星星 Pho Cha

營業中

休息中

佐敦既渡船角係小店聚集之地，今次我去試試呢間韓式小店 - 星星 Pho Cha先試醬油蟹，醬油蟹價錢都貴貴地，唔係好大隻，但肉質都幾鮮甜，醬油味甜得黎有少少甘香，唔會太咸，真係唔錯，仲要叫多個紫菜飯黎配蟹膏，最高享受呀！話明星星，梗係唔可以唔試下星星炸雞 (唔同個個星星炸雞呀！) 一上枱，個貌相幾麻麻，不過芝士都幾香既，但個炸雞一d芝士味都無，只係一件好普通好普通既炸雞，同埋炸到有少少乾…食1-2件已經覺得好膩，Ace就覺得可以用雞既價錢叫多隻蟹會開心d…小店有一個好，就係細細間，幾有家庭既溫暖，得閒同三五知己黎飲下酒食下飯，又可以放鬆下啦 😊

The place is so busy. People continuously come in this place. It was cozy even if its quite tight. Overall food and service experience was amazing. Definitely worth to visit this place. Ideal to go with friends and family.

星星來自韓國的你，正宗韓國菜，舖仔細細又唔係豪華裝修（其實都有少少迫），而且位於橫街小巷但也客似雲來，就係因為好味正宗囉，連我都老遠坐車去嘗嘗佢嘅正宗韓國口味🤭原味紫菜包飯，正正宗韓國芝士炒年糕，正宗韓國炸雞，樣樣都食到舔舔脷其實仲有好多好好食嘅韓國菜，好食之餘仲份量十足，價錢又唔貴非常合理大眾化，所以除咗堂食，外賣都非常受歡迎今次二個人嘅肚皮有限食得少，食唔到其他真係激死，下次帶齊人馬再入去食過片甲不留

小妹weekend中午時分到達餐廳 竟然唔洗等位！店中無論廚師、侍應甚或乎客人都是韓國人！😀只有一兩枱說廣東話😂😂😂頓時覺得自己變左遊客整體而言份量非常非常之多 大食既朋友有福了😆味道亦都同韓國食到既相近 大滿足🥰🍄海鮮大醬湯拼烤豬肉（$118）烤豬肉好入味 甜甜地好好送飯 份量好夠大醬湯較為一般 味道比較淡 部分蜆亦有沙石🍄飛魚子紫菜包飯（$58）飯少餡料多 仲有麻油香 呢個十分高質 必嗌💕🍄星星炒年糕（$98）對於平時食譚仔4小辣既我黎講算比較辣但辣得黎甜甜地好惹味😚仲有大量魚糕 正啊😍😍

呢間喺佐敦嘅韓國餐廳想食好耐🇰🇷🍴首先佢嘅前菜真係超級豐富！有泡菜、大豆芽、菠菜苗、茄子 仲有魚糕🤩烤牛肉紫菜包飯都好正 餡料好足有烤牛肉、魚糕、火腿、蛋、青瓜、生菜、蘿蔔同醃蘿蔔 口感一流

唔知大家係咪同我哋一樣，冇得去旅行真係好掛住醬油蟹！！成日睇啲人食醬油蟹嘅片，睇到流晒口水😭 所以今次就搵咗呢間佐敦食韓國菜🇰🇷嘅黃店試吓，佢哋嘅店員大部份都係韓國人，而且餐廳環境貼滿好多韓星相，食物同整體感覺都幾正宗，可以ff下自己去咗韓國🤣不過見好多朋友留言話呢間店態度唔好/有衛生問題，雖然我哋當日去係冇遇到呢啲情況，但大家如果想去之前可能有心理準備好啲🫣▪️免費小菜▪️食韓國菜例牌會送涼拌小菜㗎啦，但呢間係有7款小菜咁多😱 我哋當日嘅小菜有泡菜、菠菜、大豆芽、蓮藕、茄子、翠玉瓜、蘿蔔絲，雖然唔係每款都啱食，但都覺得佢哋幾有心思💛▪️醬油蟹 $383/2隻▪️呢度嘅醬油蟹真係必試，調味勁正宗，啲蟹仲有蟹膏😍 佢仲提供埋超多紫菜嘅白飯，畀你撈埋醬油蟹一齊食，睇返啲相都流晒口水好想再翻兜🤤 下次仲想試埋呢度嘅醬油蝦！▪️芝士炒年糕 $128▪️有辣炒年糕、魚糕、麵同拉絲芝士，一次過滿足我4個願望🤩 味道好正宗，係韓國嗰種甜辣，愈食愈辣好正！▪️韓式豬手 $298▪️呢個真係成隻豬手連骨，份量超～多！當晚我哋兩條友勁想食豬手就忍唔住叫咗，最後緊係食唔晒要打包😛 如果單食豬手就只有淡淡麻油香，所以店內提供

情人節咁岩想食韓國野，專登山長水遠搭出佐敦食，呢間係之前有個真韓妹推介，諗住試下，所以都想試下正宗嘅味道想講2個人叫3個菜真係好飽，好努力地食都食剩1/3，貪心乜都想試下味😂呢度仲要全部都比想像中大份，個涼拌麵好夠味好辣好冷涼，但好上癮，又甜又辣。蛋卷就比較普通，可以唔洗試，加埋蕃茄汁好似蕃茄炒蛋😂😂😂個飯撈芝士都幾好食，但啲雞肉好鞋，啲芝士同辣醬同飯撈埋都好過癮嘅，可啲餡就要轉一轉佢唔好食雞肉會好啲。

中午一點多去吃lunch點了個烤牛肉拌飯，當時桌子上灑有搓手的消毒液，我讓服務員麻煩擦下桌子，誰知那長得很胖很矮的菲律賓服務員一臉不屑的說if outside is not clean, sit inside然後轉身就走了，也沒來擦桌子！客戶去餐廳花錢買的是服務，服務業做成這麼不屑囂張，聘請素質低下的服務員，真的很影響客戶的胃口。上菜的時候也是一臉仇恨，好像來吃飯的人殺了她全家，這次的體驗真的噁心到我，再好吃的食物也抵擋不了服務員那幅噁心的嘴臉！ 另外一個看似韓國人的服務員服務業特別差，臉黑無敵臭⋯老闆真的需要整頓下這些服務員的素質，真的影響顧客的心情和胃口🤬🤮⋯⋯

ღ佐敦良心韓國菜 🇰🇷💛ღ 醬油蟹 $3832隻蟹肉都鮮甜，算多蟹膏😍最緊要入口唔腥😚仲有一大碗滿滿紫菜嘅白飯配👍🏻ღ 芝士酸辣味炸雞 $148炸得香口酥脆，但肉質有啲乾🤣酸辣味偏甜好惹味😚上枱之後，店員會幫手Mix好芝士粟米同炸雞，芝士份量好多好邪惡，忍唔住一啖一啖係咁食🤓ღ 泡菜炒豬肉 $108豬肉份量好多，但有啲鹹🤣ღ 海鮮豆腐辣湯 $78呢個味道冇咩特別，海鮮味幾突出同都幾多料😛==============================🍴 星星 Pho Cha📍 佐敦文英街18號文英樓地下==============================

喺IG見到呢間韓國餐廳嘅醬油蟹好吸引，見疫情稍緩，就即刻同friend黎！鋪頭好多韓星posters, 入到黎已經好韓feel~~🥬餐前小食嘅泡菜、芽菜、豆角、蘿蔔, etc, 真係好飽🦀醬油蟹$383 (2件) - 兩件大大隻嘅醬油蟹，好入味，再加一大碗紫菜飯，兩人食一定夠飽，仲好滿足🐮燒牛肉$138 - 牛肉多兼多汁，送飯一流🦑海鮮豆腐辣湯$78 - 多料！辣度係小辣，但已經夠惹味，超正🍶米酒$78 - 米酒，食韓國菜必備呢間餐廳嘅每一碟dish嘅份量都好大，價錢相宜，而且味道真係好地道好韓國，所以呢間小店真係好多人。12點幾座低，不停有人入黎買外賣、攞位、etc…想食嘅，真係要早少少黎，唔係就真係有排等位！🌟星星 Pho Cha (佐敦)📍佐敦文英街18號文英樓地下

💛星星 Pho Cha·石鍋拌飯$63 l 星星酸辣味炸雞餐盤$78其實我一開始係俾佢個炸雞餐吸引嘅 因為好少餐廳lunch time都會有炸雞餐😈不過最後我覺得佢個石鍋拌飯好食啲🤣🤣佢個石鍋拌飯入邊係超多配菜 撈完之後係真係每一啖都會有配菜 口感好好🤤而且佢嗰石鍋好夠熱 而且係真係有飯焦🤩之後佢個炸雞其實都好有誠意嘅 佢係真係有好幾舊 而家係新鮮炸起既 超級熱辣辣 不過佢就全部都係雞胸嚟嘅 食落柴少少 唔算話好juicy🙊📍佐敦文英街18號文英樓地下

價錢貴、出品耐、服務員及老細態度差、差、差。 如果你唔好彩係堂食舖買佢外賣舖有賣的款式，堂食舖D職員係唔會話你知，價錢貴左、等嘢食耐左不特止，當你發現外賣舖有得賣嘅時候，職員同老細都會話［點解要話你知］，咁樣做生意都仲企得住嘅，真係祝你好運😡😡😡

一間本身我自己都好想去試吓嘅韓國餐廳，一去到嘅時候就比呢個牛肉餐盤吸引住，真係非常之大！重點嘅係呢一度真係非常之豐富，有勁多配菜，有泡菜，菠菜，茄子，蘿蔔絲，芽菜！真係好友韓國嘅風格，隔離仲有一個好重胡椒味嘅湯！牛肉飯嘅份量好多，而且呢度嘅牛肉真係好正！

逐所周知港女都鐘意食韓國野既，今日就黎到企敦覓食😏星星pho cha位置呢就啦算就腳既一邊既鋪面就負責外賣，另一邊鋪面就負責堂食既。入到去主要就外藉既員工黎但都可以用廣東話溝通既。今日就同好朋友一齊叫左星星芝士炒辣雞🍗🍳($188) 同烤牛肉紫菜包飯 ($68)，當係lunch set咁叫加野飲可以唔使正價都幾好😍芝士辣雞有好多入味雞似同洋蔥年糕撈埋，雞肉juicy 年糕煙un，認真唔錯。 點埋佢旁邊同粟米溶為一體既芝士，小小辣好味得黎拉絲又可以打卡。 仲有2粒太陽蛋比你撈中間既紫菜飯，好味好味。紫菜包飯係我見過最足料既韓食店，目測牛肉魚糕青瓜醃蘿蔔等等成7-8樣餸，又包得實，十分好味。總括，除左地理位置唔太就腳，食物質素唔錯唔錯值得encore😋

之前去隔離舖頭買便當比較多，覺得食物質素ok，而且份量又夠大，但係上次黎買外賣，等左45分鐘，今次黎買外賣，足足等左70分鐘有多，建議大家好唔趕時間、又唔肚餓，純粹想食韓國嘢，先至好黎呢度買外賣，因為出餐凌亂，毫無秩序可言，你愈叫得多，就愈等得耐，出餐，並唔係根據大家買嘅先後次序去俾你，你叫得愈少野，佢反而煮左先。。當你叫嘅外賣食物未齊，而又咁岩有其他人嗌左同一樣嘅嘢食，員工會喺你嗰袋度，拎出嚟俾佢先，如是者，你叫4樣野，都會等40分鐘。。Food Panda嘅單又會快過你出餐，如果有客人發爛渣，又會拿拿聲俾左佢先，不停見個員工左袋搬右袋，搬出搬入，搬黎搬去就係咁，今次叫左6樣嘢，等左70分鐘，不停見佢放入袋，又拎番出黎，而且，訂單內容錯誤，我地唔食牛嘅，俾左2樣牛肉我地，無附送泡菜，乜都無，以後都唔再食。