明洞屋韓國料理 (已結業)

以前真係覺得佢好得架, 但一次又一次令我失望, 個日同事話想食辣麵, 咪走左去食啦叫左個辣海鮮拉麵, 同事叫左個辣泡菜粉絲湯, 前菜依然比好多, 最愛都係個d薯仔絲同泡菜同泡蘿蔔, 但係個d翠玉瓜同芽菜就唔好食又好行貨啦....個麵望落去一片紅色, 好似好辣, 但係食落係一d辣都feel唔到架...好唔掂, 料又少, 又話海鮮, 點知都係個d細細蝦毛同埋好少魷魚, 好少啊, 連蟹柳都無條, 好唔得.....但佢個麵質就真係好正, 好滑又彈牙, 但係個湯同料都咁樣, 好難接受到啊同事個辣泡菜粉絲湯又係得個樣, 辣都唔辣下, 所以好失望, 好唔得.....service比以前好左, 可能因為無咩人去, 而家都唔駛等位啦, 無計啦, 咁quality, 我都唔會去啦....

剛過去的星期二朋友同我補祝生日,想食韓國嘢就去咗嚟度,order如下:1) 人參炆牛肋骨-一致應同好味,亦都好似牛腩,大家都覺得好呀!2) 辣雪魚湯鍋- 我自己就覺得好味,但其他人覺得好辣,唔係咁接受.第一碗,可能熱ge關係,覺得真係好辣,但飲第二碗時,無咁熱就覺得好味,亦無搶到雪魚ge味道.3) 石頭什錦飯- 普通,但勝在有飯焦.4) 牛肉粉絲鍋- 都ok,但咸咗dd.3男2女, 2個女仔就食得多過d男仔,因為係女仔提出去食ge,但男仔就覺得麻麻地.我自己番兜ge機會率都好高.

Lunch set menu 有成58 樣比你揀,價錢由$50-$80不等唔平,但份量夠,仲好好味!set 跟前菜(六碟),飯,同湯,生果,個湯好鮮甜啊。Main dish 就推介炆牛肋骨~~~Yummy!下次去必叫!燒鯖魚都唔錯~~~另因為時間關係無得自己燒,烤肉就由佢地代勞,但係呢個麻麻地....

呢間韓式餐廳都OK的,味道幾好,較其他尖沙咀細店乾淨.不過SERVICES一般,佢地會著重韓國人較多,其他香港人好小理.要理都叫翻香港WAITER TAKE ORDER的.不過其實LUNCH都幾抵的.一個SET及所有前菜.一定夠飽.DINNER的MENU選擇亦夠多.

第二次黎(對上一次係一年前), 都有心理準備, 就係service黎, 睇左各位既評語都有左心理準備, 都再三同d同事講, 呢到d service係好差既, 所以最後大家又唔係覺得好差啦....正題叫左4樣野1) spicy海鮮鍋2) 牛舌3) 雞肉4) 蛋煎蝦3男1女, 食到好飽, 前菜好得..可以再黎

1月7日，跟我那可愛的幼稚園同學^^慶祝大壽！入到去好大陣味，抽風麻麻地！但位都坐得舒服！一行4人，先點了一個鈔粉絲，很入味，很快便美人照鏡！8小碟都好味，可能肚餓！還點了個八爪魚鍋，但遲遲未滾，滾了又未有侍應幫我們分食！這裡的服務不是太好，因為侍應忙得很！(吾夠人做嘢，可以體量嘅！)講番個火鍋，無上面張相咁靚，條八爪魚鬚幼到幾乎揾吾到！但其他料都ok多，但牛肉略為「鞋烚烚」，又厚切！煲底有很多粉絲，最後點努力都食吾哂！即使連我有2個大胃王！哈哈！食甜品嘅意慾都無埋！平均每人百零蚊左右都算係咁啦！

呢間係D 牛湯係最正的, 每次都飲晒. 無論係牛雜湯定牛膝湯, 一流, 白色的牛湯, 原來係加左白果. 好鮮甜. 叫過人參雞, 一個就飽到痹. 亦有響夜晚試過辣粉絲, 都係一絕. 從來無叫過"燒野食", 要燒不如去其他"任食".不過可能語言關係, 服務係OK, 不過就個個苦瓜乾咁.set lunch 每人$50-$60, 夜晚就平均$150-$200 一個人, 相差幾大, 不過都算係值得, 俾一分錢足一分貨. 仲要係包飽. 唔飽果d就一定係一個人食到一個盤菜之人喇.

成日都係度食LUNCH, 因為佢個D前菜真係好好食同好多款, 次次都比六大碟, GOOD雖然佢個lunch menu有60款set, 但係有好多都係你唔會食的, 所以叫來叫去都係個幾款啦.佢的石頭飯係唔錯喎, 料多, 有好多菜係度, 不過牛肉有時會好硬架, 重要你叫佢先至比個辣醬. 海鮮湯麵的麵好彈牙但係個麵浸係湯度耐左會好糊架, 料就係勁多魷魚, 應該叫魷魚湯麵好過啦重食過一個辣魷魚撈冷麵, 個樣好鬼辣,但原來無料到的, 一d都唔辣. 炸醬面勁多garlic, 食唔到太多料, 都係feel到係魷魚啦, 但係個醬汁好油同埋好黑, 似係黑豉油咁, 但係油得來又無咩味個隻, 呢個最唔好啦因為佢個size好大, 其實一人一份真係好飽, 不過service真係好差, 佢個d waiter唔係個個都識中文, 但佢知你要人但又唔會通知中文waiter, 有時叫好多次都無人理, 好嬲

首先係book房有人用唔鹹唔淡o既廣東話接問有冇得要房~講o左一輪~~聽唔清楚佢講咩~~只係留o左tel,人數同埋時間點知食食下~~差唔多食完個個中國人經理先走入離話我地食唔夠1500蚊~~呆o左~~book 個陣又唔講清楚~~唯有俾佢屈佢~~再叫o野食中國人經理話~~點都要食到1000蚊~.....唉~已經好飽其實呢間o野only計o野食係ok不過服務就差暈esp 個個中國人經理~好冇禮貌~~明明冇話要50蚊個個紫菜佢又落o左單離到...仲話我地有叫~仲話「都係50蚊姐」...呆o左好似我地俾唔起咁~~waitress都係~~開o左個爐~~係到燒個火鍋滾哂出離都冇人入離serve水又冇人加個房入面個鐘~~仲廢按十次都唔知有冇一次有用~間o野係冇人serve 你家~!!

由於想試吓食人地韓國既打邊爐，故上黎睇食評之後就去左呢間到食。有如之前既評語野食okay 不過服務唔得，主要原因係因為佢地好多部長以下既員工都唔係香港人，最攪笑既係泰國人而唔係韓國人，一黎佢地唔識講中文，二黎唔知係唔係種族問題，佢地都真係冇咩禮貌，如果你去食呢間野既就一定要有咩都搵著黑西裝既個D部長或經理，服務會好好多。至於野食，千萬不要俾佢地個D鍋物既價錢嚇到，因為其實好似之前我睇既食評而去食既一個牛肉八爪魚鍋，雖然係$300一個，不過都真係好大鍋，好夠食。我地今次一行6人2男4女，雖然女仔多，不過唔係細食個隻，叫左一個牛肉八爪魚鍋，一個石頭飯，一份用黎韓燒既牛肉同一份朱肉，加埋佢D前菜，都幾飽，埋單都係$616，算唔錯係.....另外一提，叫鍋物同韓燒野佢地有白飯跟，記住問佢地，如果唔係唔會主動問你地要唔要，有飯跟既話可以叫少D野先都得，仲有......tips 就真係可以係咁依，小弟今次都係齊頭俾左$620 就算，總之一句，以咁既價錢，野食真係唔錯，不過真係要預左服務一般。

o個次星期日去食晚飯，價錢都算幾貴，一個石頭飯都要$100，燒烤肉約$90碟十幾片，牛同豬都好食，但係雞就好麻麻，聽d韓國朋友講，佢o地去食韓國菜都一定唔會食雞，因為通常都唔好食。d侍應超冇禮貌，因為我o地諗左好耐都未決定食乜，咁其中一個坐最外面的朋友攤左個menu在枱面睇，個女侍應居然二話不說就將個menu俾左隔離枱，離譜!我o地冇叫食品，d茶飲晒都冇人斟，叫親都要叫幾次先有人理。一定唔會再來!!!

A colleague took us three girls to this 'hidden' Korean Restaurant. We had1) Spicy Seafood Noodle(2) Seafood Noodle(3) Rice in the PotAll are quite nice and there were 6 appetizers in good variety. Total cost is HKD218, no 10% is charged for lunch.The only problem is: my rice is too big for me myself, I don't think I can manage any dinner after taking up all the rice. Therefore, I would suggest girls (with not-too-big) stomach to have 2-set-shared-by-3. Last but not the least, a little reminder

28/07/2005, 晚上放工後, 我們一行4人到明洞屋食飯,叫左辣八爪魚鍋,石頭飯及烤牛肋骨.八爪魚鍋超大份量,有勁長的八爪魚腳,有蜆,蝦(都幾大隻架),有豆腐有粉絲有年糕等,但有很多葱及莞莤,真是食得好飽.湯底是紅色的,都幾辣架,仲越食越辣呀..牛肋骨都幾好食, 但好細份而且又有兩嚿骨,好似好唔扺食咁囉....前菜就十分多,魚乾好脆,好好食...泡菜都好夠味....總括而言, 都十分不錯, 多d人仲會扺食d呀...

星期日約了幾個死黨取手信，順便食埋dinner。我o地7個人俾o左間房我o地，間房幾大幾舒服，仲好勁冷氣tim。先o黎6款12碟的前菜，呢間d前菜比一般韓國菜館淡味，尤其是泡菜，唔夠辣。經理推介燒牛肋骨，我食了一細塊真係唔錯，肉質夠嫩，好夠味但又唔會太鹹。海鮮餅-煎得唔夠脆口，而且餅本身太過腍身，口感唔得好；只有好多蔥，就唔見有海鮮。石頭飯-雖然加了辣醬，大家都話唔太夠味，配菜少，飯蕉又少，味道唔似食緊一個韓國石頭飯。辣八爪魚撈麵-這個係大皇之前推介我點的，真係幾好，麵身有咬口、彈牙，醬汁味亦恰到好處，而八爪魚亦不少。辣牛肉八爪魚海鮮鍋-雖然300蚊，好大鍋好抵食，最緊要係好食，湯底味道一流，酸辣味適中好醒胃，牛肉、八爪魚、菜及年榚等配料又多，只係年榚比較腍身，唔得煙韌。雖然我o地7個人叫了5樣菜，但大家都食都飽飽，連飯前提議的飯後甜品都食不下。

星期六去食lunch, d 食物ok, 份量夠多, 但係waiter既態度真係極差, 黑口黑面, 令人唔會想去第二次