明將迴轉壽司餐廳 (已結業)

我係喺附近返學o既學生, 有陣時都會同同學去食lunch, 間嘢D食物都還可以, 如果唔睇服務o既話個價錢都ok, 不過衛生, 服務, 環境等各方面就真係好唔掂囉! 前幾年去o既時候都經常出現落漏單, 叫個餐等咗大半個鐘都唔嚟, D waiters叫極都冇反應等問題o架啦. 今個學年到依家因為同學叫到, 所以去咗兩次. 不過我真係唔知佢\咩問題囉! 第一次去, 我哋一點前已經落好晒order, 我叫咗個吉列雜錦餐\, 有個同學叫滑蛋豬扒餐\, 其他叫咩我就唔記得啦... 我哋落order落咗四個餐\, 三個餐\飲, 我等個waiter過嚟落我個餐\飲o既時候佢\竟然可以走咗去囉... 我D同學D嘢一點一, 一點二到已經陸續到齊, 連個有炸豬扒o既滑蛋豬扒餐\都出現咗, 不過我嗰 吉列雜錦餐\就等極都冇... 我等等等等等, 又催催催催催, D waiter叫親o既一係就當我冇到, 一係就好敷衍咁聽咗就算... 問咗三四次有冇漏單先有個waiter答我話冇漏, 不過都唔知佢\係咪啱啱先加番單囉... 等到一點半, D同學個個食完我個餐\先嚟, 不過我要趕住上番學校, 佢\即係迫我喺5分鐘

朋友話好耐無食過,就陪佢\\\嚟啦,6點零嚟到,未算好多人,但見有好多枱都無人執嘢,而執好o既又唔俾人入..食物方面,壽司加咗價,但質素仍然欠佳,我從來都未食過啲魚生咁唔新鮮o既..衞生方面,眼見地下有幾條烏冬+筷子,但侍應照掃入去,最過份都係,我哋食嘢果時,不停有手响左右穿插拎迴轉帶上面o既壽司,一句唔該同sorry都無,無禮貌同唔衞生..<<真係唔會再有下次!!!>>

中午約朋友食飯，天熱咁熱，不如去食下壽司都好，點半鐘都重有位，壽司LINE 上面既壽司明明排得滿滿，但係侍應重不停甘加，令到LINE 上面既壽司因為太迫而跌落枱上，唉...原本係$10.5/碟，自上個月起就到$11.00/碟，不過材料比之前既好，三文魚壽司更大大件，可惜佢地既芥辣總係好淡。

1) 明明成間餐廳有成十幾個空位，門口個waitress死都要招呼你坐在好迫的地方，我唔肯就範，佢就放棄唔招呼你，唔Q理你2) 野食好唔新鮮，d魚好似膠咁，咬完作嘔，想吐番出黎3) D waiters好正囉！可以在我地身邊大大聲傾計、玩，大聲到好似去左酒樓咁，或者會覺得係黎幫襯，我地係員工！就算你望佢，佢都唔會覺得自己嘈，擺明趕客4) 個waitress，原大個污糟盆，放在bar 台上，放響d客人面前！放左好耐都唔拿走！救命！5) 望真D，原來我隔離地上有個污糟水的水桶！6)埋單$97，我比$100，死都等埋佢果$3，我收晒。無可能比Tips呢間野真係找不到一個優點！

同朋友去旺角, 真係好難諗到去邊度食o野, 又唔想熱, 唯有黎到新世紀, 好似冇咁多人會舒服d啦.朋友a見明將成日都有好多人排隊, 咁大家諗住試下冇死啦, 點知真係死錯人.首先我o地4個人想坐order seat, 個叫咪o既明明知, 都仲叫我o地入去坐bar seat, 都算出番去再等啦.到有位啦, 埋去一睇. 嘩!! 打過仗黎呀??? 地下滿地都係上手o既垃圾, 面又有幾灘水, 好似冇人執過就比我o地坐咁.野食, d 壽司普通啦, 魚生睇落唔多新鮮, 都算. 叫下d熟食lor, 睇黎種類都好似好多咁喎, 叫左炒烏冬, 牛肉火鍋, 綠茶冷麵. 都ok o既, 唔叫得好好食. 中等啦.但倒水個去水位勁恐怖, 會回嘔番d 水出黎, 好明顯係比d 垃圾塞住個去水位啦.但d waitress 真係好得, 有個成日都遊魂咁走埋黎話收野, 明明未食完架喎, 同埋佢話收野對眼永遠唔會望張or 我o地, 而係一路講一路周圍望. 我o地坐到都算耐, 咁有個waitress 走埋黎, 佢想收番d 餐牌, 但佢真係一d 禮貌都冇, 係呼喝命令咁, 佢當時係話"個餐牌黎, 同埋果個呀(因為有2個餐牌)",

今日同一見到迴轉壽司就幾乎發癲0既朋友0黎同新世紀廣場入0黎試, 未拎第一碟壽司, 就已經俾眼前0既壽司嚇窒0左... 從未見過賣相如此差0既壽司/魚生-- 望落唔多新鮮, 又好似就0黎散咁. 不過見佢menu 幾乎碟碟壽司都係$11, 都知佢唔係sell quality, 唯有好小心咁揀d 好難整得難食0個幾款.- 三文魚+蟹籽+腐皮0個隻「船」形0既壽司: 最好食係塊腐皮... d 三文魚係腩0黎0既, 不過口感霉霉0地, 仲好腥, argh!- 蟹柳: 賣相幾唔得, 不過蟹柳好難整得難食, 所以都算係咁.- 墨魚條+ 一d 黃色0既魚籽: 呢個反而幾好食, 爽爽甜甜咁, 估佢唔到!- 三文魚: 比元祿還差, 無味, 薄, 又唔新鮮.- 吞拿魚: 同上, 口感仲霉霉0地.- 黑椒鴨胸: 呢個ok, 雖然唔特別.- 仲有d 壽司飯: 好大舊, 一夾即散.- 中華沙律: 呢碟d 海藻勁多, 不過味道ok 唔會太酸.環境同衛生情況其實無乜點, 不過眼前0既壽司賣相實在太唔見得人, 平日食開15, 16 碟0既我0地, 今日亦因為無晒胃口, 食量減半. 不過不得不提0既係我隔0黎個女

之前係新世紀廣場，呢間明將隔離間日本野食過(唔記得左叫咩名)，覺得果間幾好食，諗住試下明將啦，見佢個門面都幾靚，但食落真係麻麻地入面唔太乾淨，D 杯杯碟碟好似花晒咁...最記得係我叫左一碟"蟹子手卷"，個待應來到後俾左個"蟹子沙律手卷" 我... 佢放低時話"蟹子沙律..." 再望一望張單，然後話"蟹子手卷"...我細心望一望，入面有沙律醬架喎！因為我唔食得沙律醬，所以點都要換啦！於是問另一個姐姐，蟹子手卷有無沙律醬的(因為間間的practice都唔同...)，佢話無~ 所以我就話佢地俾錯左，佢都肯同我換~ 無幾耐後，我見到迴轉帶上面有碟蟹子沙律手卷囉...=o=呢間野，除左個"平" 字外，同埋某D壽司係OK外(例如三文魚)...都係麻麻地~

以旺角此地來說，佢已經很抵食，火鍋＄２９一份，壽司每碟＄１０.５，不過ｄ飯還是較鬆散；三文魚夠新鮮；拉麵都係＄２９碗，湯低係豬骨湯，看到那乳白色的湯低，知道火喉一定不少了。一行１４人去，佢地特意將落地玻璃的一角給我們，又肯幫我們將七張枱搬成一行，忽然覺得我們好像是開商務會議的！！是次結帳約＄９００元

裝修過後比以前差, 侍應態度懶散的,哩壽司好唔新鮮,平時我都對食物冇乜要求...但真係好難接受...下次都唔會再黎!冇諗過都仲有咁多人等位,因為貪平~唉!

因壽星仔既緣故，破o左5 年無食迴轉壽司既「戒」。翻新o左之後既明將感覺上係乾淨o左同光猛o左，但D 服務...都仍然係「o拿喳類」。其實佢D 壽司都幾creative：有隻腐皮壽司好似經過「多重加工」咁，又有吞拿魚layer 又有芝士面（仲好似焗過o下咁），只不過...o係同一條line 上一次過放六、七件同一隻款，俾人感覺好似好少選擇，唔知點咁。

壽司D 飯好硬.舊Wasabi 好似放咗係隻碟度成日咁.拉麵煮到淋哂, 我煮D 公仔麵好食過佢, 留意, 已經唔係同出前一丁比較.D 炸帶子好明顯係超市買既假帶子, 仲係喳個D.牛油焗雜菌, D 蘑菇係鑵頭蘑菇, 亦係喳個D.食完咁多野, 唯一好既係D 雪糕, 因為唔係佢地整既. 同埋可以食到好飽, 因為好大碗麵.

去過幾次, 食物時好時壞. 差個時唔差得晒, 係條帶上面少d sushi, 同埋塊魚細d. 不過好個時就真係唔錯. d 三文魚好大塊, 鰻魚好香口, 而且供應充足. 推介炸蝦sushi, 不過要自己點. 價錢$10.5, 都幾平.個度既waiters都幾懶散, 做野慢, 表現得好唔願意做.

五月某一個星期六下午,要同姐姐去擇婚莎相,時間緊迫的關係,求其就入了這間.自從裝修過後都未再幫襯過.食過今次後相信都不會再幫襯.以它的價錢.食物雖未至於太差.味道還可接受.但他們的服務態度,是愛理不理,不想做似的.還好像是加一服務費.真的比得不請願.

壽司好好味! 間野好似進步左! 如果DINNER D 價再底返D 就仲好!待應唔夠人, 叫極冇人認出荼水位壞左又安排我地坐落去???

裝修左之後,四正好多~我一坐底已問有冇蟹腳壽司, 果新仔答我冇, 算! 之後D 帶子壽司都好”令”好正, 本想黎多碟, 可惜果肚食唔到了, 連碗拉麵都食凈一半呀! 正想走之際, 驚見迥轉帶上有蟹腳壽司.. 果新仔梗定新黎!佢地既TES SET 抵到爆