新記 (已結業)

其實我未正式在食店坐低食過芝士撈公仔麵的。跟食友專兄說起，原來在外國人或內地人眼中，連芝士撈公仔麵都變了「香港菜」。是日去188掃game，行過這裡，見其將「芝士撈公仔麵」也擺了上招牌，就抱著好奇的心態來一試。午市這裡也人頭湧湧，不過一個人也較容易「涉位」的，很快便可以坐下了。芝士一埋溶掉在面，吃一口，是卡夫芝士，幾香口，也算推得不算杰身，也不錯。不過加上即食麵，吃多幾口難免又濃又膩，年紀大了，吃不消，成個下午也怪難受的。不過是非戰之罪，芝士撈丁就是這樣濃膩，所以就算不對口味，但平情而論，味道是不錯的~~如果頂得住的話。要了煎蛋雞翼作配料，煎蛋是溏心的，抵讚。不過加上芝士及即食麵，就變成更膩了。雞翼其實是雞中翼切件的雞球，煎得香口。不過個人而言，喜歡吃原隻雞中翼多一點。坐在路口的長長窄檯的一邊，左閃右避的，也要食得幾有技巧。連凍飲一杯，埋單32蚊，喜歡芝士撈公仔麵的可以一試。

3月21日, 因為之前經過見到介紹芝士撈丁好吸引, 所以今日特登由銅鑼灣行到黎灣仔~ 都係為咗試佢~::: 豬頸肉芝士撈丁::: $36 (+$2凍檸茶)芝士完完全全覆蓋咗個麵同豬頸肉, 多得驚人~ 味道好濃, 不過食得出應該係用卡夫芝士, 咁既量都用咗唔少塊芝士~ 亦都食到有極少既燶味, 唔知係咪d芝士熱得耐過頭. 豬頸肉好香, 似係燒既, 味道又唔會俾芝士蓋過, 唔怪之得咁值錢啦~ 全個撈丁雖然唔多, 不過飽滯指數高, 1個人食都夠~::: 西多士::: $18 (+$2 凍華田)d人都幾好, 會問下要煉奶定糖漿~ 要咗煉奶, 整體唔錯, 冇讚冇彈~ 係舊牛油大咗d, 如果唔想過肥建議落單先講明少d牛油(不過西多士不嬲都已經好肥~)撈丁其實都幾貴, 勝在有特色, 而間野其實好細間, 唔賣咁貴又怕做唔長. 員工2個, 1個廚房1個樓面, 希望佢地咁低成本可以維持到我下次再黎食撈丁啦~

依間店出哂名食芝士撈一丁的, 之前食過一次就真係幾好味wor, 但今日唔要食咁油膩, 所以就試下佢個蕃茄豬頸肉雞蛋撈一丁la, 同樣美味呢~~~我覺得佢個蕃汁係鮮蕃製的, 因為冇茄膏那過濃同酸的味道, 是傾向比較甜的, 同媽咪係屋企煮的一樣, 而且有粒粒的茄肉, 唔錯ar~~~! 同埋用茄汁撈一丁真係ok wor, 個味道幾夾ar~~~ 加上成日都唔會食公仔麵, 難得出街食下真係幾回味的.不過豬頸肉冇尖沙咀o個間咁大片, 係一條條咁樣, 冇咁好咬口lor, 但係豬頸肉點都唔會唔好食ge, haha~~~~反而個太陽蛋抵讚wor, 個蛋黃係糖心的, 傑傑的蛋漿, 好味道.不過要成$30好似就太貴la~~~

08-12-07 Sat Tea星期六係灣仔, 去298 之前諗住醫一醫肚同個frd 唔想食碟頭飯咁飽於是揀左呢間, 朋友話食過ok炭燒豬頸肉餐$30炭燒豬頸肉(配以下任何一款)火腸/ 紅腸/ 蟹肉/ 煙肉/炸茶肉絲/ 五香肉丁/ 煎蛋回鍋肉/ 腸仔/ 司華力腸配: 麵/ 公仔麵/ 螺絲粉/ 米粉送咖啡或茶(凍飲加$2)最後揀配司華力腸豬頸肉唔夠腍食落去係un un 地同埋唔夠入味友人點了芝士撈丁我也跟之前的食家評語一樣覺得呢個幾夠創意但料就差左少少

此店就在Rose Home旁.告別玫瑰後,心在沉思著.愛人:"在想什麼?"冬波:"沒什麼"愛人:"不飽,是嗎?"冬波:"差不多"愛人:"入去吧,一碗倆份"這就是我對她死心塌地的原因.豬扒和豬頸肉,她選較少肥肉的前者. 午餐肉和紅腸,她擇較少肥肉的後者. 有前有後,愛人永遠以健康健美為先.不到三分鐘,豬扒紅腸芝士撈丁送上. 奶黃芝熔覆蓋所有食材,奶香誘惑滲進身體每處. 豬扒紅腸即炸夠脆口,丁麵軟硬適中有口感.奶茶淪為配角,呆看愛人冬波打情罵悄著...冬波:"很滿足"愛人:"我請"這就是我對她死心塌地的原因.