明谷

營業中

休息中

Went to Shun Tak Mall for lunch.Ming Kook is a relatively large restaurant with a lot of seating available. We were quicky seated sharing a table with 6 other people. Looking around, they offer some bar seats for lone dinners and some long tables for groups. Despite the virus situation, they didn’t put up any boards to separate different groups of diners and you had to seat close to other unknown patrons.The restaurant basically offers 3 types of food - laksa, pho and rice. We decided to try

剛從澳門返香港，肚餓同朋友搵野食，原本捻住係食M記, MX , KFC呢D快餐但我地行行下搵到呢間新面口既泰越菜就入去試下裝潢幾靚，燈光唔會太光，幾有格調，坐位都分得開，坐得舒服餐牌好多選擇，我捻左好耐最後幾經掙扎後我叫左香烤雞脾喇沙等左5-10分鐘就黎到第一時間我飲一啖湯先好香既奶味，係我喜愛既喇沙味道，好惹味因為我唔好辣，所以好岩我，最後飲哂成碗湯而雞脾嫩滑皮脆，中上水準難得係信德中心開左泰越菜餐廳，唔洗次次食快餐我相信我之後返黎香港都會去呢間餐廳，試埋其他菜色

今日lunch time，同事帶我去信徳食飯。去到明谷門口按飛仔攞位，等左陣就有位。呢問餐廳食物種類唔多，分喇沙湯麵，越南湯河和飯，現在加$5就可以跟杯飲品。越南嘅生牛肉河，湯底清清地，但係牛肉就有點靱反而呢碟香茅豬扒煎蛋飯就不錯，豬扒醃得入味夠香，而且份糧十足。我哋再加多一碟兩件炸蝦餅，炸得香脆可口

雞絲叻沙湯面($52)湯底橙色好似幾特別唔係好辣，陣花生醬味都幾濃，dd甜小小辣，幾好食，麵係油麵，有咬口又吸到啲湯味。雞絲就普通，唔滑既，但份量都夠，好飽。加5蚊就有杯野飲，唔飲就自己去自助裝水。呢區五十幾蚊食到個lunch算抵啦。

經過信德中心🥰想簡簡單單食個早餐，於是求其入咗呢間。今次叫咗豬扒糖心蛋出前一丁配熱檸水$38 食落覺得都ok, 豬扒炸得香脆。美中不足是說好的糖心蛋換成了滷水蛋😩😩都算係不過不失啦～...🏠明谷 (上環)上環干諾道中168-200號信德中心2樓278號號舖#Serendipity_上環

熊貓今日要過大海，趁着新年前去搵返啲真銀。要搵錢梗係要盡早出發喇，來到上環信德中心食個靚早餐！見到有間食店環境不錯，又有早餐吃咁就去馬啦！點知原來係大大伏！米粉湯底不夠味道，好像是水一樣，而且米粉的質感很差，完全是不點。炒蛋方面，份量很少而且很一般。多士已經放涼了，完全不好吃。雖然店內很多座位，但是竟然沒有得選擇，因為很多座位也滿滿上一手客人剩下的食物，沒有人去執拾，導致有位不能坐。吃完這餐個過大海，當然是輸錢收場！因為早上已經遇上這間很差的食店，幸運當然不能來吧！💰😿

呢啲餐廳都係填飽個肚就算嗰一種，話說昨有野做去呢到食晚餐，經過門口有位先生好落力叫人入去食野，見平平地就入去。入面有個黑衫女侍應態度係麻麻地，同門面那經理成強烈對比 而我坐的位置左面有一堆南亞婆吹水，右面有個亞嬸重嘈，睇政治youtube，都幾嘈。其實間餐廳裝修都算揼本，無理由尤得啲人嘈嘈閉好似大排檔咁款 碗雞脾油麵啦沙味度係幾好，又夠大碗，油麵唔會太硬，湯底好味但應該有落味精。雞脾無斬開晒而且一陣雪味要扣分。老婆碟香蒜豬排的油蒜不足，豬排又切得太幼，但50蚊一個餐係咁上下 以咁既價錢佢的份量和味度係達標，但女侍應態度要改善下，總之都係一類唔去搭船或唔係喺附近返工都唔會特登去食的餐廳見到其他人評論話自己一個人去食就規定要坐出面，又要俾咗錢先，咁係一個好乞衣嘅做法，其實客人鍾意坐邊咪坐邊，有啲人話台灣都係咁樣，但台灣服務係好多方面都比香港優勝好多喎，又唔講？香港嗰啲侍應普遍聲大夾惡收錢仲好似要玩到你謝先至安樂咁款，台灣唔係冇但係比較少

這天lunch去信德中心食明谷，中午12點到一點多也不用等位，雖然店員說12:45要交檯，但其實並沒有催促離開。餐廳內部空間寬闊，座位之間算有點距離，所以坐得蠻舒服。餐單方面主要是喇沙、越南湯河和煎蛋肉碎飯等，選擇不多，餐牌兩頁就看完。原本想食喇沙，但怕辣，所以最後選了泰式肉碎煎蛋飯。食完，味道不差，但我更喜歡同場另一家的肉碎煎蛋飯，通俗來講，就是吃完沒有「哇！」一聲的驚艷感。蛋邊不夠焦脆，肉碎不夠惹味。味道普普通通，找不到什麼形容詞。不知道是否因為每次都食冷門食物，所以次次都有點小失望。正如在明谷，可能要食雞脾和喇沙，才會符合預期的味道吧？

本身先前都嚟過幾次，見今日喺呢邊返工咪諗住嚟食午飯，但唔知係咪佢哋見我一個嘅原故，我一行到入去坐低，佢啲員工就話，如果人少就坐返出面，我話好，到我行到出少少，亦無人再話我知邊啲位坐得，我就行到出去出面問佢門口職員，我一個人，可以坐邊？佢哋又話入面隨便坐，但要我喺門口買咗嘢先入去，但點解，點解其他客可以喺入面落單，我就要買咗先入去呢？而上一次同同事嚟食，都係一樣坐低先落單…不過，既然佢係趕客，唔鐘意做我生意嘅，無今次，亦再無下一次

A bowl of curry laksa can only deliciously shine with the help of spicy coconut-based soup, the soul of this Peranakan dish. It consists of thick wheat noodles or rice vermicelli with chicken, prawn or fish, served in nomnom spicy soup based on spicy curry coconut milk, fish sauce and lime. What made it so special to me is its extremely aromatic coconut based curry soup with dried garlic bites.60 each person

老朋友食飯, 去咗近公司既「明谷」。係繁忙既信德中心主要樓層, 一大堆商舖入面, 竟然有間食肆? 🤭坐位黎講排得好寬敞, 無樓上既FOOD COURT 層咁擁擠。燈光偏暗, 但有少少射燈陪襯🚦 中午滿客時都唔會太噪吵, 應該係樓底空間充足幫手✔️LUNCH MENU 比較簡單, 兩頁紙。有主食喇沙🍜湯河，飯🍚小食同飲品。三人行都係揀晒喇。😅手撕雞喇沙湯麵, 上枱無烤雞腿個份咁靚。橙色湯汁有少油份係面, 雞絲唔係太明顯咁穿插係湯中間。湯底濃厚度足, 麵軟硬度都適中✔️小食越式蒸粉包一口一啖, 還OK👌腐亂通菜合格, 菜質算鮮, 唔霉👌煎蠔餅有少許驚喜😮蠔既份量夠, 邊位都炒得夠脆✔️以商業區商場舖黎講, 每個人大約100蚊駛費, 明谷係交到功課有餘✔️臨走時門外已經排晒隊。月谷係好適合當飯堂: 當你諗唔到食乜時就過去開飯😂食飯間得知另一朋友既喜訊💞借此機會祝福永遠開心幸福快樂😃簡單一餐, 以喜訊調味, 食乜未必咁緊要, 只要係同好朋友食飯, 講講近況, 已經係無限喜悅❤️

同閨蜜出街食飯，霖住穩間性價比高小小噶店食lunch噶，跟住就穩到哩間食越南、泰國菜噶店啦。一體個餐牌，果然抵食，就唔知道味道點啦，叫左個烤雞脾煎蛋飯，雞脾外皮好脆好香口，雞脾肉好嫩滑入味，好juice！煎蛋煎得剛剛好，份量足，非常滿意哩個飯！

朋友介紹呢間越式餐廳，話中午都唔洗等位，而且價錢實惠，於是今曰午飯就同同事過黎試下佢。果然真係唔洗等位，旁邊既餐廳明明係要等位，偏偏得佢可以直入，好難得。 佢菜式選擇唔多，所以我揀左個穩穩陣陣既選擇，就係生牛肉湯河，味道中規中矩，牛肉有牛肉味，唔鞋口亦都唔算滑，份量足夠，湯底清，唔會太味精。 而我朋友嗌左個小龍蝦喇沙湯麵，佢就話唔推介，話寧願食我果個會好味d。另外我地仲嗌左蛋煎蘿蔔糕， 味道食唔出係蘿蔔糕，只係得粉味，加上一夾就散， 食完都唔知自己食左咩，完全唔值得試喇。整體黎講，如果你係附近返工，呢間應該會係簡簡單單一餐既選擇，反正價錢都公道，食物質素又正常，久唔久食下都ok, 不過就唔係咩特別要試既餐廳喇。

今次同事介紹去信德中心食LEE 間越泰風情嘅餐廳。餐廳內部裝修都幾東南亞，坐落係舒適闊落既，最鍾意間餐廳禁光猛!!地方夠晒大，竟然係LUNCH TIME  walk in 都唔洗等。最最最開心既係, 間餐廳係不唔收加一!!! 值得讚，雖則係要自己出去斜水!但係唔收加一真係無咩所謂!!!雞絲叻沙湯麵 ($52)-雞絲分量幾多，但主角唔係雞絲，係個叻沙湯啊。個人真係十分之因賞個叻沙湯，味度調教得好好，香濃既椰汁，同時又有蝦味~唔好睇張相好似好辣禁，味道辣辣地開胃得黎一D都唔會過辣。想食濃味一D既一定要食!!!!而麵質岩岩好同比較粗身，完全可以吸到晒湯既精華!!!見其他食評大讚燒雞髀,講到外脆內嫩滑,下次一定要再去試過!!!

又到午飯時間，係上環真係好難搵到好野食，實在太多寫字樓同一時間放飯。今日同同事索性去順德中心搵食，1點呢個鐘數周圍都係人，係中心地下行到盡頭咁岩見呢間明谷有位，d野食都ok咁，於是試試。成間餐廳都算大，個侍應安排我地係個角落4個人既卡位坐底，睇睇餐牌原來係美心集團既餐廳。食物選擇唔算多，食麵就食叻沙越式粉麵，食飯就有雞脾/泰式飯。我同同事睇左好耐，大家都俾個烤雞脾吸引左，於是有人叫雞脾煎蛋飯，有人叫燒雞脾喇沙湯麵。雞脾蛋飯個雞脾肉質幾滑幾嫩，皮烤得脆卜卜，味道岩岩好，不過隻蛋似乎比正常蛋細隻，成個飯唔太夠汁，dry左小小，不過overall 都ok啦。至於個喇沙，湯底未食已經嗅到好香椰汁味，鹹度適中，但係本人覺得真係太辣啦，唔食得辣既真係唔建議叫，會食得比較辛苦...埋單每人都係58蚊，不過冇野飲。普普通通一餐，ok啦~