影片
招牌菜
食評 (24)
終於來到臨結業的這幾天。當然再要不斷幫襯。開業幾十年。網上看原來好多人都未食過。竟然趁呢幾曰臨結業先到來幫襯真的諷刺。門口排大隊。等位的等位。等外賣的等外賣。見證明記的實力! 見明記各人做到無停手。根本超出負荷。等得耐。聽到明記直程話唔接外賣新單了。做唔切。我呢d熟客仔梗係明白。好彩我早少少到。仲接我單! 叫了最愛的蝦醬干炒牛河(好彩仲有河粉)。鮮茄牛肉燴意粉。仲有最啱我口味杯奶茶。好好味! 用料靚! 新鮮牛肉從來都唔慳。大大舊。第間茶餐廳真係搵唔倒! 撐!
繼續閱讀
外賣需時等一小時堂食食完兩批客人我的外賣仲未到現在回到家中外賣都是錯我叫左一碟蝦醬乾炒牛河及一隻普通乾炒牛河點不知回到家看看兩碟全部錯㗎我足足喺外邊等咗一個小時。天氣非常炎熱還中說態度非常惡劣你要等下啦點知等下等下等到都係全部錯嘅order究竟依間茶餐廳應該早啲走啦⋯⋯根本完全唔屬於一間餐廳
繼續閱讀
從朋友口中得知餐廳營業多幾天就唔做,趁住仲開走去食一下。海南雞飯雖然係茶餐廳但都食到泰國風味雞肉鮮嫩入味,油飯又香而且軟硬適中,薑蓉又唔會太鹹,送飯食一流元朗又少咗間歷史悠久嘅餐廳
繼續閱讀
以小店型式計算，元朗可說是新界兩大美食天堂之一(令一個是粉嶺)。今天試的這家位於元朗水邊圍的茶餐廳，味道精彩，卻知道他們將於2020年7月26日光榮結業，真是可惜，不知道是否因為這個原因，今日光顧時全場爆滿，而且河粉和雞已經售罄，莫非試不到其必食之選蝦醬乾炒牛河？！幸好中氣十足的老闆娘表示改為意粉或米粉味道一樣好，於是就點了蝦醬乾炒牛肉意粉。廚房大將軍似乎忙過不停，為了吃好東西，唯有靜靜期待。等了二十分鐘，乾牛意終於上枱，熱辣辣，蝦醬味沖天，很喜歡那些意粉入口時啜口的感覺，希望26號前有機會再度回味。
繼續閱讀
果日同fd走去食早餐，一入到去店員既態度已經好唔禮貌，仲指責我地唔識為左方便佢地送餐近D而坐。我地都算，返正可能食物仲有得搭救。我叫左炒蛋雞扒配公仔麵。食物一黎到賣相已經唔好，公仔麵既湯底得個咸字，完全係味精湯。麵質又煮得過淋。雞扒份量少得可憐，食落去又鞋。麵包只有求其地揸過牛油，但都可以揸到唔勻。炒蛋冇味。奶茶一般。環境污糟，餐具上有明顯污跡，係呢段非常時期都可以做到噤，可見之前更加恐怖。總括而言，餐廳所有既野都好求其，完全唔建議黎食。同行朋友食左個海南雞飯，油飯黐埋一舊舊，雞肉太鞋。表示唔會再食。
繼續閱讀