星星 Pho Cha

營業中

休息中

唔係第一次黎食其實食物唔差 但問題係覺得衛生情況愈黎愈恐怖啲前菜無遮無掩攤出黎 隔離一米放著一張痴蚊紙 痴左幾十隻蚊 上面仲有五六隻蚊係度群魔亂舞出面見得人既地方已經係咁想像唔到廚房入面係咩環境唔會再夠膽食 見到張蚊紙都有啲反胃真係唔知自己食左啲咩落肚另外 員工態度懶散 無論係用餐繁忙時間定係非用餐時間都好慢好慢好慢無論堂食定外賣都要有心理準備等好耐可能我唔好彩 幫襯左五次 其中三次係非繁忙時間 成個場得1-2個顧客 但我都等左差唔多二十分鐘最大問題唔係慢 而係當顧客等左好耐 望著啲員工懶懶閒閒咁真係會有啲燥價錢唔算平 但份量好充足味道唔錯但基於以上既經歷 絕對唔會再食

有天懷念加拿大韓國食店貓頭鷹的土豆豬骨湯飯，響尖沙咀韓國街搵曬所有餐廳都搵晤到，終於上網先搵到佐敦文英樓間隱世韓國餐廳有，雖然只有八成似貓頭鷹🦉味道，小辣對我來講已夠啦，配上蔬菜薯仔煮左一個小時湯真係夠香豬骨夠淋，好味！另外，有英文流利oopa招呼有韓feel裝修有韓國MV有韓國食客，整體都幾正呀!還有加點左炸雞（普通味），雖然比響韓國既無咁乾身，配上啤酒都係一個好好享受！

依間餐廳食過番尋味，晚餐已經食過好多次，夜晚食韓國菜黎講算係好抵食，因為我覺得佢嘅食物都有返咁上下質素，正唔正宗韓國菜我就唔識講，我淨係覺得都幾好食。點知今日lunch Time嚟我仲有驚喜，原來價錢係咁實惠，58 蚊就有菜有肉有湯，真係夫復何求。飛魚紫菜包飯午餐$68，紫菜包飯略為乾左少少不過都好好食。牛肉午餐都係好惹味，都係一般韓國店會食到嘅味。炒粉絲午餐，又係一般係韓國店舖食到嘅味道，不錯不錯。由依三個 set lunch 度都已經睇到，佢哋嘅份量真係好足，主菜味道有返咁上下質素，最正係我好鍾意食佢啲伴菜，食韓國嘢有時覺得太濃味，真係好需要有依啲菜平衡下。另外想叫咗個芝士泡菜飯，呢個會貴少少都要百幾蚊，不過份量好多所以我都覺得幾抵。仲即刻有個韓仔黎幫你撈埋，見返張相都又流多次口水！

假期去左朋友屋企探BB,玩左一日真係好肚餓,落到樓下見到呢間食韓國野既餐廳,佢個名叫星星,令我一諗就諗起來自星星的你,都教授突然係我腦裡閃過!!睇過menu之後又見入面仲有位,所以就入左去食呢度既環境裝修得好韓feel,牆上貼滿哂韓星,電視播既全部都係韓國組合,連staff都係韓國人!!呢度絕對係食正宗韓國菜啦!我地選擇左星星炸雞,芝士海鮮炒飯同石頭拌飯,之前係韓國食過芝士麵包雞超好味,所以我好期待芝士海鮮炒飯!!落單後就立即拎左前菜比我地首先來到既係星星炸雞,真係熱辣辣!!,用手拎左2秒忍唔住要放低吹陣先食,咬左小小,但雞肉已經出煙,炸得好脆!!再點埋D醬,真係好食到停唔到口!!之後石頭拌飯亦都來到,熱到炸炸聲,將配料撈暈5秒,生蛋黃已經完全熟透,可能我撈得唔夠快,底部全部都變哂飯燋,飯燋好好食!!最後芝士海鮮炒飯出場,又係熱辣辣上枱,芝士撈暈D海鮮一齊食真係好味都難以形容,芝士同飯既份量配合得岩岩好,唔會因為芝士太多令人覺得好漏,如果我有2個胃,我好想再叫多個來食!!呢一餐食得好滿足!!

和朋友去吃午餐 兩個人點了三到四樣食物 整個店只有兩組客人 上菜還是非常慢 地上還有小蟑螂在爬 吃到一半 很多客人也進來了 一位女服務員居然態度非常不好地來趕我們走 說外面有客人在等 重點是當她說這句話的時候 我們是拿著筷子在吃的 並沒有光坐著 我們往外看的時候 一位客人都沒有 非常差的服務態度 不會再光顧了

每次去食韓國菜不外乎炸雞、炸醬麵等等，今次一於膽粗粗試下其他菜式！雞蛋羹($68): 上面既雞蛋弓起膨卜卜已經令人賞心悅目，下面既蛋汁就好嫩滑，火喉掌握得好好，唔會過左火太老，不會要快D食完，唔係既話幾分鐘就會鄰塌落黎。豬大腸($118): 本身對內臟一般般，點知食落唔停得口，辣辣地好惹味，最岩用黎送啤酒，值得一試！芝士辣少豬軟骨($198): 就咁睇賣相已經好吸引，呃like首選！芝士既鹹香加上香辣既豬軟骨，再配多兩隻半生熟雞蛋，撈埋一齊黎食，啖啖都係味蕾既衝擊！

韓國餐廳通街都係，但稱得上好食而又物有所值既，究竟又有幾多間？黎到星星，見佢鋪面細細間，但環境就佈置得幾舒服，重點係野食居然比想像中好！ Menu 種類都幾多，樣樣都想試下，可惜我地得兩個人驚食唔哂，惟有努力作取捨免費既泡菜，好多種類，最中意大豆芽，夠爽口！飛魚子紫菜包飯好多料，薄薄既一層飯包住勁多材料，D飛魚子又爽脆，真材實料！炸雞熱潮不斷，雖然明知食左會爆瘡都要照食，外層炸得好香脆，入面就好juicy，點埋個醬真係不得了呢個真係芝士迷最愛，一上檯已經聞到濃濃既芝士味，撈埋一齊時真係流哂口水，配埋辣味豬手，惹味十足，不過如果一個人食哂應該幾膩！

首先是被謝家星星的店內環境吸引。他來旅設計很像韓國裏面的地下小店。還有這間是很多朋友吃過也推薦的。一個是芝士辣味豬手， 另一個是豬軟骨辣味飯團。 個人覺得上面芝士哪個比較好食。芝士加辣味其實是非常融合的；)警告一下，這家店的辣味可不是小兒科的辣。 食太多的話可能腸胃差的會承受不住。 如果承受了的話 其實是很滋味的。這個是稍微溫和的飛魚子泡菜飯卷。 一向很欣賞韓國的飯捲。和日式的壽司不同，飯圈加了調味料，十分好吃和入味。 這只是很出名的韓國啤酒。 難得的吹水夜當然不少得啤酒。順帶一提店員超好人的，在這裏吃飯+ 飲酒 非常有韓國的感覺。

今天下班，去了公司附近的一間 韓國食店聚會。 這個是全店最清淡的雞蛋羹。另外他們用了比較多的蛋白，上面配上蔥花 和紅蘿蔔，蒸得特別入味！這個是最邪惡，最需要重點推介的芝士辣味豬手。 這個菜要200多蚊。芝士多得可以拉起十幾cm。 豬手易咬開，卷上芝士，和韓國食的味道差不多。 整體來說也算抵食，因為芝士用得比較多，而且豬塊的數量也不少！這個是我最愛吃的星星炸雞。 炸雞根本同kfc的沒法比 他們的炸雞，加了特別的調味料，和染上他們特製的醬汁， 特別惹味

前幾日睇完世界杯，韓國隊VS瑞典，雖然韓國隊無勝出，但仍然無損我支持韓國隊的心~所以今日一於去食韓國菜啦~入到去見到好多韓國人食緊，通常有當地人幫襯，一定係正宗, 可以放心~少少地試左2樣野雞蛋羹 ($68)呢一味其實係韓國的蒸蛋계란찜(Steamed Eggs) ，係韓國的特色美食，今次黎到呢度有得食，諗起韓國之旅的回憶呢~熱辣辣呀~ 入口食到好香濃的蛋味，好正呀~星星炸雞$78星星炸雞炸得好香口，又唔會太多炸粉，咬入口雞肉嫩滑，仲有醬汁點呢~

同朋友係尖咀行完街，諗住搵間餐廳食飯，行多兩行就見到呢間韓國餐廳~之前係網上都見過介紹，不時話要排隊，咁岩有位一於同朋友試試啦!環境同傳統韓國餐廳大致相同，尚算寬敞，同朋友食飯傾計都唔錯~睇一睇個MENU，呢度食物選擇好多啊，樣樣望落都好似好好味，搞到都好難選擇haha今次試左兩款菜，包括豬直腸 ($118) 及韓式芝士辣味豬手 ($238)，兩個女仔食真係好飽!一黎當然其實係有前菜，呢度GEI前菜係FREE架，同一般韓國餐廳好似~前菜有芽菜、菠菜、泡菜、四季豆等，味道不錯，幾好食架!豬直腸：係同洋蔥、冬菇一齊炒gei，肉質同味道都唔錯，平時好少可以食到，試下呢個地道韓國菜都幾好!韓式芝士辣味豬手：愛食辣同芝士的朋友，我好推薦呢個菜式啊~~~份量都幾多，芝士結身又香濃，要趁熱辣辣個時食；而個豬手配埋芝士食真係無得頂，超滋味啊!我地兩個人食，叫兩份菜式已經好飽，份量都算多啊!!!對於愛吃韓國菜的我，我都推介大家黎呢度試下~不論環境食物都好有水準啊!

今日同朋友行開佐敦,想食韓國菜, 搵到文英街有間韓國餐廳入到去已經感受到強烈的韓國feel好多韓國明星偶像的照片，真係好似去左韓國咁呀~星星炸雞 ($78)炸雞啖啖肉，外層炸得剛剛好，雞肉嫩滑，點埋醬汁更加惹味呢~飛魚子紫菜包飯 ($58)每次食韓國紫菜包飯(韓文叫Gim Bap)都有種好溫暖的感覺~入面的餡料真的很豐富呀，包括飛魚子、青瓜、蛋、菜、芝麻、紅蘿白等等，好飽肚呢~ 都唔敢叫咀多野食，食唔晒~下次黎再試其他野食啦~又係時候plan 下韓國之旅啦~

之前聽到有朋友食過呢間餐廳，話食物不錯又好味，於是我就即刻約埋朋友都黎食下啦!~之前去過個邊都知個頭有幾多野食，今次一於試我同朋友都鐘意的韓國菜啊!真係滿心期待呢一餐，同朋友約左都好耐，終於黎到啦~黎到睇到環境都唔錯，係想像中韓國的餐廳裝潢，環境寬敞，坐得都幾舒服，而已好岩幾個人傾計聚聚又有好野食!講下今次叫左咩野食.....睇個MENU真係好誇張下，超多選擇，款式多到，完全係選擇困難症啊~樣樣都想試，最後我地揀左以下幾樣：一黎，係有前菜食架，仲要係免費tim啊~同好多韓國餐廳一樣，呢度就有泡菜、菠菜、芽菜、蓮藕等，我最鐘意係蓮藕，因為比較少有，但又真係好好味，又有口感!!!星星炸雞   $78炸雞有5-6件，炸到岩岩好，外脆內嫩，先就咁食一件試左味，真係啖啖肉，好過癮!仲可以沾醬汁食，有另一番滋味~ 飛魚子紫菜包飯   $58呢個好似壽司咁gei包飯，真係好好味，入面包括有飛魚子、青瓜、蛋、菜、芝麻、紅蘿白等，材料超豐富，份量都幾多，食落口感一流，而且感覺係好健康，唔同平時食的壽司口感~ 雞蛋羹  $68 雞蛋羹係韓國的特色美食，係唔少韓國餐廳都見到，今次黎到呢度都想試下~一黎就已經

呢種Set Lunch平日先有所以就嚟食🇰🇷叫左 牛肉餐盤有幾款前菜 一碗湯牛肉🐮唔鞋口 有麻油香👍🏻而目份量唔少 一定夠食前菜嘅話泡菜一定唔少得而其中海鮮餅都好好食我唯一唔太鍾意🙅🏻‍♀️就係豆角可能本身韓國都係好鍾意用麻油 所以今次星星都有用到麻油不過幸好每樣食物唔會俾太重麻油味遮蓋左我對住呢款定食都幾鍾意如果假期都有就好喇😍除左牛肉餐盤 仲有豬同雞

正呀正呀! 搵搵下搵到呢間細細間既韓式料理❤️ Lunch價錢只不過係$48-78(不過要加一) 但係菜式好豐富!! 大大個巨型鐵盤，每一格都係好味既前菜😍 有湯，有泡菜，有芽菜，等等等等，之後再揀個主餐! 我個frd叫左紫菜包飯，我都叫左炸雞飯☺️ 紫菜包飯製作時間較長，味道就唔錯。一開始以為會唔夠飽肚，但原來份量都好大咖。炸雞其實就麻麻，因為皮多肉少😣不過整體黎講都無得輸👍🏼不錯! 有機會會再去 )