日牛涮涮鍋專門店 (已結業)

會員優惠券只用到30/12(日)假期冇落場 4pm前入座都係午市3:40pm 去到取飛 冇人排隊望見場內大把吉枱 未執嘅侍應冇睇倒有客 ……惟有入場內揾人招呼 講明係食午市 晚市貴好多可能佢哋都係咁諗 應該唔會掛！?好彩男經理都即刻安排單點 份量少 建議點任食上級牛肋肉 單點108 任食228牛肋肉薄切細件 肉嫩油花 双併豬肉併雞肉 份量少 味淡單點牛舌 $78 太薄切 唔韌唔嚡 灼就宿細 冇牛香味海鮮盛合 ~ 雪味重 蠔仔~細仔 腥元貝~有黑色物 有潺黐手大虾~ 2隻 唔鮮 甩頭有黑腸冇提供牛肉飯有粟米飯白飯無論食幾多錢 都係90分鐘1轉有枱剩都係要準時離場食得慢 hea嘅朋友 都要計好

以前讀書成日嚟打邊爐，好耐冇食，所以果日同朋友經過就入左去食！我哋揀咗最基本果個餐，包牛、雞同豬，再加$30要埋牛舌！牛舌真心好食！我地都refill 左一次，上菜都快嘅！其他配料就要出去拎！年紀大食唔到太多野，所以見到d 肉切到好薄，d 丸整到好細粒都覺食得好開心！快熟得嚟又唔會浪費食物！不過我估如果食肉獸嚟就可能會嫌太薄嘞！唯一我覺得唔好係番茄湯底真係太茄膏，反而朋友果個胡椒湯底落菜幾好食！埋單二百蚊到都可以接受！

下晝1點半去拎飛，等到2點9先有得入座入座左唔夠2分鐘上湯，但10分鐘都未上肉，催咗2次先上。同格離枱一齊入座，佢地無催就繼續得個等字，到最後又係要催先識上先講湯底，叫左胡椒牛湯，一黎到係幾香，但放左落去既食物到放入口，一啲味都無。肉我地叫特選澳牛，不過不失個放題少選擇到一個點，芝士腸唔好食，但粟米幾甜。個乳酪雪糕有原味同士多啤梨味，我覺得係全場最好食既野。總括黎講，$128既午市放題，個湯底無味已經係敗北。試過一次，唔會再去囉。

中午可以， 晚餐一定唔會再去， 食物種類太少， 服務員 不過不失， 在外面等咗一個小時有多， 入到去發現有唔少枱係未清潔， 安排有待改進。價錢貴咗少少， 不能說物有所值， 配料亦都唔齊， 總結一句唔會再去

我們一行二人行商場覺得好肚餓， 就選擇咗呢間日牛涮涮鍋專門店， 因為星期日嘅關係我們都大約等了十五分鐘才安排入座， 環境地方尚算整潔， 我們點了鹽麴蕃茄雜菜湯做湯底。湯底濃厚蕃茄湯味這個是澳洲穀飼牛加雞腿肉， 牛肉切得很薄好有牛肉味， 雞肉嫩滑， 還有很多配菜好像自助餐的選擇， 價錢都係$108， 吃90分鐘， 已經可以吃到飽飽了很滿足!

至少５年冇去過荷里活廣場啦，變動唔算大，食野既鋪頭都未面目全非，好彩😅忽然想食火鍋，lunch又唔想食太飽，呢間「日牛涮涮鍋專門店」就岩哂啦，一人一鍋，而且係半放題形式，自己食幾多自己揀，唔怕食唔哂😉 —佢果到有1️⃣午市單碟套餐+自助區放題，2️⃣午市放題，午市放題貴啲，但野食質素都會好啲，而且肉類任食😃。不過要小心一樣野❗️如果你諗住2個人各叫一邊，咁咪可以又有任食肉類，又可以平啲囉，你就大錯特錯，因為間野好醒目咁知道香港人既"度縮"，佢講明如果成枱人有任何一個人叫左1️⃣，其他人都唔可以叫2️⃣😅—藍妹唔想食太多肉，叫1️⃣就可以了。每人都會有獨立既湯，要讚一下佢旁邊有個膠盆，固定湯鍋既位置同時，亦防止顧客燙親❤️男朋友叫左「特選」，牛肉既色水真係靚好多，食落去都有啲肉味🤔藍妹既係「牛肉，豚肉，雞肉」，大家都見到啦，同「特選」既牛真係差好遠，太薄啦，好似食風咁💨雖然牛唔太得,不過雞肉都唔錯，豬反而好食過牛😂自助bar離不開都係果啲，款式都有20樣左右，仲有蕎麥麵添👍藍妹最鐘意佢果到既乳酪雪糕，任食，自己吱，唔會好酸，加埋朱古力脆脆，正😍

黃金周去完旅行之後第一日返工，成個禮拜冇見既男朋友話一齊食飯，所以就尼左荷里活廣場7點左右門口已經好多人，以為要等啦原來即刻就有。呢度係一人一鍋既，自己就可以揀返岩口味既湯底啦牛肉分價錢比唔同質素，我地揀左$178 呢款，完全冇肥，瘦得可憐又韌豬肉反而仲好少少同大多日式火鍋一樣，出面有菜呀丸之類既配料任夾，睇到D菜好新鮮，另外有我最愛既葛絲超開心!野飲方面，有熱飲自助吧汽水機仲有飯後甜品雪糕，可以加唔同醬同配料。

話說叫左過午市放題，係最後5mins食緊個雪糕果陣，個女侍應就已經黎吹話已經夠鐘，咁我哋其實都係諗住食埋雪糕就走嘅。到真正夠鐘果刻，我哋食緊最後少少雪糕果陣，佢又再黎吹多次，咁我哋就廢事被人誤會我哋想霸住張枱，所以都冇再食埋杯雪糕。諗住抹埋嘴就走，點知個女侍應吹完唔夠10秒，個男侍應就黎吹埋第三次，仲要話我哋過左時好耐夠鐘交枱。大佬，我哋都明顯係準備起程離開你間咁嘅舖頭啦，仲有冇需要吹完一次又一次呀？1. 你哋兩個侍應圍哂係到，準備開戰呀？2. 其實我哋食完已經4點幾，間舖咁大其實都係得3枱有人，完全唔係咩繁忙時間，真係咁驚我坐多1-2分鐘間舖會因此而有咩損失？3. 其實有常識嘅人都知抹嘴呢個動作係代表我已經食完準備走，你又衝過黎吹，真係咁唔識得睇場合吹啲真係賴死唔走會影響你做生意嘅客咩？打左咁大段野，其實都只係想講吹人交枱都應該要吹得合理少少呀，而唔係咁樣囉，唉

係日牛最開心就係食午市套餐因為佢午市真係好抵一個人幾十蚊就可以任食啲牛肉同豬肉嘅質素都好好不過啲雞肉就老左啲配菜方面都幾多選擇最鍾意就係食嗰個魚豆腐仲有一杯好好味嘅乳酪雪糕作為結尾好味！

呢到嘅lunch set好抵食，可以任食90分鐘，所以有時放假想打邊爐就會食呢間，今日同朋友2點去到，已經好多人等緊位，兩人枱都等得幾快，大概15分鐘就有位。入座前，店員會幫我地落左單先，因為我哋食左小食先黎，所以只係叫咗單碟套餐，一牛一豬，湯底就揀咗番茄湯！入到去就即刻攞食物，基本上都係得蔬菜、丸類、麵條同埋有牛肉飯可以自己‘筆’黎食！返到位啲野都已經上晒，好快手！個湯底唔係好濃，但都有味，食材其實都正正常常唔會係難食，講真，咁嘅價錢可以90分鐘任食已經好好，雖然得一碟肉，但我食埋其他都好夠飽，佢仲有其他set，可以揀唔同級數嘅肉，但因為我地都係貪平，所以唔會太高要求而我最鐘意就係有frozen yogurt 食！仲有幾款topping可以揀，我就鐘意加粟米片同焦糖醬，好好味！次次都食幾杯先走

今晚1830入坐，開始時牛豬肉都限快就上枱，但直到45分鐘後就開始等，由於我不食牛肉，所以只好點豬肉，第三次下單兩盤豬肉時等了15分鐘，催促了兩次才由好員工肥哥哥親自到廚房拿來給我。1930再一次下單一盤豬肉，等到1953都沒有再上，然後只可找經理反映問題，雖然經理提出欠什麼可即時拿回給我，但由於時間問題我已無法再等下去了。。所以亦婉拒經理好意。現請日牛好好檢討走單漏單問題，我相信這是個別事件，但希望貴店明白，作為一個食客，90分鐘放題要用30分鐘以上去等待食物是不能接受的。

剛剛踏入二月，寒風到港，唔食暖野暖食都唔得！一諗就諗起打邊爐呢間我覺得抵食，但限時90分鐘。我地點了最平既餐，牛既質素已經好好，豬同雞都正！抵食之選食完仲有yogurt食，可以拎走，配料任加

因會員Coupon晚市買一送一 唔好嘥.....冇coupon 就“唔會“再考慮食呢間嘅晚市加咗價 晚市$158+10% 得90分鐘食得趕食物同午市相若 🐔🐮🐷🌿🍀🌱🌽🍦☕🍵牛豬雞 濕滴滴 菜有生銹邊仲要冇埋“吉牛飯“ 只有白飯 & 粟米飯 ... 午市$108 會員免加10% 閒日食到3pm 可以慢慢食晚市多咗2個湯底 冇驚喜.....“魚介味噌湯“~ 奶白色 冇魚味 “清酒生薑雞湯“~ 酒味重嘅雞粉湯都係“昆布湯“清香啲 味道冇咁濁.....加埋 白滑豆腐 冬瓜 .... 必食可以加錢再叫 蚧腳 海鮮(急凍貨) 牛舌...但.....都係90分鐘切記....夠鐘就會被趕走 就算有大把枱剩 都冇情講資深女侍應(面木) 都幾霸氣通知“你夠鐘啦“仲以為係靈魂要被回收 ... 笑咗還好...有位新啲嘅“女侍應妹妹“有禮貌 又勤快 又有笑容 唔明點解 ... 眼見有吉枱剩 都“冇“安排客人入座 又係 雞毛令箭的故事！？

今天專程來荷里活廣場買東西，食飽先有力行，行到日牛，牛肉涮涮鍋放題只需$108/位，限時90分鐘，不用排隊，飛身入座自己涮鍋湯底自己揀，三個人每人一鍋，各自各精彩！肉類有牛肉、豚肉和雞肉無限追加，蔬菜可以自己出去吧枱取，飲料有多款汽水，還有乳酪雪糕三種肉類中，牛肉最好味，放在湯內拖幾下，色澤轉為粉紅，這個時候吃最鮮嫰，肉汁被鎖住，百食不厭！食涮鍋除了有肉可食外，還可以吃大量的蔬菜，夠健康！👹最魔鬼算是這個了！

好耐冇打過邊爐，今日就嚟咗荷里活廣場呢度食咗呢間涮涮鍋😆不過可能系因為lunch hour，我哋兩個人食都等左成20-30分鐘😢😢雖然等左好耐，不過都算值得嘅😋我哋兩個人都唔算好大食，所以淨係叫咗一人一碟肉，食90分鐘😝其實都已經夠晒飽😝😝因為我好鍾意食金菇，所以我一開始就拎左一大碟金菇返去，最後差唔多食足全程😋其實每次去食啲日式火鍋，我都係最鍾意食個乳酪雪糕，每次都起碼食三杯！！我覺得等緊啲菜同肉滾嘅時候，最好就係食住乳酪雪糕，咁就唔驚浪費左啲時間啦☺️☺️