影片
特色
飲o野傾計
營業時間
今日營業
07:00 - 21:00
星期一至四
07:00 - 21:00
星期五至日
07:00 - 22:00
公眾假期
07:00 - 22:00
以上資料只供參考, 請與餐廳確認詳情
招牌菜
有時貪方便想飲咖啡會去Starbucks，佢啲咖啡唔係特別好飲，但始終連鎖經營，應該有品質控制，味道雖一般但都未至於差得離譜~不過，喺呢間Starbucks元朗分店飲到的Latte真係超越個人的想像同認知。Latte：點咗Venti；本來諗住坐耐啲，睇下書。入口覺得似飲緊啡水，即係好少咖啡，但用咗好多水沖淡，咖啡冇奶味，更莫講話有奶的香滑口感。飲咗一啖，覺得唔對路，走去拎枝攪拌棒，諗住可能咖啡沉底，但攪完仍無補於事。杯咖啡淡而無味，完全影響平日放假的好心情。到底係Starbucks的咖啡特別差，定只係呢間分店的問題？抑或係個咖啡師的手勢同經驗唔夠？姑勿論係咩原因，賣到$48/杯，呢杯嘢實在太難飲喇！呢間分店的出品差之餘，人又多（平日），而且好多人仲似係坐咗好耐，坐最入面的客人都係半躺半坐的姿勢，令到間店的vibe俾人一種幾唔舒服的感覺，好「地茂」咁。另外，炎炎夏日，店舖的冷氣相當微弱（應該係商場中央冷氣的問題），不宜久坐。誇張啲講，嚟過一次已有陰影，唔會再幫襯喇~
繼續閱讀
身為一個元朗人，starbucks 黎講我會推仲yoho 間 starbucks。除左地方大，位置較開揚舒適外。食物質素都比較好，之前試過係兩間都嗌過自己最鐘意食既吞拿魚芝士包，yoho 店烘得熱度適中，而元朗廣場店就拎到黎仲係涷既，所以兩間比我選我會推薦yoho店，無論環境，服務同食物質素都勝一籌。
繼續閱讀
今日見元朗廣場Starbuck冇咩人就買咗一個Bagel拎走同店員講要加熱等左5分鐘 見遲過我落單嘅人已經有嘢飲店員繼續沖嘢飲 沖完之後 見枱面有個袋裝住左個Bagel問邊個叫咗Bagel（其實個bagel已經擺咗喺枱面好一段時間)最後，我發現個Bagel係凍嘅😓係凍到好硬 😓😓 同之前買既Bagel好唔同😅唔會再去呢間買之前好過好多間Starbuck買Bagel都唔會係咁店員服務態度麻麻 真係幾失望希望之後有改變啦
繼續閱讀
星巴克帶來多款抹茶及焙茶主題甜品，決定去試下。抹茶拿鐵帶清香，口感滑順。抹茶麻糬流心蛋糕茶香撲鼻，抹茶海綿蛋糕注入馥郁抹茶醬，以及彈牙麻糬餡。品嘗時流心抹茶醬一湧而出，茶香滿溢，結合芳香茶韻及糕餅香氣，多重層次口感。
繼續閱讀
坐喺Starbucks等人係最好我張Starbucks金卡入邊仲有$35三年冇用過今日一次過買咗三個焦糖窩夫佢好脆好甜唔係係人都頂得順嗰種甜但對我來講真係好鍾意佢仲有麥芽糖嗰種煙靭質感其實真係好需要有個地方靜靜地俾你坐喺度沈澱下Starbucks賣嘅就係環境
繼續閱讀