新記 (牛頭角道)

營業中

休息中

呢間茶餐廳開咗三四個月左右午飯時間都食過幾次選擇都好多，粥粉麵飯，樣樣齊食物味道中上，楊州炒飯乾炒牛河都炒得好有水準，夠火候又入味，豬扒炒公仔麵，夠乾身超好食，而且份量十足大大碟，抵食😋

今日天氣只有六度經過原來牛頭角都開咗來自元朗的新記，新記雞粥係經典中的經典！酥炸魷魚鬚🦑新鮮炸到金黃色的魷魚，香、脆、鮮！唔貴，而且入量多！豬潤腸粉豬潤清滑滑，腸粉滑滑！豉汁蒸倉魚🐟䱽魚大大條，而且是即叫即蒸，加上豉椒，辣椒，薑蔥，非常惹味！貴妃雞粥🐔新記繼續係用貴妃雞加乾瑤柱同藥材煮成，雞肉嫩滑，果然係招牌靚粥！老火靚湯青紅蘿蔔煲豬骨湯！味道淡口一點，但卻很足料，代表沒有味精呢！郊外油菜菜心加腐乳🤭正！性價比極高的小菜，茶餐廳！而且選擇非常多價錢有公道，真的是良心小店！不用入元朗都食到靚雞粥！真係好開心！🤭

呢排食到太多，天氣涷涷地想食清清地同熱辣辣既野食，決定去新記食生滾雞粥去。呢到除左生滾粥之外仲有好多選擇，有粉麵烏冬、燒味、小菜、港式小食、鐵板餐、馬來西亞咖喱、生滾煲仔粥、腸粉….. 貴妃雞粥煮得好綿滑，雞件肉質香嫩鮮甜，味道濃郁；艇仔粥粥底綿密，十分鮮甜；手打豬肉丸粥既豬肉丸好彈牙。紅燒元朗脆皮乳鴿做得好出色，即叫即做，燒到皮脆肉嫩，調味做得好好，肉質juicy好香口，必食之選。蘿蔔糕煎到外脆內軟，熱辣辣，口感軟綿香口；豉油王炒麵煮調味適中；叉燒粉腸足料，口感柔軟嫩滑。蒜茸炒菜心口感爽脆鮮甜，用黎送粥岩晒。七喜龍眼𣲙飲落好爽，龍眼肉好有口感。🔎新記 (牛頭角道) (牛頭角)📍牛頭角牛頭角道347-349號地舖

《出色貴妃雞粥🐣》———————————————-#新記 ❤️-呢間元朗老字號粥店融合咗招牌雞粥同港式冰室美食，而且性價比高，十分抵食💰-🐔 貴妃雞蠔仔粥粥底口感綿密，充滿米香，用沙鍋仔上檯，熱辣辣😝 貴妃雞雞肉認真嫩滑，雞味濃郁😆 我哋呢款仲加咗蠔仔，鮮味突出，而雞油同蠔香融入粥內，更加香口惹味，層次豐富❤️-🥳 香脆炸兩腸粉食粥又點可以唔食炸兩腸，炸得金黃酥脆，配上醬油、甜醬同花生醬一齊食超正☺️-🍳XO醬叉燒炒蛋叉燒都幾大嚿，而且仲係最鍾意嘅半肥瘦，炒蛋質地滑溜，加埋XO醬調味好惹味🤭-⭐價錢參考：貴妃雞蠔仔粥：$74香脆炸兩腸粉：$25XO醬叉燒炒蛋：$87蝦醬炒通菜：$51涼拌皮蛋：$38七喜龍眼冰：$13🍌 抵deal 指數：7/10

本身好鐘意食粥，諗住觀塘新開張一間粥店，滿心歡喜咁去試下，先外買最簡單既碎牛粥同炸兩，點知伏到一個點，從未食過一間d碎牛少到好似無咁跨張，離晒譜，個炸兩淋到唔知食咩，本身價錢唔平唔緊要，但都比d質素囉

聽聞呢間茶記d粥同埋夜晚嘅飯菜都好豐富就約咗朋友去食！入到去坐d伙計都好友善咁推介菜式畀我地，有好多熱門菜式，例如蘿蔔糕、脆皮炸乳鴿、椒鹽豬扒、海蜇手撕雞同埋雞粥！飯量大嘅友人同我就點咗人氣較高嘅餸例如海蜇手撕雞、紅燒元朗脆皮乳鴿、XO醬叉燒炒蛋飯、菠蘿咕嚕肉～想講個脆皮乳鴿好有surprise，啖啖都係Q彈嘅肉，juicy又好味，意外佢一d都唔油膩！xo醬叉燒飯就因為有個醬領到d飯更香，同埋易入口！！！最後個人喜愛就係菠蘿咕嚕肉，菠蘿同肉嘅比例啱啱好，好適合送飯食😍 下次希望可以食埋佢哋嘅茶記系列，應該都好正！圍埋數兩條友300有找

放工到新記食晚飯，位於牛頭角牛頭角道347-349號地舖。 店內環境光猛而整潔，餐廳款式種類多， 亦是一間老字號店舖，以雞粥最為聞名。晚餐🥢 ～ 貴妃雞粥$59、 紅燒元朗脆皮乳鴿$76、 豉油王炒麵$34、 香脆炸兩腸粉$25、 炸蘿蔔糕$37、 海蜇燻蹄$58、凍豆漿$9。 🔸貴妃雞粥 ～ 雞肉嫩滑好味， 粥底味道濃郁，充滿雞油香。 🔸紅燒元朗脆皮乳鴿 ～ 乳鴿即叫即做，皮脆肉嫩。 🔸豉油王炒麵 ～ 炒麵夠乾爽，越食越香口。 🔸香脆炸兩腸粉 ～ 外皮軟滑， 內裏酥脆香口， 配上甜醬吃，好正！ 🔸炸蘿蔔糕 ～ 蘿蔔糕炸至金黃色，不沾醬也十足惹味！ 🔸海蜇燻蹄 ～ 燻蹄非常入味，海蜇彈牙爽脆。 🔸凍豆漿 ～ 豆味香濃，又大杯。 新記的菜式多， 價錢合理， 推介貴妃雞粥。🏷️溫馨提示～ 整個用餐體驗均屬個人分享意見， 只作參考😊。    

餐廳員工服務態度差，對客人冇耐性落單叫外賣，收銀員呼呼喝喝，好似我地欠左佢咁，叫左餐之後問佢跟餐有咩可以配就大大聲叫我自己睇，如果Menu到有顯示我一早自己叫左，就係睇唔到先問，你叫返我自己睇，咁你班樓面同收銀有咩功能？連Menu都冇做好，叫人點叫餐？咁差嘅態度，就算嘢食再好味都唔會再幫襯仲要啲嘢食又唔係好味，咁點解要貼錢買難受？請都唔食，大家自己小心或者佢係元朗真係老字號，食物同服務都好，但黎觀塘，完全冇呢回事，差評

「新記」係一間好受歡迎嘅餐廳，我哋叫咗好多款招牌菜，每一款都好好食！酥炸魷魚鬚，魷魚鬚炸得香脆，外層酥脆內裡多汁，帶有淡淡嘅海鮮味，令人回味無窮。香脆炸兩腸粉，炸得金黃酥脆，配上醬汁，味道更加豐富。貴妃雞粥係我最愛嘅一道菜。粥煮得濃稠滑順，雞肉鮮嫩多汁，每一口都帶來滿滿的滿足感。魚蛋片頭河，魚片頭新鮮彈牙，河粉入口滑嫩，配上鮮美的湯汁，味道十分鮮美。栗米魚柳外脆內嫩，栗米的香甜味道令人驚喜。秘製雞中翼則是鮮嫩多汁，烹調得恰到好處，每一口都帶來滿滿的美味。凍豆漿帶有濃濃的豆香味又一開飯好地方👍🏻

喺這家攤檔呢，呢一味「貴妃雞粥」嗰啲雞肉嘅鮮嫩，滑溜溜嘅口感，湊埋呢香濃又綿滑嘅粥，真系得喎！粥靚到連雞味都幫手襯托埋出嚟，食落嘅時候，個人都覺輕鬆左。不過啊，果陣真系希望個雞味再哂少少。話說返嗰「香脆炸兩腸粉」，真系一絕！啲油條炸得啱啱好，唔會太乾身，啖啖肉咁，同嗰皮係真系出奇嘅合拍，咬落去就係「嘶嘶」聲，錫住肚嘅滿足感，一流！嗰XO醬「叉燒炒蛋」蛋香四溢，叉燒又嘟嘟好食，XO醬啊，帶嚟咗唔少層次同埋深厚嘅味道，有種港味嘅老火，實在太正喇！對於末尾嗰「養顏蛋白杏仁茶」，入口緊緊滑，甜甜嘅感覺幾舒服，但我實講，如果杏仁味再濃郁啲，就無得頂！總體嚟講，呢度嘅食物都係真心好食，下次再嚟，一定要留啲肚嚟試多啲佳餚！🍲🐓🌿

第一次見到「新記」鋪面，心諗呢間係「茶餐廳」。但當再仔細睇餐牌，發現唔係一般咁喎🤩有多樣化食物，粥粉麵飯樣樣有。呢次晚餐時間黎食，檯面嘅紙已經介紹咗佢地嘅招牌菜，好多都想食呀！唔講真係以為自己係酒樓添😆好！就食招牌菜啦雞粥，勁好味🤤雞滑，入味，粥底綿，粒粒米都開花架。炸魷魚鬚，鬆脆香口，唔會變魷魚乾。炸乳鴿，都幾大隻，皮香肉滑。蒜蓉菜心，夠火候，條條菜心都掛滿蒜蓉。甜品：薑汁紅棗糕，煙韌香甜，襯熱食最正。今晚有啲眼闊肚窄，好在有杯泰式青檸冰，清新晒！

🔸貴妃雞粥 配炸兩   $62 餐飲檸茶加$3雞粥裏面有好多雞件，主要都係雞髀同雞翼肉，十分嫩滑好有雞味，啲雞皮就肥咗啲，成個粥上面有一層黃黃哋嘅雞油色，但係都唔會好肥膩，係有雞味嘅粥，而啲粥就口感好綿好滑，咁正嘅雞粥，難怪新記會攞嚟做招牌，不過粥裏面或許可能有斬雞件時碎出來的雞骨，所以食粥嘅時候唔好咁心急，以免食埋啲雞骨傷到喉嚨。 炸兩啲腸粉皮拉得比較薄，好滑有米槳香味😚 味道：8/10性價比：7/10🔸金牌貴妃雞例牌   $75 因為食完個雞粥覺得啲雞太好味，所以特別叫多個 貴妃雞例牌， 有差不多半隻雞嘅份量，不過冇咗雞髀同雞翼（可能畀曬啲雞粥用） 主要就係雞胸肉， 所以如果想食 雞髀肉嘅朋友就一定要叫番上面嗰雞粥。呢個例牌雞就提供咗好多 薑蓉畀你蘸雞， 雞皮係薄脆嘅，唔會有好多雞油，食落啲雞胸肉就唔似其他啲雞胸肉咁柴， 仍然保持到水準做到新鮮嫩滑又美味。味道：6/10性價比：6/10🔸香脆多春魚   $55呢個小食炸多春魚有十條， 炸得香脆，一上枱就香味四溢，聞到都流口水，蘸起啲喼汁一齊食，脆卜卜好惹味，炸粉跟隻魚都無落鹽好淡口，多食都唔會口渴。味道：6/10性價比：7/10🔸炸

從朋友得知有間馳名老店：元朗新記 ，現時開分店啦，有間開在牛頭角位置！好近我工作的地區🤩餐廳有多款熱門主菜：魷魚鬚，蘿蔔糕，脆皮炸乳鴿，海蜇手撕雞，炸兩，雞粥…..🤤紅燒元朗脆皮乳鴿 脆皮乳鴿果然水準很高，炸得剛剛好，肉嫩多汁好惹味的！香脆炸大腸🐷 炸大腸好多塊外脆內軟的香噴噴！粥品腸粉 其中皇牌有雞粥，而我點了黃鱔粥同樣不錯，新鮮熱騰騰出爐再配個蝦肉腸粉，滋味！新記 牛頭角牛頭角道347-349號地舖 ，

行去牛頭角道條街搵食，遠遠地就見到新記嘅招牌夠哂燈火通明，就決定同屋企人試下招牌貴妃雞粥 $59雞嘅份量帶相咁多，食落都唔hi，粥煮得夠綿不過偏淡紅燒脆皮乳鴿 $76脆皮是真的，調味空口食都岩岩好，不過肉質就冇咁juicy 豉油王乳鴿 $76個人鐘意食呢個多過招牌，個肉嫩滑啲❤️菠蘿咕嚕肉 $61酸甜度較得好，仲炸得脆口，真心真啲驚喜❤️蒜蓉炒菜心 $51有鑊氣，菜都新鮮總結：佢話招牌個幾樣我覺得正常水準啦，小炒就真係幾有鑊氣，價錢都合理；如果係附近都值得一試地址：牛頭角牛頭角道347-349號地舖評分（5⭐️為最高）：環境：⭐️⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

今日叫咗艇仔粥同埋皮蛋瘦肉粥外賣，都幾好食，算重料了，見到其他食評話雞粥好食，下次再試試，另外仲叫咗叉燒腸同埋炒麵，炒麵就乾爭爭咗啲，叉燒腸又係好多叉燒喺入面，正👍