日の麵屋

營業中

休息中

估唔到$40連一杯熱嘅綠茶有一個算係高質嘅滑蛋炸魚柳飯！西九龍8樓food court應該係平民飯堂，所以$40都算係一個中位數，但係出面出面冇可能用呢個價錢食到Menu個樣睇落以為係好似蛋包飯咁樣，但原來係好似親子丼嘅滑蛋咁，滑蛋比較水，而且落咗洋蔥同味琳，算係比較濕嘅飯，但用料都算多喺魚柳下面都仍然會有蛋汁，個人唔太介意醬汁，所以覺得都唔錯至於炸魚柳，都係新鮮炸起，外表金黃色，有可能用氣炸鍋炸，而且有兩塊，好開心，不過唔好要求咁多，應該都係啲急凍魚柳呢個價錢呢個質素我覺得已經好好👍🏻而且店舖冇用即棄大碗👍🏻環保值加少少分👍🏻

估你唔到，本來抱住一試無妨嘅心態試試你個黑日，點知有驚喜，濃郁豬骨湯再加上香濃嘅黑蒜油，黑蒜味好出，叉燒肥瘦適中，我鐘意😋，整體嚟講性價都幾高，下次會再嚟，希望可以保持到水準啦。

行開西九龍中心，肚餓上咗8樓美食廣場搵嘢食，發現有間新開嘅拉麵店仲有沾麵食，就試咗佢個赤海老沾麵，因為老闆話個蝦湯係自己新鮮熬煮，今日限量5碗咋😂發現佢個湯鮮蝦味真係好濃厚，一攞餐已經聞到，食落陣鮮蝦味真係無得頂，好好食🤣而且賣相都相當唔錯👍🏻整體來講絕對拍得住出邊啲高價拉麵店，雖然$72喺food Court來講唔算平，但出邊一定食唔到，所以性價比係高嘅，絕對唔係將貨就價。下次會再去試埋其他😂

今日試咗佢哋嘅唐揚炸雞（小食）同招牌系列嘅白日🍜(日本豬骨湯底拉麵)佢仲有其他3️⃣個日(黑日🧄，紅日🌶，赤日🦐)🤤🤤🤤🤤🤤🤤白日超正🤤湯味濃郁鮮甜一極棒👍🏿同落咗味精嘅湯底唔一樣🤤👍🏿👍🏿👍🏿👍🏿仲有啲叉燒係自家製自己扎都好好味整體賣相都唔錯👍🏿配料都好足味道啱啱好👍🏿而且新開張每日都有唔同種類嘅試食價而且學生仲有優惠可以送汽水飲品👍🏿啱晒啲學生