日嚐 (綠楊坊)

營業中

休息中

叫咗兩個餸 - 麻婆豆腐、午餐肉苦瓜炒蛋我都唔明呢兩個咁普通嘅餸可以點樣出錯個麻婆豆腐極酸，浸味有啲似酸辣湯又有啲似泡菜。另外嗰個苦瓜炒蛋極之鹹，但中間又夾雜咗啲酸味，唔明佢係點樣烹調出嚟，到底係咪啲油鹽糖掉轉晒嚟落？兩樣餸我都唔知佢係變壞咗定係煮得衰，我而家好肚餓好似完全冇食過嘢咁，又要再嗌外賣，我衷心勸告各位街坊千祈唔好再幫襯，去對面百佳買啲斬料仲好，如果唔係食完搞到腸胃炎更加係得不償失🙏🏼🙏🏼

本身唔係好鐘意食兩餸飯，因為之前買過超x同佳x嗰啲，雖然大份，但味精勁多，而且油膩到不得了⋯⋯始終咁平都係要用味精搞掂啲平價肉，所以都唔會要求啲乜，但係食完真係幾難回頭而呢間只係試過三次，因為三次都係揀蒸餸同蔬菜為主，除咗豬扒唔好食之外，其他蔬菜類食過還可以，今次揀嘅雞肉都ok，另一個豆腐就一般，以為上面係雜豆汁，原來係肉嚟。佢嘅餸比一般兩餸飯少，不過上次揀四季豆又多到可以兩個人食，但其實喺荃灣除咗素食工x之外，呢個係第二間我會買的。

買三餸飯。有個呀姐態度好衰又無禮貌，淨番餸尾，夾硬將渣渣夾晒比我當一個餸，我話仲咩夾晒渣渣比我？好核突，好似煎完嘢，燶咗，剷啲鑊渣比你咁，嗰下真係勁嬲，有咩理由夾咁多渣比個客，正常應該攞盤新嘅再補，佢話：叫得就當你接受，夾多咗瓜（翠肉瓜）比你。下，我嗌番薯雞翼（得兩隻+一小塊蕃薯）。仲有啲餸都係咸味極重好想知平時雞翼個餸係咪得兩隻雞翼+一小塊蕃薯，係一小塊，連角切都唔係。如果唔係開喺商場，諗住衛生啲，我係絕對唔會幫襯嘅。

近排keep住幫襯呢間三餸飯，味道是ok的，唯獨是其中一個阿姐刻薄又孤寒，唔知以為佢係老闆，分餸份量少得可憐，係咪想留返自己宵夜，太過份，請認住這個短髮冇戴眼鏡的阿姐，見到佢就冇運行!!!

疫情開始，一路keep住幫襯兩餸飯，之前以為執咗好傷心，點知又開返，不過改咗名。見到門面靚左，價錢貴左，一碟碟餸擺得好整齊，但隻碟會唔會太細？排左一陣，心儀嘅餸已經清空曬。第一次，試兩餸飯，因為未知質素如何。點知揀完餸呆左，下?! 得咁少？俾$4x蚊喎，得兩餸，份量仲要咁少? 兒童餐都唔止啦！有啲當你係水魚嘅感覺。講真，味道ok，不過只適合雀仔胃嘅朋友。

前身係巧手。性價比好低，味道唔差，但餸嘅份量真係少得可憐！個阿姐好孤寒！唔會再幫襯，去隔離百佳食2餸飯仲抵食囉，人地$30大大盒⋯⋯⋯乜豆腐蝦滑好值錢架咩？得三舊，喊出嚟😂

今天晚上媽媽買外賣，最近的兩餸飯店非此莫屬。兩餸分別是三色蛋和西蘭花，配搭此店特色之珍珠米，又一兩餸飯「傑作」。蒸蛋嫩滑而堅挺，也有合理的鹹／皮蛋分佈，其實不錯。米飯尚算濕潤飽滿，且熱度適可。只是西蘭花略嫌辛辣，不與香蒜無關。所以說，兩餸飯，不必頹。