日田蕎麥處 (已結業)

回來後，要四圍o係番呢度覓食了。「發現」o左呢間新舖，就試試吧叫得蕎麥麪店，理應試試蕎麥麪，不今日想食「手打」烏冬(真係邊得咁多手打)一個set，包了個帶子飯。帶子比起預想中有鮮甜味，飯粒口感亦軟熟另外的是冷烏冬，至為重要的咬口程度都達標，食落軟滑，夠冰冷。麵汁不錯還附飲品的

自從這店開張不久時來此吃過一次飯後，這一年來，都不曾再來幫襯過，直到前陣子的一天，終於舊地重遊，再來吃晚飯。雖說是吃晚飯，一場來到，當然並非吃飯，而是吃這裡主打的蕎麥麵啦！這次幫襯，叫了兩個蕎麥麵。「醬燒豬頸肉蕎麥麵」的豬頸肉大約有五六片，切得厚薄尚算適中，肉味一般，都算及格。「燒牛肩蕎麥麵」的燒牛肩質素較佳，四片的燒牛肩雖然較為薄身，不過就幾有肉味。至於最重要的蕎麥麵，與常吃的拉麵或烏冬相比，始終較為另類，在香港不太多地方會供應，偶爾來吃一下，即使未必十分好吃，也可當作轉轉口味吧！前次到來，試過這裡的「串燒牛舌」，覺得味道和口感都不錯，所以這次到來食過番尋味， 也叫了一客來吃，發覺水準仍能保持，佳！要是下次到來，才試試這裡其他不曾試過的菜式吧！

本來一眾人一齊想食冷蕎麥麵...可惜既係套餐大轉換...只有午餐先有冷蕎麥麵....要食一定要散叫...好啦...坐低左就算...本人就叫左個吉列豬扒蛋蕎麥麵+個魷魚天婦羅....我只係覺得好有屋企feel...點解咁講呢...個吉列豬扒冇分開上...係個面上面游水...攪到豬扒好似翻煮...外皮湖了...*咁佢圖片上都休浸住...不過一定唔係過頂....d 湯都唔算好油....咁就食...點知...攪到攪唔入...再講返魷魚天婦羅...點知佢一隻碟入面有2份...送過來又講得細聲....攪到我食左我朋友+我既份量...問佢d 侍應...佢講係呀, 同枱既話....係會group 成一碟...但我同我朋友又唔係坐係旁邊...咁我忍唔住口講左句"咁d 飯你又唔group 成一碟.."其實日本d set 都係自己有一碟...order 既你又唔事先問我group 得唔得送野來既又唔講大聲d 清楚d...呢個侍應只係識企係到...真係唔知想點...最後緊係算...都食左...攪到我都唔好意思...如果係店主既你, 我既意見係轉餐牌唔好真係一次轉晒...希望你睇到我既意見...

早聞奧海城開左間蕎麥麵專門店，早想一試，今天路過奧海正好試一下。香港烏冬拉麵專門店好多，但蕎麥麵好似真係無。呢間日田，打正旗號為香港首家蕎麥專門店，是令人期待的。其實我一向覺得蕎麥麵不能成為香港主流，是口味的問題。蕎麥，是比不上烏冬的彈牙滑溜，也比不上拉麵的煙韌，蕎麥取勝之處，是其蕎麥味，和其粗糙感，這兩點都不是香港人杯茶。香港人甚麼都要彈牙，魚蛋要彈牙，烏冬要彈牙，連珍珠奶茶ｄ珍珠都要彈牙，蕎麥是滿足不到香港人的。今日孤身來到，剛好有一張二人檯，唔駛等位即入。看了一下餐牌，連蕎麥麵都有幾種，說真的我真係無乜idea，問一下waiter，推介燒牛肩肉蕎麥麵，唔駛諗，去馬。等左一陣已經有得食，來到覺得湯好少，也顯得份量也不多。燒牛肩有四塊，原來燒牛肩有點像牛舌，但沒牛舌爽口，牛味依然，第一次吃覺得還不錯。湯底好清昆布鰹魚味，是蕎麥麵味熱食的最佳拍檔。主角蕎麥麵，waiter沒問我要那一款，想必是正常那一款吧，蕎麥麵有點腍，也不夠蕎麥香，坦白講，蕎麥麵是失望的，這小小的一碗要五十多元，也是偏貴。我還是覺得蕎麥麵應該凍食，熱食會吃不到蕎麥的香味，只有凍食才最能吃得出，而且麵的軟硬度也不會因為

到奧海城，行了一回，真不知有什麼好吃，大部份也是連鎖食店，見此店生臉口，就入來試一試。環境不錯，是晚店子清靜，店員算有禮，點的兩款食物也吃得過的，不過的確如果要多選幾款可能會頭痛，因為可選的不是很多，而價位方面，是平均地抵吃的。醬燒豬頸肉蕎麥麵 – 醬油湯底，此店的蕎麥麵分了六種，我點的是套餐，應該沒有選擇，來的應該是店方的田舍蕎麥麵，有些彈性，麵的味道幾香，個人覺得已經不錯了。而豬頸肉薄切，也是如此煙韌的質感，不過明明menu 說是醬燒，我們完全感覺不到有醬，也不要以為只燒了兩三下，燒焦少少就會收貨，吃下去我感覺不到，在這方面可有少少改進。炭燒雞芥末紫菜飯 – 飯用了兩種米來煮，飯的軟硬度是ok，汁倒是甜了一點，芥末紫菜有機會是四洲出品，雞肉有些滑一點，有些比較實，不過也都很入味，同是也燒得幾香。如果你來這個商場想不到吃什麼，又不想吃太多，不妨想想此店。ps : 在這兒想謝謝 ywjoseph928(西打哥) 早前與我分享了一些照相心得，今次的白平衡是對了。

繼續返學既日子，去左奧海城，見到呢間新鋪，咦，蕎麥麵Wor......叫左個五十幾蚊既海鮮蕎麥麵，野飲要+8蚊，有D貴Wor......麵係OK既，個醬油湯底都濃既(不過有D味精)，但係海鮮就雪味重左D，個魚餅反而係最好既一Part......一次就夠啦@@"

今日老公由MK帶我黎奧海城食飯,一入去就係M記KFC,EURO GOGO呢D快餐,但竟然係道發現到一間係平平地,環境唔錯既餐廳以為平野冇好野,但先講服務,係幾好架喎,例如WAITER冇催嗌野食呀..嗌WAITER黎又唔會要等好耐,通常都即到,而且冇催埋單,因為我地食到差唔多走果陣,有一家大細既黎左隔黎枱,但隔黎枱係4人位黎,佢地有5位,即係要用埋我地張枱先得,照計呢個情況,好多D低消費既餐廳都會:「兩位,請你地埋一埋單先,因為我地都幾多人下,要借用埋你地張枱,唔好意思」而佢地做法係同果一家大細講:「唔好意思,一陣幫你地加位幾位請坐先」食物方面又係唔差,份量唔係好大,但三十幾蚊黎計,就真係岩岩好,食完碗飯,岩岩好夠飽,我嗌果個炸豬扒飯,塊豬扒炸得唔乾之餘又鬆軟,飯面有D似肉碎似蛋既野,撈飯一流,有少少汁,以為個飯會好乾,但咁樣食真係好好味之後老公嗌左個牛肉飯糰,佢唔係好似好E食果D咁架喎,應該都係即叫即煎,上枱果陣仲熱,煎得好靚,夠實,佢唔係話飯包牛肉咁,應該牛肉係撈埋D飯?我唔見有牛肉,但幾好味,煎到岩岩好金黃色,又冇窿左,價錢唔貴,20蚊兩件,同黎送佢比既玄米茶真係好正我嗌既熱檸水,

星期六晚，大部份食店都排晒長龍，特別係Ricky San果兩間，見呢間唔係咁多人，又未食過，一於試下呢度。環境尚可，唔算坐得好迫。冷大蝦溫泉蛋蕎麥麵($45): 賣相就麻麻地, 但味道都OK既, 冷既蕎麥麵比熱既更為煙韌雜錦鍋燒蕎麥麵($48): 一開始食覺得味道唔錯，個湯都好夠味，但一食完凍既之後，相比之下覺得個麵好淋，淡口左，可能係個冷麵太濃嘞味噌大蜆鍋($38): 超淡口冇味，失敗之作雖然唔係話太差，但反啅機會唔太高囉，事關份量唔太多，食完好似冇食過咁，但再嗌又會好貴，都係食其他野好過。

好多個月無去過奧海食野今晚諗起甘味，去到時就見到轉左做蕎麥麵都好，入去試下啦因為話晒用蕎麥麵打正旗號所以就點了一熱一冷黎試燒牛肩湯蕎麥麵雜錦刺身冷蕎麥麵燒黑椒牛舌串蕎麥麵好像煮得太「淋」，無左彈口既感覺初時以為係熱食所以感覺「淋」點但係原來冷食都係反而，牛舌串好有驚喜我地共叫左三串我想...暫時沒有動力去食第二次

This is a newly opened Japanese Restaurant that specializes in noodles. I have to say, the noodles are quite nice as they tasted fresh and crisp. The food is not bad, but I wouldn't recommend their chicken rice, they missed the order for my girlfriend, and the meat came out hard and tasteless. We also ordered Japanese Style Barbequed Ox Tougue, cube size beef and eel. I wouldn't say they tasted bad, but weren't really surprising at all, especially the Eel tasted awfully unfresh. I realize that t

中國人新年喜吃髮菜蠔豉，日本人過新年時愛吃蕎麥麵(そば),喻意長壽的意思。自農曆新年久病未癒,這幾天去prefer去吃一些較清淡的,既然趁新年且人流不多,可以慢慢試一下它們主打的蕎麥麵。冷そば比熱的更能夠吃得出本身麵的口感和味道,所以通常識食之人都會叫一個冷そば,此店冷そば有六款,除了更科之外,其他都想試一下,今天還是要先吃個熱湯そば，盛惠十四元。熱湯そば的份量很多,覺得這碗十四元的簡直超值比想日本吃到的,這裡的比較幼滑,但對我來說,那份幼滑換來的就是少一份嚼勁。熱湯底帶甜,應該是由鰹魚,味醂,糖製成的,濃度適中,不錯小試另外幾款小吃,質素平平下次待病癒後,想來試一次田舍蕎麥就是吃那些較次等的,才有Original感覺

叫得蕎麥麵，梗要試一凍一熱。冷蕎麥麵不錯，定食餐配雞肉飯，d雞肉味道調較得很好，飯亦不會硬，不過麵湯就好明顯用粉沖的。至於熱的蕎麥麵也不錯，湯底不會太鹹，塊炸朱扒炸得不會太油，亦夠熱，夠脆。

原本諗住去奧海食烏冬,點知執左,才轉軚食蕎麥麵。成個餐牌85%都係蕎麥麵,有三文魚生飯、其他野,但似乎都係蚊型size。橫掂唔係好肚餓,清清地食吓。吉列豬扒蕎麥湯麵,吉列豬扒,我懷疑係翻炸,朕脆皮係實脆,非鬆脆。煙韌彈牙既蕎麥麵真係第一次食!湯又好飲。冷月見蕎麥麵,豉油不夠甜,淡淡地,撈埋蛋汁,雖然麵中增加蛋香,但我prefer淨點冷麵豉油,更能感受蕎麥味。燒牛肉飯團,牛肉粒燒到乾晒。飯粒一邊食,一邊跌,索性放落碗度,加點蕎麥湯,扮泡飯食,無咁乾。唔係話佢唔好食,蕎麥麵做主餐,因為份量少,味淡,有點寡for香港人始終爭d。食完好似,無真正食過正餐咁。試過就算。

同朋友係奧海城食晚飯, 見到之前既甘味變身為日田蕎麥麵, 見個個朋友都未試過, 就即管試下啦.首先, 成個格局都無變過, 都甘味一樣, 我地一行5個人, 點左一人一碗蕎麥麵, 有雞扒烏冬, 天婦羅蕎麥麵, 雜錦蕎麥麵, 燒黑椒牛舌, 田舍雞肉飯團, 鹽燒雞亦, 燒雞軟骨, 蕎麥麵炒飯, 冷蕎麥麵. 可能我地期望太高, 所以超級失望, 天婦羅蕎麥麵, 冷蕎麥麵和雜錦蕎麥麵, 配菜太少, 蕎麥麵好淋身, 好似食緊麵粉團, 成HK$40一碗, 簡直超貴.田舍雞肉飯團無乜雞肉, 無乜味, 只係覺得係燒過既飯. 鹽燒雞亦太乾太喊, 燒雞軟骨都ok, 蕎麥麵炒飯只係將d麵同飯炒埋一碟, 加少少酸酸地既汁, 太乾身, 粉到d麵都淋晒, 唔好食.雞扒烏冬個烏冬好味, 令人懷念甘味的日子, 雞扒乾爭爭, 又細件.燒黑椒牛舌....唯一一個想"再來一客"的作品, 肉質彈牙, 燒得剛好, 夠味, 一流. 主打的蕎麥麵很差......整體來說, 唔會再試....希望佢變番甘味

十一月中旬烏冬（讚歧、稻庭）、蕎麥麵來到香港，在配搭上，激甚者可來個咖喱蕎麥麵，又或蕎麥手卷，經港廚的手筆一揮，似乎沒有什麼不可能。是夜有些事情要來請教魚之達人，在等他忙完「炒檔」前，來看看新晉蕎麥麵專門店日田葫蘆裡賣的是什麼藥？再翻看內頁，蕎麥麵共有六款之多，甚至了綠茶味亦有供應，我的口味較傳統，要了基本的更科蕎麥麵，純粹取蕎麥種子比例較高，要了冷麵，而配料可自選，凡餐牌以內的，喜歡什麼都可以加。可惜是夜的Soba不夠冷，吃起來質感「粉口」，配上麵豉粒又或蘸汁吃都難下咽，愈嚼愈乏...更多的出事報告，歡迎參閱：http://foodxfile.blogspot.com/2009/11/blog-post_22.html