同事叫左豬肉飯牛肉飯等d飯就有點小。另外店入面原來幾大，入極都仲有。可能因為我地坐得入，手機收唔到...

四個人去咗一間韓式餐廳食嘢，平時好少行開呢條街都唔知開咗呢間餐廳。我哋叫咗一碟炒粉絲，一份泡菜煎餅，一份炸雞同埋一份韓式烤牛肉。佢哋啲份量都幾多，烤牛肉都可以四個人share一人都食到幾塊，啲肉葉得唔錯調味啱啱好。炸雞皮脆肉嫩，佢哋啲炸雞好似用雞俾肉因為冇骨㗎又好嫩滑，啱晒我呢啲懶人食唔使吐骨啖啖肉。炒粉絲大大碟整得幾好食唔會好似出面嗰啲太過甜。四個人叫咗四碟嘢食都夠飽，下次再試吓其他嘢食先。PS.有啲唔記得影相。。。

個人比較懶，聽到朋友話食韓國野通常即刻ban, 出去食野仲要自己動手燒無興趣。。應承食呢間餐廳都係因為唔使自己燒～ 兩個人叫左韓式烤雞，辣海鮮湯同炸雞。呢個雞肉幾滑又香，又無雞皮，好食👍🏼仲叫左辣滑海鮮豆腐湯我又覺得唔算好辣，不過好好味，食嘅時候要將湯料加埋湯一齊食先至好食，拎嚟送飯一流。個湯我仲食到鮮甜味👍🏼👍🏼太肚餓掛住食，無影相添。。炸雞又脆又滑，下次要試下辣既炸雞同韓式泡菜餅先，睇圖片就好吸引。

午市去食辣海鮮湯麵，收80蚊，想講個碗好大，d料太小同唔靚，食完都唔飽，真心差。食完有心靈上既損失。個碗麵有d咩呢，好細條既菜，大量冇飲肉既蜆，一隻正常size既蝦，個湯紅過紅油，所以食到最後先知道佢d料係好少。個meal set得極少量既配菜，黃芽白同翠肉瓜，用埋哂d低裝技巧係度呃錢，所以奉勸千其唔好上當去幫襯，我真心好後悔😭😭😭我想快d夠200字去俾呢間野負評，我麵未食過有韓國野差到好似呢間野咁囉

呢日我哋 #誤打誤撞嚟到新開嘅「星·韓式小館」，睇嚟就最啱我哋個 #韓迷同事🤩 咁難得先就到大家可以一齊食lunch， 就一於試吓新嘢。#舊瓶新酒 #星韓 嘅間格幾乎同上一手一模一樣，只係換過 #牆紙 同啲 #燈，不過都襯得唔錯嘅😉 本來想叫個 #人參雞湯 補吓身，不過聽到 #首領 話要食 #辣海鮮麵... 我又變心啦😏 大概等咗10分鐘，我碗辣海鮮麵嚟啦🤗 啖湯嘅口味似乎比想像中有啲出入，以往食嘅 #辣海鮮湯 都比較有鮮味、而且仲係會辣到流汗嗰隻😅 不過 #星韓 嘅 #辣海鮮湯 嘅口味比較 #酸，而且海鮮唔多，只係有幾隻比較瘦嘅 #蜆、+一隻 #蝦，其他嘅配料就只有一堆 #泡菜/#什菜 之類嘅東東😜 相比起我同事食嗰個 #牛肋骨套餐 似乎有啲削 👉🏻👈🏻 雖然我碗麵平過佢個餐$28啫，但係我碗麵🍜都$80㗎，仲要唔包嘢飲🧐 不過 #小秘書 就當佢試業，第一次嚟幫襯唔要求太多啦😅

很久冇心情試新野，終於向東行試吓鰂魚涌的食店，蝦麵店今天冇開，行行吓去了海灣街的韓食店，有家的感覺，純音樂，不似其他店的K 歌。真系幾好喎，同M一條街，店子細細，座位不多，連bar 位都只系30位樓下，相信星期一至五，一定要等位，今日星期日都多人幫襯，下午茶要2點半后。試了人參雞及炒粉絲，合共$148。D人參雞好滑，人參好足料；炒粉絲配雞，好味，全部都好份量，正！今天都有好多外賣，包括Fxxd Paxxa 及dexxxxxloo, 下次有多了另一間韓食店的選擇。

Love this place, been there twice and never been disappointed. Nice comfort foods with friendly environment. This is a gem in quarry Bay Area, love their vibe, their foods and coziness. Highly recommended!I’ll treat this place as one of my fav local eateries.

唔係第一次食韓式野 但呢間真心唔錯 係有啲逼 因為太多人😂😂 但係味道係好嘅 唔會太辣 啲野食好啱香港人口味 份量我個人就覺得係幾大份 唔會太濃啱啱好 擺盤都唔錯 送餐都算幾快 員工態度幾好 見隔離啲客好多要求 （又加水 又外賣盒） 都好好態度 手腳快 💁🏼 試業有氣水送 （依家唔知係咪仲試緊???) 食過一次佢果辣滑豆腐海鮮煲 好足料 ！ 好味！ 而且熱辣辣送上黎 好抵食 想上下新口味嘅可以試下呢一間 對比佢隔離左右果啲餐廳 呢間價錢都算合理 係抵食嘅

喺公司附近開左間新餐廳食韓國野難得有新野即刻去試下從門口望入去以為得5/6張枱，原來行入啲有好多枱12:45已經坐滿晒，因為多坐位，所以等左15分鐘左右就有位Lunch Menu食物選擇都多價錢大約$78-$108的選擇都有有基本的石鍋飯，炒粉絲，辣湯鍋飲品要另外加錢不過午餐就無人參雞晚餐menu先有叫左個炒粉絲（豬肉）唔知係咪最近非洲豬瘟所以豬的份量好少同好細舊粉絲份量好大碟，加埋配菜紅蘿蔔絲，椰菜，蔥，炒得好入味，粉絲軟硬度適中味道唔會太甜或太鹹，好味前菜係辣泡菜+菠菜，一般前菜味道，泡菜唔夠酸味下次會再試下石頭鍋飯

上星期又有人黎接放工，唔記得咩原因話唔煮啦，總之就是旦pick左間係公司附近既呢間新野!辣滑豆腐海鮮煲 $108其實我覺得偏貴，我食既差唔多每一隻蜆肉都有沙，豆腐亦唔見得有幾滑，好似百福都滑過佢咁... 而個湯呢，唔係唔好味，就係差緊陣味，但差緊咩我食唔出...烤辣豬梅肉(醬醃) $118我地兩個都覺得偏乾，個味唔多突出，除左辣醬其實唔係好食得出有咩特別既雜果烏龍茶$48 (新開張所以送既)其實烏龍茶就烏龍茶啦，加咩雜果? 雜果一睇唔新鮮，係唔會食... 亦搞到杯野不倫不類所以，佢未至於難食，但呢個價錢喎，咁既質素，應該唔會再去食...

鰂魚涌食肆多，持續人氣高企都唔係咁容易。新勢力介入亦增加競爭力💪🏿，食物嘅提升食客更會得益。呢間韓國🇰🇷料理是新進駐，午餐🥣以石頭飯同定食為主。「🐮牛肉石頭飯🍚」夠熱辣辣，配料足又夠份量，菜🥬、菇🍄、紅蘿蔔🥕、雞蛋🥚、芽菜全部都新鮮，真心覺得很不錯👍🏿。跟配泡菜同菠菜，新張期間仲送汽水🥤或➕💲5️⃣有韓國🇰🇷菓汁🍹，實在有誠意希望留著顧客的♥️。亦希望能加入更多菜式。

星期五晚放工同朋友搵地方食飯，行過麥當當見到以前既焗飯餐廳無左😱😱 轉左做呢間韓式餐廳😱😱好快手。。見佢試業期內晚餐送冰茶，所以我地4個女仔決定入去坐低～ 一入去發現餐廳環境好舒服 坐又舒服，燈光暗暗地 好岩慢慢食慢慢傾～ 侍應推介我地食韓式豬手，俾晒相我地睇 好好食既樣 不過我地4個女仔應該無本事食得晒，所以就無叫 >< 下次有男士係度一定會試食。。今次叫左炸雞，炒粉絲，紫菜包飯同石頭飯😍😍炸雞無骨架 又滑，應該用左雞脾肉🤔🤔正 唔使吐骨 啖啖肉～ 炒粉絲好好食🥰🥰🥰 平時食開既我覺得太甜 麻麻地，但係呢個個味岩岩好👍🏼👍🏼石頭飯係用石頭窩上架 熱辣辣 冬天食更加正！坐到10點零 侍應不但止無叫我地走 仲送左甜品俾我地食,有埋甜品 餐飯完美晒～