明星海鮮酒家 (已結業)

2008.12.24難得的假期，平安夜同媽咪兩個黎飲下午茶好多人，要自己找位子油雞瀨 $11.8油雞好靚，雞肉都好滑燒賣 $11.8面頭d蟹籽唔多似樣，溶溶地勝在蒸得夠熱潮洲粉果 $5.8一般啦，個皮厚左d馬拉糕 $5.8好唔得，奶黃餡超少好似普通蒸蛋糕香煎蝦米腸 $7.8煎得好香脆但有d凍左，變硬左茶芥，搭'木台' $5唔搭'木台' $6順帶一提，有個伯伯搭'木台'佢叫左碗叉燒瀨，仲早過我地叫不過我地食完晒點心佢都未有追追之後終於黎，阿姐話呢張係漏單補返喎仲話成日都漏架啦真係夠誠實啦！埋單60蚊有找，good~ 抵食~

星期六同仔仔一家人去慶祝仔仔生日, 因為auntie要上堂, 我地就九點先去食, 坐底等齊人, 就叫左....1 $178 套餐A (包括薑蔥炒蟹, 蝦1斤, 聖子皇4隻)2 乳豬海蜇3 羅漢四蔬4 薑蔥桶蠔5 甜品 - 椰汁西米糕叫左個待應落單, 同佢講左上次d蠔有炸過, 佢話蘇炸蠔先有粉醬, 薑蔥桶蠔冇, 咁就又信佢多一次, 落完order, 有人過嚟話冇聖子皇, 叫我地改鮑魚或扇貝, 仲未比回覆佢地, 就有另外一個同事比左張電腦清單我地. 一睇d菜變左double (薑蔥桶蠔, 乳豬海蜇, $178 套餐A x 2), 拿拿林叫個人嚟跟進, 好彩個漁皇醒目, 走嚟問我地係未叫左兩桶蠔 (唔係佢就攞兩桶蠔入去整), 我地同佢講唔係, 又嚟一張amended電腦清單, 一睇, 唔係呀, 個set A 變左set B, d蝦仲嚟左, 我地check check個menu, 個set B都有蝦, 不過得12兩, 今次緊係搵個高級嚟跟啦, 佢同漁皇傾, 又改單, 好彩個蝦冇事, 可以起筷 (漁皇醒) 個聖子皇改左扇貝食食下, 個薑蔥桶蠔嚟左, 唔係呀, 又炸, 未又搵返個高級經理, 佢話

上次o黎呢間明星飲茶,可以坐卡位...好舒服...一去到就同俾位個阿姐講話想坐返卡位...不過佢唔應我...咁算數啦上到去,見到唔係卡位...另外一個執緊枱gei阿姐就好好人,佢話"等我執埋呢張枱,你地坐呢度啦...卡位舒服d"....真係好彩寫紙點野食...個阿姐係咁撩我地講野,真係nice...1.叉燒包:熱辣辣...好味道2.蝦餃:下午茶特價...抵食3.煎蘿蔔糕:比較油...4.長春卷:好脆...不過咁長...食果陣好麻煩...5:千絲蘿蔔酥:唔太得...外邊唔脆,好大陣粉味仲有其他點心...連加一埋單九十蚊左右...食到好飽

我地果圍酒雖然係十五個人...多就真係多左D但係佢的碟頭真係好細....細到離晒浦試下諗....一圍酒正常十二人但係佢....竟然有D 送係唔夠十二舊WOR...點講得去....味道都唔係話好好....可能因為食得太少.....所以試唔真佢D 味喇唉.....坐得又迫又唔舒服.....差呀!!

星期日同爸媽和暖暖在附近, 黎呢度飲茶，有卡位坐，好特別的。有d卡位仲有獨立電視。點心都幾好味，因為我地唔係好餓，只係叫了五碟點心。碟頭唔係好大。茶錢$6/個好貴。服務麻麻，有個阿姐，問佢係咪有下午茶時間，佢話，"兩點半開始左，你而家個時間緊係有啦。"都唔明d人，點解唔可以正常d答人地有同咪就得，係都要窒下人。

去街坊店就預了不要期待，有好有壞盡管寫出來。先說食物。1. 蒜香竹龍雞，以為是蒸籬，原來是雞籠，樣子有點倒胃口，炸的，有點辣，對老人家不太適合。2. 枝竹豆腐班腩煲，班腩比期待中的既細件份量也少，每個人分不到1平方吋多。3. 上湯珊瑚蚌浸翠玉瓜，味道叫做OK，但蚌肉不易嚼4. 粉絲蒸本地聖子，同一個問題，對牙力不夠的老人家來說有點高難度。5. 燒味拼盤，最正常和好味的一個菜可惜不夠吃。再說招呼，街坊店有這個好處，招呼週到，一早提醒我們是日公眾假期食物上桌需要較長時間，果然，下單時間是19:36，最後上桌翠玉瓜來到時間是21:02。環境，卡位最好，有衛星和收費電視收看，又可看街，冷氣不算太凍，其他位置麻麻，勝在有昇降機，輪椅也可出入。價錢，其實冇餐牌也無選擇，基本上比想像中貴，以上五個菜加兩個白飯冇叫酒和汽水埋單要四百幾，燒味拼盆要成$78，可能這區自由行客多。照平日標準我會喊，不過老人家吃得開心又有乜所謂。試不試，視乎個人情況而定。

母親節提早一日慶祝，由醫院出來的關係，大家都不是很開心，心事重重。但總要吃飯的，便隨便來了這裡吃，大路經濟。一行六人，叫套餐的東西好像不很適合我們，便散叫。價錢都算實惠，唔會好肉痛。叫了六道菜，八個白飯，兩jar啤酒，連茶芥加一，約$530。都算係咁。但茶芥果度掠唔少。貴妃雞半隻(最好味，但份量少)，燒鴨半隻(好多)，菜心炒牛肉(最唔抵亦唔好味)，生炒骨，腰果炒素丁，一斤蝦(都幾足稱)。全場都好多一家人食飯。有d卡位係有獨立電視的，都幾正喎。

叫左：雞啦...ｘｏ醬雜菌牛仔骨...什菜煲...金菇牛肉煲...壽包...炒蟹...蒜蓉蒸聖子...蒸青斑仔...芝士ｅ麵焗中蝦...紅豆糕...馬豆糕...高力豆沙...豆沙鍋餅...合桃糊...蕃薯糖水...先講ｄ食送...呢度ｄ雞整得唔錯呀...肉質滑肉汁鮮...不過唔知會唔會係因為我食既係雞脾先係咁...？金菇牛肉煲...諗住普普通通...本來就冇咩期望...點知出奇地好味！唔通真係冇期望先會有驚喜？壽包...只售＄２４／半打！諗住係又乾又細個果ｄ啦...點知...大大個...入邊居然仲有蛋黃！雖然唔係真係好正果ｄ...但係＄４個算係咁啦真係...魚...我素來鍾意食魚腩位...如果呢個位ｄ肉都鞋就真係唔掂啦...aｎyｗaｙ...唔差...哈哈～叫開心樂園餐冇晒蝦...要轉蟹...點知芝士ｅ麵焗花蟹...冇蟹要轉蝦...

下午茶時間去，好快有位，公眾假期價錢都算抵(<$100/4人)，但味道一般。千萬不要叫擂沙湯丸，皮厚、芝麻餡無味。推介泰式既咸西米角，好多人叫，只$5，好味！service... ...都幾差。

又係探完病後來吃。等o左一陣先有位。以$18小菜作招徠，其實埋單才睇清楚，大部份係計你$28或$38，得幾樣係$18。寫紙仔落了四個小菜，頭兩個o黎o左後，等o左好耐!!!之後o黎錯了個雞煲，暖暖以為係我叫，照食。其實我無叫過。之後問侍應，個魚香茄子煲同野菌豆腐煲去o左邊，佢check完單話無落單，單上只有我們頭兩個小菜和雞煲，問我們仲要唔要再落，我諗唔好喇掛，唔知要等幾耐。呢間o野幾莫名奇妙下，四個小菜漏兩個，比錯一個。埋單要成百三蚊，好唔抵。因為茶芥貴，白飯亦$8/個，掠水。

和親戚的飯局, 一行十人, 因為有人之前試過這裡, 覺得不俗, 今次也就選了這裡。當晚菜色如下:1) 例湯: 後來通知說沽清了, 轉了同價的瑤柱粟米羹, 味道不錯。2) 粉絲蟹煲: 蟹用上了羔蟹, 有很多羔, 而且件數也不少, 但最好味的還是吸收了蟹的鮮味的粉絲。3) 翠塘豆腐: 放了海鮮粒和少量蔬菜一起蒸的豆腐, 味道不錯, 用來拌飯一流。4) 沙拉骨: 就是放了些沙律醬在上面的金沙骨, 味道不過不失。5) 清蒸大斑: 很大條, 足有兩斤重,看樣子應該是青斑吧, 但蒸得略為過火了少許, 肉有點「鞋」。6) 豉油皇煎蝦: 蝦比較細隻, 也不新鮮, 很一般7) 小食:鹵水牛展: 很多片, 但太乾身, 也是一般而已。8) 蒜蓉通菜: 不過不失頭1-5 項是自選小菜的套餐, 價值$ 338, 有一條這麼大條的斑, 其實很抵食。蝦和牛展都是特價菜市色, 只是$ 28。另外還加了大量的白飯和數支大啤, 還有每人點了一款飯後甜品。埋單八百多元, 算是抵食了。

跟友人三個來飲茶，好迫好多人兼好嘈，來這間明星千祈唔可以坐房，但因為太多人等位，沒辦法，所以局住在嘈喧巴閉的環境下飲，結果連偈都傾唔到。 三人叫了蘿蔔絲酥餅、香蒜雞中翼、牛肉球、鯪魚球、XO醬蘿蔔糕、煎腸粉、馬拉糕、鍋貼小籠包、和灼生菜。味道一般啦，冇話特別好食和唔好食，只係鍋貼送來時已凍，皮偏硬身，蘿蔔糕香口但多油，煎腸粉煎到乾晒，同埋腸粉本身較實，唔得滑口，較欣賞係蘿蔔絲酥餅，個皮整得好靚同夠酥化，不錯。

星期四晚同舊同事出來聚舊,順道當然是竇利是啦!!一行七人坐在中型檯和吸煙區,其實有些迫同唔太舒服,不過都可接受.大家都叫了很多,但說說講講,其實都唔太記得.乳豬拼盤---乳豬烘都不錯,幾脆又不會太豉椒鵝腸---很野味,鵝腸不韌,略油了些小蒸魚---不知是甚魚,都幾大條又有肉,略嫌蒸得過火,有些韌蝦米津白---茨汁很正,津白夠淋,配上蝦米乾算是不俗海鮮豆腐煲---豆腐夠味,而海鮮內的蝦就沒有鮮味椰汁粟米糕---椰汁味濃,又不會太甜籌包---麵包鬆軟,內裏的豆沙餡加了些芝麻,味道不錯紅豆沙---甜得很,差總括:大家吃得飽飽,說說笑笑又一餐,都算唔錯.

2005年8月13日我和朋友一同到這家明星吃火鍋, 誰料遇著"口黑面黑"的侍應, 弄得我們全體撤離!真是我的錯, 沒有問清楚有沒有非吸煙區就貿然進去。鄰座食客在我們坐下不久便開始吸煙, 他們沒有錯, 因為實在有權。我們唯有要求侍應為我們調。當時只不過6時, 人很少，要安排另一張實屬易事。誰知第一個侍應只敷衍了事, 第二個類似部長的黑面神亞姨就說:"火鍋沒有分非吸煙區, 小菜才有, 你轉吃小菜吧。"甚麼? 我們是一心來吃火鍋的! 我說:"我不是來吃小菜, 更不是叫你專為我們開設非吸煙區, 只是要求換。" 她於是敷衍說幫我們check一下. 當時根本滿目"吉", 何用check?! 自我進去這酒家後, 三催四請才請到他們拿"火鍋紙"給我; 盛洗杯水的盆欠奉; 在很多吉的情況下又安排我們坐於廚房/洗碗房的出入口位置; 又小, 位又窄; 價格又不是特別平宜; 餐牌上的食物又不見得特別好吃......我們於是說離開. 那位Aunt Black Face 的面口更黑, 猶如烏雲蓋頂! 半句不好意思也沒說過, 叫人家以後怎斗膽進來?

星期日約了祖母到這兒飲茶。一行8人約下午二時四十五分來到，雖然時值下午茶時間，但竟然不用等位。開茶後，妹妹便急不及待的劃點心紙，排骨、蟹籽燒賣、叉燒包、水晶包、瑤柱豆苗餃、棉花雞、牛葉、蒸魚雲…跟又到大排檔取食物︰白灼三寶、印度蒜蓉薄餅、雷沙湯丸、泰式湯河…一時間滿都是點心。點心中規中矩，瑤柱豆苗餃和雷沙湯丸尤其出色，一輪虱捲殘雲後，還要了一碟星洲炒米和糖水。星洲炒米要算是是日最好味的菜式，不油不膩、米粉夠乾身，不會黏得一舊舊，而且配料與米粉均勻，不會食到最後只剩下，正！可惜糖水比較失色，綠豆沙的豆超多，杰撻撻，幸好不太甜；紫米露卻相反，過稀，椰汁下手太重，好似真係飲緊椰汁。埋單只是$260，真係好抵呀~~~~~~~~