明星樓

酒樓樓底,高唔會有壓逼感燒鴨皮脆肉嫩，色澤深啡好吸引，醬汁甘香帶啲甜味，層次豐富，食落非常滿足！炸卷外層炸得好香脆，呈現金黃色同層次感，內裡有蝦同蔬菜餡料，配埋甜酸泰式辣醬，味道酸甜辣平衡，口感豐富，係開胃又好食嘅小食！蒜蓉蒸聖子，擺得整齊靚仔，蒜蓉鋪喺上面，仲有蔥花同透明粉絲，汁液好香滑，帶啲鮮甜嘅醬油味。整體味道清新又帶蒜香，食落彈牙又開胃滑滑嘅鹹蛋白汁淋喺青菜上，青菜底層好清脆鮮綠，鹹蛋白醬汁咸香滑溜…查看更多

由於屋企人今日要搭高鐵，所以揀咗附近嘅酒樓食試吓新嘅酒樓。餐廳都容易搵，上電梯嘅時候就有指示大枱細枱都有，位置幾闊落，就算輪椅行都方便。有午市套餐留意公眾假期同六日就需要加費用，都幾抵食，又有點心又有煮食適合一家人飲茶。當然仲有點心紙，餐廳都幾有心意，仲有點心下午茶，假日去就冇見到有人攞嚟打卡，價格都算相宜。好少酒樓有煎米雞，係糯米加啲雞粒係少份量適合大家試少少，老人家食唔到咁多依個份量就啱啱好。套餐入邊四個點心嘅其中一個就係油菜，今日嘅菜心都唔好啱啱好。嗌咗瑤柱蛋白炒飯，我哋五個人食都分到有人一至兩碗。燒賣就擺得有啲醜樣，係屬於多豬肉嘅燒賣都係飽肚嘅。大部份點心都係三粒。叉燒包就係細嘅叉燒包，叉燒唔係剩係得肥豬肉味道唔會好甜另外喺點心紙叫嘅叉燒腸，豉油會另上等自己方便要幾多佔幾多。會切開咗有6分，多人嘅話可能要叫兩份。點心套餐入邊嘅棉花鮮竹卷，點心足料味道唔會好濃。…查看更多

這晚和朋友來到位於戲曲中心的明星樓食晚飯，從柯士甸站步行過來，數分鐘便到達，而且不用走地面，不怕日曬雨淋，地理位置方便。酒樓內光猛明亮又新淨寬敞，令人感覺舒適。這頓晚飯主要是嚐嚐一些適合宴客用的菜式，所以不是一般的晚飯小菜。龍蝦可選上湯或芝士焗西澳龍蝦 (翠苗底)，龍蝦肉質飽滿爽彈，即使用芝士焗，也不會遮蓋肉的鮮甜，喜歡吃芝士的也會稍稍加分。而上湯龍蝦比起芝士焗龍蝦更能突顯龍蝦肉甜。乳豬皮脆肉嫩，肉不會太肥，味道亦不會太鹹。蜜味蠔油豆鹹中帶點甜，稍嫌煙韌度不夠。羊肚菌茶壺鮮螺燉湯，每人一茶壺的湯，茶壺下有蠟燭火暖著湯，並附有小茶杯飲湯，同行朋友一致覺得幾過癮。先喝第一杯，湯的味道很鮮甜，隨後愈喝愈濃郁。打開茶壺，見到用料滿滿，大大粒的羊肚菌爽嫩清香，螺肉同樣鮮嫩。砂鍋乾鮑扣鵝掌，平時吃的多是鮑魚，這是我第一次試乾鮑，口感完全不同，乾鮑的味道香濃得多並帶有溏心口感。鵝掌亦獲一致好評，鵝掌夠入味兼好有嚼勁，不同於一般軟稔無味的鵝掌。瑤柱蛋白炒飯與其他菜式比較下就比較普通了，炒飯炒得夠乾身，飯粒分明又不油膩。焦糖西米布甸焗得色澤金黃，夠熱焫焫又香甜軟滑，用料十足的一大碗甜品。不論場地、服務及菜式，明星樓的水平都算高，而且價格亦不會離地的貴。…查看更多

閨蜜聚會講事講非，揀咗尖沙咀柯士甸站戲曲中心嘅明星樓。呢度我第一次嚟，發覺交通比想像中方便。今日高朋滿座，有人book咗場搞聚會，唱K好大聲有啲騷擾。我哋叫咗個套餐。主要係家常小菜：明星五小碟，黑毛豬咕嚕肉、韭菜花炒鮮鮑片、滑蛋鮮茄炒蝦仁，斑腩蕃茄豆腐湯、蛋白杏仁茶。小菜都有水準；上菜亦快。個魚湯冇落味精，都算鮮甜，甜品就差啲。晚飯小菜可以，但傾偈嚟講真係太嘈太騷擾，下次應該唔會再揀呢度。…查看更多

同屋企人既團年飯揀了在新開乾淨既明星樓食。早幾日食唔洗貴幾百，都食到平日都有既明月套餐😆至尊脆皮燒鵝（半隻）份量比想像中大，燒鵝皮脆肉嫩，鵝肉不算太肥。值得一讚係，上菜連小蠟燭，食到最後一舊都暖暖的。碧綠炒蝦球（例）保留了蝦的鮮甜和蔬菜的脆爽，口感十分豐富。清蒸虎班仔（1條）（約1斤）唔算大條但魚肉滑嫩，搭配蒸魚醬油，讓味道更加鮮美。臘味崧扒菠菜臘味的鹹香與菠菜的清新相互融合，形成了獨特的風味。斑腩蕃茄豆腐湯（例）湯底濃郁，豆腐滑嫩，斑腩的鮮味融入湯中，十分鮮味。臘味珍珠糯米飯有點失望既糯米飯，以為一大碟咁上，點知係似珍珠雞咁細細條蒸籠上，不過味道都ok,糯米飯彈牙，不過濕。…查看更多

經過戲曲中心，想食啲嘢，見到有間新酒樓唔錯咁，就入去試試鳳凰蛋煎米雞這道菜的米雞外皮炸得金黃酥脆，搭配上特製的鳳凰蛋，蛋黃滑嫩，讓整體口感更加豐富。米雞的肉質鮮嫩，令人回味無窮。香茜牛肉腸粉這道腸粉柔滑細膩，牛肉的鮮味與香茜的香氣完美融合。每一口都充滿了肉汁，讓人感受到傳統粵菜的精髓。玫瑰豉油雞色澤誘人，肉質鮮嫩多汁，配上特製的玫瑰醬汁，增添了一層清香的味道，十分開胃。瓜粒海皇泡飯這道泡飯的海鮮非常新鮮，搭配上清淡的高湯，口感清爽。瓜粒的加入增添了脆口感，讓整道菜更加豐富。鮮蝦腐皮卷外脆內嫩，鮮蝦的鮮甜味與腐皮的香脆形成強烈對比，搭配上特製的醬汁，更是令人垂涎。…查看更多

送龍迎蛇，今年團年飯朋友介紹呢間戲曲中心嘅明星樓，一早訂咗枱呢度，地方都算闊落窗明几淨。我哋冇叫套餐叫咗九個餸，包括：燒味拼盤，蟹肉扒菜苗，蒸扇貝，魚香茄子煲，發財金錢豬手，啫啫芥蘭煲，金錢扣鵝掌，黑毛豬咕嚕肉，上湯竹笙浸菠菜等。最後叫左幾個甜品試下，包括桃膠，紅豆沙湯圓同埋乳酸兔仔。食物一般般冇乜驚喜，但唔會太差，服務算好亦都坐得舒服。過年10個人食咗唔使$3000，我覺得性價比都算高。…查看更多

今年冬至，我屋企多咗一個成員，就是我外甥生了一個bb仔，我升呢做了舅公，外甥孫剛滿月不久，第一次見佢，十分得意同可愛。🤩我哋去咗明星樓食冬至午飯，叫了很多點心美點，包括紅燒乳鴿、蒜香猪手粒小食、手拍青瓜拼海蜇、明星樓鮮蝦餃、山竹果皮牛肉球、鲜肉生煎包、鮮蝦腐皮卷、醬皇蒸鳳爪、香麻叉燒酥、帶子炒飯、雪耳冰糖嫩桃膠、薑汁奶，熱西米蓮蓉布甸等。最開心不單是食物質素好好，更是環境清潔，又有方便BB換片的地方。希望BB快高長大，下次見佢識得同我哋玩。😂…查看更多

粵曲中心係香港新嘅文化地標，我和我屋企人都未去過，所以今日我哋一齊去戲曲中心行下，順便食一個午餐。戲區中心裏面有一間很好的酒樓叫明星樓我們叫了精緻的蝦餃、腸粉、棉花雞、十分有火喉的乾炒牛河、嫩滑的的乳鴿、同埋一個好有特色嘅鳥點綴的點心拼盤味道十分好，點心又精緻環境又十分舒適，真係一個十分一流的食肆選擇。…查看更多

性價比高嘅中式點心粵菜，而且仲有好多可愛形狀嘅點心，例如係金魚餃等等，天鵝，白兔仔等等點心......而且材料新鮮，仲好足料，好似今日食嘅鮮蝦腸粉，新鮮嘅蝦肉，爽口彈牙，而且佢嘅腸粉皮仲好滑添，午市仲有套餐優惠，我都經常到此店。交通非常方便，地鐵站上蓋，附近都有巴士站的士站等等......服務態度非常之好，有禮貌，又細心體貼，我好滿意。環境傳統式嘅中式酒樓裝修設計，乾淨衛生，而且舒適寬敞，樓底亦都好高。…查看更多

味道不錯，但价錢跟在open  rice看見的餐牌价錢貴了百份之4-50%， 為何由六月跟九月有那麼大的升幅，實在有點匪夷所思，感覺有點伏，環境不錯，服務都好，每人大約$3xx…查看更多

lunch食咗套餐，有加一，total食咗五百蚊。環境好好，比較乾淨又比較舒服。食物質素尚可，點心上來熱辣辣，呢一點幾好。但係太貴，性價比低。炸腐皮好脆，好食，好貴腸粉皮好潤，唔錯👍燒賣大大隻，肉都幾足，蝦又唔算細隻，一般般ok…查看更多

當日有場音樂劇喺戲曲中心表演，打算去嗰到食晚餐，入到明星樓點咗個名月套餐，價錢約1000蚊，有茶壺裝嘅海螺湯、一碟叉燒、蘆筍龍躉球、秋葵炒帶子，以及四件荷葉飯。總體食物水平參差，叉燒半肥嫩口，而兩碟蔬菜炒海鮮一般，海螺湯比較淡口冇鮮味，最失望嘅係荷葉飯，雖然荷葉飯唔係用糯米做，但呢到整嘅荷葉飯一打開就比較鬆散，個飯又非常濕口，味道普通。至於服務質素，大部份職員都周到友善，但感覺比較新手，因為有好幾個侍應唔清楚餐單內容，例如當時屋企人有問佢荷葉飯有幾大舊，但當時侍應回答唔太肯定，不過都無傷大雅。然後有位女待應上咗最後一碟餸，問需唔需要加白飯，但本身個套餐有荷葉飯遲遲未上菜，我就問問進度，然後身後一位男職員上前幫手，喺我哋枱前同另一位侍應溝通咗陣就離開，聽到對話感覺好似廚房漏咗整荷葉飯俾我哋枱。然後，剛才嗰位女侍應就企喺我哋枱前唔走，企咗20秒唔知做咩，搞到我同屋企人有少少尷尬。到最後埋單時，有位女職員過嚟俾張單我，得閒到我哋枱面突然擰向後面枱同客人講嘢，遞咗張單俾我一陣，但我都未同到佢講野比卡⋯⋯另外發現隔籬枱好似有幾次都上錯菜，但當時大約六七點，樓面唔太忙。整體認為服務比較生疏，有待改善。…查看更多

I liked the place before but that folded during the pandemic. This place is very different to the last one but I feel this place is more tuned in with the neighbourhood.The service is quite good, ambience is good, very local with the TV screens playing news during yum char, very local, I like it.The price is quite reasonable given the location and the food is good. If anything needs improving, it may be perhaps can tone down a bit on the saltiness. Otherwise, it is fine. I especially liked how they keep your water warmed so I don't have to sit there drinking cold tea. The other really great thing is, because it is located in the Xiqu Centre, it is fully accessible with elevators connecting everything and it is also directly accessible from Austin Station which will be great when we get to typhoon season.…查看更多

今日去佐敦約了舊同學去午茶, 他介紹去戲曲中心的明星樓,  大家看見點心牌有 鳥語花香鳥籠點心,  要試一 試. 有鹹點也有甜點, 擺設美觀, 層架擺設有點像西式 High Tea.頂層有天鵝酥, 荔枝糕,  蘿蔔酥,  下層有燒賣, 蝦餃, 粉飽,  點心手工精緻, 味道 OK.虫草花腐皮卷,  足料好食.紅米腸粉, 外皮顏色鮮艷,  外鋪肉鬆, 內有脆蝦, 也不錯.北菰棉花雞, 有稔滑北菰, 雞肉嫩滑, 調味好.滑蛋蝦仁煎米粉, 滑蛋蝦仁配上西蘭花, 同煎米粉分碟上檯, 米粉煎得香, 滑蛋蝦仁有蛋香, 蝦肉又彈牙, 食得滿意.點心, 粉麵的選擇非常多,   服務員服務也 OK.…查看更多