星巴克咖啡

營業中

休息中

最鐘意去 starbucks 嘆咖啡 + 食批 + 睇小說, 而且一個人極容易搵位 hea 一陣, haha 芝士菠菜批係我係starbucks 既至愛, 批皮鬆化, 而且成個批入面都係滿滿既菠菜, 芝士又溶化0係菠菜同菠菜之間, 健康又好味!!再加上一杯熱焦糖咖啡... 人生真係寫意...

放工與朋友一起映藍精靈, 映完相之後, 於是便到Starbucks歇一歇!!我們各order了1) 牛角酥 x 2(2) 熱朱古力(3) 一支橙汁(1) 牛角酥 - 美味到不得了, 很鬆脆, 如果牛角酥變暖, 就好好味喇!!(2) 熱朱古力 - 朋友喜歡熱朱古力, 所以覺得好好味!!(3) 一支橙汁 - 到期日是即日, 保證新鮮!!雖然商場環境都很噪吵, 但映完相之後, 坐下來嘆一下都會覺得很舒服!!

蛋糕款一路推陳出新…今日見有Earl Grey Tea Mousse ($29)…半圓球體+拖肥糖顏色…外表就吾可以話極其漂亮吸引…不過為左伯爵茶哩三個字…又即管試試…茶香係來自最面頭薄薄掃上果層…果層mousse質地似足厚厚o既布甸, 近乎彈牙!!!…一D都吾可以稱上幼滑…而且得個甜字…中層夾著類似朱古力層但食味吾突出…除左係結構上令視覺效果好左之外, 亦帶吾到多少”起死回生”作用呀!!...底部一層係加有果仁碎o既蛋糕, 稍為香口…雖然我吾係寄望好高, 但都係強差人意吧!同時買下一個Hazelnut & Chocolate Muffin ($15)…外表睇落都好足料咁…咁事實佢裏面亦算係夠果仁同粒粒朱古力…不過又係過甜…連我這個”甜姐兒”都受吾住呀!!!...甜味吾係來自朱古力, 而係砂糖多!!

原本想買個scone走人…見到哩個”意大利香腸烤卷”…改變主意, 又試下哩款啦!!白色乾身麵包, 質地較厚實帶些少韌勁…又加入點點香草先配得上意大利乜東東哩個名…面層灑小小芝士…中間夾著長條幼身香腸, 塗上法式黃芥末…嚐後最大感想係…我寧願用哩$19蚊去買三個普通港式腸仔包仲滿足D喎!!!

早前獲贈一張五百大元星巴克卡…平時飲咖啡又少幫襯佢地…咁…最好就時不時用張卡黎試盡佢地新推出o既小食、蛋糕、甜品咁啦…今日放工到黎…揀左一件新出o既栗子朱古力蛋糕($28)同兩個Traditional English scones(@$14)…論賣相…栗子朱古力蛋糕個樣吾係特別吸引…覺得外表尤其蒼白…可能朱古力蛋糕嚮內層吧?!...手起义落…外圍係好厚o既一層mousse…帶有淡淡o既栗子香…算滑亦甜度適中...朱古力呢???...探到深層先發現中心夾有少少軟心朱古力...有一舊仔海綿蛋糕...中間底部放有朱古力脆脆...最可惜係脆脆已經溜左氣...影響效果o羅!!至於個英式士干餅…打開紙袋聞到o既係似牛油曲奇o既香氣…大大一個, 餅身夠鬆,屬於較乾身的…質感同味道居然係似<陳意齋>o既牛油雞蛋餅唷!!...

真係估唔到，星巴克會出咁本地化既飲品。雖然我之前都試過呢隻奶茶星冰樂，不過我都係俾佢既味道吸引住。因為真係好有港式奶茶feel。奶茶星冰樂好有港式既味道，因為奶味比茶味重好多。但又唔似係淡奶既味道，似係鮮奶加奶茶底既味道。點都好，我覺得呢個星冰樂幾得意。而且打既冰都好碎，咁先會好飲。好有軟滑冰既感覺，整體上真係唔差。呢個下午茶都唔錯，而且環境幾好，實有機會再黎。

逢親見到個”New”字牌就會即刻吸引我視線…今次睇o下係推出乜東東新款蛋糕先?!...細看就係”綠茶紅豆卷”耶…俗語有云「橋吾怕舊, 最緊要受」…哩個就吾係甚麼新口味…但深知向來擁護綠茶同紅豆哩對黃金組合o既人為數絕非少……至少我係其中一個!!!...所以新與吾新無關係, 事事求簡單快樂, 毋須時刻要驚喜…決定都係： 吾該要一個外賣吖!!!...(笑)講賣相已討好啊…只要見到綠色…就會想起草地, 想起平和, 想起環保, 想起健康亦會想到綠茶啦!!...蛋糕質感夠豐厚但吾糊口…蛋糕卷上灑有綠茶粉, 除左作裝飾外亦提升一點茶味o既甘同香…欣賞中間o既紅豆忌廉夠突出, 豆香十足!!...整體吾算甜, 算係一個較輕量清怡o既選擇唷!!

哩個名為”Chocolate Marquise” o既朱古力蛋糕...年多前一試難忘, 印象深刻(亦因平時覺得Starbucks D食物只一般)!!...每隔一段日子又會買番件o黎食…今日又買一件黎做下午茶…朱古力蛋糕層夠厚實…間上幾層特濃朱古力漿(精髓所在!)…面層再灑滿朱古力粉…三重朱古力享受…好似成排香滑朱古力食落口咁…好誘惑!!真係好有罪惡感…不過, 我對自己永遠懷有寬容寬恕之心…哈哈哈!!!

講真，自已成日青衣，但自已又無黎過呢度飲杯野。呢日終於有機會啦，唔知點解好想黎呢度飲野。本來想飲咖啡既，不過都係想試下綠茶星冰樂。呢個都唔錯既。綠茶星冰樂綠茶味好濃，雖然只係用綠茶粉，但個味都幾夠。而且個奶味都幾重，唔會俾綠茶粉搶哂。個外表又好睇，真係好正。實有下次既，一分錢一分貨呀！

Starbucks Coffee---菠菜芝士批(Spinach and Cheese Pie)日期：2009-09-01 在"Starbucks Coffee"(青衣城分店)買了一個"菠菜芝士批(Spinach and Cheese Pie)"($20)。在家用焗爐翻熱。菠菜芝士批---酥皮批口感鬆脆，牛油香十足。菠菜芝士餡份量很多，菠菜清香，芝士味濃郁，略鹹了點。估計是用了Mozzarella(馬蘇里拉芝士)和Parmigiano-Reggiano(巴馬臣芝士)。

買了3件"藍莓芝士凍餅"($27~1件)。藍莓芝士凍餅---其實它是紐約芝士凍餅表面放上十多顆新鮮藍莓。餅底太軟，完全不鬆脆。芝士層口感幼滑，可惜芝味不夠濃郁。酸忌廉酸味較淡，藍莓新鮮多汁，味道清新自然。整體甜度適中。

今日同女友去o左呢間店食下午茶,呢度o岩o岩開,比之前舊店大d,坐得舒服d,不過都係覺得舊店果個船頭得意d,叫o左個抺茶星冰樂,味道好似差過其他分店少少,因為甜o左d,但都係可以接受o既.呢間店可能因為新開關係,所以d小二做野仲未上手,所以等o既時間會耐o左,同埋冇人會幫你執野,去時要有心理準備.