明廚美食

營業中

休息中

🥢大角咀呢港式串燒，由小店明叔一人打理，堅持「即叫即燒」，每串都係熱辣辣、香噴噴，充滿人情味！1. 🔥醬燒白鱔：皮脆肉嫩，入口即化2. 🥩燒羊肉串、紅酒羊鞍：羊鞍火候掌握得宜，肉汁豐富3. 🍗燒雞全翼、雞軟骨、雞腎串：雞翼外脆內嫩，雞軟骨爽口彈牙，雞腎香濃惹味4. 🐖醬燒五花腩：肥瘦相間，燒得焦香5. 🐮紅酒牛脷串、京蔥牛柳串、牛肋肉串：牛肉系列口感層次分明，牛脷牛肋肉嫩滑，牛柳配京蔥香氣撲鼻6. 🐟燒雞泡魚乾：鹹香十足，魚乾煙韌有嚼勁7. 🦑燒墨魚鬚串：爽口彈牙8. 🥟燒燒賣：港式創意，外皮微焦9. 🧅燒蔥油餅：外脆內軟，蔥香撲鼻10. 燒🥒翠玉瓜、🍍菠蘿、🍆茄子：蔬果串燒清新解膩，為呢餐飯畫上完美句號。🥰

晚上大概9:30左右到達，小店位置不多，需要等候入座⋯店舖只有一位叔叔全權主理（門口有寫只有一人，需要耐心等候）等了大概半小時便入座，因為已經肚餓嘅緣故，一次過叫咗比較多嘢食⋯叔叔會問你需唔需要辣，好貼心串燒製作時間比我想像中快（因為即叫即整）所有食物上枱都係熱到出煙肉類首先上台，燒羊鞍生熟把控得好好，有肉汁但唔會硬⋯燒牛ok, 豬五花燒魷魚好有鑊氣特別推介燒啡菇肉質飽滿，今晚MVP另外燒燒賣同燒蔥油餅，都好唔錯插曲：食完兩串燒燒賣後意猶未盡，想追加（其實已到準備關店時間）叔叔見我哋好想食，即刻再幫我哋加製可能客人會覺得等待時間過長而不滿意，但我覺得人地係小店，而且串燒本來就唔係快餐⋯叔叔講野大聲可能會以為佢好惡，其實佢好有人情味，而且好有幽默絕對會再幫襯

上星期日去到這店已經需要排隊，我是等2個。這店只得4張枱，但每張或有2張基本上只坐到2至3人。燒烤爐得一個和煮食都是等一個人燒就是明叔一個。我已經等了一個鍾都只是還在排第2位和已經坐了店內都還未可以叫得餐。有一個枱的客人本想給餐點給老闆，但老闆就不用我還需要處理現時外買餐。之後有個新來客人問他提餐點，但老闆話不用你可能都等唔到排隊就已經離開。這個就是這店問題，一個爐一個人燒還需要處理一份這樣大外買，店內這4張枱客人還未可以點餐，在排隊的人其實等多2至3個鍾都未必有得開始點餐。如果再多幾份外買就。。。。如果照看餐點價錢就同其他都大約一樣，味道就不知，但是可以見得到就真的由生的燒起，不是一早已經做定。不過以後都不會再去，因為真的不知需要等幾時間了。

本來都冇諗住打呢篇食評，因為驚夜晚去到嘅時候會冇位。呢間基本上都係做熟客或者街坊生意，佢都唔會自己做宣傳，基本上都係得個阿叔喺度擺檔。 去食得嘅阿叔都認得。呢個串燒檔有好多人夜晚都會走去食，我哋嗰日經開過就專登走過去搵佢吹水同埋玩佢隻貓，通常我哋落咗order之後，阿叔就會比一大碟沙嗲醬俾我哋，嗰個沙嗲係自己整，花生味好突出咁我哋去到多數都係叫牛柳、多春魚、雞、金菇、三文魚頭，同最緊要係佢個燒菠蘿每次去到佢都好親切咁對我地，睇吓我哋需要啲咩就會盡量幫我哋佢就唔係主打賣相嘅串燒，而係主打味道嘅，各位經過嘅時候都可以試吓😛

鬍鬚師傅經過長時間研究，再推出新食譜益街坊！除咗招牌串燒，而家獻新猶：即燒120g漢堡包及大條腸熱狗，多款靚腸任君選擇，小弟已經全部腸都試過，全部食得過，除芝士及墨西哥腸帶辣味，其他都唔辣！仲有個人特別推薦：以前戲院門口煨魷魚！大大隻香噴噴，特製豉油鹹得嚟好回味~

由最先喺博文街只做外賣串燒，到之前拆樓搬去角祥街只賣正餐原來已經事隔兩年，到依家終於開返賣串燒實在好開心，因為坊間真係好難食得返，外面食串燒一係燒得過火，一係就孜然粉太重完全蓋過食物本身的味道，而明廚老闆真係有用心去處理食物，事隔兩年依然無生疏，串燒依舊好食，燒得恰到好處，保留食物嘅濕度亦同時香口！大推燒鱔，皮脆肉嫩；仲有燒墨魚鬚串，亦係爽口得黎亦脆口有驚喜；其他食物亦保持水準:燒牛肉串、牛舌、雞翼、雞軟骨、燒蠔、多春魚……全部都無令我失望！食過好食嘅餐廳最怕係食唔返同一種味道，希望明廚可以繼續做落去，亦希望老闆賣返腸粉，因為出面都食唔返同樣嘅味道。