日日涮 (已結業)

美孚都可算是美食沙漠，但日日涮可算是可以令我改觀的餐廳啊！今次選了最平實的特級美國肥牛放題（$298), 最大特色在於有一大盤海鮮盛合，以及刺身任食。日式Shabu shabu 以食肉類為主，而港式邊爐則有肉又有海鮮，比較豐富。日日涮就將兩者合二為一，肉類海鮮兩不誤，適合三心兩意的港人呢！特選刺身拼盤雖然主打食火鍋，刺身只是"小菜". 但也絕不欺場。首先，刺身種類多。之前都食過有供應刺身的日式涮涮鍋店，但就只有三文魚一款可供選擇。這裡共有五款以上！三文魚帶光澤，有魚油香。吞拿魚則肉質細滑。帶子size 特大，甜美得很。牡丹蝦爽甜無腥。赤貝爽脆。簡直可以跟壽司店有一拼！食Shabu shabu 不可或缺的是湯底及牛肉。選了跟牛肉最匹配的壽喜燒湯底，味道甜甜的，令煮過的肉類也甜起來，再蘸一下蛋汁，令肉類更滑嫩。Bf 選了和牛清湯。日式和牛清湯的湯底味道濃郁，香濃的胡椒味道既與海鮮很配搭。牛肉選了最普通的一款- 特級美國肥牛。雖然不算是很高級的牛肉，但油花也挺漂亮。肉質軟嫩卻不會太過肥膩，而且牛肉味甚濃。黑毛豬豚肉的花紋亦很漂亮，肉質爽而不肥膩，而且沒有豬肉羶味。雞肉採用雞腿肉，嫩滑無筋。切

尋晚去美孚探我阿哥，晚上佢就帶我哋到樓下食晚飯，呢間~日日涮~剛剛開業冇幾耐，睇嚟好受街坊歡迎，地方夠寬敞舒服，食物質素有意想不到有這樣高檔，我哋點選了三款湯底，一款骨膠原雞湯，滋陰又濃甜。第二款日式壽喜燒，鮮甜滋味。第三個泡菜豬骨湯，濃郁蜜甜又火辣辣。三款都各有特色，單單一個海鮮盛盒已經值回票價，整盤海鮮盛合裏面，鮑魚、龍蝦、貴妃蚌、扇貝、海蝦、海蜆全是生猛猛地旭動著，睇到都令你垂涎三尺，還有size不是小兒科，份量十足，只要你焯熟時間配合得剛好，嘩!你就品嚐到什麼叫做人間美食，鮑魚嘅肉質鮮甜到不得了，柔軟綿滑，鮮味無窮。龍蝦爽甜彈牙，汁液豐富，其他海鮮都不遑多讓。另一款特選刺身拼盤，都不容置疑，餐廳對海鮮嘅要求，畀客人更加嚴格，三文魚、甜蝦、吞拿魚、油甘魚等等…唔會令客人失望，食材有嚴格嘅挑，一盤滿滿的刺身，三文魚跟吞拿魚還有油甘魚，油光閃令令，肉質柔軟蜜甜，鮮味無窮。大大隻嘅甜蝦爽脆多汁，優質食材，冇得輸。還有佢嘅美國特級肥牛，無限量供應，每一片都肥瘦均勻，光澤亮晶晶的，幼細薄片，不用費時，只要輕輕一燙，一片軟滑嘅肥牛，一啖地被你融化，極致享受。也有其他豚肉/雞肉享用完今個晚餐之

朋友屋企樓下新開左間日式火鍋放題店，信箱又收到啲優惠劵，就帶我嚟見識吓。估唔到個商場地下咁靜，但上到嚟竟然要攞飛等位，好多人等緊添！等左大約半個鐘先有得入座，原來入面好寛敞，枱與枱之間隔左兩個身位，真係好難得，食得特別舒服。有四個級別嘅牛可以揀，特級肥牛($178)、頂級牛小排($248)、澳洲和牛($318)、日本霜降和牛($378)，限時90分鐘。仲有豪華版，只係多$120就可以食多三十分鐘、多左個刺身拼盤、海鮮盛合、雪糕。基本上場內個個客都係食海鮮餐，食完就知超值，除非你唔食海鮮，唔係我認為呢$120係一定要加！我地就揀左豪華版頂級牛小排($368)，個刺身拼盤真係新鮮，連海膽都好鮮甜。海鮮盛合係超級出色，有六款海鮮，每一款都好掂，鮑魚係郁緊，連龍蝦開左邊都仲識郁，生猛到不得了。龍蝦好厚肉，又彈牙又鮮甜，仲有龍蝦膏添。連隻龍蝦鉗都大大隻架，好好食。食完龍蝦肉，記住掉返個殼去熬湯呀，會鮮甜好多架！頂級牛小排還可以，冇乜大驚喜。豚肉就切得薄片，好快就熟。出面亦有大量蔬菜、面條、丸等等，排列得乾淨整齊。飲品估佢唔到﹕竟然有嘉仕伯，算係貴野，放題好少會見到。最後，一人一杯雪糕，為今晚畫上

朋友急call叫我去佢美孚屋企附近食日式shabu shabu,有咩甘特別？我屋企附近都有啦？！原來呢間shabu shabu有貴價海鮮餐食！見到海鮮盛盒張相都已經流晒口水，想食最平都係298！已經包豬牛雞任食，以及一次海鮮盛合同埋刺身！平時無海鮮既shabu shabu都差唔多價錢，依家加多少少錢帶龍蝦，帶子，蠔，鮑魚等，立即拍板！落左單之後就立即去拎野飲。呢度比較多支裝飲品，最特別有兒時回憶椰奶！另外有嘉士伯任飲，再唔係難飲到嘔泡既獅威！自助區醬料有六款，選擇都算幾多。另外有生菜，金菇，栗米等等既蔬菜，脆皮腸，芝士丸，韓式年糕，貢丸，百業豆腐，烏冬soba等，全部都係限時內任食任拎！睇見到覺得飽湯底小魚蕃茄湯泡菜豬骨湯小魚蕃茄湯有4-5條銀色小魚，令湯底味道更鮮。我自己就再係自助區拎啲蕃茄加落去，變超級蕃茄湯！泡菜豬骨湯唔太辣，但好惹味。我覺得呢個湯底去烚熟啲肉比較好食啲！因為我唔食牛既關係，我只試左雞粒同豬肉片。豬肉片好靚仔，睇落好新鮮，而且好多脂肪位，食落真係好多肉汁！食食下，我地期待已久既海鮮餐到喇！份量係按照人數去比，呢個二人份量都幾多！魚刺身有三文魚，劍魚腩，吞拿魚。全部

老友住美孚，我地約左行街shopping，之後佢帶我去佢屋企附近有間新開shabu shabu放題店: 日日涮!!!晚市放題有90分鐘同120分鐘兩個時段，而120分鐘放題仲包括海鮮盛合(火鍋用)同刺身拼盤添~要食當然食120分鐘果種啦，4個價位主要分別在牛肉級數~ 其餘嘅黑毛豬同雞腿肉就每個餐都有，而且係任食架!湯底有6種選擇，我地揀左骨膠原雞湯同日式壽喜燒湯底...前者match蔬菜類，後者match各式肉類，特別係牛肉!!餐廳中間有個自助區，可以自由攞蔬菜、醬料等等...飲品就有一大個櫃比你自由選~ 基本嘅汽水同啤酒都有架!見到都開心^o^嘅雪糕櫃(食120分鐘放題至有架!)海鮮盛合: 有生蠔、扇貝、沙白、貴妃蚌、海蝦、鮑魚同南非龍蝦!!! 超豐富! 其中嘅鮑魚係超級生猛~ (要用video拍低添~) 而龍蝦係大大隻，新鮮又多膏!掛住食海鮮同肉，反而唔係食左好多菜~~ 罪過罪過~另外，廚師隨機挑選嘅刺身拼盤都好正! 我地呢款有海膽、三文魚腩、帶子等等，未開始shabu shabu之前，都已經食得滋味~實在忍唔住影左好多相呢~ 哈哈~最後，雖然已經好飽，但都唔好忘記仲有Häagen

難得美孚出現日式放題👏👏海鮮新鮮任食美味牛肉👍還有多款任食素菜肉丸等等 一行7人每個都食到飽飽而歸😋一個字正👍第日唔使坐車外出食 在區內已食到日式放題了😉🤣

連續幾日落大雨，天氣涼左好多，趁呢個機會打個邊爐就最好，同事家住美孚，介紹我去新開張嘅日日涮shabu shabu餐廳入口位於麥當勞隔離，扶手電梯上三樓，入門口後就見到和式裝潢外貌，侍應立即安排入座每個位置都有獨立小電磁爐，衛生之餘仲可以自選湯底，湯底共有五款可供選擇，鰹魚昆布湯，骨膠原雞湯，泡菜豬骨湯，壽喜燒湯，小魚番茄湯，和牛清湯套餐共有多款唔同級數牛肉可供選擇，還包括一個海鮮拼盤及刺身拼盤，啱晒大胃王一族除此之外，出邊還有生料及蔬菜自助吧，超過廿款新鮮蔬菜任君選擇當年少不了自助飲品櫃，汽水，涼茶，嘉士伯啤酒，韓式飲品全部任飲刺身拼盤，有三文魚，牡丹蝦，吞拿魚，油甘魚及海膽，全部都新鮮夠鮮味海鮮拼盤絕對係重點，大大隻南非龍蝦手臂咁長，肥大肉厚龍蝦羔超級多，甘香味美，肉質爽彈夠晒鮮味，食完超滿足貴妃蚌及扇貝兩款貝殼類，超大隻多肉，鮮味度極高生蠔海水味濃，海蝦彈牙，鮑魚放在盤上仍在郁動，鮑魚味當然係超鮮我地點左澳洲和牛套餐，和牛質素當然有保証，入口即溶，牛肉味相當夠，而且就算淥得耐都唔會覺得靭黑毛豬豚肉，一片片很薄身，肉質同樣夠晒嫰滑特選雞腿肉，厚切雞腿肉質鮮嫰，口感一流打完邊爐最後仲

新開左間日日涮，雖然天氣已經好熱，都要食下試新野。初初以為只有牛肉食，睇真啲，其實每個餐都有豬同雞，分別只係牛肉唔同，如果唔食嘅牛可以唔洗諗，直接叫最平$178就得（90分鐘無海鮮）但今次為了食海鮮，點左$298美國肥牛放題（120分鐘）2人食，每人一個小鍋，唔同湯底，重點海鮮，每人半隻龍蝦，其他包括帶子，蝦，鮑魚，蟶子，硯，蚌。龍蝦鉗已經整左裂縫，熟左後好容易打開食。醬料區選擇比較少，而且沒有新鮮辣椒，得辣椒乾。bar枱有款紫薯年糕唔錯，可以一試。4

今日同老細去左美孚收貨，夜晚老細叫我唔好返去食飯，請我打邊爐🤣我地本來想去富X皇宮，黎遠見到塊banner有邊爐打，梗係去啦！老細住美孚新邨架，佢話佢都未見過間野，新開的！先頭辣隊去試下啦！$298任食，有刺身、海鮮盛合、牛、雞、豬，7:15前埋單$268，我地當然把握呢個優惠啦！先揀左湯底，我地一個揀「骨膠原雞湯」一個揀「壽喜燒」，雞湯比較普遍，清清地，壽喜燒就比較甜，好入味！刺身來了，刺身限一round，師傅見我地兩個人已經準備好二人份量，刺身除左基本既三文魚、吞拿魚、甜蝦之外，竟然仲有海膽！海膽一d都唔腥，好柔滑，入口即融！三文魚筋位分明，魚油味豐富。我都幾欣賞呢個份量，打邊爐前食少少，又可以試下唔同種類，又可以當開胃！之後就係今晚既主角，海鮮盛合！我見到時真係O左咀，有好多唔同既種類，最O咀之選當然就係南非龍蝦啦，龍蝦分開兩邊之後仲識郁架，成隻上好豪氣！由於個鍋比較細，落左龍蝦已經full左，可想言之幾大隻！仲有鮑魚、海蝦、蟶子皇等。建先落鮑魚同蠔先，因為呢兩樣野要長d時間，鮑魚好新鮮，一d都唔靭。扇貝同沙白都好出色，扇貝好大隻，放入鍋好快已經骨肉分離，至於沙白，起初都唔知咩叫

父親節到了, 又係時間做乖乖女, 知道爸爸鍾意食放題邊爐, 最大嘅原因係佢鍾意食食下又可以出去拎下嘢食, 唔使齋坐咁悶. 另外, 佢係不折不扣嘅海鮮迷, 上星期見到有網上雜誌介紹開咗一間新嘅牛鍋, 每位食客於晚市惠顧都可以有海鮮盛合一客, 當中包括龍蝦添! 佢好似一般牛鍋放題一樣, 牛肉有幾個級數, 可以選擇父親節一於食好啲, 我哋點咗日本霜降和牛放題, 首先選擇湯底, 有日式和牛清湯, 小魚蕃茄湯, 日式壽喜燒, 泡菜豬骨湯, 骨膠原雞湯, 鰹魚昆布湯. 我係一個不折不扣嘅蕃茄迷, 當然點小魚蕃茄湯啦, 佢真係有幾條魚乾響湯裏面, 跟住自己在喺buffet枱上攞咗幾片番茄加料. Buffet枱上有好多食物嘅選擇大部分都同其他牛鍋差不多, 例如唔同菜嘅款式, 肉丸魚丸類別, 稻庭烏冬, 小雲耳, 菇類等等, 除此以外仲有好多調味料咁俾大家 ”搞來搞去” ^0^! 到侍應端上湯底嘅同時, 第二個侍應立即送上刺身和海鮮盛合. 刺身拼盤上有牡丹蝦, 帶子, 三文魚, 吞拿魚同埋劍魚腩, 開完全唔駛剝殼, 而且四個大蝦頭排得好靚! 大蝦頭可以用嚟淆湯令湯底更鮮甜, 又或者就咁食蝦頭

食物新鮮，冷氣夠，服務態度都唔錯，晚上放題如不食海鮮，就90分鐘，食海鮮120分鐘，價錢有平有貴，百幾至4百不等。雪糕每人一杯，分別有Haagen-dazs 和 movenpick, 有定位服務。總括來講都不錯，都可以值得一試。

是日不用上班，試左邨友推左2星期既日日涮，喺個死場開飲食真有勇氣！午市有丼飯，亦有60分鐘定量火鍋定食及90分鐘放題火鍋，唔想食得咁趕，所以揀左90分鐘放題，而且牛，豬，雞都食到，肉就正正常常，如想食好少少，記住揀第2個價位，最平$109嗰隻牛真心難食。。。先來肉類各一碟，其實正常人食晒呢3碟肉都會覺得飽架，再上拎埋自助區既菜同丸，基本上加肉就唔加得幾多碟。湯底有幾款揀，骨膠原雞湯、泡菜湯、壽喜燒、昆布湯等等，細寶今次揀左壽喜燒，湯比較單調，喺自助區拎啲洋蔥、菜同菇做返個湯頭就正喇！飲品櫃內飲品係住飲既，選擇係多，但比較多不知名飲品，唔係好敢飲，都係飲返正路野穩陣！最後就係成餐飯既重點！午市放題都竟然無雪糕食啊！😭😭😭😭😭