星海薈 (利舞臺廣場)

營業中

休息中

今日飲茶的場地轉了，食點心又轉左食小菜，可謂煥然一新。食小菜前，叫了豬手粒，豬手粒肥美多肉，蒜味濃郁。鮮菠蘿脆皮咕嚕肉咕嚕肉脹卜卜、圓轆轆，不但皮脆，肉質都嫩滑，酸甜汁很甜，鮮菠蘿新鮮冇渣，酸甜適中。蝦頭油二蝦粉絲煲真係夠熱，一打開蓋感覺到個股熱力，有鑊氣！粉絲很爽滑，又唔會有黏埋一嚿的情況，配合芹菜、芽菜仔食，味道更香，蝦肉彈牙，色澤雪白，蝦乾微濕，冇乾柴，整個粉絲煲，蝦嘅香味很濃郁。最後同事更叫了楊枝甘露。楊枝甘露很足料，啖啖芒果；啖啖西柚；仲有爽脆的西米，味道幾甜。吃過甜品，喝杯茶，又係時候返公司工作了。

同為食姊妹喺銅鑼灣行街，見好耐冇飲茶，利舞臺就最多選擇，記得同事介紹呢間， 一於去試試呢度地方大，枱月台之間空間咁大，唔會坐得太迫，非常好打開餐牌，好多嘢食，經理見我地心大心細，於是介紹一下冰鎮花雕頭南非鮑魚震撼價$68隻，就點來試吓，加入乾冰效果，滿滿的儀式感，未食都已經加分，入口果然新鮮彈牙脆皮黃金磚，外層炸得酥脆，內裏包着滑溜的豆腐，好味到食不停口化皮燒腩，肥瘦適中，入口鬆軟，外皮脆卜卜紅燒王子乳鴿，光澤感十足， 咬落外皮微脆增加口感，肉質保持水份，不會太乾，最後飲埋呢個雪梨無花果花膠燉湯，清新又滋潤，飲完感覺皮膚非常滋潤充滿水份本來打算再來幾個點心，但已經太飽了，下次再嚟食個點心飲杯茶

酒家在銅鑼灣利舞臺，佈置瑰麗堂皇，美輪美奐，空間感十足，門口的長梯級，佈滿繽紛的玫瑰花，是靚靚打卡熱點。廚師以精湛廚藝，每道菜式也做到色香味俱全。雪梨無花果花膠燉湯 $68/一位熱燙燙的原盅花膠燉湯，打開蓋時香氣十足，材料相當豐富，有雪梨肉、無花果、雞腳及豬展。經過長時期的熬燉，深竭色的湯底，鮮甜不油膩，是初秋的滋潤養顏湯水， 感覺暖笠笠。 招牌白胡椒煎焗澳洲龍蝦 $498原隻澳龍蝦用白胡椒煎焗烹煮，惹味十足。巨型的龍蝦，賣相令人垂涎，喜歡啖啖肉的口感。精華盡在龍蝦肉，鮮味彈牙，吸收了白胡椒微辣醬汁，滋味指數提升，令人食指大動。秘製瓦撐蔥油雞（1隻）$98原煲秘製瓦撐蔥油雞，香氣撲鼻而來，雞肉被豐富的香蔥覆蓋著。雞肉不但軟嫩，還充滿濃郁的蔥油香氣 ，別有一番風味，不消一會已通通吃光了。紅燒皇子乳鴿 $68即叫即製的紅燒皇子乳鴿 ，乳鴿皮油光亮麗、香噴噴，乳鴿肉軟嫩入味，充滿肉汁，不需要任何醬汁，已經好好味。

星海薈﹒譽宴 (利舞臺廣場) (銅鑼灣)銅鑼灣波斯富街99號利舞臺廣場5樓雪梨無花果花膠燉湯$68一位雪梨無花果花膠燉湯，湯料好足，燉得好夠火喉，湯質濃香滑喉。鮮甜可口，係一款超滋潤嘅靚湯，值得推介。🥳🥳🥳招牌白胡椒蟹優惠價$538招牌白胡椒蟹🦀️正囉，超大隻肉蟹，焗得香噴噴，白胡椒夠香濃帶小小胡椒辣，令到整個蟹芬香撲鼻，蟹肉鮮甜爽滑。食到津津有味，齒頰留香。😋😋😋海蜇燻蹄$68海蜇燻蹄，海蜇冰凍爽脆，大大條，超有口感，燻蹄皮脆肉爽，點買這款秘制甜酸醋，超醒胃。👍秘製瓦罉蔥油雞$98一煲由瓦罉唧超熱力焗出嚟嘅蔥油雞，香極了，黃油雞皮脆香，肉嫩滑，雞胸肉都係滑嘅，好香，好入味，好好食，食晒整個雞🐔，雞肉都係保持微溫的，用瓦罉秘製，納熱，保香，讚👍👍👍瑤柱真菌炆伊麵$128瑤柱真菌炆伊麵，大大碟伊麵好香，好有睇頭，伊麵一條條，爽口的，唔會黐埋一舊，一絲絲嘅瑤柱，真菌絲，九黃，配搭一絕，食完呢碟色香味俱全唧伊麵。今個晚餐真係好圓滿😄😄😄

講到食，銅鑼灣真不輸給其他區域！但講到價錢，好多人以為銅鑼灣區域偏高，但又唔認同！今次試下名氣不差的酒家試試個茶點！令人意想不到的滿足！去到眼前一亮，還以為去左5星酒店大堂😅當日剛好下午茶時間🫖竟然海蝦焗伊面加個南乳粗齊煲都係$198好味😋新鮮蝦加上個上湯伊面入曬味。個南乳煲味道剛好，香噴噴👍🏿點心推介黑胡椒安格斯牛肉腸以及春風得意腸，兩種腸粉各有特色，黑胡椒安格斯牛肉好野味😋，春風得意係用左油炸鬼加蟹籽粒粒咬上口脆脆的口感！重點係個腸粉做得好滑好正👍🏿小籠包個湯溫度剛好，皮薄多汁，咬上去汁加肉一啖剛好！鮮蝦腐皮卷，好細心，切開一半，方便入口！其他點心都一樣做得好精緻美味！飲茶必選的酒家😋

每次到來，都被這道裝飾得美輪美奐的階梯吸引著。❣️ 雪梨無花果花膠燉湯擁有健康的身體非常重要，今日喉嚨有點乾涸，想起喝湯是增強免疫力其中的一個好方法，馬上點了這個「雪梨無花果花膠燉湯」。這個燉湯用料豐富，有雪梨、無花果、豬肉、雞肉，當然還有花膠。燉湯非常清甜順喉，喝了即感到滋潤和舒服了不少。充滿膠質的花膠，口感煙韌軟腍。❣️ 招牌白胡椒煎焗澳洲龍蝦菜牌上推介着「招牌白胡椒煎焗澳洲龍蝦」，看來不錯，就點這個。店員把裝着整隻澳洲龍蝦的鐵鍋送上時，把白胡椒醬汁淋在龍蝦上，頓時滋滋作響，香氣撲鼻。約斤半的澳洲龍蝦份量不少 龍蝦肉質厚肉爽口，味道鮮美。加上白胡椒醬汁那濃郁芳香的香氣和味道滲入龍蝦肉內，非常惹味 ❣️ 燒汁野菌牛柳牛柳嫩滑軟腍，口感細膩，牛肉味濃。新鮮野菌經油爆後，香口而不油膩。野菌的鮮味混和牛柳的肉味，又香又美味。❣️　星海脆皮鮮雞(半隻)脆皮鮮雞色澤紅亮，皮脆肉嫩，皮下沒有多餘脂肪。這個脆皮鮮雞雞香味濃，雞肉滑嫩而味帶鹹鮮，鮮雞肉口感和味道是冰鮮雞不能媲美。用新鮮雞做得皮脆又入味的，不容易，可見廚師烹調功力。❣️  欖菜肉崧炒飯欖菜鹹香味濃，能讓食物更鮮味，可配搭的食材多樣。肉崧炒飯炒得

今日第一次去呢一間茶樓,一入到去如常地掃安心出行同針卡,咁之後就同我哋講直行同事就會帶我哋,我哋行左兩步嘅時候有另外一個同事截住我哋,好大聲同我哋講問我哋掃咗安心出行同針卡未,我話已經做晒，佢問我哋係咪去廁所！？我話去廁所？我係嚟呢度食野架！！其實係乜嘢態度呢?其實你哋用對講機唔係溝通嘅咩？就算真係冇聽到對講機嘅說話都唔應該咁樣同個客講嘢,其他顧客望住我哋令我地超尷尬囉！！我哋根本冇做錯全部嘢都有做晒先入嚟!!而且佢一句唔好意思都冇仲黑我哋面？其實未食嘢已經飽晒啦,點解要貼錢買難受!??唔該呢間集團好好地訓練下佢哋嘅員工！老實講我哋叫咗五款點心,其實四款我都覺得幾好食嘅,布拉格腸好軟滑,份量好大.鳳爪好入味亦都冇雪味，爽口。小籠包賣相精美亦都多肉汁 .蝦餃好大隻，爽滑，皮带煙靭.唯一差嘅係雞扎嘅雞，我嗰舊啲雪味好犀利,真係冇可能食到.

一時興起陪人飲茶，對方提議去呢間。閒日中午12點人不算太多。可能疫情關係，一開左位姐姐就捧左個裝住熱水嘅打邊爐煲上枱，連埋大鐵夾俾我地淥餐具，心理上即刻覺得乾淨左。點嘅都係大路點心，全部都屬中上水準。叫左6樣點心，埋單290，係銅鑼灣地段有呢個質素嚟講真係唔貴。唯一彈嘅就係無人加茶水，服務算不上好周到。

今晚和朋友來到銅鑼灣聚會，選擇了在利舞台廣場五樓的「譽宴.星海薈」，愛它夠氣派。餐廳裝修華麗，超高樓底，大型吊燈更顯貴氣。今晚餐廳推介龍蝦和蔥油雞，我們當然要嚐一嚐啦！“雪梨無花果花膠燉湯”，材料豐富，有雪梨、無花果、大雞腳、瘦肉和最名貴的花膠。味道酸酸甜甜的，清潤無比，毫不肥膩，是滋補養顏的湯水。“招牌白胡椒煎焗澳洲龍蝦”，今晚的主角，原隻澳洲龍蝦放在鐵鍋上，熱焫焫的奉上，由服務員淋上醬汁，嗞嗞作響。龍蝦肉爽口，鮮甜多汁，胡椒讓龍蝦的味道提升一個層次，果然是招牌之作。和烹煮好的龍蝦搏鬥一番，也另有一番情趣。“袐製瓦𦉘蔥油雞”，原隻鮮雞，肉質嫩滑無比，加上蔥花和其他袐製香料，非常惹味，也是必食之選。“瑶柱蛋白炒飯”，炒得乾身而不油膩，更能突顯瑤柱的香味，即使平平無奇的炒飯，也能製作成可口美食，足見廚師的功力。華麗的環境，美味的佳餚，殷勤的服務，帶來滿意的收穫。

趁係防疫措施收緊之前梗係同屋企人食埋生日飯先，一家食飯通常都是係酒樓多，聽人講「譽宴.星海薈」唔錯，甘梗係要試試佢譽宴嘅裝潢好華麗，特別係天花嘅燈！位置好寬淌，坐得好舒服今次我地叫左皇牌必食套餐「冰鎮五頭南非鮮鮑魚」煙霧瀰漫，好有睇頭；鮑魚鮮嫩爽口，拌以wasabi食，真係好正吖「雪梨無花果花膠燉湯」燉湯以雪梨、無花果、花膠清燉，花膠雖然薄薄地，但啖湯就夠清甜，好味！清肺養顏👍👍「招牌白胡椒龍蝦」白胡椒🦞肉質彈牙，啖啖肉，好惹味「清蒸虎杉斑」都斑夠新鮮，師傅火喉控制得岩岩好，嫩滑清甜「蝦乾浸白菜」白菜充滿蝦乾嘅鮮味，好食，個人最欣賞😋😋「脆皮一品炸子雞」啲皮夠脆，味道中規中矩「砂窩章魚炆雞粒飯」一大砂窩熱騰騰上黎，啲飯充滿著章魚雞粒嘅咸香味，個底仲有少少飯焦，好好味「原籠蒸蔗糖馬拉糕」馬拉糕鬆軟香甜，十分美味

今日同幾個朋友嚟利舞臺飲茶一入門口長樓梯同瑰麗嘅燈飾，好似酒店一樣咁靚。幾個饑餓嘅女人仔剔咗好多款點心：✨春風得意腸必食腸粉，滑嘟嘟嘅粉皮，包著網格嘅脆脆，加上粒粒蟹籽，口感好特別✨小籠包放上手挽嘅小籠包賣相好靚，湯汁好豐滿，皮夠薄，夾起時都要小心翼翼，怕湯汁湧出✨竹笙菜苗餃皮薄餡料超飽滿✨蒜茸鮮蝦春卷春卷擺耐咗依然好香脆，裡面包著滿滿蝦肉✨黑金流沙包竹炭嘅包，撕開兩邊立即流出金黃色奶皇漿，每次飲茶必食✨鮮菠蘿脆皮咕嚕肉即叫即炒，外皮香脆炸粉唔厚，配上新鮮菠蘿粒，酸酸甜甜好開胃點心質數有水準，下次一定要嚟試下晚市嘅胡椒蟹

銅鑼灣美食何其多，飲茶的地方反而不多。星海薈。譽宴出名地方夠寬躺，價錢合理，點心水準當然都有番咁上下。想去嘆茶就會諗起佢下午茶有時間限制，限時個半小時。安格斯天鵝酥 $48蘿蔔絲酥餅升級版，外型已經感覺到嗰份誠意，餡料以安格斯牛肉切成小粒、炒香釀入酥皮內，一咬下去真心不得了沾滿了醬汁的安格斯牛肉同時爆發，牛肉味澎湃富咬口；酥餅超鬆化可口、非常美味的自創點心，超推介！推介的還有「竹笙菜苗餃」 $34完全感受到即點即蒸的威力晶瑩剔透的餃皮包著呼之欲出的餡料，竹笙的爽口和蔬菜的水份令口感更有層次，味道清新不膩，感覺十分健康。黑胡椒安格斯牛肉腸 $38高級版牛肉腸，用上安格斯牛肉，口感比免冶牛高班得多，牛味濃都唔使多講，腸粉不黏口，配上甜豉油，完美組合。正常發揮的還有以下點心星海薈蝦餃皇$38蠔皇叉燒包 $30啱晒夏日炎炎菜色「士多啤梨大蝦球」$148 蝦球隻隻都咁大，色澤鮮艷的士多啤梨汁將蝦球的鮮味緊緊鎖住，入口超爽脆，醬汁酸甜平衡，太正，所以一口氣吃了三粒 😋欖菜肉鬆炒飯 $118份量超多，起碼有六碗；欖菜不死咸，肉鬆、蛋絲、蔥花，炒飯鐵腳組合，炒飯尚算乾爽，不油膩，口味較為淸淡。

之前吃過觀塘譽宴，食物及環境不錯，因此朋友選婚宴即介紹她到此吃一趟。港島區 譽宴 整個場地豪華大氣，樓底偏高，旋轉樓梯配上粉系花作配搭，更夢幻更吸睛。店舖極多優惠套餐，可配搭出多款海鮮肉類，最後選了三菜一湯的配搭。孖寶D$338原隻鮑魚(4隻) 滑雞煲原隻鮑魚厚肉質感爽口彈牙，雞肉結實香滑多汁，配料比例多包括洋蔥、蒜頭、甜椒等，味道濃香惹味。金銀蛋浸時蔬以高湯、皮蛋、咸蛋等作基底，湯濃郁香甜，配上鮮嫩莧菜，健康美味之選。招牌白胡椒煎焗澳洲龍蝦原價$698，以優惠價$398享用，必試之選。澳洲龍蝦殼薄肉厚，肉質爽彈帶膠質，白胡椒醬汁滲透龍蝦肉，開邊入味易拆殼，好味易吃。白玉海皇冬瓜盅$68絕對絕對必點，師傅以菌類、蝦、瓜類、帶子等燉冬瓜盅，海鮮及菌鮮味滲透冬瓜肉，肉絲絮鮮甜，湯清香鮮甜滋潤。雪梨無花果花膠燉湯口癢額外點了一份燉湯，清熱潤肺止咳、滋潤養顏。湯甜而不膩，香滑可口。總括來說，環境佳而食物好，絕對是晚飯好去處。至於擺酒，單說氣派已很足夠，酒樓宴客不輸酒店觀感，可以認真考慮。

在銅鑼灣鬧市原來有一間酒樓裝修得咁豪華，見這個樓梯像酒店一樣，相信這裏是很多人擺婚宴的地方。白胡椒煎焗龍蝦相信是這裏的招牌菜，一入酒樓便見有很多廣告宣傳，龍蝦上枱時色澤不錯，食落胡椒味重，十分惹味，而且蝦肉新鮮，大大啖肉食得很暢快。酒樓貼心地將醬汁分開，食客可因應自己的喜好要多少醬汁，而且酒樓預備了鉗子，即棄手套，讓食客用手拿着龍蝦大大啖吃，實在是貼心的安排。秘製瓦𦉘雞做緊特價，$99，見咁抵食，即刻叫來試試。這道菜有很多香蔥在雞上，雞件沒有雪味，有雞味，醃得不錯！蜜桃烤骨有很多蜜桃，個醬汁做得很香，個骨多肉少骨，伴以這個蜜桃汁很美味。

太耐冇同屋企人飲茶，今日去左銅鑼灣利舞臺見到一間靚裝修中菜酒家，一上到就見到花花長樓梯好華麗，再加埋個靚天花燈好明顯依度好適合攪婚宴及宴會場地🤵🏻👰‍♀️食物方便都多選擇除左叫點心有潮州粉果，布拉米皇腸粉，雪山叉燒焗餐包😋，丁瑩蝦餃皇😋，黑金流沙包😋，仲叫左好耐冇食過既金銀蒜龍躉球蒸陳村粉😋，龍躉球好滑加埋陳村粉好有回憶既味道🤭原籠大澳三鮮蒸飯，蝦醬味好重有大澳FEEL，仲有兩個好出色既脆皮黃金磚，xo醬炒腸粉🤤，加多個雪梨無花果花膠燉湯就個個飽住出門口😋😋#好食推介 #食物遺照 #食物殺手 #food #foodie #foodiehk #zaki食評 #hongkongfoodie #hongkongfood #hkfoodie #hkfoodblogger #hkfoodstagram #hkfoodlover #instafood #hkig #ighk #hkigers #yummy #eat #星海薈 @星海薈星海薈地址 : 銅鑼灣波斯富街99號利舞臺廣場5樓