旺記冰室 (九龍中心大廈)

營業中

休息中

張相入面有塊多士， 不過影相之前畀我食咗😂😂😂佢下午茶呢個餐， 最令我驚喜嘅係佢個通粉嘅口感同質地， 佢揀嘅呢隻通粉呢個質地厚少少， 而佢又唔會煮得好冧， 但係你咬落去唔好覺得硬， 而係有啲彈牙嘅感覺， 好好食， 加埋隻通粉有啲好明顯嘅坑紋嘅質感， 你條你會感受到粒通粉有啲紋路， 口感上更加出色。 個蕃茄湯汁就冇得彈！！另外響午餐肉方面都有花啲心思， 一般我哋食午餐肉係一片片， 呢間餐廳係一粒粒， 咬落去個肉感強啲， 最搞笑嘅係佢會炸過啲午餐肉， 所以嗰啲一粒粒嘅午餐肉塊皮係脆， 要我形容嘅話， 望落去似我哋平時酒樓食嗰啲燒豬， 嗰啲切成方塊粒嗰啲燒肉。隻滑蛋都係好好食冇得彈， 特別你係鍾意食嗰啲唔係全熟嘅蛋， 佢啲蛋汁仲有 喺表面

🔥自家製叉燒日本滑蛋飯$55🔥配鮮薑汁奶茶黎到呢到就一定要叫呢間茶餐既招牌飯-叉燒滑蛋飯講一講嗰結構先上面層滑蛋鋪上幾塊叉燒再淋埋自家製既甜豉油形成一個蛋包住飯既橢圓形係一間可以打卡既茶餐✨🍚味道方面🍚滑蛋真心有日本嗰種滑蛋咁滑有陣奶香味添加埋唔係太肥既叉燒啖啖都係叉燒同飯夾住滑蛋再加埋秘製甜豉油同埋蔥花既組合無得輸👐環境服務方面👐好似搬咗商場水準既服務落黎茶餐服務好態度親切上菜都好快防疫工作都有做足抬同抬之間都分得夠開一入鋪都見到貨架上既貨物都擺得好整齊所以係一間可以放心幫襯既冰室🔥鮮薑汁奶茶🔥對於我呢d平時飲開凍飲既人呢杯薑汁奶茶可以話係養生之選一聞落去勁重薑汁味一開始會好辣點知又唔會味道係似平時港式奶茶但有淡淡薑味絕對係值得一試擺一陣仲會好似薑汁撞奶咁上面有一層薄薄既膜真·材實料

今日同阿妹咁啱去尖沙嘴攞嘢，就決定一試久仰大名嘅旺記冰室。一入到餐廳，職員就即刻幫我地量度體溫，然後入座。Menu樣樣都超豐富咁旺記冰室最出名係滑蛋，每款午餐都配有滑蛋。我地兩個都想食飯，所以就嗌咗自家製叉燒日本滑蛋飯同日本滑蛋叉燒蝦仁雙拼飯。等咗無耐就好快有得食！果然足料！滑蛋叉燒同蝦仁都覆蓋成個飯。啖啖都食到滑蛋同餸，滑蛋果然係滑浖浖，熟度啱啱好，全塊蛋都好滑好均勻。叉燒又係肥瘦剛好，唔會食到好柴或者得肥膏嘅叉燒。蝦仁都好大隻，肉質爽脆，絕對係高質茶記享受。豉油量唔錯，唔會好似水浸咁，但又唔會太乾。（但個人係食汁狂魔，如果多少少豉油就perfect🤣)阿妹食嘅叉燒滑蛋飯一樣正！加$4試嘅鮮薑汁奶茶好香薑汁味🥰，但飲落又唔會太搶奶茶味。鍾意飲薑汁嘅可以一試。

一想食炒蛋就會唻，地方都舒適吾會坐到好迫而且次次都吾洗等位叉燒係半肥瘦，吾會柴皮蝦仁彈牙薑絲豬潤麵都係好濃薑絲味不過個人認為配通粉係比較公仔麵好味另外，佢嘅奶茶都出色

一年前見到新開好想試下，因疫情尖沙咀減少遊客，故找了個晚上終於一試。晚餐叫咗個野菜蕃茄稻庭烏冬配杏仁霜。快餐果然快餐，幾分鐘就上菜。滑蛋好滑又大份，而蕃茄烏冬湯底加入麵豉湯,不失蕃茄味道反而增加層次，感受到港式及日式cross over出來嘅產物。由於湯底好味，感覺好似杯麵嘅味精湯。而烏冬滑溜，沒有酸味，整個快餐亦較多野菜及配菜，十分豐富。總括黎講，冰室嘅質素，算是不錯了。反而杏仁霜多點杏仁粉就會濃味點。

最近都唔想係街度流連咁多，所以就買飯盒返屋企食啦～～～呢個雙拼飯真係幾好食！！啲蝦大大隻，每一粒都好似隻匙羹咁大粒😱😱😱😱咬落去好爽口👍🏾👍🏾唔係霉左既肉🤣🤣🤣夾埋個蛋一齊食真係正😋😋啲蛋炒得好滑，而且個滑蛋都幾大塊幾厚，應該落咗唔少隻蛋😍😍😍落重本呀！！叉燒份量亦都好多，每一塊都好大塊，而且肥瘦適中🤩🤩🤩🤩見到肥肉同瘦肉之間既紋路，真係好療癒😌😌個飯仲加咗啲豉油，係佢哋舖頭嘅秘製甜豉油，雖然佢係預先倒埋落個飯盒度，但係唔會浸到啲飯林晒，啲飯仲係一粒粒👏🏾👏🏾👏🏾👏🏾加埋杯熱奶茶真係冇得頂！ ！茶味夠濃，奶味又夠香滑，而奶嘅甜味又唔會過多，蓋過茶嘅味道❤️❤冇得彈️🤟🏾🤟🏾🤟🏾日本滑蛋叉燒蝦仁雙拼飯$59熱奶茶旺記冰室 (尖沙咀)尖沙咀亞士厘道29-39號九龍中心大廈地舖

旺記經常排隊滿座，而我每次都係因為愛爾蘭咖啡而返嚟! 如果只有我一個人食旺記，我實在會選擇唔到要食滑蛋飯定茶餐，但同埋男朋友一齊就可以叫哂最鍾意嘅野食!今次叫咗日本雙拼滑蛋飯，有叉燒&蝦仁，份量都唔少(叉燒有5件、蝦仁有3隻)，而滑蛋就佈滿整個飯底。蝦仁爽口彈牙，唔係細細隻的蝦毛仔；叉燒軟香，只係有啲部位就柴咗少少；滑蛋係半生熟狀態，加埋蔥香再淋上秘製醬汁，好滿意的味道!!另外一份叫咗茶餐，薑汁豬潤一丁(+$4)、豬仔包(+$5)、愛爾蘭咖啡(+$6)，好貪心全部轉哂最喜歡的味道。豬潤配合薑汁完全沒有腥味，一丁依然軟硬適中，只係要食得快啲以免過熟；豬仔包好香脆，好慷慨有兩大塊，通常我地會再額外加砂糖，停唔到口；而愛爾蘭咖啡係每次都會叫，好少餐廳會有得叫，其實只係好少酒精係味道唔錯架!!

自家製滑蛋叉燒飯呢間餐廳同朋友想去好耐架啦, 但係次次經過都見到好多人，金錢下午茶時間晏少少嘅時間去到，終於唔使等位啦。一睇到個Menu見到好多嘢都好吸引，最尾我就揀咗呢個自家製滑蛋叉燒飯。佢哋呢度嘅炒蛋係用日本蛋炒出嚟，食落有濃濃嘅蛋呀， 配搭埋佢哋嘅自家製豉油仲有蔥花，我就覺得非常之夾。至於叉燒方面，食落肥瘦適中，帶少少甜。跟餐就叫多咗杯凍奶茶，茶味都幾濃，飲落唔會太甜，係一杯幾好飲嘅港式奶茶。 總括而言，我就覺得呢間餐廳值得大家一試，如果怕等位嘅朋友可以去下午茶時間嚟，都應該唔會好full。

旺記係我其中一間lunch成日幫襯嘅快餐今次黎尖沙咀分店呢間個舖位大啲環境好啲舒服好多 座位同座位之間係有距離感 幾好！我通常得兩個選擇一係就係豬膶通粉一係就蕃茄通粉但轉火腿鮑魚絲 減低少少罪惡感 蕃茄湯底好濃好稠 好似一啖啖茄蓉擺入口咁 好正再加5蚊轉奶油豬 個包烘得啱啱好 真係外脆內軟架 加埋奶油的配搭 真係次次都秒殺個滑蛋就招牌菜啦 好香蛋味 又滑溜 飲品就一時時 薑汁奶茶好正架 茶如其名啦有薑汁嘅感覺又幾特別 勝在其他茶記無 鍾意薑味嘅人都推介試下👍🏼

之前聽過朋友講過旺記冰室蛋叉燒同滑蛋好食，剛剛尖沙咀店開店個時想去食，但個時太多人排隊，所以放棄左今日突然又想起呢間冰室，就諗起買過外賣返公司食，大概11am 去到，入到去覺得冷氣好夠凍，外面天氣實在太熱店內環境都感覺整齊乾淨，有卡位，店內已經有好多客人。店員幫我量體溫後就遞上餐牌比我，見到早餐可以去到11:30am ，又見到鮑魚火腿絲忌廉鮮雞湯麵係大廚熱烈推介又係人氣No.1，於是叫左早餐B 鮮忌廉雞湯鮑魚火腿絲通粉餐（$38），睇睇下餐牌見到另外有個三文治餐都好吸引，叫麥包三文治四重奏，因為之前聽朋友講過話好食，貪心嘅我又叫多左個三文治餐，，揀左我最愛既咸牛肉x雞蛋x花生醬x生菜（$32）連飲品。外賣大概等左5分鐘，好快可能仲未到lunch time外賣pack得幾好，返到公司都無漏湯，飲品都冇瀉鮮忌廉雞湯鮑魚火腿絲通粉早餐（8分），其他餐廳一般都係鮑魚絲或火腿絲是但一款，呢個有齊兩樣，湯底岩我口味，唔會太濃但唔會好淡，剛剛好，另外個滑蛋賣相好似熟左D，但食落原來好滑咸牛肉x雞蛋x花生醬x生菜麥包三文治 （9分）一打開見到D餡好足料好厚，好好食，味道幾特別，有埋花生醬，味道又幾夾，

呢個星期日日落住雨，唯有係公司附近叫外賣。之前同事食過<旺記冰室>，大讚佢哋既炒滑蛋，今日便去買份外賣試下。睇完個Menu，詁吾到早餐時段可以去到11:30am，又幾好喎!!~啱曬最愛食早餐/常餐既香港人。外賣包裝得乾淨企理，完全冇倒瀉出來。<鮮忌廉雞湯鮑魚火腿絲通粉>鮑魚絲同火腿絲份量不少,炒滑蛋炒得完全沒有過老，蛋味濃，夠曬嫰滑，非常抵讚!!~可能係外賣關係，麥包多士取回來後不夠脆，不過牛油味是不錯的。<麥包三文治四重奏>呢個三文治勁大份，如果女生吾大食，可以二人分享。材料有鮮免治牛肉、雞蛋、生菜、咖央。炒蛋份量好多好厚，免治牛肉嫰嫩的，加埋咖央味道，感覺咸中帶一點點微甜，健康好食又特別，值得一試。跟套餐的熱奶茶夠濃滑，熱華田正常，沒有失手。以外賣水準來講，食物質素不錯，等外賣的時間亦不長，外賣自取落完單後十分鐘左右便有。食物反到去仍然保持到夠熱，啱曬係附近返工，又要食外賣嘅OL吖!!~

每次到2:30先放lunch time，想食茶餐就一定會去旺記，而且一定會叫茶G，無他嘅，厚厚冇骨嘅豬扒再加來自日本嘅靚炒蛋，然後加上接近兩個嘅印尼撈麵，成個組合基本上冇得輸，好味又飽肚，當然唔少得佢嘅咖啡及奶茶，你食過嘅可以一試，包冇投訴，唯一缺點就係可能要排隊！

今日同朋友逛尖沙咀，揾地方食個靚靚下午茶。這條街都比較隱蔽，朋友帶我第一次來，好有新鮮感。店內環境唔算大，枱中間有屏障，配合最近政府餐飲業餐廳要求，牆上掛滿有趣卡通畫。下午茶可以好豐富，shopping 到有點肚餓，各自點了一個餐。鮮忌廉雞湯鮑魚火腿公仔麵，仲有日本奶炒滑蛋配鮮牛油奶油豬，蛋是超級滑；奶油豬好大個，很久冇吃過啦；港式茶記熱奶茶絕對是我必點的。朋友點了個午餐~鮮薑汁豬膶鮮雞湯麵， 有好多塊豬膶，塊塊好大件，補血，朋友讚賞個薑汁雞湯，好補身。仲有炒滑蛋配鮮牛油麥包厚多士，唔多茶記選用麥包。她的鮮柚子蜜相信是韓國那款。聽聞這店出面長期大排長龍，今日下午茶時段尚算可以。

這一日來到尖沙咀，專程去旺記冰室試試。下午茶時間的餐牌好吸引疫情期間，店舖也做好防疫措施，位置之間有分隔版，入去之前量體溫，裏面環境都好清潔店內有啲特別嘅飲品，不過我哋今次都飲一啲傳統嘅先，下次再試我哋叫咗這兩個下午茶餐：三文治四重奏餐西多士餐全部嘢食上枱，好吸引！奶茶茶味濃郁，飲落好滑，感覺好厚實。熱阿華田好好飲想不到很大份，材料充足！生菜好新鮮，鮮牛肉的蛋牛治好少食，而口感其實幾好西多士炸得剛剛好，糖漿足夠，裏面芝士令到西多士味道鹹鹹甜甜好得意。雖然食炸嘢都好有罪惡咁，但係久唔久就放肆一次啦！最後，大家嚟到都可以欣賞下店內嘅畫，畫嘅都係香港一啲景點，幾靚的好開心享受左呢間好地道野好好味嘅下午茶餐

之前辦公室於尖沙咀的時候,都來過了旺記冰室幾次。這家冰室遠近馳名, 每到中午吃飯時都已經有許多客人在外面排隊。這家店是同事介紹的, 一旦吃了, 就愛上了。餐廳座位不算多,但總算都坐得舒適。每每來到, 我都一定會叫” 叉燒蛋飯” 加凍奶茶, 而豉油就會請他分上。這兒的叉燒肥瘦適中, 不太愛吃肥肉的我都覺得不肥,可以接受。而水滑的蛋加上易入口的叉燒,再沾上甜甜的豉油,配上飯,味道簡直一流。而凍奶茶有濃香的奶味, 飲後都自覺得提神了不少。