明記麵家

營業中

休息中

以前住觀塘，成日幫親觀塘明記慈云山呢間搬左黎之後，食左七年樓上有人話慈云山明記可能係全香港最好食相信佢一定未光顧過觀塘牛什街，四間都比慈云山好味一路keep住食慈云山明記，因為低食+味道係慈云山算幾好很可惜，07年退步得好緊要，最近己經唔想再食牛肉越黎越貴，老闆咁多年都冇加價keep住14蚊依家就改用凍牛牛南食落好鞋，冇乜味同以前差天共地至於牛什，d腸勁多肥高膀，通常好細塊，而且食得唔香口肺:特別腥肚: 算係做得最好河粉唔算滑，有次食落直頭覺得有d臭魚旦:好一般云吞: 好大細，低食湯底一般辣油: 唔錯ps:老闆幾好人，nice又talk得，但老闆成日著果條短富令人望而生畏污糟到同修車工人冇分別建議:1. 加價用返d正常少少既牛肉，keep住d質素2. keep it clean

的而且確,就算要專登揸車來,呢間都係一間值得去既食店,因為都幾好食,更何況我係慈雲山人!佢最好食既姑終係牛腩,我今次又食左個牛腩河,牛腩真係好有牛味,又唔靭,最難得係你仲可以選擇要肥定瘦!價錢又平,連野飲廿蚊都唔使,仲點會無人食??

1Jul2007 1412又要在附近打滾，山腳有一間明記，山上又有一間叫明記，兩間是不同主理人，舖位俾山腳細一半，但都不斷有人來幫襯，有些仲楂車來。今次叫魚片牛腩撈粗加蠔油，睇落好普通的貨色，牛腩瘦得來沒有渣，兼幾有牛味，碗麵油水也不差，所以對佢另眼相看，俾個笑臉啦。

真係好味, 尤其是牛什同肥腩...........

如果要食湯粉我一定會來這間，除了牛腩同雲吞（好大粒架!!）好味，魚旦都好彈牙~~~~可能個湯好味卦，講真食咩餸都唔會話唔好味~~~~特別提不知是老闆還是伙記的伯伯好好人的，感覺好friendly (雖然只是同我講左2句)，另出面好多地方凍檸蜜要加4蚊，呢度係當凍飲加2蚊ja~~~)

如果是要吃宵夜的話，我就二個細佬必定去明記﹗雲吞河加色是我二個細佬至愛，佢地話雲吞超大粒抵食，湯底超正，湯係會飲晒的﹗我就多數食呢個牛腩同牛肚，正﹗除左環境差少少外，真係做到平靚正，益街坊﹗

第一次嚟依度食嘢...試咗一碗牛腩麵...真係好耐好耐未食過一碗咁好嘅牛腩麵嘞...湯底好清...但又好夠味喎...令到我成碗飲晒咁滯...但先止聲明...相對一眾自命要食得健康嘅人士...一定會話啲湯好咸嘅...至於啲麵...咬落好彈牙...做得唔錯...牛腩就更令人難忘嘞...果陣腩肉嘅牛香味食完都仲喺口腔度歷久不散嘅...最值得一讚嘅係...您可以要求點唔同部位嘅牛腩嗰喎...坑腩、爽腩、肥腩...任君選擇...當然佢亦唔會覺得您煩、亦唔會比面色您睇...態度好親切...因為依樣食法亦係佢哋嘅特色...我見個個客都係咁樣嗌法嘅...地方就比較細...衛生亦比較差...但依種比較舊嘅地區...都實在難免會係咁嘅...但價錢就真係平得離奇...一碗咁高水準嘅牛腩麵加一杯凍檸茶...只係$19！！！我仲以為係佢講錯或者係我聽錯...又平又好食嘅珍貴食肆...香港地實在係買少見少嘞...所以小弟懇請各位多多幫襯佢...令佢得以繼續生存落去...咁大家先仲可以食到碗低價錢而高水準嘅牛腩麵...

強烈推介佢個牛腩真係好掂隔離舖賣$10碗都冇佢咁好生意好多熟客幫襯以前面口真係有周潤發親筆簽名不過張海報太舊冇左特別事項:好多客會俾D筷子去煮麵果D水度淥一淥第二度比較少見

住響慈雲山大大話話都十年有多而慈雲山粉麵檔都有好多間但係我咁多年都係鍾情明記!普通一碗粉麵$14超抵食!加底或者加面,都係$18好抵!我最鍾意呢到d牛什好入味,,而且呢到有得揀瀨粉做粉麵底呢樣,,好多粉麵鋪都冇當然,呢到最出名既係肥牛腩啦不過想食肥牛腩就要早d啦因為通常一入夜都已經賣晒,,

以前係慈雲山讀左7年書都幫襯過呢度好多次~佢o既墨丸河好正!而肺河亦係超正!而家我都出o黎做o野~帶男友o黎試過之後,而家我男友成日都心思思要o黎食~真係唔錯~ 又大碗又抵食!

我係慈雲山附近住左廿幾年，明記我都足足食左十幾年…d 腩真係唔錯，特別係半肥腩，不防可以試下乾撈腩麵，即係要腩汁唔要湯！雲吞成日都咁新鮮！牛什都好入味…最緊要係價錢唔貴！咁o既質素14蚊碗、雙拼18蚊，加5蚊有冷熱飲品，出面真係好難搵到…老板好Nice，就算你走乜加乜，奄奄尖尖佢都會盡量配合你o既要求！

明記粉麵,可能大家都覺得比較佰生,事關佢只係一間係慈雲山做街坊生意既粉麵檔.一般既食物都有,個人推介如下:-魚蛋河: 魚蛋好有魚味又爽口, 但就無香港仔山隆謝記般彈牙.粗丸河: 即係牛根丸,做得好爽口,牛根彈牙.牛腩河: 一定要叫”肥腩”, 有時佢地會切嚿爽腩比你, 當然你亦可要求要爽腩. 牛腩真係好有牛肉味和炆得好淋,必吃.個湯底就梗無九記的清甜,只係普通湯底.單拼14,雙拼18,好抵食. 連發哥食過都話正, 一試又何妨呢?