日の苑西日式外賣專門店

營業中

休息中

金菇牛肉飯即叫即做，所以要時間等待。牛肉很多，唔會太薄太厚，好在唔係超多脂肪，金菇鋪墊在底部，吸收不少醬汁，仲有不少蔬菜，很健康。另外仲有日式湯水，都唔錯。花之戀三文魚厚切，肉色光澤，每一啖都係鮮嫩，仲有爆多的蟹子，甚有口感。灸燒鰻魚壽司鰻魚照燒，鰻魚算大塊，食起來唔錯。。。大蝦拼玉子壽司小朋友至愛，蝦肉大隻又爽口，玉子結實，蛋香味濃。雙色火龍卷脆炸蝦肉，仲有鮮甜蟹柳，清新的青瓜條，一邊有紫菜，一邊是蟹子，兩種不同的口感。炸雞炸雞用上雞腿肉，所以肉質嫩滑，如果好彩，仲係即叫即炸仲惹味，配上沙律醬，食起來很開胃。

👩🏻‍🍳日の苑🧑🏻‍🍳👣值得科勞指數：🏃🏻🏃🏻‍♂🏃🏻🏃🏻‍♀🍣火炙三文魚帶子壽司（$48）🍣雜錦壽司（60）🥗三文魚大蝦芒果沙律（$55）🍡抹茶蕨餅 （$20）🍮兔兔芒果奶凍（$15）位置好方便，地鐵一出就見到，店面簡潔乾淨，職員好NICE，光顧感覺良好。食物方面，火炙三文魚帶子壽司正，係我鍾意GE combination，壽司飯多，男仔食都飽。三文魚大蝦芒果沙律新鮮，大大碗，下次外賣，呢間的確係唔錯GE選擇，性價比高。📍 地址：佐敦寶靈街41號地下C號舖#香港美食 #hongkongfood #hkfoodie #hkfood #餓底 #foodstagram #hkrestaurant #香港美食 #followme #followmetasting #日の苑 #奶凍 #佐敦探店 #佐敦美食 #壽司 #蕨餅 #佐敦探店 #佐敦美食 #外賣壽司

日の苑西日式外賣專門店全部都係選用新鮮食材，而且有多款壽司、刺身、手卷、飯團🍙沙律菜、前菜、便當🍱等等…價錢大眾化，壽司🍣飯團🍙件件都份量十足！我今次就買咗啲返屋企做晚餐😌ღ田園野菜沙律 $38嘩！超抵食呀！勁大盤沙律菜新鮮爽脆，仲有烚蛋健康又美味😋ღ吞拿魚玉子 $30口感軟綿，玉子裏面加上吞拿魚食落更香ღ雜錦壽司 $48雜錦有5件唔同嘅壽司🍣蟹柳、鰻魚、蝦、三文魚同左口魚邊每一款都好新鮮，而且份量十足！勁飽肚ღ三文魚牛油果卷 $45三文魚肉質細嫩鮮美，口感爽滑，加上軟滑嘅牛油果🥑同爽脆蟹籽，味道豐富ღ飯團🍙鰻魚飯團 $16磯燒帶子飯團 $18Wow 🤩 飯團🍙飯粒飽滿，鰻魚肉肥美鮮甜帶子燒過後入口更香

外賣壽司號選擇 花款多多性價比高有時好攰 真係唔想煮嘢食呀😅簡簡單單叫過外賣又一餐 🤭見到呢間係轉個位好多選擇咁🤍附近就喺佐敦地鐵站 👍🏻買完之後可以即刻搭車走就買嚟試吓 都覺得唔錯叫咗個飯即刻煮都唔使等好耐冷熱食物兩個袋分開🤍（限定）蒲燒鰻魚 便當配小丸子 $68 鰻魚肥美 🤍帆立貝壽司（5件）$50厚切新鮮🤍火灸蟹柳 拼 三文魚壽司 $38刺身嘅新鮮 份量有足夠 啖啖食落口 好滿足🤍帶子裙邊 $30夠味 送酒一流

要數香港性價比高的日式外賣，日之苑一定係list入邊😉雖然新開的日料店有好多，但呢間始終成日買，從西環開始幫襯，原來佐敦都有！食材新鮮、製作高質、性價比高🤓芒果大蝦三文魚沙律，每次必点~🥗三文鱼粒非常足，而且选用的都是肥瘦相间油脂丰富的部位，每一口都带有魚的甘香和鲜味。🥭除此外还有芒果粒，食落清爽。生菜爽脆，加上微甜粟米，搭配豐富。香煎三文魚骨外層鮮脆，🐟而且魚肉鮮嫩，吃起來外層焦香，🔥魚邊都好滑，中意！

最近我發現了一間位於佐敦地鐵站附近的日式壽司外賣店,作為一個壽司控,搵到一間地點方便又物超所值的小店,真係好開心😆入面咩都有.勁多種類揀！就坐落在地鐵站出口旁,可謂交通十分便利。出站後只需轉個彎就能睇到鋪頭的招牌,實在是再適合不過了。價格方面,這間店的定價可謂相當親民,人均消費約100港元左右。雖然價格便宜,但絕對不會影響到食材的新鮮程度和口味,份量唔少,味道高質且新鮮👍🏻我買的每一款壽司都好新鮮👍🏻從三文魚腩壽司的油潤肥美,到蟹籽壽司的鮮甜豐富,無一例外都讓我大為滿意。小店除左有經典的壽司和刺身外,店內還提供多款現場製作,即叫即整的外賣便當,不過呢啲就要耐心等一陣☺️今次我無買熟食,下次再試～

當小編每次都揀唔到要買咩外賣嘅時候，就會諗起壽司，性價比高又飽肚日前去咗間壽司外賣店，有超多款壽司、刺身、沙律、前菜同便當當飯可以揀，甚至有急凍日式食品，例如天婦羅蝦、唐揚雞等等，而小編就買咗幾盒壽司刺身返去同屋企人一齊開餐，埋單都係二百蚊左右，抵食！小編仲邊煲劇邊食，幾梳乎😎😎∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 火炙三文魚壽司 $48半生熟三文魚都幾大塊，燒到本身嘅油脂香出晒嚟，入口即溶❥ 三文魚腩壽司 $48由於魚腩位油脂分布較多，魚香較濃郁，入口肥美嫩滑❥ 三文魚帶子刺身 $59三文魚超厚身，有兩個$10硬幣嘅厚度帶子一開二，都幾大粒兩款都新鮮爽口❥ 綜合天婦羅蝦卷 $40一盒有齊蟹籽同紫菜反卷，酸酸軟糯嘅壽司飯加上脆口天婦羅蝦，口感一脆一軟∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴

香港人工作忙碌，生活緊張，食飯時間緊迫，餐廳大排長龍，不想排隊浪費時間，我經會選擇食外賣店。主打西日式料理外賣的日の苑西日式外賣專門店日，分店越開越多，全港有5間分店，最近試了佐敦分店。外賣店有手卷、刺身飯、和食飯類和便當等，價錢大眾化，照燒雞扒便當配小丸子和炸餃子$68便當全部即叫即製， 熱辣辣，仲可以配兩款小食。下單後大約等幾分鐘。照燒雞扒幾鮮嫩多汁，掃上日式照燒汁，鮮甜美味，配以白飯非常飽肚。八爪魚丸個子渾圓飽滿，點上蛋黃醬、燒汁和木魚碎，非常滋味。餃子餡料以豬肉混合蔬菜絲，扎實多汁。吉列豬扒便當配南瓜薯餅和加州卷$68吉列粉漿厚薄適中夠酥脆，豬扒肉質纖細易嚼。脆卜卜的吉列薯餅外層不會過厚，內裡滿載軟綿粉糯的薯蓉。加州卷材料包括玉子、蟹籽、青瓜、蟹柳點上日式蛋黃醬，配搭清爽開胃。雜錦天婦羅飯$60天婦羅丼飯食材有秋葵、大蝦，南瓜，青椒。金黃酥脆的天婦羅蝦和蔬菜，經過炸至恰到好處的火候，保持了內部的鮮嫩和外層的酥脆。便當飯類仲附送一碗鮮甜海帶味噌湯。

話說今日落雨濕濕，所以唔想買餸返屋企煮飯。於是就嚟咗呢間位於佐敦嘅日式料理外賣店佢嘅餐牌有好多選擇，除咗香港人最鍾意嘅刺身檔之外，仲有熟食便當，啱晒同我一樣唔鍾意煮飯嘅人類😹。٩(˃̶͈̀௰˂̶͈́)و三文魚油甘魚刺身丼佢嘅三文魚同油甘魚刺身都非常厚切，而且味道都好新鮮，加埋佢嘅壽司飯都不過不失，整體上以一個外賣日式刺身丼嘅水準黎講都非常合格。極品和牛便當佢嘅和牛汁煮便當份量都唔少，而且店員仲俾咗好多飯俾我哋，所以比較大食嘅朋友都唔使擔心會唔夠食。而且佢呢個套餐仲可以加$20加配$5三文魚刺身，又或者加$6加配玉子燒。٩(˃̶͈̀௰˂̶͈́)و

佐敦附近做完野，去日の苑日式外賣店，買便當回家吃😍店鋪位置幾方便，地鐵站一出就到👍價錢都大眾化，選擇多。❤️🐖吉列豬扒便當$68炸得脆卜卜，豬扒厚身，啖啖肉😋🐓照燒雞扒便當$68雞扒配照燒汁好惹味，還配雞蛋及蔬菜，好豐富。🥢每個便當包2款小食，選擇了以下4款：南瓜薯餅芝士年糕小丸子炸餃子(3件)全部都系即叫即製，所以都要等一陣，期間都好多人來買飯，好受歡迎。❤️🐟烤焗三文魚扒飯 ($60)，三文魚幾肥美。每個餐都跟湯，加五蚊可以轉汽水🥤

行過見到飯團好似幾大個諗住試下，有三款，燒三文魚$16/蒲燒鰻魚$16/磯燒帶子$18，全部口味上面都冇標籤，本身係想試帶子，但最後食落先知買咗三文魚。飯團唔係一般嗰種白飯入邊包住餡，係三文魚碎同蟹籽撈入飯入面，鍾唔鍾意呢個style就見仁見智，我就比較鍾意華御結嗰種style。不過飯團都唔會雪太耐雪到太硬。紫菜摸上手好油。店舖都仲有其他壽司同丼飯賣，價錢睇落都合理。- - - - - - - - - -日の苑西日式外賣專門店 (佐敦)佐敦寶靈街41號地下C號舖

去到這家店嘅時候，我心諗：“今次又有咩好嘢食呢？”首先，三文魚便當真係令我驚喜，三文魚新鮮得嚟肉質爽滑，咬落去嘅感覺真係軟綿綿，簡直係滑入心坎裡。接住食嘅京蔥吞拿魚腩飯，呢個品質真係一流，魚肉嘅香味同麵豉湯真係搭得好，滋味豐富到不得了。再講下手卷，咁大件下仲係咁有水準，包到福壽螺噏壯！同時，和風牛肉便當嗰啲牛肉又腍又香，飯量同牛肉量都令人驚喜，真係食到心滿意足。最後嘅野菜燒雞扒飯，金黃誘人嘅雞扒外皮微焦微脆，雞肉之肉味，滲透到每一粒米，呢個match真係正！通常去到咁嘅店食飯，都期望到有啲唔錯嘅嘢，但係我今日食嘅野過咗我期望多啲，係好耐無試過咁物超所值嘅美食享受！👍 下次再去，我一定要再試下其他嘢，因為今次真係正到不得了！🎉🍣🥢

平時間中都有買開！！ 但今次服務態度太好 真係要寫一寫！！！團購左蠔set 399 km有蠔 虾 三文魚 劍魚 海膽 一向食開 質素都好穩定架好！！！蠔 勁大又有蠔味 洗得又乾淨 虾 勁鮮味！！！正劍魚 正常 三文魚 魚味濃！！正 海膽 都幾好 再買左個蚧子沙律 問個收銀姐姐拎多個沙律醬都比 好好 （好多店都唔比。。。） 食沙律個醬先係靈魂！！勁大碗 菜又新鮮！！！抵食！之後仲問味我拎得遠唔遠 見小小遠即刻拎包冰袋放係入面 再包多個膠袋 等我拎得順手d （e個收銀姐姐好細心希望老闆比d獎勵同鼓勵佢）

今次就試下日之丸外賣，嗌咗三文魚手捲，軟殼蟹手捲和加州手捲，返到屋企要自己將紫菜重新包回做手捲，因為紫菜係未開封，重新包回就會食到香脆手捲 正😃 淨係食三個手捲都夠飽 🤗

平價抵食外賣壽司🥕花之戀$68⭐️⭐️⭐️⭐️⭐️4件大大件，表面勁多魚籽，三文魚夠厚夠肥美夠新鮮，再加埋沙律醬真係一流！🥕三文魚腩壽司$48⭐️⭐️⭐️⭐️⭐️有5大件，全部都夠厚切夠肥美，油脂好香，飯都大件，好彩三文魚腩都夠大件。🥕火灸三文魚壽司$48⭐️⭐️⭐️⭐️⭐️燒得剛剛好，半熟半生，再配上沙律醬夠晒邪惡。🥕灸燒鰻魚壽司$45⭐️⭐️⭐️⭐️⭐️鰻魚夠長夠大件，冇乜骨，燒得幾香口，鰻魚汁十分足夠。🥕三文魚田園沙律$45⭐️⭐️⭐️☆☆好大一碗，沙律菜十分新鮮，仲有一隻蛋，蛋香味不錯，有幾粒三文魚係表，混合沙律汁一齊食美味又好似幾健康甘。======詳情======日の苑西日式外賣專門店佐敦寶靈街41號地下C號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #佐敦好去處 #佐敦美食 #RR佐敦 #RR日本菜 #日本菜 #壽司 #三文魚田園沙律 #沙律 #三文魚 #灸燒鰻魚壽司 #火灸三文魚壽司 #三文魚腩壽司 #花之戀 #鰻魚 #日の苑西日式外賣專門店