旺記糖水 (已結業)

成個柴灣咁大咁多人住，但似樣的甜品舖真係唔多，入到小西灣反而有幾間，真奇怪。是日同食友們食完印尼菜，返到屋企附近又收到舊街坊的急電，說有事商討。方醒起是日吃了正餐卻沒有吃甜品﹝因為沒有Olivian 嘛！﹞，順便便約了他來這裡吃甜品。呢度日中是一個屋村的外賣檔，但晚上就會將摺檯擺滿街邊，幫襯的客人都不少。搵了位坐低，好在夜涼如水，都不算太熱。有小食及甜品，我叫了鮮雜果石花膏，朋友對甜品沒有興趣，篤了十蚊燒賣及四蚊咖哩魚蛋。可能因為多人，所以都要等左一輪。石花膏其實是用大菜之類做成一條條透明物，幾硬又唔夠凍，食落一般。反而在碗內除了石花膏，樣樣都幾好，幾款生果都夠凍又甜，加埋凍椰汁，正合夏天消暑。朋友的燒賣及魚旦沒有什麼好評，幾配服他食飽飯都可以隨隨便便的「隊」成廿粒粉入肚。埋單28蚊，經濟抵食。呢類新式甜品在這區幾難搵，要吃就要來這裡。